เพรโด่แนพู๊ เต๊เห่ 15:39 - ลีเทส่อพ๊าอาเซ เร๊อ เห่ขุทวาลู๊

³⁹ คูเปาโล เร๊อ คูบารนาบัส เคร๊แขะ แคลู เน๊อ คูมาระโก คยา เออเนอหมา โก๊โน๋ โต่ อาขว่าอาคยา, เหย่ซี จว๊าโค๊จว๊าเปแก ลู. คูบารนาบัส เอ๊หนิ คูมาระโก เร๊อ เหย่ซี จว๊าแด๊หนิ ส่อเกลอดุ เร๊อ เถ่จว๊า แลแค เด๊อ ไซปรัสกลื๊อ.

Eastern Kayah Shadaw Dialect

³⁹ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤋꤚꤢꤩꤋꤚ꤫ꤢꤧ꤬ ꤋꤛꤢ꤭ꤜꤢꤨ꤭ ꤔꤢꤧ ꤋꤢꤨ꤭ꤗꤢ꤬ꤊꤢꤨ ꤋꤛꤢ꤭ ꤣꤧ꤭ꤔꤣꤧ꤬ꤗꤢ꤬ ꤊꤣꤧ꤬ꤔꤥ꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤡꤝꤢꤋꤥꤡꤝꤢꤕꤢꤩ꤭ꤊꤢꤧ꤭ ꤜꤢꤨ꤭꤯ ꤋꤢꤨ꤭ꤙꤢ꤬ꤔꤢ꤬ꤙꤢ ꤢꤩꤔ꤫ꤤ꤬ ꤋꤢꤨ꤭ꤗꤢ꤬ꤊꤢꤨ ꤚꤣꤧ꤬ ꤛꤢꤩ꤬ꤞꤤ꤭ ꤡꤝꤢꤘꤢꤧꤔ꤫ꤤ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤚꤣꤧ꤬ ꤓꤢꤩ꤬ꤡꤝꤢ ꤜꤢ꤭ꤋꤢꤧ꤭ ꤘꤣ ꤊꤢꤨꤕꤚꤢꤨꤊꤜꤢꤦ꤯

เพรโด่แนพู๊ เต๊เห่ 15:39 ပူးပေါင်းရင်းမြစ်များ

โคโลสี 4:10

คูอาริสทารคัส เด๊อ อู ด๊อตา เต่อเกอ อา เร๊อ แว เออเตเพร ซูแฮ เป่เกอ ซี อาเตเฮ๊โมเฮ๊แร๊, โทเรอ คูบารนาบัส โต๊โป่บู คูมาระโก ซูแฮ เป่เกอ ซี อาเตเฮ๊โมเฮ๊แร๊ เด๊อ ซี โอ่โอ๋. (ซี พย๊าหนิ โทเฮ๊อ ลี เด๊อ อู ราโล เป่ ซี เน๊อ คูมาระโก อาหรี่อาแก เออเนอเฮ๊อ. อา เก่ แฮโตเกอ เด๊อ ซี โอ่ ปา เร๊อ เอ๊โมฉื่อแร๊ ลู นี๋.)

ꤡꤛꤢꤩ꤭ꤗꤢ꤬ꤎꤣ꤬ 3:2

เป เมซื๊อ กาคยาแฮเง ลอปลี เต ปว๋า เตเพร เฮ๊อ. หม่าแน๊เรอ แกแย เด๊อ อา เฮ๊เบ่ซื๊อน๊อ เกออู โตโพ๋ โต่ เตเพรเนอ, อา หม่า เฮ๊อ แกแย เด๊อ อาเล๊ออาบา เตเพร เน๊อ อารออาเรเบ๊ เกอเร๊อ ลอเฮ๊อ อา เหน่เชเพร เฮ๊อ.

เพรโด่แนพู๊ เต๊เห่ 4:36

ฮู๊เนอ อาขว่าอาคยา แกแย มุย เร๊อ คูโยเซฟ โอ่ เตเพร, อา หม่า เลวีพู๊ เตเพร เร๊อ อา โอ่ เป๊เจ่แล เด๊อ ไซปรัสกลื๊อขุ, เร๊อ เพรโด่แนพู๊ เต๊เห่ เออเต๊เห่ เอ๊ ลูมูย เร๊อ คูบารนาบัส, (อาโหง่แลช๊า หม่า แกแย เด๊อ อา เด๊อะอ๊าเด๊อะเหร่ อู.)

