เพรโด่แนพู๊ เต๊เห่ 13:43 - ลีเทส่อพ๊าอาเซ เร๊อ เห่ขุทวาลู๊

⁴³ เร๊อ เบ๊อะอู จ๊อเบ โทเฮ๊อ เด๊อ เตจ๊อเบโฮกู เบ๊อะเนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เด๊อ อา หยื่อเอ่ เกอ แกแยยิวพู๊ อาเตจ๊อบู่จ๊อเบ เต๊เห่เนอ, อา ครวาปลูครวาเผ่ เกอลอ คูเปาโล เร๊อ คูบารนาบัส อาคยา. เร๊อ เหย่ซี เฮ๊เบ่ เด๊อะอ๊าเด๊อะเหร่ ฉว่าชอแถ่ แกแย เด๊อ อา ครวาเกอ ลูคยา เนอเต๊เห่ เน๊อ อา เก่ โอ่เซอเพร ชีเหน่ เป่แฮ หนิเกอ แลแค อาเหน่ เด๊อ จอแปแหร่ อาบุ๊ยอาเตอเรอ อากู.

Eastern Kayah Shadaw Dialect

⁴³ ꤚꤣꤧ꤬ ꤙꤣꤧ ꤢꤨ꤭ ꤡꤢꤪꤙꤢꤩ꤭ ꤓꤥ꤭ꤟꤣꤧ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤛꤢꤨꤘꤢ꤬ꤖꤢꤨ ꤢ꤬ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤋꤚꤝꤢ꤭ꤕꤜꤢꤨ꤬ꤋꤚꤝꤢ꤭ꤖꤢꤩ꤬ ꤊꤣꤧ꤭ꤜꤢꤪ꤭ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤢ꤬ꤋꤛꤢ꤭꤯ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤏꤝꤢ꤬ꤏꤢꤪ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ꤊꤣꤧ꤭ ꤜꤢꤨ꤭ꤋꤛꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤞꤤꤜꤢꤩ꤬ ꤟꤢꤧ꤭ꤑꤢꤩ꤭ ꤚꤣꤧꤊꤣꤧ꤭ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤊꤢꤨ꤭꤯

เพรโด่แนพู๊ เต๊เห่ 13:43 ပူးပေါင်းရင်းမြစ်များ

เพรโด่แนพู๊ เต๊เห่ 11:23

เร๊อ เบ๊อะอา จว๊าโต่ เนอ, อา จว๊าแม๊เถอะ เร๊อ แกแย เออเต๊เห่ พย๊าหนิ จอแปแหร่ อาบุ๊ยอาเตอเรอ อาขว่าอาคยา, อา ซิครือซิลอ แหน่เจ๊อ เร๊อ แซ่ฮู๊ เหย่ซี เก่ โอ่เซอเพร เจ๊อ เป่แฮ ตื๊อดื่อ เน๊อ แบ่เจ่ เร๊อ, อา เด๊อะอ๊าเด๊อะเหร่ แฉ่โคร เกอโป่ เหย่ซี อาคยา.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

ยอห์น เนอบ่า ต๊าบ่า 1:9

แกแย เด๊อ อา โอ่หม่าโอ่กลอ เกออู เด๊อ ครี๊ อา เตอิซว๊าอี๊แส่ อากู โต่, เร๊อ อา ฉู่โนเล๊อ โป่ อา เตอิซว๊าอี๊แส่ เต๊เห่ เด๊อ ครี๊ อา เตอิซว๊าอี๊แส่ อากู เต๊เห่เนอ, จอแปแหร่ โอ่เกอ เร๊อ เหย่ซี โต่. แกแย เด๊อ อา โอ่หม่าโอ่กลอ เด๊อ ครี๊ อา เตอิซว๊าอี๊แส่ อากู เต๊เห่เนอ, เพเร๊อพู๊ ซิเนอลอ เก่ โอ่เกอ เร๊อ เหย่ซี แพ๊.

