เพรโด่แนพู๊ เต๊เห่ 13:14 - ลีเทส่อพ๊าอาเซ เร๊อ เห่ขุทวาลู๊

¹⁴ เหย่ซี โอ่เด๊อ วีเปอร์กา เร๊อ เถ่จว๊า แลแค เด๊อ วีอันทิโอก โอ่ เด๊อ ปิสิเดีย เก่กูเนอ ตีวี. เร๊อ เบ๊อะแกแยยิวพู๊ ม๊อเนอโด่ เบ่ เบ๊อะเนอ, เหย่ซี จว๊าโน โอ่แนโอ่ เด๊อ เตจ๊อเบโฮกู.

Eastern Kayah Shadaw Dialect

¹⁴ ꤛꤢꤩ꤬ꤞꤤ꤭ ꤥ꤬ꤘꤣ ꤠꤤ꤭ꤕꤢꤩ꤬ꤚꤢ꤬ꤊꤢ꤬ ꤚꤣꤧ꤬ ꤓꤢꤩ꤬ꤡꤝꤢ ꤜꤢ꤭ꤋꤢꤧ꤭ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬ ꤥ꤬ ꤘꤣ ꤕꤤ꤬ꤎꤤ꤬ꤘꤤꤛꤢ꤬ ꤊ꤫ꤢꤩ꤬ꤊꤢꤨ꤭ꤔꤣꤧ꤬ ꤒꤣ꤬ꤠꤤ꤭꤯ ꤚꤣꤧ꤬ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤙꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤡꤝꤢꤔꤥ꤭ ꤥ꤬ꤔꤢꤧ꤭ꤥ꤬ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭꤯

เพรโด่แนพู๊ เต๊เห่ 13:14 ပူးပေါင်းရင်းမြစ်များ

เพรโด่แนพู๊ เต๊เห่ 16:13

เบ๊อะแกแยยิวพู๊ ม๊อเนอโด่ เบ่เฮ๊อ เบ๊อะเนอ, เป เถ่จว๊า เด๊อ วีกลอ เร๊อ เป จว๊า แฮเง เด๊อ เทอแลทือ. เบ๊อะเนอหม่า แกแยยิวพู๊ เต๊เห่ เหล่กุยจ๊อเบ อาเหล่โอ่ โอ่เกอเหล่ เป เหน่ เร๊อ เป จว๋า, เร๊อ เพรเหมาะ เต๊เห่ แฮโอ่ปล๊อ หนื่ออื่อ เหร่อ แลแค เบ๊อะเนอ เร๊อ เป โอ่แนเฮ๊เบ่ เน๊อ เหย่ซี.

เพรโด่แนพู๊ เต๊เห่ 17:2

ฮู๊ คูเปาโล เหล่โกล เม เกอ เร๊อ เนอ, อา จว๊าโน เด๊อ เตจ๊อเบโฮกู แกแยยิวพู๊ อา ม๊อเนอโด่ โซโพ๊ ลอเนอ อา จว๊า เฮ๊เบ่โด่แน เคร๊แขระ เร๊อ แกแย เบ๊หมู่ เบ๊อะเนอ เต๊เห่ เร๊อ อา แด๊โฉ่โล เป่ อู เร๊อ ลีเทส่อพ๊า อาหรี่อาแก.

เพรโด่แนพู๊ เต๊เห่ 14:19

โทเรอ แกแยยิวพู๊ เต๊เห่เนอ, อา โอ่ เด๊อ วีอันทิโอก เร๊อ เด๊อ วีอิโคเนยูม เร๊อ อา แฮ. แซ่ฮู๊ แกแย เบ๊หมู่ เออเต๊เห่ เก่ ซิโตโคแก คูเปาโล เร๊อ คูบารนาบัส, เร๊อ อา เก่ ซิปล่อ โอ่เกอ เหย่ซี ตากยา อาเงเนอ, อา จว๊าอิลอ แกแย เบ๊หมู่ เต๊เห่. โทเรอ เหย่ซี ต่าโทเฮ๊อ คูเปาโล เร๊อ หล่อ เร๊อ อา เตเน แลแค เน๊อ อา เซอเฮ๊อ เร๊อ เหย่ซี จุ่ยเถ่ วีแก แก ลู เด๊อ วีกลอ.

เพรโด่แนพู๊ เต๊เห่ 13:5

เบ๊อะเหย่ซี จว๊าโต่ เด๊อ วีซาลามิส เบ๊อะเนอ, อา จว๊า แด๊โฉ่โด่แน เป่ อู เร๊อ จอแปแหร่ อาลาอาโหง่ เด๊อ แกแยยิวพู๊ เตจ๊อเบโฮ เต๊เห่ อากู. คูยอห์น มาระโก จว๊า เต่อเกอ เร๊อ เหย่ซี เร๊อ อา เมจว่าเกอ เหย่ซี.

