เพรโด่แนพู๊ เต๊เห่ 13:25 - ลีเทส่อพ๊าอาเซ เร๊อ เห่ขุทวาลู๊

²⁵ เบ๊อะคูยอห์น เม อา เตแร เตเร ผื่อ โทเฮ๊อ เบ๊อะเนอ, อา แด๊โฉ่ เป่ แกแย เบ๊หมู่ เต๊เห่ เน๊อ, ‘ซี เตเน แว เร๊อ อูเป? แว หม่า แกแย เด๊อ ซี โอ่ป่อแม๊ชือ อาแกล๊ เนอเตเพร หม่าโต่. เนอเตเพร หม่า อา เก่ แฮ เด๊อ แวคยา ปา, เร๊อ แว เก่ ฉิโล๊ เป่แพ๊ อา แข่แด๊พ๊าปลอ แพ๊ เน๋อ แว อาต่า เร๊อ อา โต่.’

Eastern Kayah Shadaw Dialect

²⁵ ꤙꤣꤧ ꤋꤢꤨ꤭ꤛꤥ꤭ꤟꤢ꤬ ꤗꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤊ꤫ꤢꤦ꤬ꤚꤢꤩ꤭ ꤖꤢꤦ꤬ ꤓꤥ꤭ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩꤏꤥ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤒꤣꤧ꤬ꤟꤢꤩ꤬ ꤔꤢꤧ, ‘ꤞꤤ꤭ ꤒꤣꤧ꤬ꤔꤢꤩ꤬ ꤠꤢꤧ꤭ ꤔꤢꤧ ꤢꤨ꤭ꤕꤢꤩ꤭? ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤞꤤ꤭ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤢ꤬ꤊꤜꤢꤧ ꤔꤣꤧ꤬ꤒꤣ꤬ꤖꤚꤢꤩ꤬ ꤗ꤫ꤢ꤬ꤒꤥ꤬꤯ ꤔꤣꤧ꤬ꤒꤣ꤬ꤖꤚꤢꤩ꤬ ꤗꤢ꤬ ꤢ꤬ ꤊ꤫ꤢꤦ꤬ ꤟꤢꤧ꤭ ꤘꤣ ꤠꤢꤧ꤭ꤋꤛꤢ꤭ ꤕꤢ꤭, ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤏꤤ꤬ꤜꤥ ꤖꤢꤧ ꤕ꤫ꤢꤩ꤬ ꤜꤢꤨ꤭ ꤋꤢꤧ꤬ꤖꤢꤕꤜꤣꤧ꤬ ꤖꤢꤧ ꤔꤣꤧ꤭꤮ ꤠꤢꤧ꤭ ꤊꤢꤪ꤬ ꤔꤢꤧ ꤢ꤬ ꤒꤥ꤬꤯’

เพรโด่แนพู๊ เต๊เห่ 13:25 ပူးပေါင်းရင်းမြစ်များ

มัทธิว 3:11

“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

ꤗꤢ꤬ꤊꤢꤨ 1:7

เร๊อ อา แด๊โฉ่โด่แน เป่ อู เน๊อ, “แกแย อา แฮ เด๊อ แวคยา ปา เตเพร เนอหมา, อาโพร เตอเรอดุ ฉว่าชอ เล๊อลอ เจ๊อ เร๊อ แว ปา. แว แด๊งือ งอตา ฉิโล๊ เป่ แพ๊ อา แข่แด๊พ๊าเปลอฮู๊ แพ๊ เนอ แว ต่า เร๊อ อา โต่.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

เตเด๊อะโลแถ่ 11:7

เบ๊อะเหย่ซี ข่า เด๊อะโลโทเฮ๊อ อาซิปล่อ เบ๊อะเนอ, เตมีเตแหม่ โตโด โอ่ เด๊อ ครอกูดุ ครอกูแย เร๊อ อา แฮแถ่ ปา. อา เก่ แฮแถ่ ช๊าฉื่อ เหย่ซี เออซิเนอ ปา. อา เก่ เมเป่ เหย่ซี เออซิเนอ เร๊อ เมเซอแก เหย่ซี ปา

