เพรโด่แนพู๊ เต๊เห่ 15:36 - ลีเทส่อพ๊าอาเซ เร๊อ เห่ขุทวาลู๊

³⁶ ม๊อเนอม๊อเซ งยาแฮเฮ๊อ ตี๊กิ เร๊อ, คูเปาโล เฮ๊ คูบารนาบัส เน๊อ, “เป จว๊าโอ่เลเกอ คยาแซ๊ เพรหยื่อเอ่ เต๊เห่ เด๊อ เป แด๊โฉ่โด่แน โทเป่เฮ๊อ เหย่ซี เนอ แบ่เจ่ จอแปแหร่ อาลาอาโหง่ เนอเต๊เห่ ปว๊าวี โป๋, เหย่ซี อาเตหยื่อเตแหน่ จอแปแหร่ เนอหม่า อา เม ลอปลี แคร๋ เฮ๊อ ฮู๊เต เนอ เป กา แม๊คยา โหร่ลู โป๋.”

Eastern Kayah Shadaw Dialect

³⁶ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤑꤢ꤭ꤟꤢꤧ꤭ꤟꤣꤧ ꤒꤣꤧ꤬ꤊꤤ꤬ ꤚꤣꤧ꤬, ꤋꤢꤨ꤭ꤕꤢꤪꤜꤢꤨ ꤟꤢꤩ ꤋꤢꤨ꤭ꤙꤢ꤬ꤔꤢ꤬ꤙꤢ ꤔꤢꤧ, “ꤕꤢꤩ꤬ ꤡꤝꤢꤥ꤬ꤜꤢꤩ꤭ꤊꤣꤧ꤭ ꤋꤛꤢ꤭ꤞꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤓꤥ꤭ꤕ꤫ꤢꤩ꤬ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤝꤢ꤭ꤒꤣ꤬ꤠꤤ꤭ ꤕꤥ꤮, ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ꤗꤢ꤬ ꤢ꤬ ꤗꤢꤩ꤬ ꤜꤢꤪ꤭ꤕꤜꤤ꤭ ꤋꤚꤢꤧ꤮ ꤟꤣꤧ ꤟꤢꤨꤒꤢꤩ꤭ ꤔꤣꤧ꤬ ꤕꤢꤩ꤬ ꤊꤢ꤬ ꤗꤢꤧꤋꤛꤢ꤭ ꤚ꤫ꤥ꤬ꤜꤢꤨ꤭ ꤕꤥ꤮꤯”

เพรโด่แนพู๊ เต๊เห่ 15:36 ပူးပေါင်းရင်းမြစ်များ

เพรโด่แนพู๊ เต๊เห่ 14:6

เบ๊อะเพรโด่แนพู๊ เต๊เห่ ซิเงเฮ๊อ เร๊อ อู เตเน เครเมมู๊แหม่ เฮ๊อ เหย่ซี เบ๊อะเนอ, เหย่ซี เถ่แกล่ จว๊าแก เด๊อ วีลิสตรา เน๊อ วีเตอร์บี เด๊อ อา โอ่ เด๊อ ลิคาโอเนียเก่ อา เตเป๊ออาเล เนอเต๊เห่, เร๊อ เหล่โอ่ โอ่ตี๊วี๊ตาวา เบ๊อะเนอเต๊เห่.

เพรโด่แนพู๊ เต๊เห่ 13:4

คูบารนาบัส เร๊อ คูเซาโล จว๊า ฮู๊ แหย่โยบูโพ๊แบ่เจ่ นอจว๊า เหย่ซี เนอ. เหย่ซี จว๊าตาแล เด๊อ วีเซลูเคีย เบ๊อะอู เหล่กาแด่โอ่ ส่อเกลอดุ อาเหล่โอ่ เนอโต๊โผะ เร๊อ เหย่ซี แถ่ แถ่แด๊หนิ แลแค ส่อเกลอดุ เบ๊อะเนอ เร๊อ เถ่จว๊า เด๊อ ไซปรัส กลื๊อขุ.

เพรโด่แนพู๊ เต๊เห่ 13:51

ฮู๊เนอเรอ เพรโด่แนพู๊ เต๊เห่ โซตาแก เห่หมื่อ เด๊อ อา กู่ยาเล. เออ หม่า อา เด๊อะโลซิเงแก วีกู เบ๊อะเนอ เต๊เห่ เนอ เตม๊าเตแด เต๊อเจ่อ เฮ๊อ, เมเตเฮ๊เรอ เหย่ซี วีกู เต๊เห่เนอ, อา เคร๊ฉื่อ เหว่เถ่แก เหย่ซี, เร๊อ เหย่ซี เถ่จว๊าแก เด๊อ วีอิโคเนยูม.

โครินธ์ เนอบ่า ต๊าบ่า 11:28

ตื๊อเออเนอ หม่าโต่, ปวาเนอน๋อ แว เบกู่เบ่แก เป่ ล๋อ เพรหยื่อเอ่เต ตู๊หมู่ตอกล๊อ เต๊เห่ อาหรี่อาแก เจ๊อ.

