เพรโด่แนพู๊ เต๊เห่ 15:19 - ลีเทส่อพ๊าอาเซ เร๊อ เห่ขุทวาลู๊

¹⁹ ฮู๊เนอ อาขว่าอาคยา, คูยากอบ เฮ๊เกอ โป่ เน๊อ, “แว เตแม๊เถอะ โอ่ เด๊อ แกแยยิวพู๊ หม่าโต่ เด๊อ อา ตีรี๊ กาคยาโต เด๊อ จอแปแหร่ อา โอ่ เต๊เห่เนอ, เป โตเบ่ เมดี๊แดหนิ เหย่ซี โต่.

Eastern Kayah Shadaw Dialect

¹⁹ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤟꤢꤩꤊꤣꤧ꤭ ꤕ꤫ꤥ꤬ ꤔꤢꤧ, “ꤠꤢꤧ꤭ ꤒꤢꤩ꤬ꤗꤢꤧꤓ꤫ꤣꤧ꤬ ꤥ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤒꤣꤧ꤬ꤚꤤ ꤊꤢ꤬ꤋꤛꤢ꤭ꤒꤥ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤕꤢꤩ꤬ ꤒꤥ꤭ꤙꤢꤩ꤬ ꤗꤢꤩ꤬ꤘꤤꤘꤢꤧ꤭ꤔ꤫ꤤ꤬ ꤛꤢꤩ꤬ꤞꤤ꤭ ꤒꤥ꤬꤯

เพรโด่แนพู๊ เต๊เห่ 15:19 ပူးပေါင်းရင်းမြစ်များ

เพรโด่แนพู๊ เต๊เห่ 15:28

แหย่โยบูโพ๊แบ่เจ่ เน๊อ ล๋อ เป เออเต๊เห่ ซิปล่อโต แคลู เร๊อ เตซว๊าเตแส่ เด๊อ อาโร เต๊เห่เนอ, เป ซิหยื่อ นอวี๊นอแย๊ ซี เตอเจ๋อ โต่. เป ซิหยื่อ นอลือครวาเม แพ๊ ซี เต เด๊อ อา โหล่ ครวาเม เนอเต๊เห่ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:9

เบ๊อะเป แฮ โอ่เล เกอ ซี เบ๊อะเนอ, ซี เอ๊โมฉื่อ แลแค เป ฮู๊เตเนอ, ล๋อ แกแย โอ่ เบ๊อะเนอ เต๊เห่ โด่แน เป่ ลอปลี เฮ๊อ เป. อา โด่แน เป่ เป เร๊อ แซ่ฮู๊ ซี เก่ เมเกอ จอแปแหร่ เด๊อ อา เซอเพร เร๊อ อาจ๊ออาเต หม่าแหน่ เออเตเพร อา เตเมเนอ, ซี วี๊แก แก ลอ เจ๊อ ซี เตจ๊อเบ เตแหย่โย เต๊เห่ เจ๊อ.

เพรโด่แนพู๊ เต๊เห่ 15:24

เป หนิโฮ เร๊อ แกแย เด๊อ เปเกล เต๊เห่ จว๊าโน เมดี๊แด ซี, โทเร๊อ เฮ๊กู่เฮ๊แก ลอ ซี, อู เฮ๊ ฮู๊เนอ หม่าแน๊เรอ เหย่ซี หม่า แกแย เด๊อ อา พย๊าหนิ เกอ เตอิซว๊าอี๊แส่ เด๊อ เปโอ่ เนอเต๊เห่ หม่าโต่.

เพรโด่แนพู๊ เต๊เห่ 26:20

แว จว๊าเล แด๊โฉ่โด่แน เหร่อเล๊อ เป่ อู เด๊อ วีดามัสกัส โทเร๊อ เด๊อ วีเยรูซาเล็ม อากู, เด๊อคยาเร๊อ แว จว๊า เด๊อ ยูดาห์เก่ ปว๋า โต๊โผ่, โท๊โต่ แว จว๊า เกอดื่อ เด๊อ แกแยยิวพู๊ หม่าโต่ เต๊เห่ อาเกลเกล. เร๊อ แซ่ฮู๊ เหย่ซี เก่ ถู่แหล่แต๊แกละกาคยา เกอเร๊อ แลแค อา เตซื๊อเตปล๊าเต๊เห่, โทเร๊อ แซ่ฮู๊ เหย่ซี เก่ ตีรี๊ กาคยาโต คยาแซ๊ อาเหน่ เด๊อ จอแปแหร่ อา โอ่, โท๊โต่ แซ่ฮู๊ อา เก่ เด๊อะโลแถ่แลแค อาเตเม เด๊อ อาแร๊ เต๊เห่ เน๊อ อา ถู่แหล่แต๊แกละ กาโทเฮ๊อ อาซิปล่อ เฮ๊อ อาเงเนอ, แว แด๊โฉ่โด่แน เป่เฮ๊อ เหย่ซี เฮ๊อ.