ทิโมธี เนอบ่า ต๊าบ่า 4:7

เตช๊า เด๊อ อาแร๊เล๊อ เนอ แว ช๊าโทเฮ๊อ. เตแกล่ ดี๊เจ เนอ แว แกล่ โทเฮ๊อ. แว ปื่อหม่า หนิ แร๊ เฮ๊อ แว เตหยื่อ โต่เด๊อ อาตื๊อดื่อเฮ๊อ.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

เพรโด่แนพู๊ เต๊เห่ 19:4

เร๊อ คูเปาโล เฮ๊ เป่ เหย่ซี เน๊อ, “คูยอห์น เจ เป่ แกแย เด๊อ อาถู่แหล่เต๊เปล่กา อาซิปล่อ เนอเต๊เห่ อาเง แพ๊. อา เฮ๊ แกแย เนอเต๊เห่ เร๊อ หยื่อเอ่แหน่ เพร เด๊อ อา เตเร แฮ เด๊อคยา เออเนอ เตเพร นี๋, อา หม่า แบ่เจ่เหย่ซู่ เฮ๊อ.”

เพรโด่แนพู๊ เต๊เห่ 13:36

“เมเตเฮ๊เรอ จอแปแหร่ เซเรหนื่ออื่อแก เป่ คูดาวิด มู๋ หนู่เค เร๊อ คูดาวิด เมโทแก เบ๊อะอาทือเค เนอ, เร๊อ เด๊อคยาเนอ อา เซอแก. เร๊อ อู โล๊ตาเต่อ ลู เร๊อ อาเพ เด๋อ งย๊าเค เต๊เห่ เร๊อ อาเหน่กล่อ ซอแก เบ๊อะเนอ.

ꤛꤥ꤭ꤟꤢ꤬ 7:18

แกแย เด๊อ อา เฮ๊เบ่ เกอเร๊อดื่อ เร๊อ อา เตอเรอฉว่าชอ เตเพรเพร เนอ, อา ซิหยื่อ นอถู่เซ๊หนิ อู เร๊อ อาเหน่ แพ๊. หม่าแน๊เรอ แกแย เด๊อ อา ซิหยื่อ นอถู่เซ๊หนิ อู เร๊อ เพร เด๊อ อา นอแฮ ลู เออเตเพรเพร เนอ, อา เฮ๊เบ่จ๊อ แพ๊, อา แลโฮแลแห่ อู โต่.

ꤛꤥ꤭ꤟꤢ꤬ 4:34

เหย่ซู่ เฮ๊ เหย่ซี เน๊อ, “แว เมโต เพร เด๊อ อา นอแฮ แว เออเตเพร อา เตซิหยื่อ เร๊อ แว เมโทแก เตเม เด๊อ อา เด๊อ แว เออเนอหมา หม่าเฮ๊อ แวเหล่เอ่ เฮ๊อ.

ꤛꤥ꤭ꤟꤢ꤬ 1:36

อา แม๊เถอะ เหย่ซู่ จว๊า เด๊อ แกล๊ลู เร๊อ อา เฮ๊ เน๊อ, “แม๊มอ แลแค, จอแปแหร่ อาซิหมิพู๊ เด๊อ อู เก่ หลู่แถ่ ลู ปา เนอเตเพร.”

ꤛꤥ꤭ꤟꤢ꤬ 1:34

เตทวาแถ่ ฮู๊เออเนอ, แว แม๊เถอะ โทเฮ๊อ อาขว่าอาคยา, แว เฮ๊โฉ่จ๊อ เป่เฮ๊อ ซี เร๊อ อา หม่า จอแปแหร่ อาพู๊คู หม่าแหน่ เตเพร เฮ๊อ.”

ꤛꤥ꤭ꤟꤢ꤬ 1:29

เด๊อคยา เตอเนอเนอ, คูยอห์น แม๊เถอะ เหย่ซู่ แฮ เด๊อ อา โอ่ เร๊อ อา เฮ๊ เน๊อ, “แม๊มอ, จอแปแหร่ อาซิหมิพู๊ เด๊อ อา พย๊าวีแกแก แกแย เห่ขุพู๊ อา เตซื๊อเตโอ่หร่า เต๊เห่ เออเนอ เตเพร.