ꤟꤤꤙꤚꤢꤨ 13:9

นออิลออี๊โหล่ จว๊าซื๊อ แต่ ซี เน๊อ ล๋อ เตอิซว๊าอี๊แส่ เด๊อ อา โค๊คยา เนอเต๊เห่ แต่เหม่ นี๋. ครวาจว๊าเกอ แต่เหม่ นี๋. ซี ซิปล่อ เออเนอ, อา โต อ๊าฉว่าเหร่ชอแถ่ เน๊อ จอแปแหร่ อาบุ๊ยอาเตอเรอ อาคยาแพ๊. เด๊อ ซี หนิดา ครวาเมเกอ เหล่เอ่เหล่โอ อา เตซว๊าเตแส่ เต๊เห่ อาคยา เร๊อ ซี ซิปล่อ อ๊าฉว่าเหร่ชอแถ่ โต่ ฮู๊เนอ หม่าโต่. ซี หนิดา ครวาเมเกอ เตซว๊าเตแส่ อาคยา เออเนอ, อา หนิบุ๊ยหนิเตอเรอ เด๊อ ซีเง เตอเจ๋อ โต่.

ꤟꤤꤙꤚꤢꤨ 12:15

แซ่ฮู๊ ซี ปว๋า เตเพร เก่ พย๊าหนิ เกอ แลแค จอแปแหร่ อาบุ๊ยอาเตออเรอ เออเนอเร๊อ, รอเร๊อ แลแค ซีเหน่ นี๋. นอทวาแถ่ แต่ แลแค ซีเหน่ ฮู๊ ส่อเหมาะ เด๊อ อู เอ่ อา เร๊อ อา มือเซอแจ่ อู เนอเต๊เห่ เตเพร่ว แต่เหม่ นี๋. แกแย เด๊อ อาแซ่เน๊อ ส่อเหมาะ เด๊อ อา เม มือเซอแจ่ อู เออเต๊เห่เนอ, อา เก่ แด๊แถ่ เด๊อ ซีเกล เร๊อ อา เก่ เมแป่เมเช โหร่เอ๊ อู เน๊อ อา เตมือเซอ เออเนอ ปา.

โคโลสี 1:28

แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

ฟีลิปปี 4:1

ฮู๊เนอ อาขว่าอาคยา, แว โป่แหว่ ซี๋, ซี หม่า แกแย เด๊อ แว โม เกอเร๊อ เต๊เห่ เร๊อ แว ซิหนิโส่ เกอเร๊อ แหน่เจ๊อ เต๊เห่, ซี หม่า เพร เด๊อ อา เม ซิครือซิลอ แหน่เจ๊อ แว เร๊อ แว พย๊าแถ่โล่โม เกอเร๊อ แหน่เจ๊อ แวเหน่ เร๊อ ซีคยา เจ๊อ. โคแบ๊ซว๊าโม ซี๋ เออ หม่า หม่าเฮ๊อ ซี โต โอ่หม่าโอ่กลอ แลแค เด๊อ แบ่เจ่ อากู ฮู๊เตเนอ เฮ๊อ.

ฟีลิปปี 3:16

ฮู๊เตเต๋ เบ่เบ่, เป เก่ จว๊า โหร่ลู เด๊อ เง ฮู๊ เป ซิเง โทเฮ๊อ เนอเต๊เห่ โป๋.

เอเฟซัส 2:8

เมเตเฮ๊เรอ, เด๊อ ซี หยื่อเอ่ ครี๊ เร๊อ จอแปแหร่ อาบุ๊ยอาเตอเรอดุทู แหน่เจ๊อ เด๊อ ซีขุเออ อาขว่าอาคยา, อา เมแลเปล๊กา เฮ๊อ ซี เฮ๊อ. เด๊อ ซี แหน่แบ่เจ่ เร๊อดื่อ ลอ แอ๊จื๊อแอ๊เหร่ ขว่าคยา เร๊อ ซี พย๊าหนิ เตแลเปล๊กา หม่าโต่. เออ หม่า จอแปแหร่ เด๊อะตาครา แพ๊ ซี แพ๊.

