เพรโด่แนพู๊ เต๊เห่ 14:22 - ลีเทส่อพ๊าอาเซ เร๊อ เห่ขุทวาลู๊

²² แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

Eastern Kayah Shadaw Dialect

²² ꤞꤢꤧꤟꤢꤨ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤊꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤓꤢꤧ꤬ꤚꤣꤧ ꤛꤢꤩ꤬ꤞꤤ꤭, ꤓꤥ꤭ꤒꤥ꤬ ꤏꤢꤧ꤬ꤋꤚꤝꤢ꤭ꤚꤣꤧ ꤛꤢꤩ꤬ꤞꤤ꤭ꤋꤛꤢ꤭꤯ ꤛꤢꤩ꤬ꤞꤤ꤭ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤔꤢꤧ, “ꤕꤢꤩ꤬ ꤊ꤫ꤢꤦ꤬ꤚꤢꤩ꤭ ꤡꤝꤢꤔꤥ꤭ ꤜꤢꤪꤕꤜꤢꤨꤙꤢꤩ ꤒ꤫ꤥ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤣꤧ꤭ꤔꤣꤧ꤬ꤗꤢ꤬ ꤕꤢꤩ꤬ ꤙꤢꤩ꤬ ꤡꤝꤢꤒꤣꤧ꤬ꤜꤝꤢ ꤢꤩꤜꤥ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤞꤤ꤭ꤒꤣꤧ꤬ꤟꤢꤩ꤬ ꤡꤣꤧ꤯”

เพรโด่แนพู๊ เต๊เห่ 14:22 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

ทิโมธี เนอบ่า ต๊าบ่า 3:12

แกแย ปว๋า เตเพร เด๊อ อา ซิหยื่อ โอ่เซอเพร โต ฮู๊ จอแปแหร่ อาซิปล่อ อา เตซิหยื่อ เด๊อ เหย่ซู่ครี๊ อากู เต๊เห่เนอ, อู เก่ เมจาเมจือ หม่าแหน่ เจ๊อ เหย่ซี ปา.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

ꤚꤥꤗꤢꤩ꤬ 8:17

กู๊แหน่เออ เป เก่ ทวา หม่าเฮ๊อ อาพู๊อาเลอ เร๊อ อา เก่ เด๊อะ เป อา เตบุ๊ยเตเตอเรอ อู่เจเต๊เหย่ เด๊อ อา แด่ โอ่ดว๊า เป่ เป เนอเต๊เห่ ปา. อา เก่ เด๊อะเตเด๊อะบุ๊ยเด๊อะเตอเรอ เด๊อ อาพู๊อาเลอ เต๊เห่ โต พย๊าหนิ เนอเต๊เห่ ปา. โท๊โต่ อู่เจเต๊เหย่ เด๊อ อาหม่าอากลอ ตูจูเพร เออ เป เก่ พย๊าหนิ ผร่วาเกอ เร๊อ ครี๊ ปา. เก่ เป ข่าจาข่าจือ โหร่เต่อเกอ เร๊อ ครี๊ เฮ๊เรอ, เป เก่ พย๊าหนิ โหร่โต่เกอ เตเตอเรอดุทู เร๊อ อา ปา.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

ทิโมธี เนอบ่า ต๊าบ่า 1:8

ฮู๊เนอเร๊อ, เน เตเร ข่าเฮ๊โล เนเหน่ เด๊อ เป แบ่เจ่ อาเงเนอ ซิเตเร แต่เหม่, เด๊อ แบ่เจ่ อาขว่าอาคยาเร๊อ, อู ด๊อตา แว เด๊อ ทอกู เออเนอ เบ่เบ่, ซิเตเร แต่เหม่เหม่. โท๊โต่ ข่าโหร่เกอ เตโซพ๊าโซแร เน๊อ แว เด๊อ เตซิครือมีลา อาเง ฮู๊ จอแปแหร่ เด๊อะ เน เตอ๊าเหร่เตเหร่เนอ.

