เพรโด่แนพู๊ เต๊เห่ 13:51 - ลีเทส่อพ๊าอาเซ เร๊อ เห่ขุทวาลู๊

⁵¹ ฮู๊เนอเรอ เพรโด่แนพู๊ เต๊เห่ โซตาแก เห่หมื่อ เด๊อ อา กู่ยาเล. เออ หม่า อา เด๊อะโลซิเงแก วีกู เบ๊อะเนอ เต๊เห่ เนอ เตม๊าเตแด เต๊อเจ่อ เฮ๊อ, เมเตเฮ๊เรอ เหย่ซี วีกู เต๊เห่เนอ, อา เคร๊ฉื่อ เหว่เถ่แก เหย่ซี, เร๊อ เหย่ซี เถ่จว๊าแก เด๊อ วีอิโคเนยูม.

Eastern Kayah Shadaw Dialect

⁵¹ ꤟꤢꤨꤔꤣꤧ꤬ꤚꤣꤧ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤞꤥ꤭ꤒꤢ꤭ꤊꤢꤧ꤭ ꤟꤢꤩ꤬ꤗꤢꤦ꤬ ꤘꤣ ꤢ꤬ ꤋꤢꤧ꤬ꤛꤢ꤭ꤜꤢꤩ꤭꤯ ꤣꤧ꤭ꤗꤢ꤬ ꤢ꤬ ꤘꤣꤧꤜꤥ꤭ꤊꤢꤧ꤭ ꤠꤤ꤭ꤊꤢꤨ꤭ꤖꤢꤨ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤒꤣ꤬ꤡꤣ꤬ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤠꤤ꤭ꤊꤢꤨ꤭ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤓꤢꤩꤏꤢꤦ꤬ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤛꤢꤩ꤬ꤞꤤ꤭, ꤚꤣꤧ꤬ ꤛꤢꤩ꤬ꤞꤤ꤭ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤠꤤ꤭ꤤꤊꤢ꤬ꤔꤤ꤬꤯

เพรโด่แนพู๊ เต๊เห่ 13:51 ပူးပေါင်းရင်းမြစ်များ

มัทธิว 10:14

แกแย เตเพรเพร เก่ เอ๊ฉื่อ ซี โต่, เก่ หม่าโต่ เรอ อา เก่ หนิดา ซีโหง่ โต่ เก่เฮ๊เรอ, เบ๊อะซี เถ่จว๊าแก เฮ๊อ เร๊อ หี่ เนอเตเม เบ๊อะเนอ, หม่าโต่เรอ ดอเนอตอดอ เบ๊อะเนอ, โซตาแก เห่หมื่อ เด๊อ ซี กู๊โด่ลู เนอเต๊เห่.

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

ꤜꤢꤨꤊꤢ꤬ 9:5

อู เก่ เอ๊โมฉื่อ ซี โตโพ๋ โต่ เฮ๊เนอ, โซตาแก เห่หมื่อ เด๊อ ซี กู๊โด่ลู เนอเต๊เห่ เร๊อ เถ่จว๊าแก เด๊อ เมอเนอ ตีวี อากู นี๋. ซี เก่ เมฮู๊เนอ เฮ๊หม่า อาแซ่เน๊อ ซี เฮ๊โฉ่โทเฮ๊อ เตม๊าเตแด เต๊อเจ่อ เด๊อ จอแปแหร่ เก่ เด๊อะจาเหย่ซี ปา เนอเฮ๊อ.”

เพรโด่แนพู๊ เต๊เห่ 14:21

คูเปาโล เร๊อ คูบารนาบัส แด๊โฉ่โด่แน เป่ อู เร๊อ เตซิครือมีลา เบ๊อะวีเดอร์บี อากู เนอ, เร๊อ อู ทวาแถ่ โร๊ลู อา โคเจ่. โทเรอ เด๊อคยาเนอ, เหย่ซี กาคยา คยาแซ๊ เด๊อ วีลิสตรา เร๊อ วีอิโคเนยูม เร๊อ วีอันทิโอก เด๊อ อา โอ่ เด๊อ ปิสิเดีย เก่กูเนอ เต๊เห่.