ꤊꤢ꤬ꤜꤢ꤬ꤒꤤ 2:4

หม่าแน๊เรอ คูติตัส เออเนอ แกแย เต๊เห่เห่ ซิหยื่อ นอดื๊อตีลี๊ ลูพ๊า. เหย่ซี เนอเต๊เห่ หม่า แกแย เด๊อ อา ครวาแลโฮ อาเหน่ ฮู๊ โป่แหว่ เนอเต๊เห่ แพ๊. แซ่ฮู๊ เหย่ซี เก่ โนแม๊ปู ทื๊อโห่หนิ เป โทเฮ๊อ เตปาลา เด๊อ เหย่ซู่ครี๊ อากู เออเนอเร๊อ เหย่ซี แฮโนโห่ เด๊อ เปเกล แพ๊. เร๊อ เหย่ซี ซิหยื่อ นอทวาแถ่ เป เร๊อ แกแยยิวพู๊ เต๊เห่ อา เตซว๊าเตแส่ อาหลู่เล๊ แพ๊.

เพรโด่แนพู๊ เต๊เห่ 15:10

ฮู๊เนอเรอ, หม่าเมเต ซี จว๊าเม ซิปล่อดุ โต่ จอแปแหร่ เมเต? เตวี๊เตแย๊ เด๊อ เป เออเต๊เห่ เร๊อ เป โหมะเพเพอโพ เด๋อ งย๊าเค เต๊เห่ อาวี๊เป่โต่ เต๊เห่เนอ, ซี จว๊า ซิหยื่อ นอวี๊นอแย๊ โต่ เร๊อ แกแย เด๊อ อา หยื่อเอ่แลแค เตเออเต๊เห่ อาเหน่ลู เมเต?

เพรโด่แนพู๊ เต๊เห่ 21:21

หม่าแน๊เรอ เน จว๊า อิซว๊าอี๊แส่ แก โต่ แกแยยิวพู๊ เด๊อ อา จว๊าโอ่ เด๊อ แกแยยิวพู๊ หม่าโต่ อาเกล เต๊เห่ เร๊อ เน นอ วีแก เหย่ซี เร๊อ คูโมเสส อา เตซว๊าเตแส่ เต๊เห่. โท๊โต่ เน นอ ดื๊อตีลี๊ เกอ เหย่ซี อาพู๊ เต๊เห่ อาพ๊า โต่, โท๊โต่ เน นอ ครวาเมโตโคร เกอปา เหย่ซี เร๊อ แกแยยิวพู๊ อา เหล่โกลเหล่แบ่ เต๊เห่ โต่, อู เฮ๊ เป่ เหย่ซี ฮู๊เนอ.

เพรโด่แนพู๊ เต๊เห่ 21:25

เป ราซูจว๊าเฮ๊อ ลี ต๊าบ่า เด๊อ แกแยยิวพู๊ หม่าโต่ เด๊อ อา ทวาแถ่เฮ๊อ เพรหยื่อเอ่ เต๊เห่ อา โอ่ เร๊อ เป แด๊โฉ่โล เป่ เฮ๊อ เหย่ซี เร๊อ เป เฮ๊เบ่ปลื๊อ โทเฮ๊อ โหง่ เร๊อ เหล่เอ่ เต๊อเจ่อเจ่อ เด๊อ อู หลู่แตแถ่ อา เร๊อ แหย่โย เบ่เบ่, สุ่ย เบ่เบ่, เตมีเตดอ เด๊อ อู จิเซอ อาแกโบ เต๊เห่เนอ เบ่เบ่, เอ่ แต่ อา เหม่. โทเร๊อ โตเบ่ จว๊าซื๊อจว๊าปล๊าหนิ เพรเหมาะเพรคู โต่.”