เพรโด่แนพู๊ เต๊เห่ 12:17 - ลีเทส่อพ๊าอาเซ เร๊อ เห่ขุทวาลู๊

¹⁷ คูเปโตร ซิหยื่อ นอโส่โส๋ โอ่ เหย่ซี เร๊อ อา วื๊อแหว่โล เป่ เหย่ซี เร๊อ อากู๊ขุ. เร๊อ อา แด๊โฉ่ เป่ เหย่ซี เน๊อ แบ่เจ่ จอแปแหร่ เมแลเปล๊เถ่ แคร๋ อา เด๊อ ทอกู ฮู๊เต อาหรี่อาแก. เร๊อ อา เฮ๊ เน๊อ, “แด๊โฉ่ เป่เกอ คูยากอบ เร๊อ ล๋อ เพรหยื่อเอ่พู๊ เด๊อ อาโร เนอเต๊เห่ เร๊อ เตหรี่เตแก เออเนอ นี๋,” คูเปโตร เฮ๊โฉ่แก เป่ เหย่ซี ฮู๊เนอ เร๊อ อา เถ่จว๊าแก เด๊อ อาโร โต๊โผ่.

Eastern Kayah Shadaw Dialect

¹⁷ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤞꤤꤛ꤫ꤢꤦ꤬ ꤔꤢꤪ꤭ꤞꤥ꤬ꤞꤥ꤬꤮ ꤥ꤬ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤠꤢꤦꤠ꤫ꤢꤧ꤬ꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤢ꤬ꤊꤢꤨꤋꤢꤨ꤬꤯ ꤚꤣꤧ꤬ ꤢ꤬ ꤟꤢꤩꤏꤥ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤓꤢꤩ꤬ ꤋꤚꤢꤧ꤮ ꤢ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤟꤢꤨꤒꤢꤩ꤭ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤟꤢꤩꤏꤥ꤬ ꤕ꤫ꤢꤩ꤬ꤊꤣꤧ꤭ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤔꤢꤧ ꤜꤢꤪ꤭꤮ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤚꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ ꤔꤤ꤮,” ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩꤓꤥ꤭ꤊꤢꤧ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤢ꤬ꤚꤥ꤬ ꤒꤣ꤬ꤖꤥ꤬꤯

เพรโด่แนพู๊ เต๊เห่ 12:17 ပူးပေါင်းရင်းမြစ်များ

เพรโด่แนพู๊ เต๊เห่ 21:40

เร๊อ เกลอฮู๊ตีรี๊ อากู่กล๊อ เออเตเพร เด๊อะอา ค๊าขิ อาขว่าอาคยา, คูเปาโล ก๊อถ่อ เบ๊อะกู่โบลู เนอ, เร๊อ อา วื๊อแหว่จว๊า อากู๊ขุ เด๊อ แกแย เบ๊หมู่ เออเต๊เห่ อา โอ่. เบ๊อะเหย่ซี โอ่โส่เฮ๊อ อาเบ๊อะเนอ, คูเปาโล เฮ๊เบ่ตา เหย่ซี เร๊อ ฮีบรูโหง่.

เพรโด่แนพู๊ เต๊เห่ 19:33

แกแยยิวพู๊ เต๊เห่เห่เนอ อา นอเถ่ อเล็กซานเดอร์ เด๊อ แกแย เบ๊หมู่ อา เป๊เส่เง, เร๊อ แกแย เบ๊หมู่ เออเต๊เห่ เฮ๊ ลู เร๊อ เฮ๊เบ่ มอ เป. เร๊อ คูอเล็กซานเดอร์ บ๊อแถ่ อากู๊ขุ เร๊อ อา นอโอ่โส่ เหย่ซี. เร๊อ อา เฮ๊โฉ่โปล เป่ แกแย เบ๊หมู่ เออเต๊เห่ เร๊อ เตเมทวาแถ่ อาเหน่ เออเต๊เห่.

เพรโด่แนพู๊ เต๊เห่ 13:16

คูเปาโล ก๊อถ่อ เร๊อ อา วื๊อแหว่โล อากู๊ขุ. เมเตเฮ๊เนอเรอ อา ซิหยื่อ นอโซโซ๋ โอ่ แกแย เออเต๊เห่ เร๊อ อา เป๊อแถ่ เฮ๊เบ่ เน๊อ, “โป่แหว่ อิสราเอล อากลุยอาแล ซีเต๊เห่ เร๊อ แกแยยิวพู๊ หม่าโต่ เร๊อ อา จ๊อบู่จ๊อเบแถ่ จอแปแหร่ เบ๊อะเนอ ซีเต๊เห่ ล๋อ ปลี ซี๋, หนิดา แลแค.

