เพรโด่แนพู๊ เต๊เห่ 13:48 - ลีเทส่อพ๊าอาเซ เร๊อ เห่ขุทวาลู๊

⁴⁸ เบ๊อะแกแยยิวพู๊ หม่าโต่ เออเต๊เห่ หนิโฮน๊อ เกอ เฮ๊อ เตเออ เบ๊อะเนอ, เหย่ซี ซิครือ เร๊อ ถู่เซ๊แถ่ แบ่เจ่ อาลาอาโหง่ เออเต๊เห่ เฮ๊อ. เร๊อ แกแย เด๊อ จอแปแหร่ นว๊าแถ่เฮ๊อ เหย่ซี เด๊อ อา เก่ พย๊าหนิเกอ แหย่โยบูโพ๊เซอเพร ตูจูเพร เต๊เห่เนอ, อา ทวา กา แลแค เพรหยื่อเอ่ เต๊เห่ เฮ๊อ.

Eastern Kayah Shadaw Dialect

⁴⁸ ꤙꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔ꤫ꤤ꤬ꤟꤥ꤭ꤔꤢꤪ ꤊꤣꤧ꤭ ꤟꤣꤧ ꤒꤢꤩ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤞꤤꤋꤚꤢꤦ꤭ ꤚꤣꤧ꤬ ꤓꤢꤨ꤬ꤞꤢꤩꤓꤢꤧ꤬ ꤙꤢꤧ꤬ꤡꤢꤩ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤟꤣꤧ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ꤊꤣꤧ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤓꤝꤢ꤭ꤊꤢ꤬ ꤜꤢ꤭ꤋꤢꤧ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤣꤧ꤯

เพรโด่แนพู๊ เต๊เห่ 13:48 ပူးပေါင်းရင်းမြစ်များ

เอเฟซัส 1:4

เมเตเฮ๊เรอ, เด๊อ จอแปแหร่ อา เป๊เส่เง ปาเนอ, แซ่ฮู๊ เป เก่ บูโพ๊ เร๊อ อู เก่ แด่แจ่ ปา แต่ เป่ เตซื๊อ เตอเจ๋อ แต่เหม่ อาเงเนอ, อา นว๊าแถ่ปา เป เด๊อ ครี๊ อากู, เด๊อ อา แบ๊แล แต่ล๋าย เห่ขุ โต่ ปา เจ๊อ.

ꤚꤥꤗꤢꤩ꤬ 11:7

ฮู๊เนอเรอ, อาโหง่แลช๊า หม่า หม่าเฮ๊อ เต เด๊อ อิสราเอลพู๊ แม๊ปู เกอ เร๊อ เออเนอ, อา แม๊เถอะ เกอเร๊อ โต่. ตื๊อแพ๊ แกแย เด๊อ จอแปแหร่ นว๊าแถ่ เหย่ซี เออเต๊เห่ แม๊เถอะ แลแค แพ๊. ล๋อ อา โอ่แก เนอเต๊เห่ หม่า จอแปแหร่ นอ กู่กล๊อเพรอ ลอ แหน่เจ๊อ เหย่ซี เนอเต๊เห่ เฮ๊อ.

ꤛꤥ꤭ꤟꤢ꤬ 10:16

แว ซิหมิ เด๊อ อาโร เด๊อ อา โอ่ เบ๊อะอาโปกู เออโต่เนอ อา โอ่ปา เต๊เห่. แว เบ่ เอ๊กา เกอ เหย่ซี ปา. เหย่ซี เก่ หนิดา เกอ แวโหง่ ปา, เร๊อ เหย่ซี เก่ กา ทวา เต่อ ลอ ลู ซิหมิ ตู๊หมู่จือแพ๊, เพรเกซิหมิ อา แบ่เจ่ เตเพรเพร่ว แพ๊ปา.