เพรโด่แนพู๊ เต๊เห่ 18:23

อา จว๊าแล โอ่ เบ๊อะเนอ แตแปล๊เตอเปลอฮู๊ เร๊อ อา เถ่จว๊าแก คยา. อา จว๊าเล เบ๊อะกาลาเทียเก่ เร๊อ ฟรีเจีย เก่กูเนอ โต๊โผ่ โท โต๊โผ่. โทเรอ อา จว๊า เด๊อ ฉว่าเด๊อชอแถ่ เป่ เพรหยื่อเอ่ โอ่ เบ๊อะเนอ เต๊เห่ อาอ๊าอาเหร่.

มัทธิว 10:38

แกแย เตเพรเพร เด๊อ อา แย๊ เกอเร๊อดื่อ อา อี๊ถื่อดีเต่ โต่โต่, แวคยา เร๊อ อา ครอครวา โต่โต่ เตเพรเนอ, อา ต่า เกอ เร๊อ แว โต่.

เตเด๊อะโลแถ่ 7:14

“ซ๊าร๊าดุ, แว ซิเงโต่, เน ซิเง แพ๊,” แว เฮ๊ฉื่อ อา ฮู๊เนอ. เร๊อ อา เฮ๊ฉื่อ แว เน๊อ, “เหย่ซี เต๊เห่ เนอหม่า แกแย เด๊อ อา จว๊า ตาลว๊าเบ๊ โทเฮ๊อ เตเมจาเมจือ เด๊อ อา ต๊อหร่อเซ๊ ซิอิเช เออเต๊อเจ่อเนอ เฮ๊อ. เหย่ซี โฉ่ปลี โทเฮ๊อ อา จาจวาทู เออเต๊เห่ เฮ๊อ, โทเรอ อา เมบู โทเฮ๊อ เร๊อ ซิหมิพู๊ เนอโตโด อาสุ่ย เฮ๊อ.

เปโตร เนอบ่า ต๊าบ่า 1:11

ฮู๊เนอเรอ จอแปแหร่ เก่ ซิครือซิลอ เอ๊โมฉื่อ ซี เด๊อ เป แบ่เจ่ เหย่ซู่ครี๊ เด๊อ อา หม่าเฮ๊อ เพรเมแลเปล๊กา เป เออเตเพร อาเทออาเก่ เด๊อ อา โอ่ ตูจูเพร แตแลเคร๊ อากู เออเนอ ปา.

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

โครินธ์ อาเหร่อเล๊อ ต๊าบ่า 1:8

ช๋า เป แบ่เจ่ เหย่ซู่ครี๊ แฮ อาม๊อเนอ ปา เตอเนอเนอ, แซ่ฮู๊ อู เหล่แด่ เตซื๊อ เด๊อ ซีโอ่ เก่ โอ่ ปา แต่เหม่ อาเงเนอ, แบ่เจ่ เก่ ปื่อหม่าปื่อกลอ เร๊อดื่อ ซี โต่เด๊อ อา ตื๊อดื่อ ปา.

เพรโด่แนพู๊ เต๊เห่ 15:41

เร๊อ เหย่ซี เออซิเนอ จว๊าโนเล เด๊อ ซีเรียเก่ เน๊อ ซีลีเซียเก่ เร๊อ เด๊อะฉว่าเด๊อะชอแถ่ คยาแซ๊ เพรหยื่อเอ่ ตู๊หมู่ตอกล๊อ เบ๊อะเนอ เต๊เห่.

เพรโด่แนพู๊ เต๊เห่ 15:32

คูยูดาส เร๊อ คูสิลาส เด๊อ อา หม่าดื่อ เพรโพร เออซิเนอเนอ, อา แช่ครวา เด๊อะอ๊าเด๊อะเหร่ งยากู๋ ลา เน๊อ เพรหยื่อเอ่แหน่พู๊ เบ๊อะเนอ เต๊เห่.

ꤜꤢꤨꤊꤢ꤬ 24:26

ครี๊หม่า อาโตเบ่ ข่า เตจาเตจือ เออเต๊เห่, โทเรอ อา เก่ จว๊าโน เด๊อ อา เตเตอเรอดุ เตอเรอทู อากู ปา หม่าโต่ แอ?”

