เพรโด่แนพู๊ เต๊เห่ 13:26 - ลีเทส่อพ๊าอาเซ เร๊อ เห่ขุทวาลู๊

²⁶ “โป่แหว่ เพอับราฮับ อากลุยอาแล ซีเต๊เห่ เร๊อ แกแยยิวพู๊ หม่าโต่ เด๊อ อา โอ่ เบ๊อะเออ เร๊อ อา จ๊อบู่จ๊อเบแถ่ เกอ จอแปแหร่ เต๊เห่ ล๋อ ปลี ซี๋, เตเมแลเปล๊กา อาหรี่อาแก เออเนอ, อู ซูแฮ เป่ เด๊อ เปเง แพ๊.

Eastern Kayah Shadaw Dialect

²⁶ “ꤕ꤫ꤥ꤬ꤠ꤫ꤢꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤞꤤ꤭ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤥ꤬ ꤙꤣꤧꤣꤧ꤭ ꤚꤣꤧ꤬ ꤢ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤜꤢꤪ꤭꤮ ꤕꤜꤤ꤭ ꤞꤤ꤭꤮, ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬, ꤢꤨ꤭ ꤞꤢꤨ꤭ꤟꤢꤧ꤭ ꤕ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤖꤢꤧ꤯

เพรโด่แนพู๊ เต๊เห่ 13:26 ပူးပေါင်းရင်းမြစ်များ

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

เอเฟซัส 1:13

ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.

ꤚꤥꤗꤢꤩ꤬ 1:16

เด๊อ เตซิครือมีลา เออ อาขว่าอาคยา, แว ซิเตเรโต่, เมเตเฮ๊เรอ, ล๋อ แกแย เด๊อ อา หยื่อเอ่ เตซิครือมีลา เออเต๊เห่เนอ, จอแปแหร่ เมแลเปล๊กา ลอ เหย่ซี เน๊อ อา เตโพรเตเตอเรอ เฮ๊อ. อา เมแลเปล๊กา เหร่อเล๊อ แกแยยิวพู๊ เต๊เห่, โทเรอ อา เมแลเปล๊กา เกอโป่ แกแยยิวพู๊ หม่าโต่ เต๊เห่.

ꤜꤢꤨꤊꤢ꤬ 1:77

เน เก่ แด๊โฉ่โลเอ๊ เป่ แบ่เจ่ อาแกแย เร๊อ จอแปแหร่ เก่ ปลวาแก เหย่ซี เตซื๊อเตพี๊ ปา, เร๊อ เหย่ซี เก่ พย๊าหนิ เตเมแลเปล๊กา ปา,

ꤜꤢꤨꤊꤢ꤬ 1:69

เด๊อ จอแปแหร่ อา เพรเมเออเนอ ดาวิด อากลุยอาแล อากูเนอ, จอแปแหร่ เด๊อะโอ่ทวาแถ่ เป่ เฮ๊อ เป เพรเมแลเปล๊กา แบ่เจ่ เด๊อ อา โอ่ เร๊อ อา เตอเรอฉว่าชอ เออเตเพร เฮ๊อ.

เพรโด่แนพู๊ เต๊เห่ 13:46

โทเร๊อ คูเปาโล เร๊อ คูบารนาบัส ลื๋อ เฮ๊เบ่ คือเฮ๊เบ่บื่อ โป่โป่ เจ๊อ, เร๊อ อา เฮ๊ เน๊อ, “เป โตเบ่ แด๊โฉ่โด่แน เหร่อเล๊อ เป่ ซี เร๊อ จอแปแหร่ อาลาอาโหง่. หม่าแน๊เรอ ซี หยื่อเอ่แลแค เป เตโด่แน เออเนอ โต่ อาขว่าอาคยา, ซี เมจากาคยาแล เกอ เร๊อดื่อ เฮ๊อ ซิเหน่ ฮู๊ แกแย เด๊อ อาต่า พย๊าหนิ เกออู แหย่โยบูโพ๊เซอเพร ตูจูเพร โต่ เนอเต๊เห่ เฮ๊อ. ฮู๊เนอเรอ เป เก่ แด่แก ซี เร๊อ เป เก่ จว๊า เด๊อ แกแยยิวพู๊ หม่าโต่ เต๊เห่ อา โอ่.