ꤊꤢ꤬ꤜꤢ꤬ꤒꤤ 5:1

แซ่ฮู๊ เป เก่ พย๊าหนิ เกอ เตปาลา เออ อาเงเนอ, เหย่ซู่ครี๊ เมแลเปล๊กา เฮ๊อ เป เด๊อ เป ทวา เตซว๊าเตแส่ อาหลู่เล๊ เออ อาเล เฮ๊อ. ฮู๊เนอเรอ โอ่หม่าโอ่กลอ แลแค เร๊อ ตีรี๊แม๊ กาคยา ทวา ปา แต่ แลแค หลู่เล๊ เออเนอ แต่เหม่ นี๋.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

โครินธ์ เนอบ่า ต๊าบ่า 5:11

เมเตเฮ๊เรอ เป ซิเง เร๊อ ช๋า โหน่ปา เนอ, แบ่เจ่ เก่ เจแม๊ ลอ แกแย เต๊เห่ อาเตเม ฮู๊เนอ ปา อาขว่าอาคยา, เป เก่ ซิอิเช เบ่หยื่อเบ่แหน่ แหน่เจ๊อ ลู ปา. ฮู๊เนอเรอ แซ่ฮู๊ อู เก่ หยื่อเอ่แหน่ กา แบ่เจ่ เหย่ซู่ อาเงเนอ, เป ซิปล่อฉว่า แด๊โฉ่โด่แน เป่ อู เฮ๊อ. แคร๋ หม่าอิเต โอ่ เด๊อ เป ซิปล่อกู เนอ จอแปแหร่ ซิเง ลอปลี เร๊อ อาเหน่ แพ๊. ฮู๊เนอเฮ๊อ, เป หม่า แกแย ฮู๊เต เต๊เห่เนอ, แว แม๊ชือ เร๊อ ซี เกล๊ ซิเงแฮ แหน่ ปา แพ๊.

ꤚꤥꤗꤢꤩ꤬ 11:6

เก่ จอแปแหร่ เมแลเปล๊กา เหย่ซี เร๊อ เตบุ๊ยเตเตอเรอ เก่เฮ๊เรอ, อาโหง่แลช๊า หม่า เด๊อ เหย่ซี เม เตแร๊ อาขว่าอาคยา, เนอหม่าโต่. เด๊อ เหย่ซี เมแร๊เต ขว่าคยา เก่เฮ๊เรอ จอแปแหร่ อาบุ๊ยอาเตอเรอ เนอ, อา หม่า ปา เตเด๊อะครา เชหยู่ หม่าปาโต่ เฮ๊อ.

ꤚꤥꤗꤢꤩ꤬ 5:21

เมฮู๊เนอเรอ, ฮู๊ เตซื๊อเตปล๊า เพรเป๊อตี๊หรี่ ลอ แกแย ล๋อ ปลี เร๊อ อา นอโอ่ทวาแถ่ เฮ๊อ เตเซอ ฮู๊เนอ, กู๊แหน่เออ แซ่ฮู๊ เป เก่ พย๊าหนิ แฮเง เกอ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อา โอ่ เนอ, จอแปแหร่ อาบุ๊ยอาเตอเรอ เป๊อตี๊หรี่ เกอ เร๊อ เกอ เฮ๊อ เป เร๊อ เตจ๊อเตเต เฮ๊อ.

ꤚꤥꤗꤢꤩ꤬ 5:2

เด๊อ เป หยื่อเอ่ แบ่เจ่ เหย่ซู่ครี๊ อาขว่าอาคยาเร๊อ, อา นอ โอ่เซอเพร เฮ๊อ เป เด๊อ จอแปแหร่ อาบุ๊ยอาเตอเรอ อากู เฮ๊อ. กู๊แหน่เออ เป โอ่เซอเพร เกอเฮ๊อ เด๊อ อาบุ๊ยอาเตอเรอ อากู เฮ๊อ. เร๊อ เป ซิครือ แม๊ชือแม๊ตู่ เกอ เฮ๊อ จอแปแหร่ อา เตอเรอดุเตอเรอทู เออเนอ เฮ๊อ.

ꤚꤥꤗꤢꤩ꤬ 3:24

จอแปแหร่ ย๋อ ซิยอเกอเร๊อ เป อาขว่าอาคยา, อา แด่จ๊อแด่เต คราแพ๊ เป แพ๊. เด๊อ เหย่ซู่ครี๊ อี๊ถ่ากา เฮ๊อ เป อาขว่าอาคยา, เปจ๊อเปเต แพ๊.