มัทธิว 16:24

โทเรอ แบ่เจ่ เหย่ซู่ เฮ๊ อา โคเจ่ เต๊เห่ เน๊อ, “แกแย เตเพรเพร เก่ ซิหยื่อ ครอครวา เกอแว เฮ๊เรอ, อา โตเบ่ เม ฮู๊ แว ซิหยื่อ นอเมลู เนอเต๊เห่, อา เม จู๋ ดื่อ อาซิปล่อ หม่า อาหนิ โต่. อา เบ่ แย๊แถ่ เกอเร๊อดื่อ อา อี๊ถื่อดีเต่ เร๊อ อา เบ่ ครอครวา เกอแวคยา.

เพรโด่แนพู๊ เต๊เห่ 11:23

เร๊อ เบ๊อะอา จว๊าโต่ เนอ, อา จว๊าแม๊เถอะ เร๊อ แกแย เออเต๊เห่ พย๊าหนิ จอแปแหร่ อาบุ๊ยอาเตอเรอ อาขว่าอาคยา, อา ซิครือซิลอ แหน่เจ๊อ เร๊อ แซ่ฮู๊ เหย่ซี เก่ โอ่เซอเพร เจ๊อ เป่แฮ ตื๊อดื่อ เน๊อ แบ่เจ่ เร๊อ, อา เด๊อะอ๊าเด๊อะเหร่ แฉ่โคร เกอโป่ เหย่ซี อาคยา.

ꤛꤥ꤭ꤟꤢ꤬ 15:20

ซิเงแถ่เบ่ แลแค โหง่ เด๊อ แว เฮ๊ เป่ ซี เน๊อ, ‘หลู่ ดุเล๊อ เร๊อ อาแบ่เจ่ เนอ อา โอ่ เตเพร่ว โต่,’ เออเนอ นี๋. เหย่ซี เมจาเมจือ โทเฮ๊อ ๒๔ แว อาขว่าอาคยา, อา เก่ เมจาเมจือ เกอ ลาติ ซี ปา. เหย่ซี เก่ จูเอ่ หนิดา โทเฮ๊อ แวโหง่ เฮ๊เนอ, อา เก่ จูเอ่ หนิดา เกอดื่อ ซีโหง่ ปา.

เตเด๊อะโลแถ่ 1:9

แว หม่า ซี โป่แหว่ คูยอห์น เด๊อ อา หยื่อเอ่ ครี๊ แซ่เกอ เร๊อ ซี เตเพร. แว หม่า ซี โคแบ๊ซว๊า เด๊อ อา ข่าจาข่าจือ โหร่เกอเต เน๊อ ซี เตเพร, แว หม่า จอแปแหร่ อา เทอพู๊เก่พู๊ แซ่เกอ เร๊อ ซีซี, เร๊อ แว แด่ทูซิปล่อ โหร่เกอเต เร๊อ ซี เตเพร แพ๊. เด๊อ แว แด๊โฉ่โด่แน เป่ อู เร๊อ แบ่เจ่ จอแปแหร่ อา เตหรี่เตแก เร๊อ เตเด๊อ เหย่ซู่ครี๊ เด๊อะโล เป่ แว เต๊เห่ อาขว่าอาคยา, อู จว๊า แด่โอ่แก แว เด๊อ ปัทมอส กลื๊อขุ เฮ๊อ.

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13

เบ๊อะเป แบ่เจ่ เหย่ซู่ แฮแล เต่อ เร๊อ อาแกแย บูโพ๊ เต๊เห่ ล๊อปลี ปา เบ๊อะเนอ, แซ่ฮู๊ อู เหล่แด่ ซี เตซื๊อ เก่ โอ่ ปา แต่เหม่, โท๊โต่ แซ่ฮู๊ ซี เก่ บูโพ๊ เด๊อ เป จอแปแหร่ เร๊อ เปเพ เร๊อดื่อ เออเตเพร อาเป๊เส่เง ปาเนอ, อา เก่ เด๊อะฉว่าเด๊อะชอ เกอเร๊อดื่อ ซี ซิปล่อ อาอ๊าอาเหร่ นี๋.