ꤚꤥꤗꤢꤩ꤬ 1:11

เมเตเฮ๊เรอ แซ่ฮู๊ แว เก่ แฮ เด๊อะ เป่เกอ ซี จอแปแหร่ อา แหย่โยบูโพ๊ อาเชหยู่ เออเนอเรอ, แว ซิหยื่อ แฮ โอ่เล เกอ ลา ซี. จอแปแหร่ อา แหย่โยบูโพ๊ อาเชหยู่ เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

เพรโด่แนพู๊ เต๊เห่ 14:1

ฮู๊ เหย่ซี เมโทเฮ๊อ เด๊อ วีอันทิโอก อากูเนอ, คูเปาโล เร๊อ คูบารนาบัส จว๊าโน เด๊อ แกแยยิวพู๊ เต๊เห่ เตจ๊อเบโฮกู เด๊อ อา โอ่ เด๊อ วีอิโคเนยูม อากู เนอเตเม. เร๊อ เหย่ซี เฮ๊เบ่อาโปลเพ๊ เป่ แร๊แหน่เจ๊อ อู เร๊อ แบ่เจ่ เหย่ซู่ อาหรี่อาแก อาขว่าอาคยา, แกแยยิวพู๊ เร๊อ แกแยยิวพู๊ หม่าโต่ เต๊เห่ หยื่อเอ่ เอ๊เกอ เหย่ซี โกโน๊ โต่.

ทิโมธี เนอบ่า ต๊าบ่า 1:4

เบ๊อะแว ซิเงแถ่เบ่ เน เป๊เส่เทอแล เบ๊อะเนอ, แว ซิหยื่อ แม๊เถอะ แหน่เจ๊อ เน, เมเตเฮ๊เรอ แซ่ฮู๊ แว เก่ ซิครือ เล๊อเล๊อบาบา อาเงเนอเรอ, แว ซิหยื่อ แม๊เถอะ เน แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:6

หม่าแน๊เรอ กู๊แหน่เออ คูทิโมธี โอ่ เด๊อ ซีโอ่ เร๊อ อา กาโต่ คยาแซ๊เฮ๊อ เด๊อ เปโอ่ เฮ๊อ. เร๊อ อา กา โด่แน เป่ เป เร๊อ เตหรี่เตแก เด๊อ อา โม เต๊เห่. อา เฮ๊โล เป่ เป เร๊อ ซี เตหยื่อเตแหน่ เร๊อ ซี เตโม เต๊เห่ อาหรี่อาแก. โท๊โต่ อา เฮ๊โล เป่ เป เร๊อ ซี ซิเงแถ่เบ่ เป ปว๋า โตโพ๊ เจ๊อ, เร๊อ ซี โอ่ เร๊อ เตซิครือซิลอ. โท๊โต่ ซี ซิหนิโส่ แม๊เถอะเกอ แหน่เจ๊อ เป ฮู๊ เป ซิหนิโส่ แม๊เถอะ ซีเนอ, อา โด่แนโล เป่ เป ฮู๊เนอ.

เพรโด่แนพู๊ เต๊เห่ 14:21

คูเปาโล เร๊อ คูบารนาบัส แด๊โฉ่โด่แน เป่ อู เร๊อ เตซิครือมีลา เบ๊อะวีเดอร์บี อากู เนอ, เร๊อ อู ทวาแถ่ โร๊ลู อา โคเจ่. โทเรอ เด๊อคยาเนอ, เหย่ซี กาคยา คยาแซ๊ เด๊อ วีลิสตรา เร๊อ วีอิโคเนยูม เร๊อ วีอันทิโอก เด๊อ อา โอ่ เด๊อ ปิสิเดีย เก่กูเนอ เต๊เห่.

เพรโด่แนพู๊ เต๊เห่ 7:23

“เบ๊อะอาหน่า โอ่เฮ๊อ ลุยเชอ เบ๊อะเนอ, อา แด่แล อาซิปล่อ เร๊อ อา เก่ จว๊าโอ่เล เกอ อาเมวเจอะ อิสราเอล เต๊เห่.

มัทธิว 25:43

เบ๊อะแว ทวา ซิเผระ เบ๊อะเนอ, ซี เอ๊โอ่ โมฉื่อ แว โต่. เบ๊อะแว โอ่ก่าโกล เบ๊อะเนอ, ซี เด๊อะกือเด๊อะแซ๊ แว โต่. เบ๊อะแวชุ๊ยแวเช เบ๊อะเนอ, โท๊โต่ เบ๊อะอู ด๊อโอ่ แว เด๊อ ทอกู เนอ, ซี แฮแม๊แฮตู่เกอ แว โต่.’

มัทธิว 25:36

เบ๊อะแว โอ่ก่าโกล เคเนอ, ซี เด๊อะกือเด๊อะแซ๊ แว. เบ๊อะแวชุ๊ยแวเช เบ๊อะเนอ, ซีแม๊ซีตู่ เกอเร๊อ แว. เบ๊อะอู ด๊อตา แว เด๊อ ทอกูเบ๊อะเนอ, ซี แฮ โอ่เล เกอ แว.’

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

เพรโด่แนพู๊ เต๊เห่ 13:12

เบ๊อะ คุ๊ยดุ เออเตเพร แม๊เถอะ เตเมทวาแถ่ อาเหน่ ฮู๊เออ เบ๊อะเนอ, อา หยื่อเอ่ แลแค เกอ เหย่ซู่. อา หนิโฮ อู อิซว๊า เป่ ลู แบ่เจ่ อาหรี่อาแก เร๊อ อา คย๊ายื๊อ แหน่เจ๊อ.