เพรโด่แนพู๊ เต๊เห่ 15:3 - ลีเทส่อพ๊าอาเซ เร๊อ เห่ขุทวาลู๊

³ ฮู๊เนอเรอ เพรหยื่อเอ่ ตู๊หมู่ตอกล๊อ เต๊เห่ ซูจว๊าเต่อ เหย่ซี เด๊อ วีเยรูซาเล็ม เร๊อ เบ๊อะเหย่ซี จว๊า ตาลว๊าปลู๊เบ๊ เฮ๊อ ฟีนิเซียเก่ เร๊อ สะมาเรียเก่ เบ๊อะเนอ, อู แด๊โฉ่โล เป่ เหย่ซี เร๊อ แกแยยิวพู๊ หม่าโต่ เต๊เห่ หยื่อเอ่แลแค เกอเฮ๊อ จอแปแหร่ ฮู๊เตเนอ อาหรี่อาแก อาขว่าอาคยา, เพรหยื่อเอ่ เต๊เห่ เหย่ซีซิครือซิลอ ลอปลี เจ๊อ ปว๋า เตเพร เจ๊อ.

Eastern Kayah Shadaw Dialect

³ ꤟꤢꤨꤔꤣꤧ꤬ꤚꤣꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤞꤢꤨ꤭ꤡꤝꤢꤒ꤫ꤥ꤬ ꤛꤢꤩ꤬ꤞꤤ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤡꤝꤢ ꤒꤣꤧ꤬ꤜꤝꤢꤕꤜꤢꤨꤙꤢꤩ ꤟꤣꤧ ꤠꤥ꤬ꤔꤤꤊꤢꤩ꤬ꤊ꤫ꤢꤩ꤬ ꤔꤢꤧ ꤏꤛꤢ꤬ꤗꤢ꤬ꤚꤤꤊ꤫ꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤒꤢꤩ꤭ꤔꤣꤧ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢꤪ꤭ꤕꤜꤤ꤭ ꤡꤣꤧ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 15:3 ပူးပေါင်းရင်းမြစ်များ

เพรโด่แนพู๊ เต๊เห่ 14:27

เบ๊อะเหย่ซี กาโต่ เด๊อ วีอันทิโอก เบ๊อะเนอ, เหย่ซี เอ๊ปล๊อ เพรหยื่อเอ่เต ตู๊หมู่ตอกล๊อ เต๊เห่ เร๊อ อา แด๊โฉ่โด่แน ลอ เหย่ซี เร๊อ ล๋อ จอแปแหร่ เมเต่อเกอเต เร๊อ เหย่ซี เนอเต๊เห่ เร๊อ แกแยยิวพู๊ หม่าโต่ เต๊เห่ เก่ หยื่อเอ่แลแค เกอ อาเง เนอ, จอแปแหร่ บ๊าโมแถ่ เป่ เหย่ซี กู่ดา.

เพรโด่แนพู๊ เต๊เห่ 21:5

หม่าแน๊เรอ โซซว๊าเตอเนอ โทเร๊อ เป เถ่จว๊า คยาแซ๊ แกล๊. ล๋อ เพร หยื่อเอ่ เบ๊อะเนอ เต๊เห่ เร๊อ อาพู๊อาเม เต๊เห่ ซูเถ่ เป เด๊อ วีกลอ เร๊อ ซูจว๊าเต่อ เป เด๊อ เทอดุซาวาทือ. เร๊อ เหย่ซี แด๊งือแล ลอปลี เบ๊อะเนอ ปว๋า เตเพร เร๊อ กุยจ๊อเบ แลแค เต.

ꤒꤤꤒꤢꤨ 3:13

แอ๊จื๊อ เด๊อะอ๊าเด๊อะเหร่ เมจว่าเกอ เป่โก๊หลื่อ เพรเฮ๊เบเมโตเต คูเศนาส เร๊อ คูอปอลโล อา เตจว๊าเตกา อาเง เออเนอ นี๋. โท๊โต่ แม๊ ตี๊หรี่แตแร เป่ โป่ เต เด๊อ เหย่ซี โหล่ เนอเต๊เห่ นี๋.