เพรโด่แนพู๊ เต๊เห่ 14:19

โทเรอ แกแยยิวพู๊ เต๊เห่เนอ, อา โอ่ เด๊อ วีอันทิโอก เร๊อ เด๊อ วีอิโคเนยูม เร๊อ อา แฮ. แซ่ฮู๊ แกแย เบ๊หมู่ เออเต๊เห่ เก่ ซิโตโคแก คูเปาโล เร๊อ คูบารนาบัส, เร๊อ อา เก่ ซิปล่อ โอ่เกอ เหย่ซี ตากยา อาเงเนอ, อา จว๊าอิลอ แกแย เบ๊หมู่ เต๊เห่. โทเรอ เหย่ซี ต่าโทเฮ๊อ คูเปาโล เร๊อ หล่อ เร๊อ อา เตเน แลแค เน๊อ อา เซอเฮ๊อ เร๊อ เหย่ซี จุ่ยเถ่ วีแก แก ลู เด๊อ วีกลอ.

เพรโด่แนพู๊ เต๊เห่ 14:1

ฮู๊ เหย่ซี เมโทเฮ๊อ เด๊อ วีอันทิโอก อากูเนอ, คูเปาโล เร๊อ คูบารนาบัส จว๊าโน เด๊อ แกแยยิวพู๊ เต๊เห่ เตจ๊อเบโฮกู เด๊อ อา โอ่ เด๊อ วีอิโคเนยูม อากู เนอเตเม. เร๊อ เหย่ซี เฮ๊เบ่อาโปลเพ๊ เป่ แร๊แหน่เจ๊อ อู เร๊อ แบ่เจ่ เหย่ซู่ อาหรี่อาแก อาขว่าอาคยา, แกแยยิวพู๊ เร๊อ แกแยยิวพู๊ หม่าโต่ เต๊เห่ หยื่อเอ่ เอ๊เกอ เหย่ซี โกโน๊ โต่.

ꤗꤢ꤬ꤊꤢꤨ 6:11

ดอ ตอดอดอ เด๊อ อา เก่ ซิหยื่อ เอ๊ฉื่อ ซี โต่, โทเรอ อา เก่ หนิดา ซีโหง่ โต่ เฮ๊เรอ เบ๊อะซี เถ่จว๊าแก เบ๊อะเนอ, โซตาแก เห่หมื่อ เด๊อ ซี กู๊โด่ลู เนอเต๊เห่. ซี เก่ เมฮู๊เนอ เฮ๊หม่า อาแซ่เน๊อ ซี ข่าเด๊อะโล แกเออ เร๊อ เตม๊าเตแด เต๊อเจ่อ จอแปแหร่ อา เก่ เมจากาคยา เหย่ซี ปา.”

เพรโด่แนพู๊ เต๊เห่ 16:2

เพรหยื่อเอ่ เด๊อ อา โอ่ แลแค เบ๊อะวีลิสตรา เร๊อ วีอิโคเนยูม เนอเต๊เห่ ถู่เซ๊ เกอเร๊อ แหน่เจ๊อ ลู เจ๊อ.

ทิโมธี เนอบ่า ต๊าบ่า 3:11

โทเรอ แว ข่าเบ่น๊อ อู เมจาเมจือ แว เออเนอ, เร๊อ แว ป่อชิเต่อเบ่ เน๊อ เตแป่เตเช เออเต๊เห่ เด๊อ วีอันทิโอก, วีอิกานีเร๊อ วีอิโคเนยูม เน๊อ วีลิสตรา อากู เนอหม่า, อา เมแคร๊ อาเหน่ เร๊อ แว ฮู๊เตเนอ เน ซิเง โทดื่อเฮ๊อ. แว ข่าเบ่ อู เมจาเมจือ แว หม่าแน๊เรอ ล๋อ เต เออเต๊เห่ เนอหม่า, แบ่เจ่ เมแลเปล๊กา เป่ ลอปลี แว แพ๊.

ꤜꤢꤨꤊꤢ꤬ 10:11

‘ซี วีกู เห่หมื่อ เด๊อ อา แบ๊หม่า เป กู๊ยาเล เออเต๊เห่เนอ, เป โซตาแก เป่เฮ๊อ ซี เฮ๊อ. เป ซิหยื่อ นอซิเง ซี เร๊อ เป แด่แกเฮ๊อ ซี เฮ๊อ. หม่าแน๊เรอ เตเนหม่า แลแค เร๊อ จอแปแหร่ เตเร เป๊อเทอเป๊อเก่ อาม๊อเนอม๊อเซ เนอ อา แฮโต่ผื่อ เฮ๊อ.’