เพรโด่แนพู๊ เต๊เห่ 13:5 - ลีเทส่อพ๊าอาเซ เร๊อ เห่ขุทวาลู๊

⁵ เบ๊อะเหย่ซี จว๊าโต่ เด๊อ วีซาลามิส เบ๊อะเนอ, อา จว๊า แด๊โฉ่โด่แน เป่ อู เร๊อ จอแปแหร่ อาลาอาโหง่ เด๊อ แกแยยิวพู๊ เตจ๊อเบโฮ เต๊เห่ อากู. คูยอห์น มาระโก จว๊า เต่อเกอ เร๊อ เหย่ซี เร๊อ อา เมจว่าเกอ เหย่ซี.

Eastern Kayah Shadaw Dialect

⁵ ꤙꤣꤧ ꤛꤢꤩ꤬ꤞꤤ꤭ ꤡꤝꤢꤒ꤫ꤥ꤬ ꤘꤣ ꤠꤤ꤭ꤎꤢ꤬ꤜꤢ꤬ꤗꤤ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤛꤢꤨꤘꤢ꤬ꤖꤢꤨ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯ ꤋꤢꤨ꤭ꤛꤥ꤭ꤟꤢ꤬ ꤗꤢ꤬ꤊꤢꤨ ꤡꤝꤢ ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤗꤢꤩ꤬ꤡꤝ꤫ꤢ꤬ꤊꤣꤧ꤭ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 13:5 ပူးပေါင်းရင်းမြစ်များ

เพรโด่แนพู๊ เต๊เห่ 13:14

เหย่ซี โอ่เด๊อ วีเปอร์กา เร๊อ เถ่จว๊า แลแค เด๊อ วีอันทิโอก โอ่ เด๊อ ปิสิเดีย เก่กูเนอ ตีวี. เร๊อ เบ๊อะแกแยยิวพู๊ ม๊อเนอโด่ เบ่ เบ๊อะเนอ, เหย่ซี จว๊าโน โอ่แนโอ่ เด๊อ เตจ๊อเบโฮกู.

เพรโด่แนพู๊ เต๊เห่ 13:46

โทเร๊อ คูเปาโล เร๊อ คูบารนาบัส ลื๋อ เฮ๊เบ่ คือเฮ๊เบ่บื่อ โป่โป่ เจ๊อ, เร๊อ อา เฮ๊ เน๊อ, “เป โตเบ่ แด๊โฉ่โด่แน เหร่อเล๊อ เป่ ซี เร๊อ จอแปแหร่ อาลาอาโหง่. หม่าแน๊เรอ ซี หยื่อเอ่แลแค เป เตโด่แน เออเนอ โต่ อาขว่าอาคยา, ซี เมจากาคยาแล เกอ เร๊อดื่อ เฮ๊อ ซิเหน่ ฮู๊ แกแย เด๊อ อาต่า พย๊าหนิ เกออู แหย่โยบูโพ๊เซอเพร ตูจูเพร โต่ เนอเต๊เห่ เฮ๊อ. ฮู๊เนอเรอ เป เก่ แด่แก ซี เร๊อ เป เก่ จว๊า เด๊อ แกแยยิวพู๊ หม่าโต่ เต๊เห่ อา โอ่.

เพรโด่แนพู๊ เต๊เห่ 19:8

คูเปาโล จว๊าโน เด๊อ เตจ๊อเบโฮกู เร๊อ อา เฮ๊เบ่โด่แน คือฮาบื่อ เจ๊อ เน๊อ แกแย เบ๊หมู่ เบ๊อะเนอ โซเล อากู. คูเปาโล เฮ๊เบ่โด่แน เคร๊แขระ เหย่ซี เน๊อ, จอแปแหร่ อาเทอเก่ อาหรี่อาแก เร๊อ อา ท๊อหนิจุ่ยหนิ ลอ เหย่ซี อาซิปล่อ.

เพรโด่แนพู๊ เต๊เห่ 18:4

แกแยยิวพู๊ ม๊อเนอโด่ ปว๋า โผ่โผ๋ เนอ, คูเปาโล โด่แน เคร๊แขะ อู เบ๊อะเตจ๊อเบโฮ อากูเนอ. แซ่ฮู๊ แกแยยิวพู๊ เร๊อ กรีกพู๊ เนอหมู่ลอ เก่ หยื่อเอ่แหน่ เกอ เหย่ซู่ อาเงเนอ, คูเปาโล แอ๊จื๊อ เฮ๊เบ่ จุ่ยหนิท๊อหนิ เหย่ซี ซิปล่อ.

เพรโด่แนพู๊ เต๊เห่ 17:17

ฮู๊เนอ อาขว่าอาคยา, อา เฮ๊เบ่โด่แน เคร๊แขะ เร๊อ แกแยยิวพู๊ เร๊อ แกแยกรีกพู๊ เด๊อ อา เบ่หยื่อเบ่แหน่ จอแปแหร่ เต๊เห่ เบ๊อะเตจ๊อเบโฮ อากู เนอ. โท๊โต่ อา โด่แน เคร๊แขะ โป่เกอ เร๊อ แกแย เด๊อ อา โอ่ แลแค เด๊อ แกล๊กู เนอเต๊เห่ ฮู๊เนอ ปวาเนอเน๋อ เจ๊อ.