โครินธ์ อาเหร่อเล๊อ ต๊าบ่า 16:11

ซี เบ่ เตเน ปีตี๊หนิ ลู เตเพร่ว โต่. แซ่ฮู๊ อา เก่ กาโต่เบ๊ คยา เด๊อ แว โอ่, โท๊โต่ แซ่ฮู๊ อา เก่ จว๊า แฮเง โมโม แร๊แร๊ โป่ แกล๊ เด๊อ เง ตากยา อาเงเนอ, ซี เบ่ เมจว่า ลู, เมเตเฮ๊เรอ แว โอ่ป่อแม๊ชือ อา เร๊อ อาโค โป่แหว่ ครี๊พู๊ เด๊อ อาโร เต๊เห่ เก่ กาโต่ โหร่ลอ ลู เด๊อ แว โอ่.

โครินธ์ อาเหร่อเล๊อ ต๊าบ่า 16:6

แว เก่ แฮ โอ่เล งยา เกอ ซี ตี๊กิ ปา เก่. ตาแร๋ หม่า แว โอ่ปลื๊อ ตาลว๊า เกอ ซี เร๊อ เก่โหร่เค เออ ปา เก่. โทปาเรอ, แว เก่ จว๊า แฮเง โป่ แกล๊ ปา. เร๊อ แว เก่ จว๊า แฮเง โป่ แกล๊ เบ๊อะเต๋ โต๊โผ่ ปาเนอ เบ่เบ่, แว แม๊ชือ เร๊อ ซี เก่ เมจว่าเบ๊ แว แพ๊.

ꤚꤥꤗꤢꤩ꤬ 15:24

ฮู๊เนอเรอ ช๋า แว จว๊า เด๊อ สเปนเก่ เบ๊อะเนอปาเนอ, แว เตเน ซิจว๊าโอ่เล เต่อเกอ ซี ปา. ช๋า แว จว๊า เฮ๊อ เด๊อ สเปนเก่ เบ๊อะเนอปาเนอ. แว จว๊าโอ่เลแก โก๊เกอ ซี เบ๊อะวีโรม อากู เนอ ปา. เร๊อ แว เก่ จว๊า แบ๊ซว๊าแบ๊โคแก หนิเกอ เร๊อ ซี แตแปล๊เตอเปลอฮู๊ ปา แว เตเน ฮู๊เนอ. โทเรอ แว แม๊ชือ เด๊อ ซี เก่ เด๊อะเกอ แว ซี เตเมจว่า เด๊อ แว เตจว๊า แฮเง เด๊อ สเปนเก่ เออเนอ ปา, แว แม๊ชือ ฮู๊เนอ.

เพรโด่แนพู๊ เต๊เห่ 15:12

เบ๊อะคูเปาโล เร๊อ คูบารนาบัส อาโอ่ เด๊อ แกแยยิวพู๊ หม่าโต่ เต๊เห่ อาเกล เบ๊อะเนอ, จอแปแหร่ เม เมป่าเหย่ซีซิเนอ เตโค๊ตีกลี๊คยา อา เตเมม๊าเมแด เร๊อ เตเม อาตาปา คย๊ายื๊อ เต๊เห่. เบ๊อะคูเปาโล เร๊อ คูบารนาบัส แด๊โฉ่โล เป่ แกแย แฮโอ่กู๊โอ่แก๊ เออเต๊เห่ เร๊อ เตหรี่เตแก เออ เบ๊อะเนอ, โส่โส๋ อา หนิดา แลแค เจ๊อ.

โครินธ์ เนอบ่า ต๊าบ่า 1:16

ฮู๊เนอเรอ แว แด่แล โทเฮ๊อ แว ซิปล่อ เร๊อ ช๋า แว จว๊า เด๊อ มาซิโดเนียเก่ อาเคปาเนอ, แว เก่ จว๊าโนโอ่เล โก๊ล๊า เกอ ซี ปา. โทเรอ ช๋า แว โอ่ เด๊อ มาซิโดเนียเก่ กา เบ๊อะเนอปาเนอ, แซ่เน๊อ ซี เก่ เมจว่าเกอ แว เด๊อ แว เตเร จว๊าโป่ เด๊อ ยูดาห์เก่ เอออาเงเนอ เร๊อ, แว เก่ กาโน โอ่เลโก๊ล๊า เกอ โป่ ซี ปา ปา, แว เตเน ฮู๊เนอ.

