เพรโด่แนพู๊ เต๊เห่ 13:15 - ลีเทส่อพ๊าอาเซ เร๊อ เห่ขุทวาลู๊15 เบ๊อะอู แด๊แถ่โทเฮ๊อ คูโมเสส อาลี เตซว๊าเตแส่ เร๊อ ลี เด๊อ เพรโพร ราหนื่ออื่อ เนอเต๊เห่ เบ๊อะเนอ, เตจ๊อเบโฮ กู่กล๊อ เต๊เห่ นอจว๊าแด๊เฮอ แกแย เตเพร เร๊อ เหย่ซี เร๊อ อา เฮ๊ เหย่ซี เน๊อ, “โป่แหว่ ซี๋, ซี เหล่เด๊อะอ๊าเด๊อะเหร่ แกแย เบ๊หมู่ เออเต๊เห่ เก่ โอ่ ตือมือมือ เฮ๊เรอ, เป ซิ๊หยื่อ นอเด๊อะอ๊าเด๊อเหร่ ซี.” အခန်းကိုကြည့်ပါ။Eastern Kayah Shadaw Dialect15 ꤙꤣꤧ ꤢꤨ꤭ ꤘꤢꤧꤓꤢꤧ꤬ꤓꤥ꤭ꤟꤣꤧ ꤋꤢꤨ꤭ꤗꤢꤪꤎꤢꤧ ꤢ꤬ꤜꤤ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤢꤧ ꤜꤤ꤬ ꤘꤣ ꤖꤚꤢꤩ꤬ꤖꤚꤥ꤬ ꤚꤢ꤭ꤥ꤬ꤔꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤊꤢꤨ꤬ꤊꤜꤢꤪ ꤒꤣꤧ꤬ꤟꤢꤩ꤬ ꤔꤢꤪ꤭ꤡꤝꤢꤘꤣꤧꤟꤣꤧ꤭ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤞꤤ꤭ ꤜ꤫ꤢꤩ꤬ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤊꤢꤩ꤬ ꤥ꤬ ꤒꤣ꤬ꤗꤢꤦ꤭ꤗꤢꤦ꤭ ꤟꤢꤩꤚꤣꤧ꤬, ꤕꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤞꤤ꤭꤯” အခန်းကိုကြည့်ပါ။ |
เพรโด่แนพู๊ เต๊เห่ 13:15
21 ပူးပေါင်းရင်းမြစ်များ
เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา เบ่ แฉ่ครวา อูคยา เก่เฮ๊เรอ อา โตเบ่ แฉ่ครวา อู. เก่ แกแย เตเพร อา ซิปล่อฉว่า เมหลู่เมแต แกแย โซพ๊าโซแรพู๊ เต๊เห่ เร๊อ อา ตาหมื่อตาเต เต๊เห่ เก่เฮ๊เรอ อา โตเบ่ ซิปล่อฉว่า เมหลู่เมแต เป่ดื่อ อู. จอแปแหร่ เก่ เด๊อ แกแย เตเพรเพร อา เตแจ่เตลีแม เด๊อ อา เบ่ ทวา ทวาดุทวาเต เฮ๊เรอ อา โตเบ่ เม ชาเผร่ชาอ่อ เร๊อดื่อ. แกแย เตเพรเพร เก่ อา ซิยอ เมจว่าหนิ อู เก่เฮ๊เรอ, อา โตเบ่ เม เด๊อ เตซิครือซิลอ อากู.
เมเตเฮ๊เรอ วีเยรูซาเล็ม เต๊เห่ เร๊อ เหย่ซี อากู่กล๊อ เต๊เห่เนอ อา ซิเง เกอ ลู เร๊อ อา หม่า เพรเมแลเปล๊กา อา แบ่เจ่ เตเพร ฮู๊เนอโต่. โท๊โต่ เพรโพรเต๊เห่ อาลาอาโหง่ เด๊อ อู แด๊โลแถ่ อา เบ๊อะแกแยยิวพู๊ อา ม๊อเนอโด่ ปว๋า โตโพ๊ เนอเต๊เห่ เบ่เบ่, เหย่ซี ซิเง ตาปลู๊ เกออู อาโหง่แลช๊า โต่. ฮู๊เนอเร๊อ แซ่ฮู๊ เพรโพร เต๊เห่ อาลาอาโหง่ เก่ เล๊อแถ่บาแถ่ อาเงเนอ, อา นอ เมจากาคยา เซอแก เฮ๊อ เหย่ซู่ แพ๊.
เหย่ซี เฮ๊เบ่โด่แน แคลู เร๊อ อางยา กู๊ลาเฮ๊อ เนอ คูเปโตร ก๊อถ่อ เฮ๊ เหย่ซี เน๊อ, “แว โป่แหว่ ซี๋, แซ่ฮู๊ แว เก่ แด๊โฉ่โด่แน เป่เกอ แกแยยิวพู๊ หม่าโต่ เต๊เห่ เร๊อ เตซิครือมีลา, โท๊โต่ แซ่ฮู๊ เหย่ซี เก่ หนิโฮ เกอ เร๊อ หยื่อเอ่แลแค เหย่ซู่ อาเงเนอ, จอแปแหร่ นว๊าแถ่ อางยาลาเฮ๊อ แว เด๊อ ซีเกล เนอหม่า ซี ซิเง ดื่อ เฮ๊อ.
เบ๊อะเนอเค อิสราเอลพู๊ เต๊เห่เนอ, อา เถ่ บี๊ ตี๊ปิตาปา ลอ ลู ซิปล่อ. โต่กู๊แหน่ เจ๊อ เบ่เบ่, เบ๊อะอู แด๊ แถ่โล คูโมเสส อา เตซว๊าเตแส่ เด๊อ ลีเทส่อพ๊ากู เออ เบ๊อะเนอ, เหย่ซี ซิเงโปล เตอเจ๋อ โต่. เหย่ซี เก่ หยื่อเอ่ แบ่เจ่ เหย่ซู่ครี๊ ตื๊อหม่า อาซิปล่อ บี๊ตาปา เออเนอ เก่ โอ่โมแถ่ เร๊อ ซิเงโปลแฮ เบ๊โหน่ แพ๊.
ကြော်ငြာတွေ