เพรโด่แนพู๊ เต๊เห่ 11:20

หม่าแน๊เรอ ไซปรัสกลื๊อขุ แกแยไซริน เร๊อ วีอันทิโอก เด๊อ อา หยื่อเอ่แหน่หยื่อรี อาเกล เต๊เห่เห่เนอ, อา จว๊าโต่ เด๊อ วีอันทิโอก เร๊อ อา แด๊โฉ่โด่แน เป่ เมวเจอะโร กรีกพู๊ เต๊เห่ เร๊อ เหย่ซู่ครี๊ อา เตซิครือซิลอมีลา อาหรี่อาแก.

เพรโด่แนพู๊ เต๊เห่ 6:1

เบ๊อะเนอ เค, เพรหยื่อเอ่ เต๊เห่ โอ่โหร่แถ่ เร๊อ โอ่โหร่แถ่ เร๊อ แกแยยิวพู๊ เด๊อ อา เฮ๊เบ่ กรีกโหง่ เต๊เห่ เร๊อ แกแยยิวพู๊ เด๊อ อา เฮ๊เบ่ หนิเร๊อดื่อ อาโหง่ เต๊เห่ เคร๊แขระคยาลู. แกแยยิวพู๊ เด๊อ อา เฮ๊เบ่ กรีกโหง่ เต๊เห่ เฮ๊ เร๊อ แกแย เด๊อ อา เบเอ่เบโอ เหล่เอ่เหล่โอ เตอเนอ เร๊อ เตอเนอ เต๊เห่เนอ อา แม๊ตาโผ่ เบ๊ขุแก เหย่ซี เพรเหมาะโอ่แคร๊ เต๊เห่, อา เฮ๊ แลแค ฮู๊เนอ.

เพรโด่แนพู๊ เต๊เห่ 27:4

เป โอ่เบ๊อะเนอ เถ่จว๊า เร๊อ เก่แลเซ๊ เทอฮ๊าโฮ๊ชอ เป อาขว่าอาคยา, เป จว๊า ตาดวาบี๊แก เน๊อ ไซปรัสกลื๊อ เด๊อ แบ๊โท ตากยา.

เพรโด่แนพู๊ เต๊เห่ 15:2

คูเปาโล เร๊อ คูบารนาบัส เคร๊แขะ ชอฉื่อ แหน่เจ๊อ แกแย เออเต๊เห่ เน๊อ เตหรี่เตแก เออเต๊อเจ่อ. ฮู๊เนอเรอ เด๊อ เตหรี่เตแก เออ อาขว่าอาคยา, อู นว๊าแถ่ คูเปาโล เร๊อ คูบารนาบัส เร๊อ แกแย โอ่ เด๊อ วีอันทิโอก อากู เต๊เห่, เร๊อ เหย่ซี โตเบ่ จว๊า แม๊เถอะฉื่อ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ อา ทวาดุทวาเต เด๊อ วีเยรูซาเล็ม อากู เนอเต๊เห่.

เพรโด่แนพู๊ เต๊เห่ 12:12

เบ๊อะอา ซิเงแฮเฮ๊อ เนอ เตเมทวาแถ่ อาเหน่เออ หม่า อา หม่าแหน่ เจ๊อ เฮ๊อ เบ๊อะเนอ, อา จว๊า เด๊อ คูยอห์น เด๊อ อู เอ๊โป๊ อามุย เนอ คูมาระโก เออเตเพร อาโหมะ มารีย์ อาหี่, เร๊อ เบ๊อะเนอเคเนอ, อา โตตื๊อ เร๊อ อู จว๊า โอ่ปล๊อโอ่ปลู กุยจ๊อเบ โหร่ลอ ลู เบ๊อะเนอ.

เพรโด่แนพู๊ เต๊เห่ 15:37

คูบารนาบัส ซิหยื่อ เอ๊จว๊าหนิ เกอ คูยอห์น เด๊อ อู เอ๊ ลู เน๊อ คูมาระโก เฮ๊ เออเนอ เตเพร.

เปโตร อาเหร่อเล๊อ ต๊าบ่า 5:13

แวพู๊คู คูมาระโก เร๊อ ซี โป่แหว่ เพรหยื่อเอ่เต ตู๊หมู่ตอกล๊อ เด๊อ วีบาบิโลน อากู เด๊อ จอแปแหร่ นว๊าแถ่ เกอ อา แซ่เน๊อ ซี เออเนอเต๊เห่, ซู จว๊าเป่ เกอ ซี เตเฮ๊โมเฮ๊แร๊ เต๊เห่.