เพรโด่แนพู๊ เต๊เห่ 14:4 - ลีเทส่อพ๊าอาเซ เร๊อ เห่ขุทวาลู๊

⁴ วีกู เบ๊อะเนอ เต๊เห่ ลูโพร๊ลูแพรแก เนอหมู่, ตู๊หมู่ เร๊อ อาโป๊เกอเร๊อ แกแยยิวพู๊, ตู๊หมู่ เร๊อ อาโป๊ เกอเร๊อ เพรโด่แนพู๊ เต๊เห่.

Eastern Kayah Shadaw Dialect

⁴ ꤠꤤ꤭ꤊꤢꤨ꤭ꤖꤢꤨ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤜꤢꤨ꤬ꤖꤚꤥꤊꤢꤧ꤭ ꤔꤣꤧ꤭ꤗꤢꤨ꤬, ꤒꤣ꤬ꤗꤢꤨ꤬ ꤚꤣꤧ꤬ ꤢ꤬ꤕ꤫ꤥ꤬ꤡꤝ꤫ꤢ꤬ꤚꤣꤧꤘꤢꤦ꤬ ꤛꤢꤨꤘꤢ꤬ꤖꤢꤨ, ꤒꤣ꤬ꤗꤢꤨ꤬ ꤚꤣꤧ꤬ ꤢ꤬ꤕ꤫ꤥ꤬ꤡꤝ꤫ꤢ꤬ꤚꤣꤧꤘꤢꤦ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 14:4 ပူးပေါင်းရင်းမြစ်များ

เพรโด่แนพู๊ เต๊เห่ 28:24

เต๊เห่เห่เร๊อ อา หยื่อเอ่ แลแค เร๊อ คูเปาโล เฮ๊ เออเต๊เห่ เนอหม่า อา หม่าแหน่ เจ๊อ, หม่าแน๊เรอ เต๊เห่เห่เนอ อา หยื่อเอ่ โต่.

เพรโด่แนพู๊ เต๊เห่ 19:9

หม่าแน๊เรอ เต๊เห่เห่เนอ อา ซิปล่อชอ เร๊อ หยื่อเอ่ เกออู โต่. เร๊อ อา เป๊อเจ่ออิแช๊ แลแค แบ่เจ่ อาแกล๊อาโกล เด๊อ อู เด๊อะโล เออเนอ เด๊อ แกแย ตูปลูเต๊เผ่ เป๊เส่เง เจ๊อ. ฮู๊เนอ อาขว่าอาคยา, คูเปาโล เถ่จว๊า ตาพาแก เร๊อ เหย่ซี. เร๊อ อา เอ๊หนิ อา โคเจ่ เต๊เห่ เร๊อ ปวาเนอเน๋อ. อา เร๊อ อา โคเจ่ เต๊เห่ จว๊า เฮ๊เบ่โด่แน โหร่ลู เด๊อ อู เอ๊ เน๊อ ซ๊าร๊า ทีรันนัส เหล่อิซว๊าเต เบ๊อะเนอ เนอโต๊โผะ.

เพรโด่แนพู๊ เต๊เห่ 14:14

เบ๊อะคูบารนาบัส เร๊อ คูเปาโล หนิโฮ เด๊อ อู เตเร หลู่แตแถ่ เหย่ซี เบ๊อะเนอ, เหย่ซี ท๊อเย อาเห่อจา เร๊อ, เหย่ซี แกล่แฮโน เด๊อ แกแย เบ๊หมู่ เต๊เห่ อาเกล เร๊อ เหย่ซี เอ๊โท เฮ๊ แกแย เนอเต๊เห่ เน๊อ,

โครินธ์ อาเหร่อเล๊อ ต๊าบ่า 9:5

แว พย๊า เกอ แวเม เด๊อ อา หยื่อเอ่ ครี๊ เร๊อ แว เอ๊ครวาจว๊าหนิ เกอ อา เร๊อ แกล๊ ฮู๊ เพรโด่แนพู๊ เต๊เห่ เด๊อ อาโร เต๊เห่ เมเนอ เบ่เบ่, ฮู๊ แบ่เจ่ อา โป่เพรคู ซี เนอเต๊เห่ เม เนอ เบ่เบ่, ฮู๊ คูเปโตร เม เนอ เบ่เบ่, แว เม เกอ ฮู๊เนอ หม่า อาหนิ แหน่ โต่ แอ?

เพรโด่แนพู๊ เต๊เห่ 13:2

เบ๊อะเหย่ซี จ๊อบู่จ๊อเบแถ่ แบ่เจ่ เร๊อ โด่เอ่ เหล่เอ่เหล่โอ เบ๊อะเนอ, แหย่โยบูโพ๊แบ่เจ่ เฮ๊ เหย่ซี เน๊อ, “นว๊าเถ่ โค๊แก เป่ แว คูบารนาบัส เร๊อ คูเซาโล เนอ. เมเตเฮ๊เร๊อ แว นว๊าแถ่หนื่ออื่อ โท. เฮ๊อ เหย่ซี เด๊อ อา เก่ เบ่ เม แว เตแร.”

ꤛꤥ꤭ꤟꤢ꤬ 7:43

เด๊อ ครี๊ อาขว่าอาคยาเร๊อ, แกแย เบ๊หมู่ เต๊เห่ เตเน ลูโค๊ลู ตู๊หมู่ เร๊อ ตู๊หมู่.

