เพรโด่แนพู๊ เต๊เห่ 13:29 - ลีเทส่อพ๊าอาเซ เร๊อ เห่ขุทวาลู๊

²⁹ เบ๊อะเหย่ซี เมโท ลอเฮ๊อ ฮู๊ ลีเทส่อพ๊า เฮ๊หนื่ออื่อ ลูหรี่ลูแก เบ๊อะเนอ, เหย่ซี จว๊าพย๊าตาแก ลู เด๊อ อี๊ถื่อดีเต่ลู เร๊อ เหย่ซี จว๊าฉู่โนแก ลู เด๊อ โลกู.

Eastern Kayah Shadaw Dialect

²⁹ ꤙꤣꤧ ꤛꤢꤩ꤬ꤞꤤ꤭ ꤗꤢꤩ꤬ꤓꤥ꤭ ꤜꤢꤪ꤭ꤟꤣꤧ ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤟꤢꤩꤥ꤬ꤔꤢꤩ꤬ ꤜꤢꤨ꤭ꤚꤤ꤬ꤜꤢꤨ꤭ꤊꤢꤧ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤡꤝꤢꤖꤛꤢꤒꤢ꤭ꤊꤢꤧ꤭ ꤜꤢꤨ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤚꤣꤧ꤬ ꤛꤢꤩ꤬ꤞꤤ꤭ ꤡꤝꤢꤏꤢꤨ꤬ꤔꤥ꤭ꤊꤢꤧ꤭ ꤜꤢꤨ꤭ ꤘꤣ ꤜꤥ꤭ꤊꤢꤨ꤭꤯

เพรโด่แนพู๊ เต๊เห่ 13:29 ပူးပေါင်းရင်းမြစ်များ

ꤜꤢꤨꤊꤢ꤬ 23:53

โทเรอ อา จว๊า พย๊าตา เหย่ซู่ อา โลเออ เด๊อ อี๊ถื่อดีเต่ โล เร๊อ อา โบ่บี๊ ลู เร๊อ อิเกแบ๊ปลี งูดุ ต๊าบ่า. โทเรอ อา จว๊าแด่โน ลู เด๊อ โลกู เด๊อ อู ขื่อกูโน โอ่ ลู เด๊อ หล่าลู เด๊อ อู โล๊น๊อ ลาย เร๊อ โล โตโพ๊ โต่ เออเนอ ตูกู.

ꤛꤥ꤭ꤟꤢ꤬ 19:30

เบ๊อะแบ่เจ่ เหย่ซู่ โปแม๊ เออ เบ๊อะเนอ, อา เฮ๊ เน๊อ, “อา โทเฮ๊อ” เร๊อ อา กู่กล๊อ ตางอแก, โทเรอ อา เด๊อะแลแก อาซิปล่อ เซอเพร เด๊อ จอแปแหร่ อา กู๊ยากู.

ꤛꤥ꤭ꤟꤢ꤬ 19:28

อา เฮ๊โท ฮู๊เนอ เร๊อ แบ่เจ่ เหย่ซู่ ซิเง เร๊อ อา เมโทลอเฮ๊อ เตปว๋า เต๊อ เจ่อ เฮ๊อ. เร๊อ แซ่ฮู๊ ลีเทส่อพ๊า เก่ เล๊อบาแถ่ อาเงเนอ, แบ่เจ่ เหย่ซู่ เฮ๊ เน๊อ, “แว ซิโอเทอ” อา เฮ๊ ฮู๊เนอ.

โครินธ์ อาเหร่อเล๊อ ต๊าบ่า 15:4

โท๊โต่ ลีเทส่อพ๊ากู เฮ๊ โป่ เนอ, อู โล๊โท ครี๊ เร๊อ โซเนอ เตอเนอเนอ อา ก๊อถ่อเซอเพร กาคยา เด๊อ เตเซอ.

เพรโด่แนพู๊ เต๊เห่ 5:30

ซี มือเซอแถ่ โทเฮ๊อ เหย่ซู่ เด๊อ อี๊ถื่อดีเต่ลู เร๊อ เปเพอเปโพ อา จอแปแหร่ เออเตเพร เมเซอเพร กาคยา คยาแซ๊ อา เด๊อ เตเซอ เบ๊อะเนอ เฮ๊อ.