เพรโด่แนพู๊ เต๊เห่ 13:43

เร๊อ เบ๊อะอู จ๊อเบ โทเฮ๊อ เด๊อ เตจ๊อเบโฮกู เบ๊อะเนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เด๊อ อา หยื่อเอ่ เกอ แกแยยิวพู๊ อาเตจ๊อบู่จ๊อเบ เต๊เห่เนอ, อา ครวาปลูครวาเผ่ เกอลอ คูเปาโล เร๊อ คูบารนาบัส อาคยา. เร๊อ เหย่ซี เฮ๊เบ่ เด๊อะอ๊าเด๊อะเหร่ ฉว่าชอแถ่ แกแย เด๊อ อา ครวาเกอ ลูคยา เนอเต๊เห่ เน๊อ อา เก่ โอ่เซอเพร ชีเหน่ เป่แฮ หนิเกอ แลแค อาเหน่ เด๊อ จอแปแหร่ อาบุ๊ยอาเตอเรอ อากู.

เพรโด่แนพู๊ เต๊เห่ 10:35

แกแย เมวเจอะ อิเตเต๋ เบ่เบ่, เก่ อา แด่หยื่อแด่แหน่ จอแปแหร่ เร๊อ อา เก่ เมโตเมเบ่เตเฮ๊เนอหม่า จอแปแหร่ เอ๊โมฉื่อ เหย่ซี แพ๊.

เพรโด่แนพู๊ เต๊เห่ 5:20

“จว๊าโน ก๊อถ่อโอ่ แลแค เด๊อ เตหลู่เเตโฮ อาวีกู เนอ เร๊อ แด๊โฉ่โด่แน เป่ ลออู เร๊อ เตโอ่เซอเพร อาซิปล่อ เออ อาหรี่อาแก เนอ.”

เพรโด่แนพู๊ เต๊เห่ 4:12

แกแย เด๊อ อา เมแลเปล๊ แจ่ เป หม่า ตือแพ๊ เหย่ซู่ เตเพร แพ๊. แกแย อาโร เด๊อ จอแปแหร่ เด๊อ เหย่ซี เร๊อ อา เก่ เมแลเปล๊กา เป อาเงเนอ, เด๊อ เห่ขุ เออต๊าบ่า ล๊อ เจ๊อ เนอ อา โอ่ เตเพร่ว โต่.”

ꤜꤢꤨꤊꤢ꤬ 24:47

โทเรอ เด๊อ อามุย อากู เร๊อ อู เก่ แด๊โฉ่โด่แน ถู่แหล่แต๊แกละกา ซิปล่อ อาหรี่อาแก เน๊อ เตปลวาแก เตซื๊อเตปล๊า เออเนอเต๊เห่ อาหรี่อาแก ปา. อู เก่ แด๊โฉ่โด่แน อา เด๊อ เก่โร ปวาเต๊อเจ่อ อาเง ปา, เร๊อ อู เก่ เป๊อแถ่ เฮ๊โฉ่เหร่อเล๊อ เด๊อ วีเยรูซาเล็ม อากู เนอปา.

มัทธิว 10:6

จว๊าตื๊อแพ๊ เด๊อ เปเมวเจอะ อิสราเอลพู๊ เด๊ออาเกล เด๊อ อาแซ่เน๊อ ซิหมิ โอ่เหม่ เนอเต๊เห่ อา โอ่ เนอแพ๊ นี๋.

มัทธิว 3:9

เฮ๊โทเฮ๊แล แต่ ซีเหน่ เน๊อ, ‘เป หม่า เพอับราฮัม อากลุยอาแล’ ฮู๊เนอแต่เหม่. แว เฮ๊ ซี, จอแปแหร่ เมทวาแถ่ หล่อเออเต๊เห่ เนอ เพอับราฮัม อาพู๊ หม่า อา เมแจ่ แพ๊.

เพรโด่แนพู๊ เต๊เห่ 16:17

อา ครวาจว๊าเกอ คูเปาโล เร๊อ เป เต๊เห่ เด๊อคยา เร๊อ, อา เอ๊โทแถ่ เน๊อ, “เพรคู เออเต๊เห่ หม่า จอแปแหร่ เด๊อ อาดุอาทู ตื๊อดื่อ เออเตเพร อาหลู่ เต๊เห่ เฮ๊อ. อา แด๊โฉ่โด่แน โล เป่ ซี เน๊อ จอแปแหร่ เมแลเปล๊ กา ซี อาหรี่อาแก เฮ๊อ.”

