เพรโด่แนพู๊ เต๊เห่ 13:23 - ลีเทส่อพ๊าอาเซ เร๊อ เห่ขุทวาลู๊

²³ “ฮู๊ จอแปแหร่ อ๊อแล หนื่ออื่อ โทเฮ๊อ เน๊อ อา เก่ นอตาแล เหย่ซู่ ฮู๊ เพรเมแลเปล๊ อิสราเอล อากลุยอาแล ซีเต๊เห่ อาเง เตเพร ปา เนอ, อา เก่ โอ่ทวาแถ่ เด๊อ คูดาวิด อากลุยอาแล ตาแปแล แฮเง เออเนอ ปา อา เฮ๊ ฮู๊เนอ.

Eastern Kayah Shadaw Dialect

²³ “ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤥ꤬ꤔꤢꤩ꤬ ꤓꤥ꤭ꤟꤣꤧ ꤔꤢꤧ ꤢ꤬ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤛꤢꤩ꤬ꤏꤛꤢꤨ ꤟꤢꤨ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤤ꤬ꤎꤢ꤬ꤚꤢꤩꤜꤢ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤞꤤ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤒꤣ꤬ꤖꤚꤢꤩ꤬ ꤕꤢ꤭ ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤓꤝꤢ꤭ꤓꤢꤧ꤬ ꤘꤣ ꤋꤢꤨ꤭ꤘꤢ꤬ꤠꤤ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤒꤢ꤭ꤊꤣꤧ꤬ꤜꤢꤧ꤬ ꤘꤤ꤭ꤒ꤫ꤢꤦ꤬ ꤣꤧ꤭ꤔꤣꤧ꤬ ꤕꤢ꤭ ꤢ꤬ ꤟꤢꤩ ꤟꤢꤨꤔꤣꤧ꤬꤯

เพรโด่แนพู๊ เต๊เห่ 13:23 ပူးပေါင်းရင်းမြစ်များ

มัทธิว 1:1

ลีเออหม่า อา ราม๊าราแด เหย่ซู่ครี๊ อากลุยอาแล เด๊อ อา จิจือตา แฮเง ลู เต๊เห่ อาหรี่อาแก. อา หม่า อากลุยอาแล จิจือตาแล เด๊อ คุ๊ยดาวิด เร๊อ เพอับราฮัม.

เตเด๊อะโลแถ่ 22:16

“แว หม่า เหย่ซู่. แซ่ฮู๊ แว เก่ แด๊โฉ่ โลเป่ เพรหยื่อเอ่ตู๊หมู่ตอกล๊อ เต๊เห่ เร๊อ เตหรี่เตแก เออเต๊เห่ อาเงเนอ, แว ซูแล เป่ ซี แว เตเน่วพู๊ เฮ๊อ. แว โป่แว กลุยแล หม่า หม่าเฮ๊อ คูดาวิด อากลุยอาแล กาแล เนอ โต๊โหมะเต๊อเจ่อเฮ๊อ. แว หม่า เฉ่ต่อโหร่ เด๊อ อา ลีเตเคโรโซ เนอเตเม เฮ๊อ.”

ꤛꤢꤨꤘꤢ꤬ 1:25

เป เก่ แด่ดุแด่ทู โหร่ลู จอแปแหร่ โป๊! จอแปแหร่ หม่า อา โอ่ ตื๊อ อา เตเพร แพ๊. เพร เด๊อ อา เมแลเปล๊กา เป หม่า ตื๊อ อา เตเพร แพ๊. เด๊อ เหย่ซู่ครี๊ อาขว่าอาคยาเร๊อ, เตเตอเรอดุเตอเรอทู, เตลี เตเตเค อาตว่า อาแร๊, เตโพรเตเตอเรอ เร๊อ เตเตอเรอฉว่าชอ เออเต๊เห่เนอ, อา เก่ โอ่เกอดื่อ เร๊อ จอแปแหร่ เป๊อแถ่ เด๊อ เตเต๊อเจ๋อ โอ่ ทวาแถ่ ล๋ายโต่ เบ๊อะเนอ, โต่กู๊แหน่, เร๊อ ตาแฮเง ตูจูเพรเง แตแลเคร๊ นี๋, อาเมน.

เพรโด่แนพู๊ เต๊เห่ 13:32

“กู๊แหน่เร๊อ เป แด๊โฉ่ เป่ ซี เตซิครือมีลา. เร๊อ เตซิครือมีลา เออเนอหมา จอแปแหร่ อ๊อแล เป่ โทเฮ๊อ เน๊อ เปเพอเปโพ เด๋อ งย๊าเค เนอเต๊เห่ เฮ๊อ,

ꤚꤥꤗꤢꤩ꤬ 1:3

เตซิครือมีลา เออเนอหมา อา หม่าเฮ๊อ อาพู๊คู หม่าดื่อ เป แบ่เจ่ เหย่ซู่ครี๊ เออ อาหรี่อาแก เด๊อ อา แฮแล กลว่าอาเหน่ ฮู๊ แกแย เออเนอ เตเพร เฮ๊อ. เร๊อ อา แฮ โอ่เป๊เจ่แล เด๊อ คุ๊ย ดาวิด อากลุยอาแล อากู เออเนอ เตเพร เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:14

