เพรโด่แนพู๊ เต๊เห่ 15:22 - ลีเทส่อพ๊าอาเซ เร๊อ เห่ขุทวาลู๊22 โทเรอ เพรโด่แนพู๊ เต๊เห่ เร๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เร๊อ เพรหยื่อเอ่ ตู๊หมู่ตอกล๊อ เนอ, เหย่ซี ซิปล่อโต เด๊อ อา เก่ นว๊าแถ่ แกแย เด๊อ เหย่ซีเกล เต๊เห่ เร๊อ นอจว๊าเต่อ เหย่ซี เร๊อ คูเปาโล เร๊อ คูบารนาบัส เด๊อ วีอันทิโอก. เหย่ซี นว๊าแถ่ แกแย เด๊อ เพรหยื่อเอ่ เต๊เห่ เบ่จูลาพย๊าโหง่ เกอเร๊อ แหน่เจ๊อ ลู เออซิเนอ เร๊อ อามุย เร๊อ คูสิลาส เร๊อ คูยูดาส คูยูดาส เออเนอ อู เอ๊โป๊ อามุย เร๊อ คูบารซับบาส. အခန်းကိုကြည့်ပါ။Eastern Kayah Shadaw Dialect22 ꤓꤥ꤭ꤚꤣꤧ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤒꤣ꤬ꤗꤢꤨ꤬ꤜꤢꤪ꤭ꤔꤣꤧ꤬, ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤒꤥ꤭ ꤘꤣ ꤢ꤬ ꤊ꤫ꤢꤦ꤬ ꤔꤝꤢꤓꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤛꤢꤩ꤬ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤔꤢꤪ꤭ꤡꤝꤢꤒ꤫ꤣ꤬ ꤛꤢꤩ꤬ꤞꤤ꤭ ꤔꤢꤧ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬꤯ ꤛꤢꤩ꤬ꤞꤤ꤭ ꤔꤝꤢꤓꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤜꤢꤨ꤭ ꤣꤧ꤭ꤞꤤꤔꤣꤧ꤭ ꤚꤣꤧ꤬ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤎꤤꤜꤢ꤬ ꤔꤢꤧ ꤋꤢꤨ꤭ꤛꤢꤨꤘꤢ꤬꤯ ꤋꤢꤨ꤭ꤛꤢꤨꤘꤢ꤬ ꤣꤧ꤭ꤔꤣꤧ꤬ ꤢꤨ꤭ ꤢꤩꤕ꤫ꤥ꤬ ꤜꤢꤨ꤭ꤗꤝꤤ꤭ ꤔꤢꤧ ꤋꤢꤨ꤭ꤙꤢ꤬ꤎꤢ꤬ꤙꤢ꤯ အခန်းကိုကြည့်ပါ။ |
เพรโด่แนพู๊ เต๊เห่ 15:22
29 ပူးပေါင်းရင်းမြစ်များ
เป หม่า คูเปาโล, คูสิลาส, เร๊อ คูทิโมธี. เป ราจว๊า โหร่ลู ลีเออต๊าบ่า เด๊อ ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ อา โอ่. ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ หม่า เพ จอแปแหร่ เร๊อ แบ่เจ่ เหย่ซู่ครี๊ อาแกแย เต๊เห่ เฮ๊อ. เตบุ๊ยเตเตอเรอ เร๊อ เตตู๊จุเตอเจ๊อ เก่ โอ่เกอดื่อ เร๊อ ซี นี๋.
เบ๊อะคูสิลาส เร๊อ คูทิโมธี อาโอ่ เด๊อ มาซิโดเนียเก่ เถ่จว๊า เร๊อ อา แฮโต่ เด๊อ คูเปาโล โอ่ เบ๊อะเนอ, คูเปาโล เด๊อะแล ลอปลี อา ม๊อเนอม๊อเซ เด๊อ อา เก่ แด๊โฉ่โด่แน เป่ อู เร๊อ เตซิครือมีลา อาหรี่อาแก. เร๊อ อา ข่าเฮ๊โล เร๊อ แด๊โฉ่โด่แน โล เป่ แกแยยิวพู๊ เต๊เห่ เร๊อ เหย่ซู่ หม่า ครี๊, อา หม่า เพร เด๊อ จอแปแหร่ นว๊าแถ่ ลู เนอ เด๊อ อา เก่ เมแลเปล๊กาซี แกแยเห่ขุพู๊ เนอเตเพร เฮ๊อ, อา เฮ๊ ฮู๊เนอ เด๊อ อู ปว๋า เตเพร อา เป๊เส่เง.