ꤛꤥ꤭ꤟꤢ꤬ 11:52

โทเรอ อา เตเฮ๊โพร เออเนอ, อา โตแพ๊ตื่อ เหย่ซู่ เก่ เซอ เป่ เด๊อ แกแยยิวพู๊ เต๊เห่ อาเง เนอหม่าโต่, อา เก่ เซอโต่ เป่เกอ จอแปแหร่ อาพู๊อาเลอ โอ่ แลแค เด๊อ เทอเก่ อาโร เต๊เห่ อาเงเง. แซ่ฮู๊ อา เก่ เมทวาแถ่ แกแย เออเต๊เห่ ตู๊หมู่หมู๋ แพ๊ ปา อาเงเนอ, อู เบ่ เมเซอ ลู ปา.

เอเฟซัส 1:19

โท๊โต่ อา เตโพรอาเตอเรอ เด๊อ อา เก่ เมจว่า เป่ แกแย เด๊อ อา หยื่อเอ่ ลู เออเต๊เห่เนอ, อาดุเจ๊อ บ๋า เตเนอ, แว ซิหยื่อ นอซิเง เกอ ซี เร๊อ แว กุยจ๊อเบ เป่ เด๊อ ซิเง แพ๊. เตโพรอาเตอเรอ เออเนอหมา อา เตอเรอฉว่าชอ แซ่เจ๊อเน๊อ,

เพรโด่แนพู๊ เต๊เห่ 2:41

แกแย เด๊อ อา หยื่อเอ่ คูเปโตร อา เตเฮ๊เบ่โด่แน เออเต๊เห่เนอ, อา เจหนิแลแค อาเหน่ เร๊อ เทอ. เร๊อ เบ๊อะเนอเตอเนอเนอ, แกแย หยื่อเอ่แลแค เร๊อ อากา โกโน โอ่เอ๊แถ่ เกอ โป่ เหย่ซี เนอ, อา พื๋อ โอ่ อาเพร โซรี๊ เจ๊อ.

เพรโด่แนพู๊ เต๊เห่ 22:10

“‘แบ่เจ๋, แว โตเบ่ เมฮู๊เต?’ แว แด๊เฮอฉื่อ อา ฮู๊เนอ. “เร๊อ แบ่เจ่ เฮ๊ฉื่อ แว เน๊อ, ‘ก๊อถ่อ เร๊อ จว๊าโน เด๊อ วีดามัสกัส อากู เนอ. จอแปแหร่ ตี๊หรี่แตแร เป่โทเฮ๊อ เด๊อ เนเง เฮ๊อ, เน โตเบ่ เมแคร๋ อิเตเนอ, อู เก่ แด๊โฉ่ เป่ดื่อ เน ปา.’

ꤜꤢꤨꤊꤢ꤬ 7:8

หม่าเมเตเรอ แว เฮ๊ ฮู๊เออ เนอหม่า แว เหน่แบ่แจ่ เร๊อดื่อ แว เบ่ หนิดา แกแย เด๊อ อาดุเล๊อ เร๊อ แว เต๊เห่ อาโหง่. ฮู๊เนอเฮ๊อ เกลอฮู๊ เด๊อ อา โอ่ เด๊อ แวเล เต๊เห่เนอ อา เบ่ หนิดา เกอดื่อ แวโหง่ ฮู๊เนอเนอ. เก่ แว เฮ๊ เกลอฮู๊ เตเพรเพร เน๊อ, ‘จว๊ามอ,’ เฮ๊เร๊อหม่า อา เบ่จว๊า แพ๊, เก่ แว เฮ๊ ลาติ เด๊อ อาโรเตเพร เน๊อ, ‘แฮเด๊อะเออ,’ เฮ๊เนอหม่า อา เบ่ แฮ แพ๊. โท๊โต่ แว เก่ เฮ๊ แวหลู่เล๊ เน๊อ, ‘เมเมอเออ,’ เฮ๊เนอหม่า อา เบ่ เม แพ๊, เกลอฮู๊กู่กล๊อนอจว๊า เฮ๊ เป ฮู๊เออ.”

