เพรโด่แนพู๊ เต๊เห่ 16:16 - ลีเทส่อพ๊าอาเซ เร๊อ เห่ขุทวาลู๊

¹⁶ เตอเนอเค เบ๊อะเป จว๊า เด๊อ เตกุยจ๊อเบ อาเหล่โอ่ โต๊โผ่ เบ๊อะเนอ, เป แม๊เถอะ ตาฉื่อ เน๊อ หลู่เล๊โหมะ พู๊ เตเพร. เร๊อ หลู่เล๊โหมะพู๊ เออเตเพรเนอ, โลเน๊โลหน่า โอ่ เด๊อ ลูเหน่ เร๊อ อา นอเฮ๊ ลู เน๊อ, ม๊อเนอม๊อเซ เด๊อ อา เก่ แฮทวาแถ่ เด๊อ เง ปา เนอเต๊เห่ อาหรี่อาแก. เด๊อ อา แด๊โฉ่ เป่ อู ฮู๊เนอ อาขว่าอาคยา, อาเมแจ่ เต๊เห่ พย๊าหนิ เอ๊แหน่เจ๊อ รือ เร๊อ อาขุคยา เจ๊อ.

Eastern Kayah Shadaw Dialect

¹⁶ ꤒꤣ꤬ꤔꤣꤧ꤭ꤋꤢꤩ꤭ ꤙꤣꤧ ꤕꤢꤩ꤬ ꤡꤝꤢ ꤘꤣ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤢ꤬ꤜ꤫ꤢꤩ꤬ꤥ꤬ ꤒꤣ꤬ꤖꤥ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤔꤢꤧ ꤡ꤫ꤢꤦ꤬ꤖꤚꤢꤩ꤬ꤗꤢꤪ꤬ ꤖꤢꤨꤡ꤫ꤢꤩ꤬ꤟꤢꤨ ꤒꤣ꤬ꤖꤚꤢꤩ꤬, ꤡ꤫ꤢꤦ꤬ꤖꤚꤢꤩ꤬ꤗꤢꤪ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤜꤥ꤭ꤔꤢꤩꤜꤥ꤭ꤔꤢ꤬ ꤥ꤬ ꤘꤣ ꤜꤢꤨ꤭ꤊꤢꤨ꤭ ꤚꤣꤧ꤬ ꤢ꤬ ꤔꤢꤪ꤭ꤟꤢꤩ ꤜꤢꤨ꤭ ꤔꤢꤧ, ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤘꤣ ꤢ꤬ ꤊ꤫ꤢꤦ꤬ ꤟꤢꤧ꤭ꤓꤝꤢ꤭ꤓꤢꤧ꤬ ꤘꤣ ꤑꤢꤩ꤭ ꤕꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤘꤣ ꤢ꤬ ꤟꤢꤩꤏꤥ꤬ ꤕ꤫ꤢꤩ꤬ ꤢꤨ꤭ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ꤙꤢꤧ꤬ꤡꤢꤩ꤬ ꤒꤣꤧ꤬ꤟꤢꤩ꤬ ꤔ꤫ꤤ꤬ꤙꤢꤩ꤬ ꤢꤩꤔꤢꤧ꤬ꤡꤣꤧ ꤚꤢꤦ꤭ ꤔꤢꤧ ꤢ꤬ꤋꤝꤢ꤬ꤋꤛꤢ꤭ ꤡꤣꤧ꤯

เพรโด่แนพู๊ เต๊เห่ 16:16 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 5:20

อา จ๊อเบ แลแค เพรแหย่โยแหย่กี, อา เม แลแค โลเน๊มู๊แหม่รีแจ่ เตเม เต๊เห่, อา ซิเถ่ซิฮา เกอเร๊อ ลู, อา เคร๊แขะ คยาลู, ซิเคว๊ คยาลู, ซิปล่อดุครือ ลู, ซิหยื่อ มุย โลเทอโลเก่, ซิปล่อ โนกู ลู โต่, ซิโตโคแก ครี๊พู๊ ตู๊หมู่ตอกล๊อ เด๊อ อาโร เต๊เห่.

ทิโมธี อาเหร่อเล๊อ ต๊าบ่า 6:10

เมเตเฮ๊เรอ เตซิหยื่อซิลอ รือ เนอหม่า เตมู๊แหม่รีแจ่ ล๋อ ปลี อาหรุ่ยอาถว่า เฮ๊อ. แกแย เต๊เห่เห่ เนอ, อา ซิปล่อฉว่า ซิหยื่อ ตาลว๊าซิลือ รือ ขว่าคยา, เหย่ซี จว๊า ตาพาแก เร๊อ เตหยื่อเตแหน่ เร๊อ เตซิเปล โอ่เอ๊ เออ เมจู่เมแท ล๊อ เหย่ซี ซิปล่อเฮ๊อ.