เพรโด่แนพู๊ เต๊เห่ 18:4

แกแยยิวพู๊ ม๊อเนอโด่ ปว๋า โผ่โผ๋ เนอ, คูเปาโล โด่แน เคร๊แขะ อู เบ๊อะเตจ๊อเบโฮ อากูเนอ. แซ่ฮู๊ แกแยยิวพู๊ เร๊อ กรีกพู๊ เนอหมู่ลอ เก่ หยื่อเอ่แหน่ เกอ เหย่ซู่ อาเงเนอ, คูเปาโล แอ๊จื๊อ เฮ๊เบ่ จุ่ยหนิท๊อหนิ เหย่ซี ซิปล่อ.

เพรโด่แนพู๊ เต๊เห่ 19:8

คูเปาโล จว๊าโน เด๊อ เตจ๊อเบโฮกู เร๊อ อา เฮ๊เบ่โด่แน คือฮาบื่อ เจ๊อ เน๊อ แกแย เบ๊หมู่ เบ๊อะเนอ โซเล อากู. คูเปาโล เฮ๊เบ่โด่แน เคร๊แขระ เหย่ซี เน๊อ, จอแปแหร่ อาเทอเก่ อาหรี่อาแก เร๊อ อา ท๊อหนิจุ่ยหนิ ลอ เหย่ซี อาซิปล่อ.

เพรโด่แนพู๊ เต๊เห่ 13:44

เด๊อคยา โซซว๊าเตอเนอ เบ๊อะแกแยยิวพู๊ อา ม๊อเนอโด่ เบ่ คยาแซ๊ เบ๊อะเนอ, แกแย เด๊อ อา แฮ หนิดาเกอ แบ่เจ่ จอแปแหร่ อาลาอาโหง่ เต๊เห่เนอ, อา ผือ ลอ เจ๊อ ตีวีลอ เจ๊อ.

เพรโด่แนพู๊ เต๊เห่ 13:42

เบ๊อะคูเปาโล เร๊อ คูบารนาบัส เถ่จว๊าแก เด๊อ เตจ๊อเบโฮกู เบ๊อะเนอ, แกแย เบ๊หมู่ เต๊เห่ นอแฮโป่ เหย่ซี ช๋า แกแยยิวพู๊ อา ม๊อเนอโด่ เบ่ คยาแซ๊ เด๊อคยา โซซว๊าเตอเนอ ปา. เร๊อ อา นอแด๊โฉ่โด่แน โอ่เอ๊แถ่ โป่ เหย่ซี เร๊อ เตหรี่เตแก ซีเต๊เห่.

เพรโด่แนพู๊ เต๊เห่ 9:20

เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

ꤜꤢꤨꤊꤢ꤬ 4:16

แบ่เจ่ เหย่ซู่ กาคยา เด๊อ วีนาซาเร็ธ เบ๊อะอา อาหน่าดุแถ่เฮ๊อ เกอเร๊อ เนอตีวี. เบ๊อะแกแยยิวพู๊ ม๊อเนอโด่ เบ๊อะเนอ, ฮู๊ อาเหล่โกล โอ่เนอ, อา จว๊าโน เด๊อ เตจ๊อเบโฮกู. เบ๊อะอา เตเร ก๊อถ่อแด๊ จอแปแหร่ อาลาอาโหง่ เบ๊อะเนอ,

เพรโด่แนพู๊ เต๊เห่ 13:46

โทเร๊อ คูเปาโล เร๊อ คูบารนาบัส ลื๋อ เฮ๊เบ่ คือเฮ๊เบ่บื่อ โป่โป่ เจ๊อ, เร๊อ อา เฮ๊ เน๊อ, “เป โตเบ่ แด๊โฉ่โด่แน เหร่อเล๊อ เป่ ซี เร๊อ จอแปแหร่ อาลาอาโหง่. หม่าแน๊เรอ ซี หยื่อเอ่แลแค เป เตโด่แน เออเนอ โต่ อาขว่าอาคยา, ซี เมจากาคยาแล เกอ เร๊อดื่อ เฮ๊อ ซิเหน่ ฮู๊ แกแย เด๊อ อาต่า พย๊าหนิ เกออู แหย่โยบูโพ๊เซอเพร ตูจูเพร โต่ เนอเต๊เห่ เฮ๊อ. ฮู๊เนอเรอ เป เก่ แด่แก ซี เร๊อ เป เก่ จว๊า เด๊อ แกแยยิวพู๊ หม่าโต่ เต๊เห่ อา โอ่.

ทิโมธี เนอบ่า ต๊าบ่า 3:11

โทเรอ แว ข่าเบ่น๊อ อู เมจาเมจือ แว เออเนอ, เร๊อ แว ป่อชิเต่อเบ่ เน๊อ เตแป่เตเช เออเต๊เห่ เด๊อ วีอันทิโอก, วีอิกานีเร๊อ วีอิโคเนยูม เน๊อ วีลิสตรา อากู เนอหม่า, อา เมแคร๊ อาเหน่ เร๊อ แว ฮู๊เตเนอ เน ซิเง โทดื่อเฮ๊อ. แว ข่าเบ่ อู เมจาเมจือ แว หม่าแน๊เรอ ล๋อ เต เออเต๊เห่ เนอหม่า, แบ่เจ่ เมแลเปล๊กา เป่ ลอปลี แว แพ๊.