เป แม๊เถอะน๊อ โทเฮ๊อ, เร๊อ เป แด๊โฉ่โล เป่ เฮ๊อ อูโร เต๊เห่ เน๊อ แซ่ฮู๊ จอแปแหร่ อาพู๊คูเออ เก่ แฮ ทวาเป่ อู เพรเมแลเปล๊กา แกแย เห่ขุพู๊ เต๊เห่ อาเงเนอ, เพ จอแปแหร่ นอแฮแลเฮ๊อ ลู เด๊อ เห่ขุ เออเนอ เฮ๊อ.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

เปโตร เนอบ่า ต๊าบ่า 3:2

แว ซิปล่อโอ่ เด๊อ ซี เก่ ซิเหน่แถ่ เพรโพร บูโพ๊ เต๊เห่ อา เตเฮ๊โฉ่โด่แน หนื่ออื่อ โทเฮ๊อ เด๋อ งย๊าเค เต๊เห่, โทเรอ เป แบ่เจ่ เร๊อ เพรเม แลเปล๊กา เป เออเตเพร อาโหง่เฮ๊แก เด๊อ ซี เพรโด่แน เต๊เห่ เด๊อ โทเฮ๊อ ซี เนอเต๊เห่.

เปโตร เนอบ่า ต๊าบ่า 2:20

เด๊อ เหย่ซี ซิเง เป แบ่เจ่ เร๊อ เหย่ซู่ครี๊ เด๊อ อา เมแลเปล๊กา เป เออเตเพร อาขว่าอาคยา, เหย่ซี แลเปล๊เถ่แกเฮ๊อ เร๊อ เห่ขุ อา เตมู๊แหม่รีแจ่ เออเต๊เห่ เฮ๊อ. หม่าแน๊เรอ กู๊แหน่เออ เหย่ซี เก่ โนเม โต๊โผ่ตอตอ เต่อคย๊าแซ๊ เร๊อ เตมู๊แหม่รีแจ่ เออเต๊เห่ เฮ๊เรอ เตมู๊แหม่ เออเต๊เห่ ทวาแกเฮ๊อ ลูแบ่เจ่ เฮ๊อ. แกแย ฮู๊เนอเต๊เห่ อา เตโอ่เซอเพร เนอหม่า, อา จาเล๊อ ปา เจ๊อ เร๊อ อา เหล่โกลเลอ เนอ เจ๊อ.

เปโตร เนอบ่า ต๊าบ่า 1:11

ฮู๊เนอเรอ จอแปแหร่ เก่ ซิครือซิลอ เอ๊โมฉื่อ ซี เด๊อ เป แบ่เจ่ เหย่ซู่ครี๊ เด๊อ อา หม่าเฮ๊อ เพรเมแลเปล๊กา เป เออเตเพร อาเทออาเก่ เด๊อ อา โอ่ ตูจูเพร แตแลเคร๊ อากู เออเนอ ปา.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

ꤒꤤꤒꤢꤨ 1:4

คูติตัส, แว ราจว๊า ลี เออต๊าบ่า เด๊อ เนโอ่. เน เตหยื่อเตแหน่ ลอ แซ่เจ๊อเร๊อ เป เตอเจ๋อโต อาขว่าอาคยา, เนเนอ อา แซ่เจ๊อเร๊อ แวพู๊ ต๊อต่อ เร๊อ แวเหน่ เจ๊อ. เพ จอแปแหร่ เร๊อ เพรเมแลเปล๊กา เป แบ่เจ่เหย่ซู่ครี๊ เออ เก่ เด๊อะดื่อ เน เตบุ๊ยเตเตอเรอ เร๊อ เตตู๊จุเตอเจ๊อ นี๋.

ꤚꤥꤗꤢꤩ꤬ 11:26

โทปาเรอ, ล๋อ อิสราเอลพู๊ เนอเต๊เห่ เก่ พย๊าหนิ ลอ เตเมแลเปล๊กา ปา อา เก่ ทวาแถ่ ฮู๊ เพรโพร อิสยาห์ ราหนื่ออื่อ เนอ ปา. เร๊อ อา เฮ๊ เน๊อ, “เพร เมแลเปล๊กา จอแปแหร่ อาแกแย เออเตเพรเนอ อา เก่ โอ่ เด๊อ วีศิโยน เร๊อ อา แฮ ปา. อา เก่ พย๊า ตาพาแก ลอ ล๋อ เพ ยาโคบ อากลุยอาแล เออเต๊เห่ อา เตมู๊แหม่รีแจ่ เนอเต๊เห่ ปา.