เพรโด่แนพู๊ เต๊เห่ 28:15

เป โป่แหว่ เพรหยื่อเอ่ เด๊อ อา โอ่ เด๊อ วีโรม อากู เต๊เห่เนอ, อา หนิโฮ แลแค เปหรี่เปแก เร๊อ อา จว๊า แม๊เถอะฉื่อ โต่ เป เด๊อ วีอาปีย๊า เกล๊กู เนอ เต๊เห่, เต๊เห่เห่เร๊อ อา แฮ แม๊เถอะฉื่อ เป เด๊อ ซิเผระหี่ เนอ โซเม อากู. เบ๊อะคูเปาโล แม๊เถอะ เหย่ซี เบ๊อะเนอ, อา หนิอ๊าหนิเหร่ ลา ลู เร๊อ อา เฮ๊บุ๊ยเฮ๊เตอเรอ จอแปแหร่.

เพรโด่แนพู๊ เต๊เห่ 13:52

เร๊อ เพรหยื่อเอ่พู๊ โอ่ เบ๊อะวีอันทิโอก อากู เต๊เห่เนอ, เหย่ซี ซิครือซิลอ แหน่เจ๊อ เร๊อ อา เล๊อบา แลแค เจ๊อ เร๊อ แหย่โยบูโพ๊แบ่เจ่.

เพรโด่แนพู๊ เต๊เห่ 13:48

เบ๊อะแกแยยิวพู๊ หม่าโต่ เออเต๊เห่ หนิโฮน๊อ เกอ เฮ๊อ เตเออ เบ๊อะเนอ, เหย่ซี ซิครือ เร๊อ ถู่เซ๊แถ่ แบ่เจ่ อาลาอาโหง่ เออเต๊เห่ เฮ๊อ. เร๊อ แกแย เด๊อ จอแปแหร่ นว๊าแถ่เฮ๊อ เหย่ซี เด๊อ อา เก่ พย๊าหนิเกอ แหย่โยบูโพ๊เซอเพร ตูจูเพร เต๊เห่เนอ, อา ทวา กา แลแค เพรหยื่อเอ่ เต๊เห่ เฮ๊อ.

เพรโด่แนพู๊ เต๊เห่ 8:14

เบ๊อะเพรโด่แนพู๊ เต๊เห่ เด๊อ วีเยรูซาเล็ม อากู เต๊เห่ หนิโฮ เร๊อ สะมาเรียพู๊ เต๊เห่ หยื่อเอ่ เกอ แลแค จอแปแหร่ อาลาอาโหง่ เบ๊อะเนอ, เหย่ซี นอจว๊า คูเปโตร เร๊อ คูยอห์น เด๊อ เหย่ซีโอ่.

ꤜꤢꤨꤊꤢ꤬ 15:32

หม่าแน๊เรอ เน โป่เพรคู เออเนอ อาแซ่เน๊อ อา เซอโทเฮ๊อ เร๊อ กู๊แหน่เออ อา เซอเพร กาคยา เนอเฮ๊อ, อาแซ่เน๊อ อา โอ่เหม่ เร๊อ แม๊เถอะ กาคยา คยาแซ๊ อา เออเตอเนอ เนอเฮ๊อ อาขว่าอาคยา, เป โตเบ่ เมป่วยเมลา เกอเร๊อ อา, เร๊อ เป โตเบ่ ซิครือซิลอ โอ่ปล๊อโอ่ปลูโหร่ลู กอกอ.’”

เพรโด่แนพู๊ เต๊เห่ 1:15

เตอเนอเคเนอ, เพรหยื่อเอ่เต๊เห่ เด๊อ อา ผื๋อ โอ่โหร่ เพร เตเยเนอเชอ เออเนอ, อา แฮ โอ่กู๊โอ่แก๊ ลู.

