เพรโด่แนพู๊ เต๊เห่ 14:21 - ลีเทส่อพ๊าอาเซ เร๊อ เห่ขุทวาลู๊

²¹ คูเปาโล เร๊อ คูบารนาบัส แด๊โฉ่โด่แน เป่ อู เร๊อ เตซิครือมีลา เบ๊อะวีเดอร์บี อากู เนอ, เร๊อ อู ทวาแถ่ โร๊ลู อา โคเจ่. โทเรอ เด๊อคยาเนอ, เหย่ซี กาคยา คยาแซ๊ เด๊อ วีลิสตรา เร๊อ วีอิโคเนยูม เร๊อ วีอันทิโอก เด๊อ อา โอ่ เด๊อ ปิสิเดีย เก่กูเนอ เต๊เห่.

Eastern Kayah Shadaw Dialect

²¹ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤙꤣꤧ ꤠꤤ꤭ꤘꤢꤩ꤬ꤙꤢꤩ꤬ ꤢ꤬ꤊꤢꤨ꤭ ꤔꤣꤧ꤬, ꤚꤣꤧ꤬ ꤢꤨ꤭ ꤓꤝꤢ꤭ꤓꤢꤧ꤬ ꤢꤩꤜꤥ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬꤯ ꤓꤥ꤭ꤚꤣꤧ꤬ ꤘꤣꤋꤛꤢ꤭ꤔꤣꤧ꤬, ꤛꤢꤩ꤬ꤞꤤ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬ ꤔꤢꤧ ꤠꤤ꤭ꤤꤊꤢ꤬ꤔꤤ꤬ ꤔꤢꤧ ꤠꤤ꤭ꤢ꤬ꤒꤤ꤬ꤢꤪ꤬ ꤘꤣ ꤢ꤬ ꤥ꤬ ꤘꤣ ꤕꤤ꤬ꤎꤤ꤬ꤘꤤꤛꤢ꤬ ꤊ꤫ꤢꤩ꤬ꤊꤢꤨ꤭ꤔꤣꤧ꤬ ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 14:21 ပူးပေါင်းရင်းမြစ်များ

เพรโด่แนพู๊ เต๊เห่ 14:19

โทเรอ แกแยยิวพู๊ เต๊เห่เนอ, อา โอ่ เด๊อ วีอันทิโอก เร๊อ เด๊อ วีอิโคเนยูม เร๊อ อา แฮ. แซ่ฮู๊ แกแย เบ๊หมู่ เออเต๊เห่ เก่ ซิโตโคแก คูเปาโล เร๊อ คูบารนาบัส, เร๊อ อา เก่ ซิปล่อ โอ่เกอ เหย่ซี ตากยา อาเงเนอ, อา จว๊าอิลอ แกแย เบ๊หมู่ เต๊เห่. โทเรอ เหย่ซี ต่าโทเฮ๊อ คูเปาโล เร๊อ หล่อ เร๊อ อา เตเน แลแค เน๊อ อา เซอเฮ๊อ เร๊อ เหย่ซี จุ่ยเถ่ วีแก แก ลู เด๊อ วีกลอ.

เพรโด่แนพู๊ เต๊เห่ 14:1

ฮู๊ เหย่ซี เมโทเฮ๊อ เด๊อ วีอันทิโอก อากูเนอ, คูเปาโล เร๊อ คูบารนาบัส จว๊าโน เด๊อ แกแยยิวพู๊ เต๊เห่ เตจ๊อเบโฮกู เด๊อ อา โอ่ เด๊อ วีอิโคเนยูม อากู เนอเตเม. เร๊อ เหย่ซี เฮ๊เบ่อาโปลเพ๊ เป่ แร๊แหน่เจ๊อ อู เร๊อ แบ่เจ่ เหย่ซู่ อาหรี่อาแก อาขว่าอาคยา, แกแยยิวพู๊ เร๊อ แกแยยิวพู๊ หม่าโต่ เต๊เห่ หยื่อเอ่ เอ๊เกอ เหย่ซี โกโน๊ โต่.

เพรโด่แนพู๊ เต๊เห่ 13:51

ฮู๊เนอเรอ เพรโด่แนพู๊ เต๊เห่ โซตาแก เห่หมื่อ เด๊อ อา กู่ยาเล. เออ หม่า อา เด๊อะโลซิเงแก วีกู เบ๊อะเนอ เต๊เห่ เนอ เตม๊าเตแด เต๊อเจ่อ เฮ๊อ, เมเตเฮ๊เรอ เหย่ซี วีกู เต๊เห่เนอ, อา เคร๊ฉื่อ เหว่เถ่แก เหย่ซี, เร๊อ เหย่ซี เถ่จว๊าแก เด๊อ วีอิโคเนยูม.

ทิโมธี เนอบ่า ต๊าบ่า 3:11

โทเรอ แว ข่าเบ่น๊อ อู เมจาเมจือ แว เออเนอ, เร๊อ แว ป่อชิเต่อเบ่ เน๊อ เตแป่เตเช เออเต๊เห่ เด๊อ วีอันทิโอก, วีอิกานีเร๊อ วีอิโคเนยูม เน๊อ วีลิสตรา อากู เนอหม่า, อา เมแคร๊ อาเหน่ เร๊อ แว ฮู๊เตเนอ เน ซิเง โทดื่อเฮ๊อ. แว ข่าเบ่ อู เมจาเมจือ แว หม่าแน๊เรอ ล๋อ เต เออเต๊เห่ เนอหม่า, แบ่เจ่ เมแลเปล๊กา เป่ ลอปลี แว แพ๊.