เพรโด่แนพู๊ เต๊เห่ 13:43

เร๊อ เบ๊อะอู จ๊อเบ โทเฮ๊อ เด๊อ เตจ๊อเบโฮกู เบ๊อะเนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เด๊อ อา หยื่อเอ่ เกอ แกแยยิวพู๊ อาเตจ๊อบู่จ๊อเบ เต๊เห่เนอ, อา ครวาปลูครวาเผ่ เกอลอ คูเปาโล เร๊อ คูบารนาบัส อาคยา. เร๊อ เหย่ซี เฮ๊เบ่ เด๊อะอ๊าเด๊อะเหร่ ฉว่าชอแถ่ แกแย เด๊อ อา ครวาเกอ ลูคยา เนอเต๊เห่ เน๊อ อา เก่ โอ่เซอเพร ชีเหน่ เป่แฮ หนิเกอ แลแค อาเหน่ เด๊อ จอแปแหร่ อาบุ๊ยอาเตอเรอ อากู.

เพรโด่แนพู๊ เต๊เห่ 6:7

ฮู๊เนอเรอ จอแปแหร่ อาลาอาโหง่เออ อา โลปีชี จว๊า เร๊อ จว๊า เจ๊อ. โทเรอ เด๊อ วีเยรูซาเล็ม อากู เนอ, แกแย เด๊อ อา หยื่อเอ่แหน่เอ่รี เต๊เห่ โอ่โหร่โอ่เอ๊แถ่ เร๊อ แถ่ เจ๊อ. โท๊โต่ เพร หลู่แตเต เต๊เห่เนอ, อา หยื่อเอ่แหน่เอ่รี เอ๊ เกอ แหน่เจ๊อ.

ꤗꤢ꤬ꤊꤢꤨ 10:30

อา โอ่เซอเพร เออตือทือเรอ, อา เก่ พย๊าหนิ เอ๊แถ่ เล๊อโป่อาเลอ อาหี่, อาโป่อาแหม่, อาโหมะอาเพ, อาพู๊อาเลอ, อาเพเร๊อาแหล่ ซีเต๊เห่ เด๊อ อาโพ๊ เตเย เจ๊อ ปา หม่าแน๊เรอ อู เก่ เมจาเมจือ อา ปา เนอปา ตือทือ เร๊อ อา เก่ พย๊าหนิ ซิปล่อเซอเพร ตูจูเพร ตาแลเคร๊ ปา.

ꤗꤢ꤬ꤊꤢꤨ 9:47

เป๊เส่ปล่อ เก่ นอเม เร๊อ เตซื๊อ เฮ๊เรอ ก๊ออูเถ่แก เร๊อ วีแก แก อาเนอ เป๊เส่ปล่อ โอ่แพ๊ ตากยา เร๊อ เน กาโนเบ๊ เด๊อ ม๊อขุ เนอ อาแร๊เล๊อ ปา เจ๊อ เร๊อ เป๊เส่ปล่อ โอ่ปวาโอ่ดวา ลอเนอโค๊ เร๊อ อู เบ่ วีตาแก เน เด๊อ ปอรากยากู ปาเนอ เจ๊อ.

ꤛꤥ꤭ꤟꤢ꤬ 3:5

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ เน๊อ เทอ เร๊อ จอแปแหร่ อาแหย่โยบูโพ๊ โต่ เต๊เห่เน๊อ, อา โนหนิ แจ่ เด๊อ จอแปแหร่ อาเทออาเก่กู โต่.

มัทธิว 19:24

แว เฮ๊ โป่ ซี๋, ตีซิโบดุ โตโด เตเร ปย๊าโน เด๊อ เท๊หลิกูเนอ อายู เล๊อปา เจ๊อ เร๊อ แกแย ดุแหย่แถ่เซ เตเพร เตเร โน เด๊อ ม๊อขุ เทอเลเก่กู เนอ เจ๊อ.”

