เพรโด่แนพู๊ เต๊เห่ 15:1 - ลีเทส่อพ๊าอาเซ เร๊อ เห่ขุทวาลู๊1 แกแย โอ่ เด๊อ ยูดาห์เก่กู เต๊เห่ แฮแล แลแค เด๊อ วีอันทิโอก เร๊อ แฮ อิซว๊าอี๊แส่ ตา เพรหยื่อเอ่แหน่เอ่พู๊ เต๊เห่ เน๊อ, “ซี เก่ ดื๊อตีลี๊ พ๊า ฮู๋ คูโมเสส อา เตซว๊าเตแส่ โอ่แก เนอโต่ เฮ๊หม่า ซี พย๊าหนิแจ่ เตเมแลเปล๊กา โต่.” အခန်းကိုကြည့်ပါ။Eastern Kayah Shadaw Dialect1 ꤊꤣꤧ꤬ꤛꤢꤧ꤭ ꤥ꤬ ꤘꤣ ꤛꤢꤨꤘꤢ꤬ꤊ꤫ꤢꤩ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤟꤢꤧ꤭ꤜꤢꤧ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬ ꤚꤣꤧ꤬ ꤟꤢꤧ꤭ ꤤ꤬ꤞꤝꤢꤤ꤬ꤞꤢꤧ꤬ꤒꤢ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ, “ꤞꤤ꤭ ꤊꤢꤩ꤬ ꤘꤢꤦꤒꤣꤧ꤬ꤜꤤ ꤖꤢ ꤟꤢꤨ꤮ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤥ꤬ꤊꤢꤧ꤭ ꤔꤣꤧ꤬ꤒꤥ꤬ ꤟꤢꤩꤗꤢ꤬ ꤞꤤ꤭ ꤔ꤫ꤤ꤬ꤙꤢꤩ꤬ꤡ꤫ꤢꤧ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤒꤥ꤬꤯” အခန်းကိုကြည့်ပါ။ |
เพรโด่แนพู๊ เต๊เห่ 15:1
25 ပူးပေါင်းရင်းမြစ်များ
รอหนิ แลแค ซีเหน่ นี๋. นออิลออี๊โหล่ หนิเกอเร๊อ แต่ ซีเหน่ เน๊อ แกแย เด๊อ อา อิซว๊าอี๊แส่ซื๊อ ดื่อเง เตเนอเต๊เห่ เตเพร่ว แต่เหม่ นี๋. เตเนอเต๊เห่ หม่า อา แกเด แพ๊. เตอิซว๊าอี๊แส่ ฮู๊เนอ เต๊เห่หม่า หม่าแพ๊ แกแย เห่ขุพู๊ อาเหล่โกล เด๊อะตา แฮเงโต่ คยาลู ตือทือ โท ตือทือ เนอเต๊เห่ แพ๊. เร๊อ เนอเต๊เห่ หม่า อา แฮ เด๊อ โลเน๊โลหน่า มู๊แหม่ เด๊อ อา เป๊อ เห่ขุชีบ่า เนอเต๊เห่ อา โอ่ แพ๊. เตอิซว๊า ฮู๊เนอ เต๊เห่หม่า อา แฮ เด๊อ เหย่ซู่ครี๊ อา โอ่ หม่าโต่.
ฮู๊เนอเรอ เพรหยื่อเอ่ ตู๊หมู่ตอกล๊อ เต๊เห่ ซูจว๊าเต่อ เหย่ซี เด๊อ วีเยรูซาเล็ม เร๊อ เบ๊อะเหย่ซี จว๊า ตาลว๊าปลู๊เบ๊ เฮ๊อ ฟีนิเซียเก่ เร๊อ สะมาเรียเก่ เบ๊อะเนอ, อู แด๊โฉ่โล เป่ เหย่ซี เร๊อ แกแยยิวพู๊ หม่าโต่ เต๊เห่ หยื่อเอ่แลแค เกอเฮ๊อ จอแปแหร่ ฮู๊เตเนอ อาหรี่อาแก อาขว่าอาคยา, เพรหยื่อเอ่ เต๊เห่ เหย่ซีซิครือซิลอ ลอปลี เจ๊อ ปว๋า เตเพร เจ๊อ.
