เพรโด่แนพู๊ เต๊เห่ 15:11 - ลีเทส่อพ๊าอาเซ เร๊อ เห่ขุทวาลู๊

¹¹ จว๊าเม แลแคเตฮู๊เนอ แต่เหม่, เด๊อ แบ่เจ่ เหย่ซู่ อาบุ๊ยอาเตอเรอ อาขว่าอาคยา, เป พย๊าหนิ เตเมแลเปล๊กา แพ๊ เป หยื่อเอ่ ฮู๊เนอ. เหย่ซี๋ หม่า อา พย๊าหนิ แซ่เกอดื่อ เตเมแลเปล๊กา ฮู๊ เป พย๊าหนิ เนอเนอ แพ๊,” คูเปโตร เฮ๊ เหย่ซี ฮู๊เนอ.

Eastern Kayah Shadaw Dialect

¹¹ ꤡꤝꤢꤗꤢꤩ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ ꤟꤢꤨꤔꤣꤧ꤬ ꤒ꤫ꤢꤧ꤬ꤗꤢꤩ꤬, ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤖꤢꤧ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤟꤢꤨꤔꤣꤧ꤬꤯ ꤛꤢꤩ꤬ꤞꤤ꤭꤮ ꤗꤢ꤬ ꤢ꤬ ꤔ꤫ꤤ꤬ꤙꤢꤩ꤬ ꤞꤢꤧꤊꤣꤧ꤭ꤘꤢꤦ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤢꤨ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤔꤣꤧ꤬ꤔꤣꤧ꤬ ꤖꤢꤧ,” ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯

เพรโด่แนพู๊ เต๊เห่ 15:11 ပူးပေါင်းရင်းမြစ်များ

ꤚꤥꤗꤢꤩ꤬ 3:24

จอแปแหร่ ย๋อ ซิยอเกอเร๊อ เป อาขว่าอาคยา, อา แด่จ๊อแด่เต คราแพ๊ เป แพ๊. เด๊อ เหย่ซู่ครี๊ อี๊ถ่ากา เฮ๊อ เป อาขว่าอาคยา, เปจ๊อเปเต แพ๊.

ꤒꤤꤒꤢꤨ 2:11

เมเตเฮ๊เรอ แซ่ฮู๊ จอแปแหร่ เก่ เมแลเปล๊กา แกแย เห่ขุพู๊ ล๋อปลี อาเงเนอ, อา เด๊อะโลเฮ๊อ อาบุ๊ยอาเตอเรอ เฮ๊อ.

ꤊꤢ꤬ꤜꤢ꤬ꤒꤤ 2:16

หม่าแน๊เรอ เป แกแยยิวพู๊ เด๊อ อา หยื่อเอ่ ครี๊ เออเต๊เห่ เนอหม่า, เป ซิเง เร๊อ จอแปแหร่ แด่จ๊อแด่เต แกแย เตเพรเนอหม่า อา แด่จ๊อแด่เต ลู เน๊อ อา ลือครวา เมเกอ เตซว๊าเตแส่ อาคยาเนอ หม่าโต่. หม่าแพ๊ ตื๊อ อา หยื่อเอ่แหน่ เหย่ซู่ครี๊ เออเนอ แพ๊ เป เออเต๊เห่เนอ เบ่เบ่, แซ่ฮู๊ จอแปแหร่ เก่ แด่จ๊อแด่เต เกอ เป เร๊อ เป เตหยื่อเตแหน่ ครี๊ เออ อาคยา เนอเรอ, เป หยื่อเอ่แหน่ เกอเฮ๊อ เหย่ซู่ครี๊ เฮ๊อ. หม่า เด๊อ เป ครวาเมเกอ เตซว๊าเตแส่ อาคยาเนอ หม่าโต่, เมเตเฮ๊เรอ เด๊อ อู ลือครวา เมเบ๊ เตซว๊าเตแส่ อาคยา เร๊อ อู ทวาแถ่เบ๊ แกแยจ๊อแกแยเต เนอ อา โอ่ เตเพร่ว โต่.