เพรโด่แนพู๊ เต๊เห่ 3:26

เบ๊อะจอแปแหร่ นว๊าแถ่ อาหลู่เล๊ เหย่ซู่ เบ๊อะเนอ, อา นอแฮ เหร่อ เป่ ลู เด๊อ ซี โอ่ เฮ๊อ. แซ่ฮู๊ อา เก่ เด๊อะบุ๊ยเด๊อะเตอเรอ ซี เร๊อ อา นอแฮ ลู ฮู๊เนอ. เด๊อ จอแปแหร่ นอ ตีรี๊ก๊อโค๊แก ซี เน๊อ ซี ปว๋า เตเพร อาเตมู๊แหม่รีแจ่ อาขว่าอาคยา, อา เด๊อะบุ๊ยเด๊อะเตอเรอ ซี.”

เพรโด่แนพู๊ เต๊เห่ 2:30

โพดาวิด หม่า เพรโพร เตเพร. จอแปแหร่ อ๊อแล โทเฮ๊อ ลู เน๊อ เด๊อ อากลุยอาแล อาเกล เตเพรเนอ, จอแปแหร่ เก่ นอทวาแถ่ ลู เน๊อ คุ๊ย เด๊อ อากู๊เหล่ เออเนอ ปาเนอ, อา ซิเง แพ๊.

ꤛꤥ꤭ꤟꤢ꤬ 7:42

ลีเทส่อพ๊า เฮ๊ เนอ, เมสิยาห์ หม่าเฮ๊อ เพรเมแลเปล๊กาเก่ แฮ โอ่แถ่ เด๊อ คุ๊ยดาวิด อากลุย อาแล ปา, อา เก่ แฮโอ่เป๊เจ่แล เด๊อ คุ๊ยดาวิด โอ่ เกอเร๊อ วีเบธเลเฮม อากูเนอ ปา, แวเฮ๊โต่?” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 4:42

เหย่ซี เฮ๊ เพรเหมาะ เนอเตเพร เน๊อ, “เป หยื่อเอ่ เหย่ซู่ กู๊แหน่เออ เนอหม่า หม่าเด๊อ เน แด๊โฉ่ เป่ เป อาขว่าอาคยา เนอ หม่าโต่. เด๊อ เป หนิโฮ อา เตแด๊โฉ่โด่แน เร๊อ เปเหน่ โทเรอ เป ซิเง เร๊อ อา หม่า ครี๊ เด๊อ อา เมแลเปล๊กา เห่ขุพู๊ เออเนอ เตเพร หม่าแหน่ เฮ๊อ, อาขว่าอาคยา เนอแพ๊.”

ꤜꤢꤨꤊꤢ꤬ 1:69

เด๊อ จอแปแหร่ อา เพรเมเออเนอ ดาวิด อากลุยอาแล อากูเนอ, จอแปแหร่ เด๊อะโอ่ทวาแถ่ เป่ เฮ๊อ เป เพรเมแลเปล๊กา แบ่เจ่ เด๊อ อา โอ่ เร๊อ อา เตอเรอฉว่าชอ เออเตเพร เฮ๊อ.

มัทธิว 22:42

“ครี๊ เด๊อ อาเมแลเปล๊ กาอู เออเตเพร อาหรี่อาแก เนอ, ซี เตเน ลู ฮู๊เต? อากลุยอาแล ตากาแล เด๊อ อูเป โอ่เป?” เร๊อ เหย่ซี เฮ๊ฉื่อ เน๊อ, “คุ๊ยดาวิด อากลุยอาแล.”

มัทธิว 21:9

แกแย จว๊า เหร่อ เด๊อ แบ่เจ่ อาเป๊เส่เง ตูปลูเต๊เผ่, อา ครวาเกอ เด๊อคยา ตูปลูเต๊เผ่ เร๊อ อา เอ๊โท แลแค เนอ, “โฮซันนา, ถู่เซ๊แถ่ แลแค คุ๊ยดาวิด อาพู๊คู.” “แบ่เจ่ เด๊อ อา แฮ เด๊อ จอแปแหร่ อามุยเออ เตเพรเนอ, เตเด๊อะบุ๊ยเด๊อะเตอเรอ เก่ แลเบ่ดื่อ อา นี๋.” “โฮซันนา, ถู่เซ๊แถ่ แลแค จอแปแหร่ เด๊อ อา โอ่ เด๊อ ม๊อขุ เหล่ โอ่ แถ่โลเล๊อ เออเตเพร.”

มัทธิว 1:21

อา เก่ พู๊เพรคู ปา เร๊อ เน เบ่ เอ๊ อามุย เร๊อ เหย่ซู่ นี๋, เมเตเฮ๊เรอ อา เก่ เมแลเปล๊กา อาแกแย เต๊เห่ เด๊อ อา เตซื๊อเตโอ่หร่า อากู ปา.”

เพรโด่แนพู๊ เต๊เห่ 4:12

แกแย เด๊อ อา เมแลเปล๊ แจ่ เป หม่า ตือแพ๊ เหย่ซู่ เตเพร แพ๊. แกแย อาโร เด๊อ จอแปแหร่ เด๊อ เหย่ซี เร๊อ อา เก่ เมแลเปล๊กา เป อาเงเนอ, เด๊อ เห่ขุ เออต๊าบ่า ล๊อ เจ๊อ เนอ อา โอ่ เตเพร่ว โต่.”