เพรโด่แนพู๊ เต๊เห่ 3:26

เบ๊อะจอแปแหร่ นว๊าแถ่ อาหลู่เล๊ เหย่ซู่ เบ๊อะเนอ, อา นอแฮ เหร่อ เป่ ลู เด๊อ ซี โอ่ เฮ๊อ. แซ่ฮู๊ อา เก่ เด๊อะบุ๊ยเด๊อะเตอเรอ ซี เร๊อ อา นอแฮ ลู ฮู๊เนอ. เด๊อ จอแปแหร่ นอ ตีรี๊ก๊อโค๊แก ซี เน๊อ ซี ปว๋า เตเพร อาเตมู๊แหม่รีแจ่ อาขว่าอาคยา, อา เด๊อะบุ๊ยเด๊อะเตอเรอ ซี.”

เพรโด่แนพู๊ เต๊เห่ 28:28

คูเปาโล เฮ๊ โป่ เน๊อ, ฮู๊เนอ อาขว่าอาคยา, ซี โตเบ่ ซิเง แลแค เน๊อ, จอแปแหร่ อา เตเมแลเปล๊แก อาหรี่อาแก เนอ, อู เก่ ซูจว๊าเฮ๊อ ลู เด๊อ แกแยยิวพู๊ หม่าโต่ เต๊เห่ อา โอ่ เฮ๊อ, เร๊อ แกแยยิวพู๊ หม่าโต่ เต๊เห่ เก่ หนิดา ลู ปา.”

ꤛꤥ꤭ꤟꤢ꤬ 6:68

คูซีโมน เปโตร เฮ๊ กาคยาฉื่อ ลู เน๊อ, “แบ่เจ่, เป เตเร จว๊าโต เกอ อูเป? เตอิซว๊าอี๊แส่ เด๊อ อา เด๊อะ เป ซิปล่อเซอเพร ตูจูเพร เนอ อา โอ่ แพ๊ดื่อ เด๊อ เนโอ่ แพ๊.

เพรโด่แนพู๊ เต๊เห่ 10:2

อา หม่า แกแยยิวพู๊ หม่า โต่, เร๊อ อา หม่า แกแย เด๊อ อา โมหนิเกอ เร๊อ จอแปแหร่ เตเพร. โท๊โต่ อา เร๊อ ล๋อ อา ตี๊หี่แตแพ เต๊เห่เนอ อา แด่ดุหยื่อแหน่ แหน่เจ๊อ จอแปแหร่. อา เมจว่า เอ๊แหน่เจ๊อ แกแยยิวพู๊ เด๊อ อา โซพ๊าโซแร เต๊เห่. เร๊อ เบ๊อะค๊าขิ ดาโต กุยจ๊อเบ เฮ๊อ เฮ๊เนอ, อา กุยจ๊อเบ ปว๋า โตโพ๊ เจ๊อ.

เพรโด่แนพู๊ เต๊เห่ 22:5

แว เฮ๊เบ่จ๊อเฮ๊เบ่เต แพ๊ เนอหม่า, เพรหลู่แต กู่กล๊อดุเล๊อ เออเนอ เด๊อ แกแยยิวพู๊ เน๊อ อา ทวา ทวาดุทวาเต ล๋อ ปลี เต๊เห่ เย๊อเบ๊ อาซิปล่อสู่เทอ เด๊อ แวเง แพ๊. เมเตเฮ๊เรอ, แซ่ฮู๊ แว เก่ จว๊าปื่อ แกแย เด๊อ อา โครครวา เกอ เหย่ซู่ครี๊ อาคยา เนอเต๊เห่ เร๊อ แว เก่ จอกลอ เหย่ซี เร๊อ สู่เปลอต่อเท๊, โทปาเรอ แว เก่ เอ๊กาแด๊เฮอ เจแม๊ เหย่ซี เด๊อ วีเยรูซาเล็ม ปา เนอเรอ, เหย่ซี ทวา ทวาดุทวาเต เนอเต๊เห่ ราจว๊าหนิ ลีเต๊เห่ เร๊อ อา เด๊อะจว๊า เร๊อ แว. ลี เออเต๊เห่เนอ, อา ราจว๊า เป่ อาโป่แหว่ แกแยยิวพู๊ เด๊อ อา ทวา ทวาดุทวาเต เร๊อ อา โอ่ แลแค เด๊อ วีดามัสกัส เด๊อ แว เตเร จว๊า วีเออ ตีวี อากู เนอเต๊เห่ อา โอ่.”