เพรโด่แนพู๊ เต๊เห่ 12:19 - ลีเทส่อพ๊าอาเซ เร๊อ เห่ขุทวาลู๊

¹⁹ คุ๊ยเฮโรด เฮ๊เบ่ อาโหง่ เน๊อ, อา นอ แม๊ปู คยาแซ๊ อาเกลอฮู๊ เต๊เห่ เร๊อ คูเปโตร ตื๊อดื่อเรอ เหย่ซี แม๊เถอะ ปา ลู โต่. ฮู๊เนอ อาขว่าอาคยา, อา จว๊า เจแม๊ เพรโอ่ป่อ ทอกู เออเต๊เห่ เร๊อ อา เฮ๊ตาแก อาโหง่ เนอ เมเซอแก เพรโอ่ป่อ ทอกู เนอเต๊เห่. เตทวาแถ่ อาเหน่ ฮู๊เนอ โทเรอ เด๊อคยาเนอ คุ๊ยเฮโรด เถ่จว๊าแก เบ๊อะยูดาห์เก่เนอ เร๊อ อา เถ่จว๊า โอ่โก๊ เด๊อ วีเก่ซารียา.

Eastern Kayah Shadaw Dialect

¹⁹ ꤋꤝꤤꤟꤢꤩ꤬ꤚꤥ꤬ ꤟꤢꤩꤒꤢ꤭ ꤢ꤬ꤍ꤫ꤥ꤬ ꤔꤢꤧ, ꤢ꤬ ꤔꤢꤪ꤭ ꤗꤢꤧꤕꤢꤨ꤭ ꤋꤛꤢ꤭ꤞꤢꤧ ꤢ꤬ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤕꤢ꤬ ꤜꤢꤨ꤭ ꤒꤥ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤡꤝꤢ ꤡꤢꤩ꤭ꤗꤢꤧ ꤖꤚꤢꤩ꤬ꤥ꤬ꤕ꤫ꤢꤪ꤬ ꤢ꤬ꤕ꤫ꤥ꤬ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤟꤢꤩꤒꤢ꤭ꤊꤢꤧ꤭ ꤢ꤬ꤍ꤫ꤥ꤬ ꤔꤢꤧ ꤗꤢꤩ꤬ꤞꤣꤧ꤭ꤊꤢꤧ꤭ ꤖꤚꤢꤩ꤬ꤥ꤬ꤕ꤫ꤢꤪ꤬ ꤢ꤬ꤕ꤫ꤥ꤬ꤔꤣꤧ꤬ꤒꤣꤧ꤬ꤟꤢꤩ꤬꤯ ꤒꤢꤩ꤬ꤓꤝꤢ꤭ꤓꤢꤧ꤬ꤢ꤬ꤔ꤫ꤢꤩ꤬ ꤟꤢꤨꤔꤣꤧ꤬ ꤓꤥ꤭ꤚꤣꤧ꤬ ꤘꤣꤋꤛꤢ꤭ꤔꤣꤧ꤬ ꤋꤝꤤꤟꤢꤩ꤬ꤚꤥ꤬ ꤓꤢꤩ꤬ꤡꤝꤢꤊꤢꤧ꤭ ꤙꤣꤧ ꤛꤢꤨ꤬ꤘꤢ꤬ꤊ꤫ꤢꤩ꤬ꤔꤣꤧ꤬ ꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤥ꤬ꤊꤥ ꤘꤣ ꤠꤤ꤭ꤊꤢꤧꤎꤢ꤬ꤚꤤ꤯

เพรโด่แนพู๊ เต๊เห่ 12:19 ပူးပေါင်းရင်းမြစ်များ

เพรโด่แนพู๊ เต๊เห่ 16:27

เบ๊อะเพรโอ่ป่อทอ กู่กล๊อ เออเตเพร ซิเหน่แถ่ เร๊อ อา แม๊เถอะ เร๊อ ทอด๊อ กู่ดา ลูโม เบ๊อะเนอ, อา เตเน เน๊อ อูตาทอ เต๊เห่ แกล่เถ่เปล๊ ลอเฮ๊อ เร๊อ อา บ๊าเถ่ อาเน๊ เร๊อ อา เตเร ชือเซอ เกอ เร๊อ อาเหน่.