เพรโด่แนพู๊ เต๊เห่ 17:34

แกแย เต๊เห่เห่เนอ อา ซิปล่อโอ่ ลู เร๊อ อา แบ๊ซว๊า เร๊อ ลู เร๊อ อา หยื่อเอ่แหน่ เกอ เต. เพร เด๊อ อา หยื่อเอ่แหน่ หยื่อรี เต๊เห่ อาเกลเนอ, อามุย เร๊อ คูดิโอนิสิอัส โอ่เตเพร. อา หม่า แกแย เตเพร เด๊อ อา โอ่เตอเกอ เด๊อ อาเรโอปากัส แกแย ทวา ทวาดุทวาเต ตู๊หมู่ตอกล๊อ เต๊เห่ อาเกล เตเพร. โท เร๊อ เพรเหมาะ เด๊อ อามุย เร๊อ เหมาะดามาริส เร๊อ แกแย เด๊อ อาโร เต๊เห่ หยื่อเอ่แหน่ เกอ เต.

เพรโด่แนพู๊ เต๊เห่ 17:4

เด๊อ แกแยยิวพู๊ อาเกล เต๊เห่เห่เนอ, อา หยื่อเอ่เกอ คูเปาโล อา เตเฮ๊เบ่ เร๊อ อาซิปล่อ โนกู เกอเร๊อ คูเปาโล เร๊อ คูสิลาส. กรีกพู๊ เด๊อ อา เบ่หยื่อเบ่แหน่ จอแปแหร่ เต๊เห่เนอ, อา หยื่อเอ่แหน่ โอ่โร๊ เกอลา เหย่ซี เออซิเนอ. โท๊โต่ เพร เหมาะ เด๊อ อา มุยดุมุยทู เต๊เห่เนอ, อาซิ ปล่อ โอ่เกอ เหย่ซี เออซิเนอ เร๊อ อา หยื่อเอ่แหน่ กาโน อาโร๊เกอ ลา เหย่ซี.

เพรโด่แนพู๊ เต๊เห่ 16:14

เพรเหมาะ เด๊อ อา หนิดา เป เตเฮ๊เบ่ เออ อาเกล เตเพรเนอ, อามุย เร๊อ เหมาะลิเดีย, อา หม่า วีธิยาทิราพู๊ เตเพร เร๊อ อา อิเช อิเก เต๊เผ่ล๊อซอ งูดุ เต๊เห่. อา หม่า เพรเหมาะ เตเพร เด๊อ อา จ๊อบู่จ๊อเบ จอแปแหร่. เร๊อ แซ่ฮู๊ อา เก่ หยื่อเอ่เกอ คูเปาโล อา เตโด่แนเฮ๊เบ่ เป่ อู เออเต๊เห่ อาเงเนอเร๊อ, จอแปแหร่ บ๊าโม เป่ ลูซิปล่อ.

เพรโด่แนพู๊ เต๊เห่ 14:3

เพรโด่แนพู๊ เต๊เห่ เออซิเนอ โอ่ งยา กู๊ลา เบ๊อะเนอ. เร๊อ เหย่ซี ซิเลแถ่หนิ แบ่เจ่ เหย่ซู่ เด๊อ อา เก่ เมจว่า เหย่ซี อาขว่าอาคยา, อา แด๊โฉ่โด่แน คือฮา บื่อ เป่ เจ๊อ อู. แบ่เจ่ เด๊อะ เหย่ซี เตเมแจ่ เตตาปา คย๊ายื๊อ ซีเต๊เห่ เร๊อ อาเมวโค๊ตีกลี๊ อา เตม๊าเตแด เออเต๊เห่ เนอหมา หม่าเฮ๊อ แบ่เจ่ ข่า เฮ๊ โล เน๊อ เตบุ๊ยเตเตอเรอ อาหรี่อาแก เด๊อ เพรโด่แนพู๊ เต๊เห่ แด๊โฉ่ เป่ อู เต๊เห่ เนอหม่า อา หม่าแหน่เฮ๊อ เนอแพ๊.

