เพรโด่แนพู๊ เต๊เห่ 13:38 - ลีเทส่อพ๊าอาเซ เร๊อ เห่ขุทวาลู๊

³⁸ “ฮู๊เนอ อาขว่าอาคยา, โป่แหว่ ล๋อ ปลี ซี๋, แว ซิหยื่อ นอซิเง ตาเต เกอ ซี เน๊อ อู แด๊โฉ่โด่แน เป่ ซี ปลวาแก ซี เตซื๊อ เนอหม่า หม่าเด๊อ เหย่ซู่ครี๊ อาขว่าอาคยา แพ๊.

Eastern Kayah Shadaw Dialect

³⁸ “ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕ꤫ꤥ꤬ꤠ꤫ꤢꤧ꤬ ꤜꤢꤪ꤭꤮ ꤕꤜꤤ꤭ ꤞꤤ꤭꤮ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤊꤣꤧ꤭ ꤞꤤ꤭ ꤔꤢꤧ ꤢꤨ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤕꤜꤝꤢ꤭ꤊꤢꤧ꤭ ꤞꤤ꤭ ꤒꤢꤩ꤬ꤞꤢꤦ ꤔꤣꤧ꤬ꤗꤢ꤬ ꤗ꤫ꤢ꤬ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ ꤖꤢꤧ꤯

เพรโด่แนพู๊ เต๊เห่ 13:38 ပူးပေါင်းရင်းမြစ်များ

ꤜꤢꤨꤊꤢ꤬ 24:47

โทเรอ เด๊อ อามุย อากู เร๊อ อู เก่ แด๊โฉ่โด่แน ถู่แหล่แต๊แกละกา ซิปล่อ อาหรี่อาแก เน๊อ เตปลวาแก เตซื๊อเตปล๊า เออเนอเต๊เห่ อาหรี่อาแก ปา. อู เก่ แด๊โฉ่โด่แน อา เด๊อ เก่โร ปวาเต๊อเจ่อ อาเง ปา, เร๊อ อู เก่ เป๊อแถ่ เฮ๊โฉ่เหร่อเล๊อ เด๊อ วีเยรูซาเล็ม อากู เนอปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:12

แวพู๊แวเลอ ซี๋, แว รา เป่เฮ๊อ ซี ลีเออต๊าบ่า, เมเตเฮ๊เรอ เด๊อ เหย่ซู่ครี๊ อาขว่าอาคยา เร๊อ, จอแปแหร่ ปลวาแก ลอ เฮ๊อ ซี เตซื๊อเตปล๊า ล๊อ ปลี เฮ๊อ.

เพรโด่แนพู๊ เต๊เห่ 5:31

แซ่ฮู๊ จอแปแหร่ เก่ เด๊อ เป่ อิสราเอล เต๊เห่ เตถู่แหล่แต๊แกละกา อา ซิปล่อ เน๊อ ปลวาแก เตซื๊อ เต๊เห่ อาเงเนอ, อา แด่โอ่เฮ๊อ เหย่ซู่ เด๊อ อากู๊ขุ จ๊อทว๊า ตากยา ฮู๊ แกแย ทวาดุทวาทู เตเพร เร๊อ เพรเมแลเปล๊กา อู เตเพรเนอ เฮ๊อ.

โคโลสี 1:14

เด๊อ พู๊คูเออ อาขว่าอาคยาเร๊อ, จอแปแหร่ อี๊ถ่า เฮ๊อ เป, โท๊โต่ อา ปลวาแก ลอเฮ๊อ เป เตซื๊อ เต๊เห่.

เอเฟซัส 1:7

เด๊อ ครี๊ ข่าเซอ อาเหน่ เร๊อ อาสุ่ย ทุ๊ยแล อาขว่าอาคยา, จอแปแหร่ อี๊ถ่า เฮ๊อ เป, เร๊อ อา ปลวาแก ลอเฮ๊อ เป เตซื๊อ เฮ๊อ. จอแปแหร่ อาบุ๊ยอาเตอเรอ เออเนอ, อาดุอาแย แหน่เจ๊อ เด๊อ เปเง เจ๊อ.

เพรโด่แนพู๊ เต๊เห่ 28:28

คูเปาโล เฮ๊ โป่ เน๊อ, ฮู๊เนอ อาขว่าอาคยา, ซี โตเบ่ ซิเง แลแค เน๊อ, จอแปแหร่ อา เตเมแลเปล๊แก อาหรี่อาแก เนอ, อู เก่ ซูจว๊าเฮ๊อ ลู เด๊อ แกแยยิวพู๊ หม่าโต่ เต๊เห่ อา โอ่ เฮ๊อ, เร๊อ แกแยยิวพู๊ หม่าโต่ เต๊เห่ เก่ หนิดา ลู ปา.”

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

เพรโด่แนพู๊ เต๊เห่ 10:43

เพรโพร ปว๋า เตเพร แด๊โฉ่โด่แน หนื่ออื่อ โทเฮ๊อ อา อาหรี่อาแก เร๊อ เหย่ซี เฮ๊ เน๊อ, ‘ล๋อ แกแย เด๊อ อา หยื่อเอ่แลแค ลู เต๊เห่เนอ จอแปแหร่ เก่ ปลวาแก แฮเง เหย่ซี เตซื๊อ เร๊อ เหย่ซู่ อาคยา ปา,’” คูเปโตร เฮ๊ เป่ เหย่ซี ฮู๊เนอ.