เพรโด่แนพู๊ เต๊เห่ 14:1

ฮู๊ เหย่ซี เมโทเฮ๊อ เด๊อ วีอันทิโอก อากูเนอ, คูเปาโล เร๊อ คูบารนาบัส จว๊าโน เด๊อ แกแยยิวพู๊ เต๊เห่ เตจ๊อเบโฮกู เด๊อ อา โอ่ เด๊อ วีอิโคเนยูม อากู เนอเตเม. เร๊อ เหย่ซี เฮ๊เบ่อาโปลเพ๊ เป่ แร๊แหน่เจ๊อ อู เร๊อ แบ่เจ่ เหย่ซู่ อาหรี่อาแก อาขว่าอาคยา, แกแยยิวพู๊ เร๊อ แกแยยิวพู๊ หม่าโต่ เต๊เห่ หยื่อเอ่ เอ๊เกอ เหย่ซี โกโน๊ โต่.

เพรโด่แนพู๊ เต๊เห่ 12:12

เบ๊อะอา ซิเงแฮเฮ๊อ เนอ เตเมทวาแถ่ อาเหน่เออ หม่า อา หม่าแหน่ เจ๊อ เฮ๊อ เบ๊อะเนอ, อา จว๊า เด๊อ คูยอห์น เด๊อ อู เอ๊โป๊ อามุย เนอ คูมาระโก เออเตเพร อาโหมะ มารีย์ อาหี่, เร๊อ เบ๊อะเนอเคเนอ, อา โตตื๊อ เร๊อ อู จว๊า โอ่ปล๊อโอ่ปลู กุยจ๊อเบ โหร่ลอ ลู เบ๊อะเนอ.

เพรโด่แนพู๊ เต๊เห่ 9:20

เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

ทิโมธี เนอบ่า ต๊าบ่า 4:11

แกแย โอแกเกอ เร๊อ แว หม่า ตื๊อแพ๊ คูลูกา เตเพรแพ๊. จว๊า เอ๊แฮ หนิเกอ คูมาระโก นี๋. เมเตเฮ๊เรอ อา เตเมจว่า แว เต๊เห่เนอ, อา ทวาบุ๊ยทวาเตอเรอ แหน่เจ๊อ เด๊อ แว เตเอ่เตแร อาเง เจ๊อ.

โคโลสี 4:10

คูอาริสทารคัส เด๊อ อู ด๊อตา เต่อเกอ อา เร๊อ แว เออเตเพร ซูแฮ เป่เกอ ซี อาเตเฮ๊โมเฮ๊แร๊, โทเรอ คูบารนาบัส โต๊โป่บู คูมาระโก ซูแฮ เป่เกอ ซี อาเตเฮ๊โมเฮ๊แร๊ เด๊อ ซี โอ่โอ๋. (ซี พย๊าหนิ โทเฮ๊อ ลี เด๊อ อู ราโล เป่ ซี เน๊อ คูมาระโก อาหรี่อาแก เออเนอเฮ๊อ. อา เก่ แฮโตเกอ เด๊อ ซี โอ่ ปา เร๊อ เอ๊โมฉื่อแร๊ ลู นี๋.)

เพรโด่แนพู๊ เต๊เห่ 15:37

คูบารนาบัส ซิหยื่อ เอ๊จว๊าหนิ เกอ คูยอห์น เด๊อ อู เอ๊ ลู เน๊อ คูมาระโก เฮ๊ เออเนอ เตเพร.

เพรโด่แนพู๊ เต๊เห่ 12:25

เร๊อ คูบารนาบัส เร๊อ คูเซาโล เมโท อาเตเม เบ๊อะวีเยรูซาเล็ม อากู เนอเรอ อา เอ๊หนิ คูยอห์น เด๊อ อู เอ๊โป๊ ลูมูย เร๊อ คูมาระโก เออเตเพร เร๊อ อา เถ่กาแก.

มัทธิว 20:26

ซี ลาติ เร๊อ ซี โต เมฮู๊เนอ โต่. เด๊อ ซีเกลเนอ, แกแย เตเพรเพร เก่ ซิหยื่อ ทวาดุ เฮ๊เรอ อา โตเบ่ ทวา ซี หลู่เล๊.

เพรโด่แนพู๊ เต๊เห่ 19:22

เบ๊อะอา จว๊า โอ่โก๊ เตอเปลอฮู๊ เบ๊อะเอเชียเก่ เบ๊อะเนอ, อา นอจว๊า ทิโมธี เร๊อ เอรัสทัส เด๊อ อา เมจว่า ลู เออซิเนอเนอ เด๊อ มาซิโดเนียเก่.

เพรโด่แนพู๊ เต๊เห่ 19:29

เตตอปลอตือซือ โอ่ทวาแถ่ เร๊อ อา จว๊าปีชี ลอ เจ๊อ ตีวีลอ เจ๊อ. แกแย เบ๊หมู่ ปื่อหม่า มาซิโดเนียพู๊ คูกายอัส เร๊อ คูอาริสทารคัส เด๊อ อา จว๊า หนิซว๊าหนิโค เกอแน๊ คูเปาโล เออซิเนอ. เร๊อ อู จุ่ยจว๊า เหย่ซี เด๊อ อู เหล่เด๊อะโล เตแลหวิแลวอ อาเหล่โอ่ เบ๊อะวีกูเนอ.