เพรโด่แนพู๊ เต๊เห่ 12:24 - ลีเทส่อพ๊าอาเซ เร๊อ เห่ขุทวาลู๊

²⁴ หม่าแน๊เร๊อ จอแปแหร่ อาลาอาโหง่เนอ, อา โลปีชีจว๊า ยา เป่แฮโป่ เด๊อ เง เร๊อ อู หยื่อเอ่ โอ่เอ๊แถ่ เร๊อ โอ่เอ๊แถ่ เจ๊อ.

Eastern Kayah Shadaw Dialect

²⁴ ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ꤔꤣꤧ꤬, ꤢ꤬ ꤜꤥ꤭ꤕꤣꤧ꤬ꤏꤤ꤭ꤡꤝꤢ ꤛꤢ꤬ ꤟꤢꤧ꤭ꤑꤢꤩ꤭ꤕ꤫ꤥ꤬ ꤘꤣ ꤑꤢꤩ꤭ ꤚꤣꤧ꤬ ꤢꤨ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢꤩꤓꤢꤧ꤬ ꤔꤢꤧ ꤢꤩꤓꤢꤧ꤬ ꤡꤣꤧ꤯

เพรโด่แนพู๊ เต๊เห่ 12:24 ပူးပေါင်းရင်းမြစ်များ

เพรโด่แนพู๊ เต๊เห่ 6:7

ฮู๊เนอเรอ จอแปแหร่ อาลาอาโหง่เออ อา โลปีชี จว๊า เร๊อ จว๊า เจ๊อ. โทเรอ เด๊อ วีเยรูซาเล็ม อากู เนอ, แกแย เด๊อ อา หยื่อเอ่แหน่เอ่รี เต๊เห่ โอ่โหร่โอ่เอ๊แถ่ เร๊อ แถ่ เจ๊อ. โท๊โต่ เพร หลู่แตเต เต๊เห่เนอ, อา หยื่อเอ่แหน่เอ่รี เอ๊ เกอ แหน่เจ๊อ.

เธสะโลนิกา เนอบ่า ต๊าบ่า 3:1

เป โป่แหว่ ซี๋, เป ซิหยื่อ เฮ๊โฉ่แก ซี เด๊อ คยา ตื๊อดื่อ เนอ, แซ่ฮู๊ แบ่เจ่ อา เตซิครือมีลา เก่ โลปีชีจว๊า แพรแพร อาเงเนอ, กุยจ๊อเบ เป่ เกอ เด๊อ เปเง นี๋. โท๊โต่ ฮู๊ ซี พย๊าฉื่อ โทเฮ๊อ เตซิครือมีลา เออเนอ เร๊อ เด๊อ เตแด่หยื่อแด่แหน่ อากูเนอ, แซ่ฮู๊ อู เก่ พย๊าฉื่อ แซ่เกอดื่อ ฮู๊ ซี พย๊าฉื่อ เออเนอเนอ, กุยจ๊อเบ เป่ เกอ โป่ แลแค เด๊อ เปเง นี๋.

เพรโด่แนพู๊ เต๊เห่ 19:20

เด๊อ จอแปแหร่ เตโพรเตเตอเรอ โอ่โลแถ่ เด๊อ แกล๊ ฮู๊เออ อาขว่าอาคยา, จอแปแหร่ อาลาอาโหง่ โลปีชี จว๊าแหล่แถ่ โป่ เร๊อ อา ดุแถ่ทูแถ่ เป่แฮ โป่ เด๊อ เง.

มัทธิว 16:18

เร๊อ แว เฮ๊ เน, เนมุย เร๊อ คูเปโตร เร๊อ แว เก่ ช๊อแล แว เพรหยื่อเอ่ ตู๊หมู่ตอกล๊อ เด๊อ หล่อเออ อาลู ปา. เตเซอ อาเตฉว่าเตชอ เออเนอ, อา เมเป่แจ่ เพรหยื่อเอ่ปล๊อหมู่ โต่.

โคโลสี 1:6

เตซิครือมีลา เออ อา พย๊าแฮหนิ เตเด๊อะบุ๊ยเด๊อะเตอเรอ เร๊อ อา โลปีชีจว๊า ลอเฮ๊อ เด๊อ เห่ขุต๊าบ่า เฮ๊อ. อา โลปีชีจว๊า เร๊อ อา พย๊าแฮหนิ เตเด๊อะบุ๊ยเด๊อะเตอเรอ แซ่เน๊อ อา พย๊าแฮหนิ เป่เฮ๊อ ซี เบ๊อะซี หนิโฮ เร๊อ ซี ซิเงโปลแฮ เฮ๊อ เตหมะเตจ๊อ หม่าเฮ๊อ จอแปแหร่ อาบุ๊ยอาเตอเรอ อาหรี่อาแก เออเนอ เฮ๊อ.

เพรโด่แนพู๊ เต๊เห่ 11:21

เร๊อ จอแปแหร่ อา เตโพรเตเตอเรออาฉว่าชอ โอ่ เร๊อ เหย่ซี อาขว่าอาคยา, แกแย หยื่อเอ่ ปลูเผ่ เร๊อ อาซิปล่อ ถู่แหล่ กาโต แลแค เด๊อ แบ่เจ่ โอ่.

เพรโด่แนพู๊ เต๊เห่ 5:39

หม่าโต่เรอ เตเม เออเนอ, อา โอ่ เด๊อ จอแปแหร่ อา โอ่แฮ เก่เฮ๊เนอหม่า ซี เมเป่ เน๊อ เหย่ซี โต่, ซี วื๊อฉื่อ แพ๊ เร๊อ จอแปแหร่ แพ๊ เนอ, ซี แม๊เถอะ ซีเหน่กล่อ เร๊อ ซีเหน่ ปา.”