เพรโด่แนพู๊ เต๊เห่ 12:7 - ลีเทส่อพ๊าอาเซ เร๊อ เห่ขุทวาลู๊

⁷ แบ่เจ่ อา เตเน่วม๊อขุพู๊ เตเพร จว๊า ก๊อถ่อ โอ่โลคย๊า เบ๊อะเนอ เร๊อ อา ลีเตเคแถ่ ลอ เบ๊อะคูเปโตร โอ่ เด๊อะ ทอกูเนอ. เตเน่วม๊อขุพู๊ แปล่ คูเปโตร รอเกล เร๊อ อา ถู่แรก๊อถ่อ ลู เร๊อ อา เฮ๊ ลู เน๊อ, “ก๊อถ่อแพรมอ” โตโพ๊เรอ สู่เปลอต่อเท๊ อาโอ่ เด๊อ คูเปโตร อากู๊ขุ เนอโค๊ลอ อากู เออเนอ อา แลปลื๊อตา ลอ หนิ เร๊อดื่อ อาเหน่.

Eastern Kayah Shadaw Dialect

⁷ ꤙꤢꤧ꤬ꤡꤢꤩ꤬ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣ꤬ꤖꤚꤢꤩ꤬ ꤟꤢꤧ꤭ ꤊꤣꤧ꤬ꤓꤢꤪ꤬ ꤥ꤬ꤜꤥ꤭ꤖꤚꤢꤦ ꤙꤣꤧꤔꤣꤧ꤬ ꤚꤣꤧ꤬ ꤢ꤬ ꤜꤤ꤭ꤓꤢꤧ꤬ ꤜꤢꤪ꤭ ꤙꤣꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤥ꤬ ꤚꤣꤧꤘꤢꤦ꤬ ꤢ꤬ ꤕꤥ꤬ꤊꤢꤨ꤭ꤔꤣꤧ꤬꤯ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤕꤜ꤫ꤢꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤕꤜꤢ꤭ꤋꤢꤨ꤬ ꤚꤣꤧ꤬ ꤢ꤬ ꤓꤢꤨ꤬ꤚꤢꤧ꤭ꤊꤣꤧ꤬ꤓꤢꤪ꤬ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤊꤣꤧ꤬ꤓꤢꤪ꤬ꤖꤚꤢꤧ꤭ꤗꤣꤧ꤭” ꤒꤣ꤬ꤖꤥꤒꤥ꤬ ꤞꤢꤨꤕꤜꤣꤧ꤬ꤒ꤫ꤢꤪ꤬ꤓꤢꤩ ꤥ꤬ ꤘꤣ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤢ꤬ꤊꤢꤨꤋꤢꤨ꤬ ꤔꤣꤧ꤭ꤋꤥꤜꤢꤪ꤭ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤢ꤬ ꤜꤣꤧ꤬ꤒꤢ꤭ ꤕꤜꤥꤓꤢꤩ꤬ꤊꤢꤧ꤭ ꤜꤢꤪ꤭ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬꤯

เพรโด่แนพู๊ เต๊เห่ 12:7 ပူးပေါင်းရင်းမြစ်များ

เพรโด่แนพู๊ เต๊เห่ 5:19

หม่าแน๊เร๊อ เบ๊อะเบ๊อะเนอเตเซเนอ, แบ่เจ่ เตเน่วม๊อขุพู๊ เตเพร แฮบ๊าโม กู่ดา เร๊อ อา ปลวาเถ่แก เพรโด่แนพู๊ เต๊เห่ เออเต๊เห่ เร๊อ อา เฮ๊ เหย่ซี เน๊อ,

เพรโด่แนพู๊ เต๊เห่ 16:26

เออโตโพ๊เรอ เตเน่วท๊อดี แถ่คย๊า เร๊อ อา ท๊อ ฉว่าแหน่เจ๊อ เร๊อ เหล่ด๊อ โอ่อาทอ แก่ช๊า เออเนอ อา โกโยโต่ ลอ เจ๊อ. เบ๊อะเนอ โตโพ๊โต, ทอ กู่ดาดุ เต๊เห่ ลูโมแถ่ หนิเร๊อ ลอดื่อ อาเหน่. โท๊โต่ ล๋อ สู่เปลอต่อเท๊ เด๊อ อู จอหม่า เร๊อ อู ด๊อโอ่ แกแย เต๊เห่เนอ, อา แลโล๊ เถ่แก หนิ เร๊อดื่อ ลอ อาเหน่.

เพรโด่แนพู๊ เต๊เห่ 10:30

เร๊อ เพโครเนลิอัส เฮ๊ เป่ ลู เน๊อ, “เบ๊อะอา ตาลว๊าแก โซเซ เหมาะเฮ๊แล โซมือ อาแซ่เน๊อ กู๊แหน่เค เออเนอเฮ๊อ, แว กุยจ๊อเบ เต. เบ๊อะเนอโตโพ๊, แกแย กือแซ๊หนิ เห่อจา เตเคแปล๊ลีซิ เตเพร แฮก๊อถ่อโอ่ คย๊า เด๊อ แว เป๊เส่เง.

เอเฟซัส 5:14

เต เด๊อ อา เด๊อะ แม๊เถอะโล ซิเง ตาเต แร๊ อู หม่า ตื๊อแพ๊ เตลี แพ๊. ฮู๊เนอเรอ อู เฮ๊ เน๊อ, “เพร โอ่เมอฉว่า, ซิเหน่เกอ เมอ อู, ก๊อถ่อกา เกอเมออู เด๊อ เตเซอ อา เหล่โอ่เออ เนอ. ครี๊ อา เตลีเออ เก่ เตเคตา เด๊อ เนโอ่ ปา.”