ꤚꤥꤗꤢꤩ꤬ 13:1

อู ปว๋า เตเพร โตเบ่ จูเอ่ หนิดา คุ๊ยจ๊อแผ่เด๊อ อา เป๊อเทอเก่ เต๊เห่ อาโหง่, เมเตเฮ๊เรอ จอแปแหร่ เก่ นอเป๊อ เหย่ซี โต่ เฮ๊เนอ, เหย่ซี แถ่ทวาเบ๊ คุ๊ย โต่. แกแย เด๊อ อา เป๊อเทอเป๊อเก่ กู๊แหน่ เออ เต๊เห่ เนอหม่า จอแปแหร่ แด่แถ่ ลอ เหย่ซี แพ๊.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

เพรโด่แนพู๊ เต๊เห่ 2:47

เหย่ซี ถู่เซ๊แถ่ จอแปแหร่ เร๊อ อูปว๋า เพร ซิปล่อ โอ่เกอ เหย่ซี. แบ่เจ่ แด่โนปล๊อ เอ๊แถ่ เป่ เหย่ซี แกแย เด๊อ อา พย๊าหนิ เตเหล่แลเปล๊เนอ เต๊เห่ เด๊อ เหย่ซี เพรหยื่อเอ่ตู๊หมู่ตอปล๊อ อากู ปว๋า เตอเนอ เจ๊อ.

เพรโด่แนพู๊ เต๊เห่ 20:13

คูเปาโล เฮ๊แก เป เน๊อ จว๊าแถ่แด๊ ส่อเกลอดุ เร๊อ เถ่จว๊า เหร่อ เด๊อ วีอัสโสส เน๊อ. เร๊อ คูเปาโล เก่ จว๊า แถ่แด๊ เกอ เป เบ๊อะเนอ ปา. เมเตเฮ๊เรอ อา เร๊อ อา เก่ จว๊า เน๊อ อากู๊โด่ เด๊อ โคขุ ตากยา ปา.

มัทธิว 28:16

เออโตโพ๊เรอ อา โคเจ่ เออ เช๊อเตเพร จว๊า แลแค เด๊อ กาลิลี โฉ่ขุ ฮู๊ แบ่เจ่ แด๊โฉ่ หนื่ออื่อแก เหย่ซี เนอ.

เธสะโลนิกา เนอบ่า ต๊าบ่า 3:1

เป โป่แหว่ ซี๋, เป ซิหยื่อ เฮ๊โฉ่แก ซี เด๊อ คยา ตื๊อดื่อ เนอ, แซ่ฮู๊ แบ่เจ่ อา เตซิครือมีลา เก่ โลปีชีจว๊า แพรแพร อาเงเนอ, กุยจ๊อเบ เป่ เกอ เด๊อ เปเง นี๋. โท๊โต่ ฮู๊ ซี พย๊าฉื่อ โทเฮ๊อ เตซิครือมีลา เออเนอ เร๊อ เด๊อ เตแด่หยื่อแด่แหน่ อากูเนอ, แซ่ฮู๊ อู เก่ พย๊าฉื่อ แซ่เกอดื่อ ฮู๊ ซี พย๊าฉื่อ เออเนอเนอ, กุยจ๊อเบ เป่ เกอ โป่ แลแค เด๊อ เปเง นี๋.

โครินธ์ อาเหร่อเล๊อ ต๊าบ่า 16:15

คูสเทฟานัส เร๊อ อา ตี๊หี่แตแพพู๊ อาหรี่อาแก เนอหม่า ซี ซิเง ลอดื่อ เฮ๊อ. เด๊อ อาคายาเก่กู เนอหม่า, เพร เด๊อ อา หยื่อเอ่แหน่ กา เหร่อเล๊อ อู ครี๊ หม่า เหย่ซี เนอเต๊เห่ เฮ๊อ. เร๊อ เหย่ซี เมจว่า จอแปแหร่ อาแกแย เนอเต๊เห่ ปว๋า โตโพ๊ เจ๊อ.

เพรโด่แนพู๊ เต๊เห่ 15:31

ลีเออ ต๊าบ่าเนอ, ลี เด๊อ อา เด๊อะอ๊าเด๊อะเหร่ เหย่ซี อาขว่าอาคยา เบ๊อะเหย่ซี แด๊ เบ๊อะเนอ, อา ซิครือซิลอ แลแค เจ๊อ.

