เพรโด่แนพู๊ เต๊เห่ 12:6 - ลีเทส่อพ๊าอาเซ เร๊อ เห่ขุทวาลู๊

⁶ เบ๊อะคุ๊ยเฮโรด เอ๊เถ่ แต่ล๋าย คูเปโตร เด๊อ แกแย เบ๊หมู่ อา เป๊เส่เง ล๋ายโต่ เตเซเนอ, คูเปโตร โอ่เมอโอ่ เด๊อ เกลอฮู๊ ซิเนอ อาเปล่กู. อู จอกลอหม่า อา เร๊อ สู่เปลอต่อเท๊ เนอโบ. โท๊โต่ เกลอฮู๊ เต๊เห่ โอ่ป่อ โอ่ลอ เบ๊อะทอ กู่ดาทือเนอ.

Eastern Kayah Shadaw Dialect

⁶ ꤙꤣꤧ ꤋꤝꤤꤟꤢꤩ꤬ꤚꤥ꤬ ꤢꤩꤓꤢꤩ꤬ ꤒꤢꤧ꤬ꤜꤢ꤭ꤟꤤ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤘꤣ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤜꤢ꤭ꤟꤤꤒꤥ꤬ ꤒꤣ꤬ꤞꤢꤩ꤭ꤔꤣꤧ꤬, ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤥ꤬ꤗꤣꤧ꤭ꤥ꤬ ꤘꤣ ꤊꤜꤣꤧ꤭ꤟꤢꤨ ꤞꤤꤔꤣꤧ꤭ ꤢ꤬ꤕꤜꤢꤩ꤬ꤊꤢꤨ꤭꤯ ꤢꤨ꤭ ꤡꤢꤪ꤭ꤊꤜꤢꤪ꤬ꤗꤢ꤬ ꤢ꤬ ꤔꤢꤧ ꤞꤢꤨꤕꤜꤣꤧ꤬ꤒ꤫ꤢꤪ꤬ꤓꤢꤩ ꤔꤣꤧ꤭ꤙꤥ꤭꤯ ꤓꤥ꤭ꤒꤥ꤬ ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤥ꤬ꤕ꤫ꤢꤪ꤬ ꤥ꤬ꤜꤢꤪ꤭ ꤙꤣꤧ ꤜ꤫ꤢꤩ꤬ꤘꤢꤪꤒꤢ꤭ ꤢꤨ꤭ ꤢ꤬ꤕꤥ꤬ꤊꤣꤧ꤬ꤘꤢ꤭ꤓꤢꤦ꤭ꤔꤣꤧ꤬꤯

เพรโด่แนพู๊ เต๊เห่ 12:6 ပူးပေါင်းရင်းမြစ်များ

เพรโด่แนพู๊ เต๊เห่ 21:33

เกลอฮู๊ตีรี๊ อากู่กล๊อ เออเตเพร แฮโต เด๊อ คูเปาโล โอ่ เร๊อ อา แฮปื่อ คูเปาโล. เร๊อ อา เฮ๊ตา อา โคเจ่ เต๊เห่ เร๊อ อา นอปื่อ จอกลอ คูเปาโล เร๊อ สู่เปลอ ต่อเท๊ เนอโบ โทเรอ อา แด๊เฮอ อู เน๊อ, “อา หม่า อูเป? อา จว๊าเม แคร๋ อิเตเต?”

ꤟꤤꤙꤚꤢꤨ 13:6

ฮู๊เนอเรอ, “จอแปแหร่ หม่า เพร เด๊อ อา เมจว่า แว. อู เมเจ๊อ แว ฮู๊เตเต๋ เบ่เบ่, แว ซิอิเช โต่,” เป เฮ๊ แลแค ฮู๊เออ เนอหม่า อาหนิ แพ๊.