เพรโด่แนพู๊ เต๊เห่ 14:6

เบ๊อะเพรโด่แนพู๊ เต๊เห่ ซิเงเฮ๊อ เร๊อ อู เตเน เครเมมู๊แหม่ เฮ๊อ เหย่ซี เบ๊อะเนอ, เหย่ซี เถ่แกล่ จว๊าแก เด๊อ วีลิสตรา เน๊อ วีเตอร์บี เด๊อ อา โอ่ เด๊อ ลิคาโอเนียเก่ อา เตเป๊ออาเล เนอเต๊เห่, เร๊อ เหล่โอ่ โอ่ตี๊วี๊ตาวา เบ๊อะเนอเต๊เห่.

เพรโด่แนพู๊ เต๊เห่ 13:14

เหย่ซี โอ่เด๊อ วีเปอร์กา เร๊อ เถ่จว๊า แลแค เด๊อ วีอันทิโอก โอ่ เด๊อ ปิสิเดีย เก่กูเนอ ตีวี. เร๊อ เบ๊อะแกแยยิวพู๊ ม๊อเนอโด่ เบ่ เบ๊อะเนอ, เหย่ซี จว๊าโน โอ่แนโอ่ เด๊อ เตจ๊อเบโฮกู.

มัทธิว 28:19

เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.

เพรโด่แนพู๊ เต๊เห่ 16:2

เพรหยื่อเอ่ เด๊อ อา โอ่ แลแค เบ๊อะวีลิสตรา เร๊อ วีอิโคเนยูม เนอเต๊เห่ ถู่เซ๊ เกอเร๊อ แหน่เจ๊อ ลู เจ๊อ.

เพรโด่แนพู๊ เต๊เห่ 15:36

ม๊อเนอม๊อเซ งยาแฮเฮ๊อ ตี๊กิ เร๊อ, คูเปาโล เฮ๊ คูบารนาบัส เน๊อ, “เป จว๊าโอ่เลเกอ คยาแซ๊ เพรหยื่อเอ่ เต๊เห่ เด๊อ เป แด๊โฉ่โด่แน โทเป่เฮ๊อ เหย่ซี เนอ แบ่เจ่ จอแปแหร่ อาลาอาโหง่ เนอเต๊เห่ ปว๊าวี โป๋, เหย่ซี อาเตหยื่อเตแหน่ จอแปแหร่ เนอหม่า อา เม ลอปลี แคร๋ เฮ๊อ ฮู๊เต เนอ เป กา แม๊คยา โหร่ลู โป๋.”

เพรโด่แนพู๊ เต๊เห่ 14:8

เบ๊อะวีลิสตรา อากูเนอ แกแย กู๊โด่ด๊า ตือรือ เด๊อ อา โหมะฮ๊อกู เร๊อ อา จว๊าแจ่โต่ โอ่ เตเพร.

เพรโด่แนพู๊ เต๊เห่ 2:47

เหย่ซี ถู่เซ๊แถ่ จอแปแหร่ เร๊อ อูปว๋า เพร ซิปล่อ โอ่เกอ เหย่ซี. แบ่เจ่ แด่โนปล๊อ เอ๊แถ่ เป่ เหย่ซี แกแย เด๊อ อา พย๊าหนิ เตเหล่แลเปล๊เนอ เต๊เห่ เด๊อ เหย่ซี เพรหยื่อเอ่ตู๊หมู่ตอปล๊อ อากู ปว๋า เตอเนอ เจ๊อ.

เพรโด่แนพู๊ เต๊เห่ 14:7

เร๊อ เหย่ซี จว๊าเล แด๊โฉ่โด่แน เป่แฮ เป่ โป่ อู เตซิครือมีลา ตีวี๊ตาวา เบ๊อะเนอโต๊โผะ.

เพรโด่แนพู๊ เต๊เห่ 14:15

“ซี จว๊าเมฮู๊เออ เมเต? เป หม่า แกแย แซ่เน๊อ ซี แพ๊. เป แฮแด๊โฉ่ เป่ ซี เตซิครือมีลา อาหรี่อาแก แพ๊. เป ซิหยื่อ แด๊โฉ่โล เป่ ซี เร๊อ จ๊อเบปา แต่ แลแค เต เด๊อ อาโหง่แลช๊า โอ่โต่ เนอเต๊เห่ แต่เหม่. เป ซิหยื่อ นอจ๊อเบ ซี เร๊อ จอแปแหร่ เด๊อ อา เซอเพร เออเตเพร. อา หม่า จอแปแหร่ เด๊อ อา แบ๊แล ม๊อขุ, เห่ขุ, เทอดุซาวา เน๊อ เตโอ่ เด๊อ อากู เนอเต๊เห่ ล๋อ ปลี เตเพร.

เพรโด่แนพู๊ เต๊เห่ 14:26

เหย่ซี แถ่แด๊นี๋ ส่อเกลอดุ เบ๊อะวีอัททาลิยา เนอ เร๊อ กาคยา คยาแซ๊ แลแค เด๊อ วีอันทิโอก. วีอันทิโอก หม่า วี เด๊อ อา เด๊อะตา คูเปาโล เร๊อ คูบารนาบัส เด๊อ จอแปแหร่ อา กู๊ยากู เด๊อ อา เก่เก่แม๊ เก่ตู่หนิ เร๊อ เหย่ซี เด๊อ อา เตจว๊าเล โด่แน เร๊อ จอแปแหร่ อาลาอาโหง่ เออเนอ เฮ๊อ. เร๊อ เหย่ซี เมโทเฮ๊อ เตเอ่เตแร เออเต๊เห่ เฮ๊อ.