ꤜꤢꤨꤊꤢ꤬ 2:34

เพสิเมโอน เด๊อะบุ๊ยเด๊อะเตอเรอโท เหย่ซี เร๊อ อา เฮ๊แกหนิ เป๊เจ่พู๊ อาโหมะ โหมะมารีย์ เออเนอ เน๊อ, “เป๊เจ่เออ จอแปแหร่ นว๊าแถ่เฮ๊อ ลู เด๊อ อา เก่ เมแลเปล๊กา อิสราเอล เต๊เห่ ปา, เร๊อ อา เก่ แด่ดุแด่แถ่โล เกอลาติ แกแย เด๊อ อาโร เต๊เห่ ปา. อา หม่า จอแปแหร่ อา เตม๊าเตแด เต๊อเจ่อ, เร๊อ แกแย เก่เฮ๊เบ่จู๊แกฉื่อลูปาเนอ, โอ่โร๊เอ๊ลาปา.

เพรโด่แนพู๊ เต๊เห่ 13:45

เบ๊อะแกแยยิวพู๊ เต๊เห่ แม๊เถอะ แกแย แฮโหร่แฮเอ๊ เบ๊อะเนอ, เหย่ซี ซิเคว๊ หนิเกอ แหน่เจ๊อ คูเปาโล เร๊อ อา เคร๊ฉื่อ เป๊อเจ่ออิแช๊แก คูเปาโล อา เตเฮ๊เบ่อี๊โช เต๊เห่.

เพรโด่แนพู๊ เต๊เห่ 13:50

หม่าแน๊เรอ แซ่ฮู๊ อู เก่ เมจาเมจือ คูเปาโล เร๊อ คูบารนาบัส เออเนอเร๊อ แกแยยิวพู๊ ซี เต๊เห่เนอ, อา นอฉว่า เฮ๊ชอ เพรเหมาะ เด๊อ อา จ๊อเบ จอแปแหร่ เร๊อ อา ทวา กู่กล๊อ เต๊เห่, เน๊อ เพรคู เด๊อ อา ทวา กู่กล๊อ เด๊อ วีกู เนอเต๊เห่, เร๊อ อา จว๊า เฮ๊ แฉ่ครวา โป่ ลอเหย่ซี. เร๊อ เหย่ซี เหว่เถ่แก คูเปาโล เร๊อ คูบารนาบัส เด๊อ เหย่ซี เก่กู.

เพรโด่แนพู๊ เต๊เห่ 14:2

หม่าแน๊เรอ แกแยยิวพู๊ เด๊อ อา หยื่อเอ่ เกออู โต่ เต๊เห่เนอ, อา นอฉว่านอชอ แฉ่ครวา แกแยยิวพู๊ หม่าโต่ เต๊เห่ เด๊อ อา เก่ เท๊แตแอฉื่อแก แกแย เด๊อ อา หยื่อเอ่แลแค เนอเต๊เห่.

เพรโด่แนพู๊ เต๊เห่ 14:5

แกแยยิวพู๊ หม่าโต่ เต๊เห่ เร๊อ แกแยยิวพู๊ เต๊เห่ จว๊าโอ่เต่อเกอ เร๊อ เหย่ซี กู่กล๊อดุกู๊ฉู่ทู เร๊อ เฮ๊เบ่ ปลื๊อโทแก โหร่ลู โหง่ เน๊อ เก่ เมจาเมจือ เพรโด่แนพู๊ เต๊เห่ เร๊อ เก่ ต่า เหย่ซี เร๊อ หล่อ ปา.

เพรโด่แนพู๊ เต๊เห่ 14:19

โทเรอ แกแยยิวพู๊ เต๊เห่เนอ, อา โอ่ เด๊อ วีอันทิโอก เร๊อ เด๊อ วีอิโคเนยูม เร๊อ อา แฮ. แซ่ฮู๊ แกแย เบ๊หมู่ เออเต๊เห่ เก่ ซิโตโคแก คูเปาโล เร๊อ คูบารนาบัส, เร๊อ อา เก่ ซิปล่อ โอ่เกอ เหย่ซี ตากยา อาเงเนอ, อา จว๊าอิลอ แกแย เบ๊หมู่ เต๊เห่. โทเรอ เหย่ซี ต่าโทเฮ๊อ คูเปาโล เร๊อ หล่อ เร๊อ อา เตเน แลแค เน๊อ อา เซอเฮ๊อ เร๊อ เหย่ซี จุ่ยเถ่ วีแก แก ลู เด๊อ วีกลอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:14

โป่แหว่ ซี, เตจว๊าทวาแถ่ โต่อาเหน่ เร๊อ ซี ฮู๊เออเต๊เห่ เมเตเฮ๊เนอหม่า อา แซ่เฮ๊อ เน๊อ เตเมทวาแถ่ โทเฮ๊อ อาเหน่ เด๊อ จอแปแหร่ อา เพรหยื่อเอ่เต ตู๊หมู่ตอกล๊อ เด๊อ อา โอ่ เด๊อ ยูดาห์เก่กู เนอเต๊เห่ เฮ๊อ. เหย่ซี ย๊อ ทวา เหย่ซู่ครี๊ อาแกแย เต๊เห่ อาขว่าอาคยาเร๊อ, อา ทวาแถ่ แพ๊. ซี แกแยเมวเจอะพู๊ เมจาเมจือ เกอเร๊อ คยาดื่อ ซี เออเนอ อา แซ่เจ๊อเฮ๊อ เร๊อ แกแยยิวพู๊ เต๊เห่ เมจาเมจือ เกอเร๊อ คยาแซ๊ดื่อ เพรหยื่อเอ่ เออ เด๊อ อา โอ่ เด๊อ ยูดาห์เก่กู เนอเต๊เห่ เจ๊อ เฮ๊อ.