ꤛꤥ꤭ꤟꤢ꤬ 1:29

เด๊อคยา เตอเนอเนอ, คูยอห์น แม๊เถอะ เหย่ซู่ แฮ เด๊อ อา โอ่ เร๊อ อา เฮ๊ เน๊อ, “แม๊มอ, จอแปแหร่ อาซิหมิพู๊ เด๊อ อา พย๊าวีแกแก แกแย เห่ขุพู๊ อา เตซื๊อเตโอ่หร่า เต๊เห่ เออเนอ เตเพร.

ꤟꤤꤙꤚꤢꤨ 9:22

เก่ เฮ๊ ตาต๋า หม่า, เตซว๊าเตแส่ เฮ๊ เน๊อ, ตาเต เด๊อ อู นอเอ่ อา เร๊อ เตจ๊อบู่จ๊อเบ อาเง เต๊เห่เนอ, อู เบ่ เมโพ๊เมปลี ลู เร๊อ สุ่ย เนอ อา ผื่อ เตเร ลอ เจ๊อ ปว๊าเต๊อเจ่อ. สุ่ย เก่ ทุ๊ยตา โต่ เนอ, จอแปแหร่ ปลวาแกเบ๊ เตซื๊อ เตอเจ๋อ โต่.

เอเฟซัส 4:32

เมโมเมแร๊ หนิเกอเร๊อ ลู เร๊อ ซิยอ หนิเกอเร๊อ ลู เตเพร เร๊อ เตเพร นี๋. เด๊อ ครี๊ อาขว่าอาคยาเร๊อ, จอแปแหร่ ปลวาแก เฮ๊อ ซี เตซื๊อ อาขว่าอาคยา, ปลวาแก หนิเกอเร๊อ เกอ ลู เตซื๊อ เตเพร เร๊อ เตเพร ฮู๊เนอ นี๋.

เพรโด่แนพู๊ เต๊เห่ 4:10

ล๋อ ซี เออเต๊เห่ เบ่เบ่, อิสราเอล อากลุยอาแล ล๋อ ปลี เบ่เบ่, อา โต ซิเง แลแค เร๊อ แกแย กู๊โด่ด๊าตือรือ เออเตเพร ก๊อถ่อจว๊าแจ่ แร๊กาคยา คยาแซ๊ เด๊อ ซี เป๊เส่เง กู๊แหน่เออ เนอหม่า หม่าเด๊อ วีนาซาเร็ธพู๊ เหย่ซู่ครี๊ อามุย อา เตโพรเตเตอเรอ อาขว่าอาคยา แพ๊. เหย่ซู่ครี๊ หม่า ซี มือเซอแถ่ อา เด๊อ อี๊ถื่อดีเต่ลู เนอเตเพร เฮ๊อ, หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ.

เพรโด่แนพู๊ เต๊เห่ 2:14

โทเร๊อ คูเปโตร เด๊อ อา ก๊อถ่อโอ่ เต่อเกอ เร๊อ เพรโด่แนพู๊ เต๊เห่ เช๊อเตเพร เออเตเพรเนอ, อา เอ๊โท เฮ๊เบ่ ฉว่า เป่ อู เน๊อ, “โป่แหว่ แกแยยิวพู๊ เร๊อ แกแย อาโอ่ เด๊อ วีเยรูซาเล็ม อากู ล๋อ ปลี ซี๋, หนิดา แลแค! แว เก่ แด๊โฉ่ เป่ ซี เตทวาแถ่ เออ อาโหง่แลช๊า.

ꤟꤤꤙꤚꤢꤨ 8:6

เหย่ซู่ เมเต ฮู๊ เพรหลู่แตเต เตเพรเนอ, อาแร๊ เล๊อปา เจ๊อ เน๊อ เพรหลู่แต เด๊อ เห่ขุ เออเต๊เห่ เมเนอ เจ๊อ. ฮู๊เนอเฮ๊อ, จอแปแหร่ อา เตอ๊อแล อาเซ เด๊อ เหย่ซู่ พย๊าแฮหนิ เออเนอหมา อาแร๊เล๊อ ปา เจ๊อ เร๊อ เตอ๊อแล อาเลอ เออเนอ เจ๊อ. เตอ๊อแล อาเซ เออเนอ, อา ตาเต ซิเลเกอเร๊อ เตอ๊อแล เด๊อ อาแร๊เล๊อ เต๊เห่ อาลู.

มัทธิว 1:21

อา เก่ พู๊เพรคู ปา เร๊อ เน เบ่ เอ๊ อามุย เร๊อ เหย่ซู่ นี๋, เมเตเฮ๊เรอ อา เก่ เมแลเปล๊กา อาแกแย เต๊เห่ เด๊อ อา เตซื๊อเตโอ่หร่า อากู ปา.”