เพรโด่แนพู๊ เต๊เห่ 2:24

หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ, เร๊อ อา เมแลเปล๊กา ลู เด๊อ เตเซอ อา เตจาเตจื่อ อาเล, เมเตเฮ๊เร๊อ เตเซอ อาโหมะเพ ปื่อกลอหม่าแจ่ ปา ลู โต่ เฮ๊อ.

ꤜꤢꤨꤊꤢ꤬ 24:4

เบ๊อะเหย่ซี ก๊อถ่อ เตเน อาทวาแถ่ ฮู๊เออ เบ๊อะเนอ, แกแย เด๊อ อา กือแซ๊ เห่อจ่า เต๊อเค่อเตเค ซิเนอ โอ่โลแถ่คย๊า เป่ เหย่ซี เร๊อ อา แฮก๊อถ่อโอ่ เด๊อ เหย่ซี ช๊า.

ꤜꤢꤨꤊꤢ꤬ 2:9

เบ๊อะเนออาเค แบ่เจ่ อา เตเน่วม๊อขุ เตเพร แฮ เด๊อะโลแม๊เถอะ เป่ เหย่ซี, เร๊อ แบ่เจ่ จอแปแหร่ อา เตลีเตตาเค เต๊เห่ ลี ตาวา ลอปลี เหย่ซี เร๊อ เหย่ซี ซิอิเช ต๊อหร่อเซ๊ ลอปลี เจ๊อ.

เพรโด่แนพู๊ เต๊เห่ 12:23

โตโพ๊โต, แบ่เจ่ อา เตเน่วม๊อขุพู๊ เตเพร เมชุ๊ยเมเช คุ๊ยเฮโรด, เมเตเฮ๊เร๊อ อา โต ถู่เซ๊แถ่ จอแปแหร่ ตื๊อดื่อเรอ อา จว๊า นอถู่เซ๊แถ่ อาเหน่ เน๊อ แกแยเห่ขุพู๊. เร๊อ อาเขระ เอ่เซอแก ลู.

เพรโด่แนพู๊ เต๊เห่ 9:3

คูเซาโล จว๊า เด๊อ วีดามัสกัส เร๊อ เบ๊อะอา ผื่อ จว๊าโต่เฮ๊อ วี เบ๊อะเนอ, เตลีเตเค เด๊อ ม๊อขุ ช๊าเตเค ตาตาวา เด๊อ ลู อาช๊า.

เตเด๊อะโลแถ่ 18:1

ฮู๊เนอโทเรอ แว แม๊เถอะ เตเน่วพู๊ เด๊อ อาโร เตเพร โอ่ เด๊อ ม๊อขุ แฮแล. อา โอ่ เร๊อ อา เตเตอเรอฉว่าชอ เร๊อ เด๊อ อา เตเตเค อาขว่าอาคยา, เห่ขุ ลีเตเคแถ่ ลอ ชีบ่า เจ๊อ.

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

เพรโด่แนพู๊ เต๊เห่ 12:6

เบ๊อะคุ๊ยเฮโรด เอ๊เถ่ แต่ล๋าย คูเปโตร เด๊อ แกแย เบ๊หมู่ อา เป๊เส่เง ล๋ายโต่ เตเซเนอ, คูเปโตร โอ่เมอโอ่ เด๊อ เกลอฮู๊ ซิเนอ อาเปล่กู. อู จอกลอหม่า อา เร๊อ สู่เปลอต่อเท๊ เนอโบ. โท๊โต่ เกลอฮู๊ เต๊เห่ โอ่ป่อ โอ่ลอ เบ๊อะทอ กู่ดาทือเนอ.

มัทธิว 2:13

เบ๊อะเพรลีแมลีเพ๊ เออเต๊เห่ กาโทเฮ๊อ เนอ, จอแปแหร่ อาม๊อขุ เตเน่วพู๊ เตเพร แฮโอ่โลเถ่ เป่ เพโยเซฟ เด๊อ อา เตโอ่เมอแหม่ อากู เร๊อ อา เฮ๊ ลู เน๊อ, “ก๊อถ่อมอ! เร๊อ เอ๊หนิ เป๊เจ่พู๊ เร๊อ อาโหมะเนอ เร๊อ เถ่แกล่จว๊าแก มอ เด๊อ อียิปต์เก่ เนอ. แว เก่ แด๊โฉ่ แต่ล๋าย เน เตอเจ๋อ โต่ เก่เฮ๊เรอ ตูรู๊ โอ่ตื๊อดื่อ แลแค เบ๊อะเนอ นี๋, เมเตเฮ๊เรอ คุ๊ยเฮโรด เตเร นอ อาเกลอฮู๊ เต๊เห่ แม๊ปูเมเซอ เป๊เจ่พู๊ เออเตเพร.”

เพรโด่แนพู๊ เต๊เห่ 12:8

โทเร๊อ เตเน่วม๊อขุพู๊ เฮ๊ ลู เน๊อ, “แหร่แถ่ เน ฮ๊อท๊อ เร๊อ แด๊หนิ เน แข่แด๊พ๊า.” เร๊อ คูเปโตร ครวาเมเกอ ฮู๊ เตเน่วม๊อขุพู๊ เฮ๊ อา เนอ. เร๊อ อา เฮ๊ โป่ ลู เน๊อ, “อิท๊อแถ่หนิ เน อิเกเนอ เร๊อ ครวาจว๊าเกอ แวคยาเออ.”