เพรโด่แนพู๊ เต๊เห่ 16:13 - ลีเทส่อพ๊าอาเซ เร๊อ เห่ขุทวาลู๊

¹³ เบ๊อะแกแยยิวพู๊ ม๊อเนอโด่ เบ่เฮ๊อ เบ๊อะเนอ, เป เถ่จว๊า เด๊อ วีกลอ เร๊อ เป จว๊า แฮเง เด๊อ เทอแลทือ. เบ๊อะเนอหม่า แกแยยิวพู๊ เต๊เห่ เหล่กุยจ๊อเบ อาเหล่โอ่ โอ่เกอเหล่ เป เหน่ เร๊อ เป จว๋า, เร๊อ เพรเหมาะ เต๊เห่ แฮโอ่ปล๊อ หนื่ออื่อ เหร่อ แลแค เบ๊อะเนอ เร๊อ เป โอ่แนเฮ๊เบ่ เน๊อ เหย่ซี.

Eastern Kayah Shadaw Dialect

¹³ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤙꤢꤩ꤬ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤓꤢꤩ꤬ꤡꤝꤢ ꤘꤣ ꤠꤤ꤭ꤊꤜꤢꤪ꤭ ꤚꤣꤧ꤬ ꤕꤢꤩ꤬ ꤡꤝꤢ ꤘꤤ꤭ꤒ꤫ꤢꤦ꤬ ꤘꤣ ꤓꤣꤧ꤭ꤊꤜꤥ꤭ꤓꤢꤦ꤭꤯ ꤙꤣꤧꤔꤣꤧ꤬ꤗꤢ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤜ꤫ꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤢ꤬ꤜ꤫ꤢꤩ꤬ꤥ꤬ ꤥ꤬ꤊꤣꤧ꤭ꤔꤢꤧꤊ꤫ꤢꤩ꤬ ꤕꤢꤩ꤬ ꤔꤢꤩ꤬ ꤚꤣꤧ꤬ ꤕꤢꤩ꤬ ꤡꤝꤢ꤮, ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤒꤣꤧ꤬ꤟꤢꤩ꤬ ꤟꤢꤧ꤭ꤥ꤬ꤕꤜꤢꤪ ꤥ꤬ꤔꤢꤩ꤬ ꤚ꤫ꤣꤧ꤬ ꤜꤢ꤭ꤋꤢꤧ꤭ ꤙꤣꤧꤔꤣꤧ꤬ ꤚꤣꤧ꤬ ꤕꤢꤩ꤬ ꤥ꤬ꤔꤢꤧ꤭ꤟꤢꤩꤙꤢꤩ꤬ ꤔꤢꤧ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 16:13 ပူးပေါင်းရင်းမြစ်များ

เพรโด่แนพู๊ เต๊เห่ 13:14

เหย่ซี โอ่เด๊อ วีเปอร์กา เร๊อ เถ่จว๊า แลแค เด๊อ วีอันทิโอก โอ่ เด๊อ ปิสิเดีย เก่กูเนอ ตีวี. เร๊อ เบ๊อะแกแยยิวพู๊ ม๊อเนอโด่ เบ่ เบ๊อะเนอ, เหย่ซี จว๊าโน โอ่แนโอ่ เด๊อ เตจ๊อเบโฮกู.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

เพรโด่แนพู๊ เต๊เห่ 21:5

หม่าแน๊เรอ โซซว๊าเตอเนอ โทเร๊อ เป เถ่จว๊า คยาแซ๊ แกล๊. ล๋อ เพร หยื่อเอ่ เบ๊อะเนอ เต๊เห่ เร๊อ อาพู๊อาเม เต๊เห่ ซูเถ่ เป เด๊อ วีกลอ เร๊อ ซูจว๊าเต่อ เป เด๊อ เทอดุซาวาทือ. เร๊อ เหย่ซี แด๊งือแล ลอปลี เบ๊อะเนอ ปว๋า เตเพร เร๊อ กุยจ๊อเบ แลแค เต.

เพรโด่แนพู๊ เต๊เห่ 20:7

เบ๊อะม๊อก่อต่อ เหมาะเฮ๊ อาเบ๊อะเนอ, เป โอ่ปล๊อโอ่เต่อ คยาแซ๊ลู เด๊อ เก่ บิกยา ค๊อมู อาเง. ป่าโรปา เนอ คูเปาโล เตเร เถ่จว๊าเฮ๊อ อาขว่าอาคยา, อา เฮ๊เบ่ โต่ เจ๊อ แกแย เบ๊หมู่ เออเต๊เห่เนอ เด๊อ เหมาะเนเค เจ๊อ.

เพรโด่แนพู๊ เต๊เห่ 18:4

แกแยยิวพู๊ ม๊อเนอโด่ ปว๋า โผ่โผ๋ เนอ, คูเปาโล โด่แน เคร๊แขะ อู เบ๊อะเตจ๊อเบโฮ อากูเนอ. แซ่ฮู๊ แกแยยิวพู๊ เร๊อ กรีกพู๊ เนอหมู่ลอ เก่ หยื่อเอ่แหน่ เกอ เหย่ซู่ อาเงเนอ, คูเปาโล แอ๊จื๊อ เฮ๊เบ่ จุ่ยหนิท๊อหนิ เหย่ซี ซิปล่อ.