เพรโด่แนพู๊ เต๊เห่ 15:1

แกแย โอ่ เด๊อ ยูดาห์เก่กู เต๊เห่ แฮแล แลแค เด๊อ วีอันทิโอก เร๊อ แฮ อิซว๊าอี๊แส่ ตา เพรหยื่อเอ่แหน่เอ่พู๊ เต๊เห่ เน๊อ, “ซี เก่ ดื๊อตีลี๊ พ๊า ฮู๋ คูโมเสส อา เตซว๊าเตแส่ โอ่แก เนอโต่ เฮ๊หม่า ซี พย๊าหนิแจ่ เตเมแลเปล๊กา โต่.”

เพรโด่แนพู๊ เต๊เห่ 15:4

เบ๊อะเหย่ซี จว๊าโต่ เด๊อ วีเยรูซาเล็ม เบ๊อะเนอ, เพรหยื่อเอ่ ตู๊หมู่ตอกล๊อ เต๊เห่ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เอ๊โมฉื่อ เหย่ซี เร๊อ แด๊โฉ่ เป่ อู เร๊อ เตหรี่เตแก เด๊อ จอแปแหร่ เม แฮเง เต เด๊อ เหย่ซีกู เต๊เห่ อาหรี่อาแก.

เพรโด่แนพู๊ เต๊เห่ 15:22

โทเรอ เพรโด่แนพู๊ เต๊เห่ เร๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เร๊อ เพรหยื่อเอ่ ตู๊หมู่ตอกล๊อ เนอ, เหย่ซี ซิปล่อโต เด๊อ อา เก่ นว๊าแถ่ แกแย เด๊อ เหย่ซีเกล เต๊เห่ เร๊อ นอจว๊าเต่อ เหย่ซี เร๊อ คูเปาโล เร๊อ คูบารนาบัส เด๊อ วีอันทิโอก. เหย่ซี นว๊าแถ่ แกแย เด๊อ เพรหยื่อเอ่ เต๊เห่ เบ่จูลาพย๊าโหง่ เกอเร๊อ แหน่เจ๊อ ลู เออซิเนอ เร๊อ อามุย เร๊อ คูสิลาส เร๊อ คูยูดาส คูยูดาส เออเนอ อู เอ๊โป๊ อามุย เร๊อ คูบารซับบาส.

เพรโด่แนพู๊ เต๊เห่ 15:32

คูยูดาส เร๊อ คูสิลาส เด๊อ อา หม่าดื่อ เพรโพร เออซิเนอเนอ, อา แช่ครวา เด๊อะอ๊าเด๊อะเหร่ งยากู๋ ลา เน๊อ เพรหยื่อเอ่แหน่พู๊ เบ๊อะเนอ เต๊เห่.

เพรโด่แนพู๊ เต๊เห่ 17:15

เพร เด๊อ อา ซูจว๊า คูเปาโล เต๊เห่เนอ, อา กอครวา แถ่แด๊จว๊า เต่อเกอ ลู ส่อเกลอดุ เด๊อ วีเอเธนส์ เจ๊อ. เร๊อ เบ๊อะเหย่ซี กาคยา คยาแซ๊ เด๊อ วีเบโรอา เฮ๊อ เบ๊อะเนอ, คูเปาโล ครวาเมจว๊าหนิ เหย่ซี โหง่ เร๊อ อา เก่ กาแด๊โฉ่ หนิเป่ ลู คูสิลาส เร๊อ คูทิโมธี เก่ แฮแพรเกอ เด๊อ ลูโอ่.

เพรโด่แนพู๊ เต๊เห่ 20:38

เหย่ซี ซิเปลซิหย่อ เล๊อหม่าเฮ๊อ คูเปาโล เฮ๊ เหย่ซี เร๊อ ซี แม๊เถอะน๊อ ปา แว โตโพ๋ โต่ ปา, อา เฮ๊ เหย่ซี เออตือมือ เนอเฮ๊อ. เร๊อ เหย่ซี ซูจว๊า ลู เด๊อ อู เหล่แด่ ส่อเกลอดุ เหล่โอ่เนอ.