เพรโด่แนพู๊ เต๊เห่ 21:18

เตอเนอเนอ, คูเปาโล จว๊าเกอ เร๊อ เป เร๊อ เป จว๊าโอ่เล เฮ๊เบ่เกอ เร๊อ คูยากอบ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เบ๊อะเนอเต๊เห่ ปว๋า เตเพร.

เพรโด่แนพู๊ เต๊เห่ 15:13

เบ๊อะเหย่ซี เฮ๊เบ่โท เบ๊อะเนอ, คูยากอบ เฮ๊ เน๊อ, “โป่แหว่ ซี๋, หนิดา แลแค แว แด๊โฉ่โล เป่ ซี,

ꤊꤢ꤬ꤜꤢ꤬ꤒꤤ 2:12

เมเตเฮ๊เรอ เบ๊อะคูยากอบ นอแฮ อาแกแยยิวพู๊ เด๊อ อา หยื่อเอ่แหน่เอ่เต เต๊เห่ แฮโต่ แต่ล๋ายโต่ เบ๊อะเนออาเค, คูเปโตร เอ่เต่อโอเต่อเกอ เร๊อ แกแยยิวพู๊ หม่าโต่ เด๊อ อา หยื่อเอ่แหน่ ครี๊ เต๊เห่. อา เอ่เต่อโอเต่อ ฮู๊เออเนอหม่า อาโต แพ๊. หม่าแน๊เรอ เด๊อคยา, เบ๊อะคูยากอบ นอแฮ อาแกแย เออเต๊เห่ แฮโต่เฮ๊อ เบ๊อะเนออาเค, อา ซ๊อซื๊อ ตาพา จว๊าแก เร๊อ อา เอ่เต่อโอเต่อเกอ ปา เน๊อ เหย่ซี เนอเต๊เห่ โต่, เมเตเฮ๊เรอ คูยากอบ อา โคแบ๊ซว๊า แกแยยิวพู๊ เออเต๊เห่เนอ, อา ซิหยื่อ เด๊อ แกแยยิวพู๊ หม่าโต่ เต๊เห่ เก่ ดื๊อตีลี๊ พ๊า อาขว่าอาคยา, อา ชิอิเช เหย่ซีเหล่ เร๊อ อา ซ๊าซื๊อ ตาพา จว๊าแก แพ๊.

ꤊꤢ꤬ꤜꤢ꤬ꤒꤤ 2:9

คูยากอบ เร๊อ คูเปโตร เร๊อ คูยอห์น เด๊อ อู แด่ เฮ๊อ เหย่ซี เร๊อ ทวาดุทวาเต เออเต๊เห่เนอ, อา ซิเงโปล แลแค เร๊อ เตบุ๊ยเตเตอเรอ เออเนอหมา จอแปแหร่ เด๊อะ แว แพ๊, อา แม๊เถอะ แลแค ฮู๊เนอ. เด๊อ เตเออ อาขว่าอาคยา, เหย่ซี แม๊เถอะ เร๊อ คูบารนาบัส เน๊อ แว เนอหม่า เพรเมโหร่ลูเต เร๊อ เหย่ซี ฮู๊เนอ แพ๊. เหย่ซี ซิปล่อฉู่โต ฉู่เทอฉู่เบ่ เฮ๊อ เร๊อ เป่ เก่ แรเต เด๊อ แกแยยิวพู๊ หม่าโต่ เต๊เห่ อาเกลเฮ๊อ. เหย่ซี เร๊อ อา เก่ เม เกอลาติ เด๊อ แกแยยิวพู๊ เต๊เห่ อาเกล ฮู๊เนอ แพ๊.

ꤊꤢ꤬ꤜꤢ꤬ꤒꤤ 1:19

แว แม๊เถอะ เพรโด่แน เด๊อ อาโร เตเพร่ว โต่. แว แม๊เถอะ ตื๊อแพ๊ แบ่เจ่ อาโป่ คูยากอบ แพ๊.

โครินธ์ อาเหร่อเล๊อ ต๊าบ่า 15:7

โทเรอ อา โอ่โลแถ่ เป่โท คูยากอบ เร๊อ อา จว๊า โอ่โลแถ่ เป่ลาติ ล๋อ เพรโด่แนพู๊ เต๊เห่ เนอเต๊เห่.

ꤛꤥ꤭ꤟꤢ꤬ 11:54

ฮู๊เนอเรอ, เหย่ซู่ จว๊า โล๊หล่าโล๊ลี ปา เด๊อ แกแยยิวพู๊ เต๊เห่ อาเกล โต่. อา จว๊า โอ่โค๊แก เด๊อ เก่เชเทอแก หล่อตาม๊าขุช๊า เหล่โอ่ โต๊โผ่. อา จว๊า โอ่ เกอเร๊อ ดอ เออตอดอ เนอหม่า อู เอ๊ เร๊อ ดอเอฟราอิม, อา จว๊า โอ่เต่อโหร่ เกอ เร๊อ อา โคเจ่ เต๊เห่ เบ๊อะเนอ.