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

เพรโด่แนพู๊ เต๊เห่ 13:27

เมเตเฮ๊เรอ วีเยรูซาเล็ม เต๊เห่ เร๊อ เหย่ซี อากู่กล๊อ เต๊เห่เนอ อา ซิเง เกอ ลู เร๊อ อา หม่า เพรเมแลเปล๊กา อา แบ่เจ่ เตเพร ฮู๊เนอโต่. โท๊โต่ เพรโพรเต๊เห่ อาลาอาโหง่ เด๊อ อู แด๊โลแถ่ อา เบ๊อะแกแยยิวพู๊ อา ม๊อเนอโด่ ปว๋า โตโพ๊ เนอเต๊เห่ เบ่เบ่, เหย่ซี ซิเง ตาปลู๊ เกออู อาโหง่แลช๊า โต่. ฮู๊เนอเร๊อ แซ่ฮู๊ เพรโพร เต๊เห่ อาลาอาโหง่ เก่ เล๊อแถ่บาแถ่ อาเงเนอ, อา นอ เมจากาคยา เซอแก เฮ๊อ เหย่ซู่ แพ๊.

เพรโด่แนพู๊ เต๊เห่ 4:28

เด๊อ เน เตโพรเตเตอเรอ อาขว่าอาคยา เน๊อเตเด๊อ เน แด่แล โทเฮ๊อ เน ซิปล่อ เด๊อ อา เก่ ทวาแถ่ ปา เต๊เห่ อาขว่าอาคยา, แกแย เออเต๊เห่ เม แลแค เฮ๊อ ฮู๊ เน ตี๊หรี่แตแร หนื่ออื่อ โทเนอ เฮ๊อ.

เพรโด่แนพู๊ เต๊เห่ 2:23

ฮู๊ จอแปแหร่ ตี๊หรี่แตแร หนื่ออื่อ เร๊อ อา ซิเงหนื่ออื่อ โทดื่อเฮ๊อ เร๊อ อู เก่ เด๊อะ ตาแก เหย่ซู่ เด๊อ ซี กู๊ยากู ปา เร๊อ ซี นอมือเซอแถ่ อา เร๊อ แกแยจา แกแยมู๊แหม่ เต๊เห่ เด๊ออี๊ถื่อดีเต่ อาลู ปา.

ꤗꤢ꤬ꤊꤢꤨ 15:42

อา ทวาแถ่ เนอเตอเนอ หม่า ม๊อแงเนอ. เร๊อม๊อเนอแงเนอเออเนอ หม่า แกแยยิวพู๊ เต๊เห่ เตหรี่แตแร เหล่เอ่เหล่โอ เบ๊อะเหย่ซี อาม๊อเนอโด่ เบ่ แต่ล๋ายโต่ เนอเตอเนอ.

ꤜꤢꤨꤊꤢ꤬ 23:50

แกแย เด๊อ อามุย เร๊อ คูโยเซฟ โอ่ เตเพร. อา โอ่ เด๊อ วีอาริมาเธีย, ยูดาห์เก่กู. อา หม่า แกแยแร๊, แกแยจ๊อจื้อ เด๊อ อา โอ่ป่อแม๊ชือ จอแปแหร่ อาเทออาเก่ เก่ แฮ ปา เตเพร. อา หม่า อา โอ่ป่าเต่อเกอ เร๊อ แกแย ทวาดุ อาตู๊หมู่ตอกล๊อกู เตเพร ตื๊อดื่อเรอ เบ๊อะอู อ๊อแล ลอ เร๊อ อู เก่ เมจากาคยา เหย่ซู่ เบ๊อะเนอ, อา อ๊อแล ป่าเต่อ เกออู โต่.

เพรโด่แนพู๊ เต๊เห่ 26:22

หม่าแน๊เรอ, จอแปแหร่ เมจว่า แว อาขว่าอาคยา, โต่เด๊อ เออเตอ เนอ แว ก๊อถ่อ ข่าเฮ๊โล เป่ปา เน๊อ แกแย เด๊อ อา โอ่ เบ๊อะเออ ปว๋า เตเพร. แกแย เด๊อ อู เตเนดุ ลู เบ่เบ่, อู เตเน ปีตี๊ ลู เบ่เบ่ แว แด๊โฉ่โล แซ๊เป่ ลอ ลู. เตหรี่เตแก เด๊อ แว เฮ๊ เป่ เหย่ซี เออเนอหมา, เตอเจอเจ๋อ แพ๊ ลู เร๊อ เพรโพร เต๊เห่ เร๊อ คูโมเสส แด๊โฉ่หนื่ออื่อ โทเฮ๊อ เนอเต๊เห่ แพ๊, เร๊อ อา เฮ๊ แลแค เน๊อ,