โครินธ์ เนอบ่า ต๊าบ่า 13:14

เป แบ่เจ่ เหย่ซู่ครี๊ อาบุ๊ยอาเตอเรอ, เพ จอแปแหร่ อาเตโม เร๊อ แหย่โยบูโพ๊ แบ่เจ่ อา เตแบ๊ซว๊าแบ๊โค เออเนอ, อา เก่ โอ่ เกอ ดื่อ เร๊อ ซี ปว๋า เตเพร นี๋.

โครินธ์ เนอบ่า ต๊าบ่า 8:9

เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ.

โครินธ์ อาเหร่อเล๊อ ต๊าบ่า 16:23

แบ่เจ่ เหย่ซู่ อาบุ๊ยอาเตอเรอ เก่ โอ่ เกอดื่อ เร๊อ ซี นี๋.

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤚꤥꤗꤢꤩ꤬ 5:15

หม่าแน๊เรอ จอแปแหร่ อา เตเด๊อะตา ครา เชหยู่ เออเนอ เร๊อ เพอาดัม เมเตซื๊อ เออเนอเจ่อ เนอหม่า อา แซ่ลู โต่. เมเตเฮ๊เรอ, เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยาเร๊อ, แกแย เบ่ เซอ เอ๊แหน่เจ๊อ. หม่าแน๊เรอ จอแปแหร่ อาบุ๊ยอาเตอเรอ เนอ อาดุเล๊อ ปา เจ๊อ เร๊อ เนอ เจ๊อ. โท๊โต่ เชหยู่ หนิครา เด๊อ อา แฮ เด๊อ แกแย อาโร เตเพร อา โอ่ หม่า หม่าเฮ๊อ เหย่ซู่ครี๊ เออเนอเฮ๊อ. เด๊อ อาบุ๊ยอาเตอเรอ ขว่าคยาเนอ, อา เด๊อะ ตาป่อตาเป เอ๊ เป่ แหน่เจ๊อ อู ตูปลูเต๊เผ่เจ๊อ.

ꤊꤢ꤬ꤜꤢ꤬ꤒꤤ 1:6

เด๊อ ซีขว่าซีคยา เร๊อ แว คย๊ายื๊อ แหน่เจ๊อ, เมเตเฮ๊เรอ, อางย๋า เร๊อ อางยา แต่ล๋ายโต่ เร๊อ, ซี แด่แกคยา จอแปแหร่ เด๊อ อา เอ๊ ซี เร๊อ ครี๊ อาบุ๊ยอาเตอเรอ เออเตเพร. เร๊อ ซี พย๊าฉื่อ เตอิซว๊าอี๊แส่ อาโร เต๊อเจ่อ เด๊อ ซี เตเน เร๊อ เตซิครือมีลา เออเนอ.

เตเด๊อะโลแถ่ 5:9

เหย่ซี อิโร ลีอิโร อาเซ โต๊โต่ เนอ, “เน ต่าดื่อเฮ๊อ เร๊อ เน เก่ พย๊า ลีตูลูเออ เร๊อ อ๊าโมแก เตเมม๊าเมแด เออเต๊เห่. เมเตเฮ๊เรอ อู เมเซอ โทเฮ๊อ เน อาขว่าอาคยา, แซ่ฮู๊ แกแย เต๊เห่ เก่ ทวาแถ่ จอแปแหร่ อาเต เนอ เน อี๊ถ่ากาเฮ๊อ เหย่ซี เร๊อ เนสุ่ย เร๊อ แกแยเห่ขุพู๊ เต๊เห่เห่ เด๊อ อา โอ่ เด๊อ แกแย ปว๊าโต๊โหมะ, โหง่ ปว๊าโต๊โหง่, เมวเจอะ ปว๊า เต๊อเจ่อ เร๊อ เก่ ปว๊าเต๊เก่ อาเกล เต๊เห่เนอ, เน อี๊ถ่ากา เป่ โทเฮ๊อ เร๊อ จอแปแหร่.