เพรโด่แนพู๊ เต๊เห่ 17:2

ฮู๊ คูเปาโล เหล่โกล เม เกอ เร๊อ เนอ, อา จว๊าโน เด๊อ เตจ๊อเบโฮกู แกแยยิวพู๊ อา ม๊อเนอโด่ โซโพ๊ ลอเนอ อา จว๊า เฮ๊เบ่โด่แน เคร๊แขระ เร๊อ แกแย เบ๊หมู่ เบ๊อะเนอ เต๊เห่ เร๊อ อา แด๊โฉ่โล เป่ อู เร๊อ ลีเทส่อพ๊า อาหรี่อาแก.

เพรโด่แนพู๊ เต๊เห่ 16:6

เบ๊อะเอเชียเก่กู เนอ, แหย่โยบูโพ๊แบ่เจ่ นอจว๊า แด๊โฉ่โด่แน เหย่ซี เร๊อ จอแปแหร่ อาลาอาโหง่ โต่ อาขว่าอาคยา, เหย่ซี จว๊าโค๊ เร๊อ จว๊าล๊อปลู๊เบ๊แก เร๊อ ฟรีเจียเก่ เน๊อ กาลาเทียเก่.

เพรโด่แนพู๊ เต๊เห่ 13:42

เบ๊อะคูเปาโล เร๊อ คูบารนาบัส เถ่จว๊าแก เด๊อ เตจ๊อเบโฮกู เบ๊อะเนอ, แกแย เบ๊หมู่ เต๊เห่ นอแฮโป่ เหย่ซี ช๋า แกแยยิวพู๊ อา ม๊อเนอโด่ เบ่ คยาแซ๊ เด๊อคยา โซซว๊าเตอเนอ ปา. เร๊อ อา นอแด๊โฉ่โด่แน โอ่เอ๊แถ่ โป่ เหย่ซี เร๊อ เตหรี่เตแก ซีเต๊เห่.

ꤛꤥ꤭ꤟꤢ꤬ 8:2

อาเนอโตโร เหมาะลีโรมื่อ เบ๊อะเนอ, แบ่เจ่ เหย่ซู่ กาคยา คยาแซ๊ เด๊อ เตหลู่แต โฮกู. แกแย ปว๋า เตเพร แฮ โอ่ตาวา ลอปลี ลู. โทเรอ อา โอ่แนตา เร๊อ อา อิซว๊าอี๊แส่ เหย่ซี.

ꤜꤢꤨꤊꤢ꤬ 13:10

เบ๊อะแกแยยิวพู๊ ม๊อเนอโด่ เบ่ เตอเนอเคเนอ, เหย่ซู่ อิซว๊าอี๊แส่ตา อู เด๊อ เตจ๊อเบโฮ เตเม อากู.

ꤗꤢ꤬ꤊꤢꤨ 16:15

เร๊อ อา เฮ๊ เหย่ซี เน๊อ, “จว๊าปีชีลอ เด๊อเห่ขุต๊าบ่าลอ เร๊อ จว๊าเล แด๊โฉ่โด่แน เป่ ลอ อู ปว๋า เตเพร เร๊อ เตซิครือซิลอมีลา เออเนอ นี๋.

มัทธิว 13:2

แกแย แฮโอ่ ตาวาปลูตาวาเผ่ ลอ ลู เร๊อ อา จว๊าโน โอ่แนโอ่ เด๊อ ส่อเกลอกู. แกแย เบ๊หมู่ เต๊เห่ ลาติ เร๊อ อา ก๊อถ่อโอ่ ลอปลี เด๊อ เทอดุซาวาทือ.

เพรโด่แนพู๊ เต๊เห่ 9:20

เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

เพรโด่แนพู๊ เต๊เห่ 16:16

เตอเนอเค เบ๊อะเป จว๊า เด๊อ เตกุยจ๊อเบ อาเหล่โอ่ โต๊โผ่ เบ๊อะเนอ, เป แม๊เถอะ ตาฉื่อ เน๊อ หลู่เล๊โหมะ พู๊ เตเพร. เร๊อ หลู่เล๊โหมะพู๊ เออเตเพรเนอ, โลเน๊โลหน่า โอ่ เด๊อ ลูเหน่ เร๊อ อา นอเฮ๊ ลู เน๊อ, ม๊อเนอม๊อเซ เด๊อ อา เก่ แฮทวาแถ่ เด๊อ เง ปา เนอเต๊เห่ อาหรี่อาแก. เด๊อ อา แด๊โฉ่ เป่ อู ฮู๊เนอ อาขว่าอาคยา, อาเมแจ่ เต๊เห่ พย๊าหนิ เอ๊แหน่เจ๊อ รือ เร๊อ อาขุคยา เจ๊อ.