เพรโด่แนพู๊ เต๊เห่ 21:8

เด๊อคยา เตอเนอเนอ, เป เถ่จว๊า เร๊อ เป จว๊าโต่ เด๊อ วีซารียา. เป จว๊า โอ่โก๊เกอ เร๊อ เพฟีลิป เด๊อ อา แด๊โฉ่โด่แน เป่ อู เร๊อ เตซิครือมีลา เออเตเพร อาหี่. เด๊อ วีเยรูซาเล็ม อากู เนอ, อู นว๊าแถ่ แกแย โซซว๊าเตเพร เด๊อ อา เก่ เมจว่า อู อาเกลเนอ, เพฟีลิป หม่า อา โอ่เต่อ เกอ เร๊อ แกแย เบ๊อะเนอ เต๊เห่ อาเกล เตเพร.

เพรโด่แนพู๊ เต๊เห่ 12:6

เบ๊อะคุ๊ยเฮโรด เอ๊เถ่ แต่ล๋าย คูเปโตร เด๊อ แกแย เบ๊หมู่ อา เป๊เส่เง ล๋ายโต่ เตเซเนอ, คูเปโตร โอ่เมอโอ่ เด๊อ เกลอฮู๊ ซิเนอ อาเปล่กู. อู จอกลอหม่า อา เร๊อ สู่เปลอต่อเท๊ เนอโบ. โท๊โต่ เกลอฮู๊ เต๊เห่ โอ่ป่อ โอ่ลอ เบ๊อะทอ กู่ดาทือเนอ.

เพรโด่แนพู๊ เต๊เห่ 12:4

อู ปื่อโท คูเปโตร เร๊อ อู ด๊อตา ลู เด๊อ ทอกู. อู เด๊อะตา เกลอฮู๊ ลูยหมู่ อาเตเม เด๊อ เหย่ซี เบ่ โอ่ป่อเร๊อ ลู. เหย่ซี โอ่ป่อ ตู๊หมู่ โท ตู๊หมู่. ตู๊หมู่เนอ อา โอ่ ซิลุย. เบ๊อะป่วยเตจว๊า ตา ลว๊า โทเฮ๊อ เบ๊อะเนอ, คุ๊ยเฮโรด เตเน เร๊อ อา เก่ เจแม๊ คูเปโตร เร๊อ อา เก่ แด๊เฮอ เมจากาคยาลู เด๊อ แกแย เบ๊หมู่ อา เป๊เส่เง ปา.

เพรโด่แนพู๊ เต๊เห่ 8:40

เร๊อ คูฟีลิป ซิเง เกอเร๊อ อาเหน่ เร๊อ อา จว๊าโต่ เด๊อ วีอาโซทัส อากู เร๊อ อา จว๊า เป่แฮโป่ เด๊อ วีซารียา. เบ๊อะอา จว๊า เด๊อ แกล๊ลู เบ๊อะเนอ, อา แด๊โฉ่โด่แน เป่ อู เร๊อ เหย่ซู่ครี๊ อา เตซิครือมีลา อาหรี่อาแก เออ ปว๋า ตีวี เจ๊อ.