เปโตร เนอบ่า ต๊าบ่า 3:14

ฮู๊เนอเรอ โคแบ๊ซว๊าโม ซี๋, เด๊อ ซี โอ่ป่อแม๊ชือ เตเออ อาขว่าอาคยา, แซ่ฮู๊ จอแปแหร่ เก่ แม๊เถอะ แต่ ซี เร๊อ แกแย เด๊อ อา โตโพร๊วี๊ เร๊อ เตซื๊อ แต่เหม่, โทเรอ แซ่ฮู๊ อาเหล่แด่ เตซื๊อ เด๊อ ซีโอ่ เก่ โอ่ แต่เหม่, โท๊โต่ แซ่ฮู๊ ซี เก่ โอ่เปดวา เต่อเร๊อ อา ปา เนอ, แอ๊จื๊อแอ๊เหร่ ตื๊อดื่อ แลแค นี๋.

เปโตร อาเหร่อเล๊อ ต๊าบ่า 5:12

แว ราโผ่ เป่ แพ๊ ซี ลีเออ แพ๊. แว เด๊อะอ๊าเด๊อะเหร่ ซี, โทเรอ แว จ่าเพรอ แวซิปล่อ เร๊อ เตเออหม่า จอแปแหร่ อาบุ๊ยอาเตอเรอ หม่าแหน่ เจ๊อ. โอ่หม่าโอ่กลอ แลแค เด๊อ เตเออเนอ อากู นี๋. คูสิลาส เด๊อะ แว แด่ อา ฮู๊ แว โป่แหว่ เด๊อ อาจ๊อ เร๊อ อาโหง่เออ เตเพรเนอ, อา ราจว่า เป่เกอ แว ลีเออต๊าบ่า.

ꤊꤢ꤬ꤜꤢ꤬ꤒꤤ 5:4

เด๊อ ซีเกล เต๊เห่เห่เนอ, อา เตเนซื๊อ แลแค เน๊อ เหย่ซี เก่ ลือครวา เม เตซว๊าเตแส่ เฮ๊เนอหม่า จอแปแหร่ เก่ แด่จ๊อแด่เต ลู ปา, ฮู๊เนอ. ซี เก่ เตเน แลแค ฮู๊เนอ เฮ๊เรอ ซี แบ๊ซว๊าแบ๊โค ปา ซีเหน่ เร๊อ ครี๊ โต่ เฮ๊อ. ซี ท๊อเป ตาพาแกเฮ๊อ ซีเหน่ เร๊อ จอแปแหร่ อาบุ๊ยอาเตอเรอ เออเนอเฮ๊อ.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

เพรโด่แนพู๊ เต๊เห่ 17:17

ฮู๊เนอ อาขว่าอาคยา, อา เฮ๊เบ่โด่แน เคร๊แขะ เร๊อ แกแยยิวพู๊ เร๊อ แกแยกรีกพู๊ เด๊อ อา เบ่หยื่อเบ่แหน่ จอแปแหร่ เต๊เห่ เบ๊อะเตจ๊อเบโฮ อากู เนอ. โท๊โต่ อา โด่แน เคร๊แขะ โป่เกอ เร๊อ แกแย เด๊อ อา โอ่ แลแค เด๊อ แกล๊กู เนอเต๊เห่ ฮู๊เนอ ปวาเนอเน๋อ เจ๊อ.

เพรโด่แนพู๊ เต๊เห่ 13:50

หม่าแน๊เรอ แซ่ฮู๊ อู เก่ เมจาเมจือ คูเปาโล เร๊อ คูบารนาบัส เออเนอเร๊อ แกแยยิวพู๊ ซี เต๊เห่เนอ, อา นอฉว่า เฮ๊ชอ เพรเหมาะ เด๊อ อา จ๊อเบ จอแปแหร่ เร๊อ อา ทวา กู่กล๊อ เต๊เห่, เน๊อ เพรคู เด๊อ อา ทวา กู่กล๊อ เด๊อ วีกู เนอเต๊เห่, เร๊อ อา จว๊า เฮ๊ แฉ่ครวา โป่ ลอเหย่ซี. เร๊อ เหย่ซี เหว่เถ่แก คูเปาโล เร๊อ คูบารนาบัส เด๊อ เหย่ซี เก่กู.