ꤛꤥ꤭ꤟꤢ꤬ 15:18

“แกแย เห่ขุพู๊ เต๊เห่ เก่ ซิเถ่ ซี เฮ๊เนอ, เตเนแถ่ โต่เบ่ แลแค เน๊อ อา ซิเถ่ เหร่อโทเฮ๊อ แว เนอ นี๋.

เพรโด่แนพู๊ เต๊เห่ 11:26

เบ๊อะอา แม๊เถอะ ลู เบ๊อะเนอ, อา เอ๊กาหนิ ลู เด๊อ วีอันทิโอก. เร๊อ เหย่ซี เออซิเนอ กาโอ่กู๊ แม๊เถอะ ตาฉื่อ เร๊อ เพรหยื่อเอ่ ตู๊หมู่ตอกล๊อ เบ๊อะเนอ เต๊เห่ ต๊าน๋า กู เจ๊อ. เร๊อ อา อิซว๊าอี๊แส่ ตา หนิเอ๊ เป่ลา แกแย โอ่เบ๊อะเนอ เต๊เห่. อู เอ๊ เหร่อเล๊อ เพรหยื่อเอ่ เต๊เห่ เร๊อ ครี๊พู๊ หม่า เบ๊อะวีอันทิโอก เออเนอ เฮ๊อ.

เพรโด่แนพู๊ เต๊เห่ 11:29

เพรหยื่อเอ่ ปว๋า เตเพร แด่แล แลแค อาซิปล่อ เร๊อ อา เก่ ซูจว๊า เป่ เกอ เตเมจว่า บ๋า เหย่ซี เด๊อะเบ๊ เนอ, เด๊อ เหย่ซี โป่แหว่ โอ่ เด๊อ ยูดาห์เก่กู เนอเต๊เห่.

เพรโด่แนพู๊ เต๊เห่ 14:20

หม่าแน๊เรอ เบ๊อะเพรหยื่อเอ่ เต๊เห่ แฮโอ่ป่อตาวา แม๊ อา เบ๊อะเนอ, อา ก๊อถ่อ คยาแซ๊ เร๊อ อา กาโน คยาแซ๊ เด๊อ วีกู. เด๊อคยา เตอเนอเนอ, อา เร๊อ คูบารนาบัส เถ่จว๊า เด๊อ เดอร์บี.

เพรโด่แนพู๊ เต๊เห่ 14:28

เหย่ซี โอ่งยาเกอ แหน่เจ๊อ เร๊อ เพรหยื่อเอ่แหน่เอ่พู๊ ซีเต๊เห่ เบ๊อะเนอ.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

เปโตร อาเหร่อเล๊อ ต๊าบ่า 2:21

แซ่ฮู๊ ซี เบ่ แด่ทูซิปล่อเบ๊ เตจาเตจือ เออ อาเงเนอเรอ, จอแปแหร่ เอ๊เถ่ เฮ๊อ ซี เฮ๊อ, เมเตเฮ๊เรอ ครี๊ อาเหน่แบ่เจ่ เร๊อดื่อ จ่าเพรอ โทเฮ๊อ เตจาเตจือ เด๊อ ซีเง เฮ๊อ. เร๊อ แซ่ฮู๊ ซี เก่ ครวา หยิเกอ อากู๊โด่เค อาเงเนอ, อา แด่แก เป่ เฮ๊อ ซี เหล่แม๊บือ เฮ๊อ.

เปโตร อาเหร่อเล๊อ ต๊าบ่า 5:9

โอ่หม่าโอ่กลอ แลแค เด๊อ ซี เตหยื่อเตแหน่. เร๊อ เมตาตือฉื่อ แลแค โลเน๊มู๊แหม่รีแจ่ กู่กล๊อ นี๋, เมเตเฮ๊เรอ, ซี ซิเง เร๊อ ซีโป่ซีแหม่ เด๊อ อา โอ่ เด๊อ เห่ขุ ต๊าบ่าลอ เด๊อ อา หยื่อเอ่แหน่เอ่เต แซ่เน๊อ ซี เออเต๊เห่เนอ, อา ข่าเบ่เกอ เฮ๊อ เตจาเตจือ ฮู๊ ซี ข่าเบ่ เฮ๊อ เออเนอ เฮ๊อ.