มัทธิว 2:13

เบ๊อะเพรลีแมลีเพ๊ เออเต๊เห่ กาโทเฮ๊อ เนอ, จอแปแหร่ อาม๊อขุ เตเน่วพู๊ เตเพร แฮโอ่โลเถ่ เป่ เพโยเซฟ เด๊อ อา เตโอ่เมอแหม่ อากู เร๊อ อา เฮ๊ ลู เน๊อ, “ก๊อถ่อมอ! เร๊อ เอ๊หนิ เป๊เจ่พู๊ เร๊อ อาโหมะเนอ เร๊อ เถ่แกล่จว๊าแก มอ เด๊อ อียิปต์เก่ เนอ. แว เก่ แด๊โฉ่ แต่ล๋าย เน เตอเจ๋อ โต่ เก่เฮ๊เรอ ตูรู๊ โอ่ตื๊อดื่อ แลแค เบ๊อะเนอ นี๋, เมเตเฮ๊เรอ คุ๊ยเฮโรด เตเร นอ อาเกลอฮู๊ เต๊เห่ แม๊ปูเมเซอ เป๊เจ่พู๊ เออเตเพร.”

เพรโด่แนพู๊ เต๊เห่ 27:42

ปาหม่า ล๋อ แกแย เด๊อ อู ด๊อตา เหย่ซี เด๊อ ทอกู เออเต๊เห่ เป๊เหย่เถ่ ลอ เด๊อ โคขุ เร๊อ เถ่แกล่ เปล๊จว๊าแก ลอ เห่, เกลอฮู๊ เต๊เห่ อา เตเน เร๊อ, เหย่ซี แด่แล แลแค เฮ๊อ อาซิปล่อ เด๊อ อา เก่ เมเซอแก ลอ เหย่ซี.

เพรโด่แนพู๊ เต๊เห่ 25:13

เด๊อคยา โซลุยเนอ เฮ๊อเนอ เร๊อ คุ๊ยดุ อากริปปา เน๊อ อาเหมาะ เบอร์นิส แฮโต่ เด๊อ วีซีซารียา เด๊อ อา เตเร แฮ โอ่เล เกอ คุ๊ยดุ เฟสทัส เร๊อ อา เก่ แฮ โอ่เล เด๊อะลู เน๊อ อา เตเฮ๊โมเฮ๊แร๊ เต๊เห่.

มัทธิว 2:16

เบ๊อะคุ๊ยเฮโรด ซิเงเฮ๊อ เร๊อ เพรลีแมลีเพ๊ เต๊เห่ แลโฮแก เฮ๊อ ลู เบ๊อะเนอ, อา ซิปล่อดุ แหน่แหน่ เจ๊อ ฮู๊ อา แม๊ปูซิเง ตาเต หนิโทเฮ๊อ เด๊อ เพรลีแมลีเพ๊ เออเต๊เห่ อาลู เน๊อ เฉ่ โอ่โลเถ่ เป่ เหย่ซี เบ๊อะเกเต เนอ, อา นอเมเซอ ลอ เพรคู เป๊เจ่พู๊ เนอหนะ ตากาแล เต๊เห่ เด๊อ อา โอ่ เด๊อ วีเบธเลเฮม อากูเนอ เร๊อ ดอโอ่ ตีวี๊ตาวา เบ๊อะเนอ ล๋อ ปลี.

มัทธิว 2:1

เหย่ซู่ โอ่เป๊เจ่แล เด๊อ วีเบธเลเฮม, ยูดาห์ เก่ อากู, เบ๊อะคุ๊ยเฮโรด เป๊อเทอเป๊อเก่ เบ๊อะเนอ. เหย่ซู่ โอ่เป๊เจ่แล โทเนอ เพรลีแมลีเพ๊ เด๊อ เก่ซิเถ่ เต๊เห่ แฮ เด๊อ วีเยรูซาเล็ม เร๊อ แฮแด๊เฮอ คุ๊ย เน๊อ,

เพรโด่แนพู๊ เต๊เห่ 12:18

เหมาะลีบู เฮ๊อ เร๊อ เพรโอ่ป่อ ทอกู เต๊เห่ เตเน ซิปล่อซู๊ซ๊า แหน่เจ๊อ เร๊อ อา เฮ๊ เกอเร๊อ คยา ลู เน๊อ, “คูเปโตร จว๊าเถ่เปล๊แจ่ ฮู๊เตเต?”