เด๊อ แกแยยิวพู๊ อาเกล เต๊เห่เห่เนอ, อา หยื่อเอ่เกอ คูเปาโล อา เตเฮ๊เบ่ เร๊อ อาซิปล่อ โนกู เกอเร๊อ คูเปาโล เร๊อ คูสิลาส. กรีกพู๊ เด๊อ อา เบ่หยื่อเบ่แหน่ จอแปแหร่ เต๊เห่เนอ, อา หยื่อเอ่แหน่ โอ่โร๊ เกอลา เหย่ซี เออซิเนอ. โท๊โต่ เพร เหมาะ เด๊อ อา มุยดุมุยทู เต๊เห่เนอ, อาซิ ปล่อ โอ่เกอ เหย่ซี เออซิเนอ เร๊อ อา หยื่อเอ่แหน่ กาโน อาโร๊เกอ ลา เหย่ซี.
เหย่ซี รา ลีเออ เร๊อ อา ราจว๊า เป่ เพรหยื่อเอ่ ตู๊หมู่ตอกล๊อ เด๊อ อา ทวา แกแยยิวพู๊ หม่าโต่ เต๊เห่, เร๊อ อา ซูจว๊า เร๊อ แกแย เออเต๊เห่. เร๊อ เหย่ซี รา แลแค เน๊อ, เป เด๊อ อา หม่าดื่อ ซี โป่แหว่ เพรโด่แนพู๊ เต๊เห่ เออเต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เออเต๊เห่ ซูจว๊า เป่ ซี เตเฮ๊โมเฮ๊แร๊เต๊เห่, เป ซูจว๊า เป่ ลอปลี ล๋อ เปโป่เปแหว่ หม่าเฮ๊อ แกแยยิวพู๊ หม่าโต่ เด๊อ อา โอ่ เด๊อ วีอันทิโอก, ซีเรียเก่ เน๊อ ซีลีเซียเก่ เออเต๊เห่ อากู เนอเต๊เห่ อาโอ่.
เด๊อ อู เมเซอ คูสเทเฟน อาขว่าอาคยา, เป๊อแถ่ เบ๊อะเนอเรอ อู เมจาเมจือ แกแย เด๊อ อา หยื่อเอ่แลแค เหย่ซู่ เต๊เห่ ฮู๊เนอเรอ เหย่ซี ลูโพร๊ลูแพร จว๊า ลอปลี. เต๊เห่เห่เนอ อา จว๊าโต่ เด๊อ ฟีนิเซียเก่, ไซปรัสกลื๊อขุ เร๊อ วีอันทิโอก. เหย่ซี แด๊โฉ่โด่แน เป่ ตื๊อแพ๊ แกแยยิวพู๊ ซี เต๊เห่เนอ เร๊อ จอแปแหร่ อาลาอาโหง่ แพ๊.
ฮู๊เนอเรอ เพรหยื่อเอ่ ตู๊หมู่ตอกล๊อ เต๊เห่ ซูจว๊าเต่อ เหย่ซี เด๊อ วีเยรูซาเล็ม เร๊อ เบ๊อะเหย่ซี จว๊า ตาลว๊าปลู๊เบ๊ เฮ๊อ ฟีนิเซียเก่ เร๊อ สะมาเรียเก่ เบ๊อะเนอ, อู แด๊โฉ่โล เป่ เหย่ซี เร๊อ แกแยยิวพู๊ หม่าโต่ เต๊เห่ หยื่อเอ่แลแค เกอเฮ๊อ จอแปแหร่ ฮู๊เตเนอ อาหรี่อาแก อาขว่าอาคยา, เพรหยื่อเอ่ เต๊เห่ เหย่ซีซิครือซิลอ ลอปลี เจ๊อ ปว๋า เตเพร เจ๊อ.
ကြော်ငြာတွေ