ทิโมธี เนอบ่า ต๊าบ่า 3:8

อา เม แซ่ฮู๊ คูยันเนส เร๊อ คูยัมเบรส์ เม โตโมเต๊เก่ฉื่อ คูโมเสส เนอ เฮ๊อ. แกแย เนอเต๊เห่หม่า อา เท๊ฉื่อ เตหมะเตจ๊อ. เหย่ซีหม่า แกแย เด๊อ อา เตเน มู๊แหม่รีแจ่ เต เต๊เห่, เร๊อ อา เตหยื่อเตแหน่ ปย๊าแก ดื่อเง เนอเต๊เห่ แพ๊.

เพรโด่แนพู๊ เต๊เห่ 16:18

อา เฮ๊ ฮู๊เนอ ม๊อเนอม๊อเซ งยาเฮ๊อ เร๊อ อา เมซู๊ซ๊าดี๊แด แหน่เจ๊อ คูเปาโล อาซิปล่อ เร๊อ อา ตีรี๊ กาคยาโต ลู เร๊อ อา เฮ๊ โลเน๊โลหน่าเออ เน๊อ, “เด๊อ เหย่ซู่ครี๊ อามุย อากูเนอ, แว นอเถ่จว๊าแก เน เด๊อ เพรเหมาะ เออเตเพร อากู,” อา เฮ๊โท โตโพ๊โต โลเน๊โลหน่า เออโตโด เถ่จว๊าแก เด๊อ ลูเหน่.

เพรโด่แนพู๊ เต๊เห่ 16:13

เบ๊อะแกแยยิวพู๊ ม๊อเนอโด่ เบ่เฮ๊อ เบ๊อะเนอ, เป เถ่จว๊า เด๊อ วีกลอ เร๊อ เป จว๊า แฮเง เด๊อ เทอแลทือ. เบ๊อะเนอหม่า แกแยยิวพู๊ เต๊เห่ เหล่กุยจ๊อเบ อาเหล่โอ่ โอ่เกอเหล่ เป เหน่ เร๊อ เป จว๋า, เร๊อ เพรเหมาะ เต๊เห่ แฮโอ่ปล๊อ หนื่ออื่อ เหร่อ แลแค เบ๊อะเนอ เร๊อ เป โอ่แนเฮ๊เบ่ เน๊อ เหย่ซี.

เปโตร เนอบ่า ต๊าบ่า 2:3

ซ๊าร๊า กลว่าแลโฮ อาเหน่ เออเต๊เห่เนอ, เด๊อ อา เตแม๊ปู กู๊หว่ากู๊เว เอ่หนิเร๊อดื่อ อาเง เร๊อ อา แด๊ แลโฮแจ่ เป่ ซี เตโด่แน เด๊อ อู แด๊แจ่ เนอเต๊เห่ อาขว่าอาคยา, เร๊อ อา แม๊ปู เมเอ่เฉ่เด๊อะ ซีขุ ปา. เพร เด๊อ อา เก่ เมจากาคยา เหย่ซี เนอ อา โอ่ตี๊หรี่แตแร หนื่ออื่อ อาเหน่ อางยา ลาเฮ๊อ, โทเรอ เด๊อ อา เก่ เมปย๊าแก เหย่ซี อาเงเนอ อา โอ่มอ ตาปา น๊อโต่.

เพรโด่แนพู๊ เต๊เห่ 19:24

เพรดารือ เด๊อ อามุย เร๊อ คูเดเมตริอัส เฮ๊ เออเตเพรเนอ, อาดาเถ่ แบ่เจ่ โหมะ อาเทมิส เตหลู่แตหี่ฮู๊ เด๊อ อา ดา เร๊อ รือ เต๊เห่ เร๊อ เพรเมเตพู๊ เต๊เห่ หนิบุ๊ยหนิเตอเรอ เกอ แหน่เจ๊อ เน๊อ เตเอ่เตแร เออ อาขว่าอาคยา เจ๊อ.

เพรโด่แนพู๊ เต๊เห่ 16:19

เบ๊อะเป๊เจ่เพรเหมาะ เออเตเพร อาแบ่เจ่ ซิเงเฮ๊อ เร๊อ อา เหล่หนิเร๊อรือ แกล๊ โอ่ ปาโต่ เบ๊อะเนอ, เหย่ซี ปื่อ คูเปาโล เร๊อ คูสิลาส เร๊อ จุ่ยจว๊า เหย่ซี เด๊อ กู่กล๊อดุ กู๊ฉู่ทู เต๊เห่ อาเหล่โอ่ เด๊อ เกล๊กู เนอ.