ทิโมธี เนอบ่า ต๊าบ่า 1:16

แบ่เจ่ จอแปแหร่ เก่ ซิยอ เร๊อดื่อ คูอ๊อนี๋ส่าพรู๊ เน๊อ อา หี่ด๊อหี่แพพู๊ เน๊อ แกแย อาโร เด๊อ อา โอ่เกอ เน๊อ อา ล๋อ ปลี เนอเต๊เห่ นี๋. เมเตเฮ๊เรอ, คูโอเนสิโฟรัส หม่า อา เมโม ครือลา เฮ๊อ แว ซิปล่อ เฮ๊อ, โทเรอ อู ด๊อโน เจ๊อ แว เด๊อ ทอกู หม่าแน๊เรอ เด๊อ แวขว่าแวคยา เร๊อ อา ซิเตเร โต่.

เอเฟซัส 6:20

เด๊อ ครี๊ นว๊าเถ่ เฮ๊อ แว เร๊อ อา เพรเฮ๊โฉ่ เตหรี่เตแก เตเพร เด๊อ แว เก่ แด๊โฉ่โด่แน เป่ อู เร๊อ เตซิครือมีลา เออ อาขว่าอาคยา, กู๊แหน่เออ แว ตาเฮ๊อ เด๊อ ทอกู เฮ๊อ. เต เด๊อ แว โตเบ่ โด่แน เป่ อู เต๊เห่เนอ, แซ่ฮู๊ แว เก่ โด่แน ฮาฮา เป่ อู อาเงเนอเนอ, กุยจ๊อเบ เป่ เกอ เด๊อ แวเง นี๋.

เพรโด่แนพู๊ เต๊เห่ 28:20

เด๊อ เตหรี่เตแก เออ อาขว่าอาคยาเร๊อ, แว กุย เกอ เหย่ซี เด๊อ อา เก่ เด๊อะแม๊เถอะ เฮ๊เบ่เกอ เต เน๊อ ซี. เก่เฮ๊เนอหม่า เด๊อ ซี หม่าเฮ๊อ แกแยยิวพู๊ เออเต๊เห่ อา เตแม๊ชือ อาขว่าอาคยาเร๊อ, อู เบ่ จอกลอหม่าแก แว เน๊อ สู่เปลอต่อเท๊ เออ เฮ๊อ.”

เพรโด่แนพู๊ เต๊เห่ 5:23

“เบ๊อะเป จว๊าโต่ เด๊อ อู เหล่ด๊อโอ่ แกแย เบ๊อะเนอ, เป แม๊เถอะ อู ก่าหม่า โอ่แร๊ปา กู่ดา เร๊อ ชอ. โทเรอ ล๋อ เพรโอ่ป่อ ทอ เออเต๊เห่เนอ, อา ก๊อถ่อโอ่ป่อโอ่ แลแค เบ๊อะกู่ดาทือ เนอ ปว๋า เตเพร ตื๊อดื่อเรอ เป บ๊าโม กู่ดา เร๊อ เป โนแม๊ เด๊อ อากู เบ๊อะเนอ, เป แม๊เถอะ ปา เตเพร่ว โต่.”

มัทธิว 28:4

เพรโอ่ป่อ เต๊เห่ แตแนตากยา ลอปลี เจ๊อ. เหย่ซี ซิอิเช ตาลว๊าซิลือ เร๊อ เหย่ซี แซ่ เจ๊อ เน๊อ แกแยเซอ เนอ เจ๊อ.

เห่ขุทวาลู่ 22:14

เร๊อ อา โป๊แก เหล่โอ่เนอโต๊โผะ อามุย เน๊อ, เยโฮวาห์ยิเรห์. อู เตเฮ๊เบ่ โอ่แก เน๊อ, “เด๊อ จอแปแหร่ ตูจูเพร อาโฉ่ขุเออ อา เก่ เด๊อะ เป่เตโหล่.” (เยโฮวาห์ยิเรห์ อาโหง่แลช๊าหม่า จอแปแหร่ ตูจูเพร เด๊อะ เป่เตโหล่.)

เพรโด่แนพู๊ เต๊เห่ 12:5

ฮู๊เนอเรอ อู ด๊อโอ่ ตื๊อดื่อ ปา คูเปโตร เด๊อ ทอกู. หม่าแน๊เรอ เพรหยื่อเอ่ ตู๊หมู่ตอกล๊อ เต๊เห่ ซิปล่อฉว่า กุยจ๊อเบ เป่ แหน่เจ๊อ เด๊อ ลูเง.