เพรโด่แนพู๊ เต๊เห่ 15:37 - ลีเทส่อพ๊าอาเซ เร๊อ เห่ขุทวาลู๊

³⁷ คูบารนาบัส ซิหยื่อ เอ๊จว๊าหนิ เกอ คูยอห์น เด๊อ อู เอ๊ ลู เน๊อ คูมาระโก เฮ๊ เออเนอ เตเพร.

Eastern Kayah Shadaw Dialect

³⁷ ꤋꤢꤨ꤭ꤙꤢ꤬ꤔꤢ꤬ꤙꤢ ꤞꤤꤛ꤫ꤢꤦ꤬ ꤢꤩꤡꤝꤢꤔ꤫ꤤ꤬ ꤊꤣꤧ꤭ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤋꤢꤨ꤭ꤗꤢ꤬ꤊꤢꤨ ꤟꤢꤩ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 15:37 ပူးပေါင်းရင်းမြစ်များ

เพรโด่แนพู๊ เต๊เห่ 12:12

เบ๊อะอา ซิเงแฮเฮ๊อ เนอ เตเมทวาแถ่ อาเหน่เออ หม่า อา หม่าแหน่ เจ๊อ เฮ๊อ เบ๊อะเนอ, อา จว๊า เด๊อ คูยอห์น เด๊อ อู เอ๊โป๊ อามุย เนอ คูมาระโก เออเตเพร อาโหมะ มารีย์ อาหี่, เร๊อ เบ๊อะเนอเคเนอ, อา โตตื๊อ เร๊อ อู จว๊า โอ่ปล๊อโอ่ปลู กุยจ๊อเบ โหร่ลอ ลู เบ๊อะเนอ.

ฟีเลโมน 1:24

ฮู๊เนอเฮ๊อ เพรเมเต่อเต เร๊อ แว คูมาระโก, คูอาริสทารคัส, คูเดมาส เร๊อ คูลูกา ซีเต๊เห่ ซูแฮ เกอช๊าเหล่ อา เตเฮ๊โมเฮ๊แร๊ เต๊เห่ เด๊อ ซีโอ่.

ทิโมธี เนอบ่า ต๊าบ่า 4:11

แกแย โอแกเกอ เร๊อ แว หม่า ตื๊อแพ๊ คูลูกา เตเพรแพ๊. จว๊า เอ๊แฮ หนิเกอ คูมาระโก นี๋. เมเตเฮ๊เรอ อา เตเมจว่า แว เต๊เห่เนอ, อา ทวาบุ๊ยทวาเตอเรอ แหน่เจ๊อ เด๊อ แว เตเอ่เตแร อาเง เจ๊อ.

โคโลสี 4:10

คูอาริสทารคัส เด๊อ อู ด๊อตา เต่อเกอ อา เร๊อ แว เออเตเพร ซูแฮ เป่เกอ ซี อาเตเฮ๊โมเฮ๊แร๊, โทเรอ คูบารนาบัส โต๊โป่บู คูมาระโก ซูแฮ เป่เกอ ซี อาเตเฮ๊โมเฮ๊แร๊ เด๊อ ซี โอ่โอ๋. (ซี พย๊าหนิ โทเฮ๊อ ลี เด๊อ อู ราโล เป่ ซี เน๊อ คูมาระโก อาหรี่อาแก เออเนอเฮ๊อ. อา เก่ แฮโตเกอ เด๊อ ซี โอ่ ปา เร๊อ เอ๊โมฉื่อแร๊ ลู นี๋.)

เพรโด่แนพู๊ เต๊เห่ 13:5

เบ๊อะเหย่ซี จว๊าโต่ เด๊อ วีซาลามิส เบ๊อะเนอ, อา จว๊า แด๊โฉ่โด่แน เป่ อู เร๊อ จอแปแหร่ อาลาอาโหง่ เด๊อ แกแยยิวพู๊ เตจ๊อเบโฮ เต๊เห่ อากู. คูยอห์น มาระโก จว๊า เต่อเกอ เร๊อ เหย่ซี เร๊อ อา เมจว่าเกอ เหย่ซี.

เพรโด่แนพู๊ เต๊เห่ 12:25

เร๊อ คูบารนาบัส เร๊อ คูเซาโล เมโท อาเตเม เบ๊อะวีเยรูซาเล็ม อากู เนอเรอ อา เอ๊หนิ คูยอห์น เด๊อ อู เอ๊โป๊ ลูมูย เร๊อ คูมาระโก เออเตเพร เร๊อ อา เถ่กาแก.

เพรโด่แนพู๊ เต๊เห่ 13:13

คูเปาโล เร๊อ แกแย เด๊อ อา จว๊า เต่อเกอ เร๊อ ลู เต๊เห่ แถ่แด๊จว๊าหนิ ส่อเกลอดุ เบ๊อะวีปาโพส เนอเรอ เถ่จว๊า เด๊อ วีเปอร์กา เด๊อ อา โอ่ เด๊อ ปัมฟีเลีย เก่กูเนอ. จว๊าโต่ เบ๊อะเนอ เร๊อ คูยอห์นมาระโก เถ่จว๊า โค๊แก เร๊อ เหย่ซี เร๊อ อา กาคยา เด๊อ วีเยรูซาเล็ม

เพรโด่แนพู๊ เต๊เห่ 15:39

คูเปาโล เร๊อ คูบารนาบัส เคร๊แขะ แคลู เน๊อ คูมาระโก คยา เออเนอหมา โก๊โน๋ โต่ อาขว่าอาคยา, เหย่ซี จว๊าโค๊จว๊าเปแก ลู. คูบารนาบัส เอ๊หนิ คูมาระโก เร๊อ เหย่ซี จว๊าแด๊หนิ ส่อเกลอดุ เร๊อ เถ่จว๊า แลแค เด๊อ ไซปรัสกลื๊อ.

เปโตร อาเหร่อเล๊อ ต๊าบ่า 5:13

แวพู๊คู คูมาระโก เร๊อ ซี โป่แหว่ เพรหยื่อเอ่เต ตู๊หมู่ตอกล๊อ เด๊อ วีบาบิโลน อากู เด๊อ จอแปแหร่ นว๊าแถ่ เกอ อา แซ่เน๊อ ซี เออเนอเต๊เห่, ซู จว๊าเป่ เกอ ซี เตเฮ๊โมเฮ๊แร๊ เต๊เห่.