เพรโด่แนพู๊ เต๊เห่ 15:2

คูเปาโล เร๊อ คูบารนาบัส เคร๊แขะ ชอฉื่อ แหน่เจ๊อ แกแย เออเต๊เห่ เน๊อ เตหรี่เตแก เออเต๊อเจ่อ. ฮู๊เนอเรอ เด๊อ เตหรี่เตแก เออ อาขว่าอาคยา, อู นว๊าแถ่ คูเปาโล เร๊อ คูบารนาบัส เร๊อ แกแย โอ่ เด๊อ วีอันทิโอก อากู เต๊เห่, เร๊อ เหย่ซี โตเบ่ จว๊า แม๊เถอะฉื่อ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ อา ทวาดุทวาเต เด๊อ วีเยรูซาเล็ม อากู เนอเต๊เห่.

เพรโด่แนพู๊ เต๊เห่ 13:42

เบ๊อะคูเปาโล เร๊อ คูบารนาบัส เถ่จว๊าแก เด๊อ เตจ๊อเบโฮกู เบ๊อะเนอ, แกแย เบ๊หมู่ เต๊เห่ นอแฮโป่ เหย่ซี ช๋า แกแยยิวพู๊ อา ม๊อเนอโด่ เบ่ คยาแซ๊ เด๊อคยา โซซว๊าเตอเนอ ปา. เร๊อ อา นอแด๊โฉ่โด่แน โอ่เอ๊แถ่ โป่ เหย่ซี เร๊อ เตหรี่เตแก ซีเต๊เห่.

เพรโด่แนพู๊ เต๊เห่ 8:8

ฮู๊เนอ อาขว่าอาคยา, วีกูพู๊ เต๊เห่ เหย่ซีซิครือซิลอ แหน่เจ๊อ.

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

เพรโด่แนพู๊ เต๊เห่ 13:12

เบ๊อะ คุ๊ยดุ เออเตเพร แม๊เถอะ เตเมทวาแถ่ อาเหน่ ฮู๊เออ เบ๊อะเนอ, อา หยื่อเอ่ แลแค เกอ เหย่ซู่. อา หนิโฮ อู อิซว๊า เป่ ลู แบ่เจ่ อาหรี่อาแก เร๊อ อา คย๊ายื๊อ แหน่เจ๊อ.

ꤚꤥꤗꤢꤩ꤬ 8:28

แกแย เด๊อ อา โม จอแปแหร่, เร๊อ จอแปแหร่ เอ๊ ลู เน๊อ อา เหล่เตเน แม๊ชือ หนื่ออื่อ อาเง เต๊เห่เนอ, เตเมทวาแถ่ อาเหน่ เน๊อ เหย่ซี ฮู๊เตเต๋ เบ่เบ่เนอ, จอแปแหร่ เม เป่ เตแร๊ เด๊อ เหย่ซี เง เนอหม่า, เป ซิเง แพ๊.

เอเฟซัส 1:5

จอแปแหร่ ล๋อ โมหนิเร๊อ เป่ อาขว่าอาคยา, เด๊อ อา แบ๊แล แต่ล๋าย เห่ขุ โต่ ปา เจ๊อ อา แด่แล โทเฮ๊อ อาซิปล่อ เร๊อ อา เก่เอ๊ พู๊ เฮ๊อ เป ฮู๊ อา พู๊อาเลอ เร๊อ อาเหน่เนอ ปา. เด๊อ อา เก่ เม ฮู๊เออ อาเงเนอ, อา เก่ นอเม บ่อทือแฮเง เร๊อ เหย่ซู่ครี๊ ปา. อา เม ฮู๊เออเนอหม่า หม่าดื่อแพ๊ จู๋ อาซิปล่อ ซิหยื่อ เมหนิเร๊อดื่อ เร๊อ อาเต เตเนหนื่ออื่อ หนิเร๊อดื่อ แพ๊.

เอเฟซัส 1:11

เด๊อ ครี๊ ขว่าคยาเนอ, จอแปแหร่ นว๊าแถ่เฮ๊อ เป เร๊อ เป เก่ ทวาแถ่ อาแกแย เฮ๊อ. อา แด่แล โทเฮ๊อ อาซิปล่อ อาขว่าอาคยา, อา เม เฮ๊อ ฮู๊เนอ เฮ๊อ. อา เมทวาแถ่ ลอเฮ๊อ เตปว๊า เต๊อเจ่อ ฮู๊ อา ซิหยื่อ เมเนอ เฮ๊อ.