เพรโด่แนพู๊ เต๊เห่ 6:5

ล๋อ แกแย โอ่ เด๊อ ตู๊หมู่ตอกล๊อกู เออเต๊เห่ ปว๋า เตเพร ซิปล่อโตเกอ ลอปลี เน๊อ เพรโด่แนพู๊ เต๊เห่ แด๊โฉ่โลแถ่ เออเต๊เห่, เร๊อ เหย่ซี นว๊าแถ่ คูสเทเฟน เด๊อ อา เล๊อบา เร๊อ เตหยื่อเตแหน่ เร๊อ แหย่โยบูโพ๊แบ่เจ่ เออเตเพร. โทเรอ อา นว๊าแถ่ โป่ เร๊อ คูฟีลิป, คูโปรโครัส, คูนิคาโนร์, คูทิโมน, คูปารเมนัส. โทเรอ อา นว๊าแถ่หนิ คูนิโคลัส, อา หม่า แกแยยิวพู๊ หม่าโต่, อา หม่า วีอันทิโอกพู๊ เตเพร เร๊อ อา กาโน เกอ เด๊อ ยูดาห์ อา เตจ๊อบู่จ๊อเบ อากู.

เพรโด่แนพู๊ เต๊เห่ 2:10

พรีเจียพู๊, ปัมฟีเลียพู๊, อียิปต์พู๊, ลิเบียพู๊ เด๊อ อา โอ่ผื่อ เร๊อ วีไซรีน, เร๊อ เป เออเต๊เห่เห่เนอ อา โอ่ เด๊อ วีโรม เร๊อ อา แฮ เล.

มัทธิว 23:15

“เพรอิซว๊า เตซว๊าเตแส่ อาซ๊าร๊า เน๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. แซ่ฮู๊ ซี เก่ อี๊หล่า กาโนหนิเกอ แกแย เตเพรเนอ, ซี จว๊าเล เด๊อโคขุขุ เด๊อ เทอกูกู เจ๊อ. เร๊อ แม๊ปู แกแยเตเพรเพร ซิหยื่อ เอ่ ครวาเม เกอ เฮ๊อ ซี เนอ, ซี อิซว๊าอี๊แส่ ลู เด๊อ อาเก่ ทวาแถ่ ซีโคเจ่ ตา เด๊อ หง่าหร่าปอรากยากู เร๊อ อาจา อาจือ เล๊อ เร๊อ ซี เนอโผะ เจ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:28

เร๊อ กู๊แหน่เออ แวพู๊แวเลอ ซี๋, ช๋า แบ่เจ่ ครี๊ แฮ คยาแซ๊ อาม๊อเนอ ปา เตอเนอเนอ, แซ่ฮู๊ ซี เก่ ซิอิเช โอว่าว โอ่โฮ่บี๊ แต่เหม่, โท๊โต่ แซ่ฮู๊ ซี เก่ ซิเตเรแต่เหม่ เนอ, โอ่หม่าโอ่กลอ แลแค เด๊อ ครี๊ อากู นี๋.

ꤒꤤꤒꤢꤨ 2:11

เมเตเฮ๊เรอ แซ่ฮู๊ จอแปแหร่ เก่ เมแลเปล๊กา แกแย เห่ขุพู๊ ล๋อปลี อาเงเนอ, อา เด๊อะโลเฮ๊อ อาบุ๊ยอาเตอเรอ เฮ๊อ.

เพรโด่แนพู๊ เต๊เห่ 18:7

ฮู๊เนอ อาขว่าอาคยา, อา เถ่จว๊าแก เหย่ซี เบ๊อะเนอ เร๊อ อา จว๊า โอ่เกอ เด๊อ แกแยยิวพู๊ หม่าโต่ เด๊อ อามุย เร๊อ คูทิทิอัสยูสทัส เฮ๊ เออเนอ เตเพร อาหี่, เร๊อ อาหี่ โอ่ เบ๊อะเตจ๊อเบโฮ อาช๊าเนอ. อา หม่า แกแย เด๊อ อา จ๊อบู่จ๊อเบแถ่ จอแปแหร่ เตเพร.