ฮู๊เนอเรอ, แกแย เด๊อ อา แด่ ซี เตซื๊อ เน๊อ ซี เตเอ่เตโอ อาหรี่อาแก เต๊เห่เนอ, หนิดา แต่ เหย่ซีโหง่ แต่เหม่ นี๋. ปวาหน่าหน๋า ซี เก่ เมป่วยเมลา เป่เกอ เหย่ซี ม๊อเนอบูโพ๊ โต่, ดา เลบา เฮ๊อเร๊อ ซี เก่ เมป่วยเมลา เป่เกอ เหย่ซี โต่ เฮ๊เนอ, เหย่ซี ซิหยื่อ แด่ ซี เตซื๊อ. หม่าแน๊เรอ หนิดา แต่ เหย่ซี อาโหง่ แต่เหม่ นี๋.
เหย่ซี หนิโฮโท อา เตเฮ๊เบ่ เร๊อ, เหย่ซี ถู่เซ๊แถ่ แลแค จอแปแหร่ ปว๋า เตเพร. โทเร๊อ เหย่ซี เฮ๊ คูเปาโล เน๊อ, “โป่แหว่ คูเปาโล๋, แกแยยิวพู๊ เด๊อ อา หยื่อเอ่แหน่เอ่รี เต๊เห่เนอ อา โอ่ เจ๊อ เฮ๊อ เด๊อ อารี๊อาซ๊อกู เจ๊อ เฮ๊อ เนอหม่า, เน แม๊เถอะ เฮ๊อ. โทเร๊อ เหย่ซี เออเต๊เห่เนอ อา แด่ดุ ลอปลี เจ๊อ แกแยยิวพู๊ อา เตซว๊าเตแส่ เต๊เห่เจ๊อ.
โทเรอ เพรโด่แนพู๊ เต๊เห่ เร๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เร๊อ เพรหยื่อเอ่ ตู๊หมู่ตอกล๊อ เนอ, เหย่ซี ซิปล่อโต เด๊อ อา เก่ นว๊าแถ่ แกแย เด๊อ เหย่ซีเกล เต๊เห่ เร๊อ นอจว๊าเต่อ เหย่ซี เร๊อ คูเปาโล เร๊อ คูบารนาบัส เด๊อ วีอันทิโอก. เหย่ซี นว๊าแถ่ แกแย เด๊อ เพรหยื่อเอ่ เต๊เห่ เบ่จูลาพย๊าโหง่ เกอเร๊อ แหน่เจ๊อ ลู เออซิเนอ เร๊อ อามุย เร๊อ คูสิลาส เร๊อ คูยูดาส คูยูดาส เออเนอ อู เอ๊โป๊ อามุย เร๊อ คูบารซับบาส.
เหย่ซี รา ลีเออ เร๊อ อา ราจว๊า เป่ เพรหยื่อเอ่ ตู๊หมู่ตอกล๊อ เด๊อ อา ทวา แกแยยิวพู๊ หม่าโต่ เต๊เห่, เร๊อ อา ซูจว๊า เร๊อ แกแย เออเต๊เห่. เร๊อ เหย่ซี รา แลแค เน๊อ, เป เด๊อ อา หม่าดื่อ ซี โป่แหว่ เพรโด่แนพู๊ เต๊เห่ เออเต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เออเต๊เห่ ซูจว๊า เป่ ซี เตเฮ๊โมเฮ๊แร๊เต๊เห่, เป ซูจว๊า เป่ ลอปลี ล๋อ เปโป่เปแหว่ หม่าเฮ๊อ แกแยยิวพู๊ หม่าโต่ เด๊อ อา โอ่ เด๊อ วีอันทิโอก, ซีเรียเก่ เน๊อ ซีลีเซียเก่ เออเต๊เห่ อากู เนอเต๊เห่ อาโอ่.
ကြော်ငြာတွေ