ꤛꤥ꤭ꤟꤢ꤬ 8:59

เออโตโพ๊เรอ เหย่ซี โถ่ แลแค หล่อ เร๊อ อา เตเร ต่าเซอ แลแค เร๊อ แบ่เจ่ เหย่ซู่ หม่าแน๊เรอ แบ่เจ่ เหย่ซู่. จว๊า ตาดวาโอ๊บี๊แก อาเหน่ เร๊อ อา เถ่จว๊าเหม่แก เบ๊อะเตหลู่แต โฮกูเนอ.

มัทธิว 10:23

อู เก่ เมจาเมจือ ซี เบ๊อะเออ โต๊โผ่ เก่เฮ๊เรอ แกล่จว๊า โดโต่ เด๊อ อาโร โต๊โผ่ เนอ. แว เฮ๊จ๊อจ๊อ ซี, เบ๊อะซี จว๊า ปวาลอ แต่ล๋าย ล๋อ อิสราเอล อาวี เออเต๊เห่ ล๋ายโต่เนอ, แกแยเห่ขุ อาพู๊คูเออ เก่ แฮเล๊ ปา.

ꤡꤛꤢꤩ꤭ꤗꤢ꤬ꤎꤣ꤬ 1:1

แว หม่า คูยากอบ, แว ทวา จอแปแหร่ เร๊อ แบ่เจ่ เหย่ซู่ครี๊ อาหลู่ เตเพร. แว เฮ๊โมเฮ๊แร๊ จว๊า เป่ จอแปแหร่ อาแกแย กลุยแล เช๊อเนอโหมะ เด๊อ อา จว๊าโอ่ปีชี แลแค เด๊อ เหล่โอ่ ปว๋า โต๊โผ่ เต๊เห่ อาโอ่.

เพรโด่แนพู๊ เต๊เห่ 16:40

คูเปาโล เร๊อ คูสิลาส อาโอ่ เด๊อ ทอกู เถ่ เร๊อ เถ่จว๊า เด๊อ เหมาะลิเดีย อาหี่. เหย่ซี จว๊าแม๊เถอะ เร๊อ เพรหยื่อเอ่ เต๊เห่ เบ๊อะเนอ. เร๊อ เหย่ซี เด๊อะอ๊าเด๊อะเหร่ เร๊อ อู เบ๊อะเนอ เต๊เห่ เร๊อ เหย่ซี เถ่จว๊าแก.

ꤛꤥ꤭ꤟꤢ꤬ 13:24

คูซีโมน เปโตร แด๊เนอจว๊า อากู่กล๊อ เด๊อ อา โอ่แนผื่อ ลู แก่ช๊า เนอเตเพร เร๊อ อา เฮ๊ ลู เน๊อ, “แด๊เฮอ อา เนอ, อา ซิหยื่อ เฮ๊ หม่าอูเป?” อา เฮ๊โห่ จว๊า ลู ฮู๊เนอ.

ꤛꤥ꤭ꤟꤢ꤬ 10:40

แบ่เจ่ เหย่ซู่ กาคยา คยาแซ๊ เด๊อ จอร์แดน เทอแลโหมะ แบ๊เร ตากยา, เบ๊อะคูยอห์น เหล่เจ เหร่อเล๊อ เป่ อู เทอ กู๊เหล่ เนอโต๊โผะ, เร๊อ อา กาโอ่ เบ๊อะเนอ.

ꤛꤥ꤭ꤟꤢ꤬ 7:1

แบ่เจ่ เหย่ซู่ เฮ๊โท ฮู๊เออ เนอ, อา จว๊า เด๊อ กาลิลีเก่ เนอ, อา จว๊าเล ตอดอ โท ตอดอ เบ๊อะเนอ. แกแยยิวพู๊ ทวาดุทวาเต เต๊เห่ ย๋อ แม๊ปู เมเซอ ลู อาขว่าอาคยา, อา ซิหยื่อ จว๊า เด๊อ ยูดาห์ เก่กู โต่.

ꤜꤢꤨꤊꤢ꤬ 1:22

เบ๊อะอา เถ่ โต่เด๊อ อากลอ เบ๊อะเนอ อา เฮ๊เบ่ แจ่ ปา เหย่ซี โต่ เร๊อ เหย่ซี ซิเง เร๊อ อา เกล๊ แม๊เถอะ แหน่ เตแม๊เถอะลว๊า เต๊อเจ่อเจ่อ เด๊อ เตหลู่แตโฮ อากู เนอ เฮ๊อ. อา เฮ๊เบ่ แจ่ ปา เร๊อ อากู๊อู่ ตือมื๋อ โต่ เร๊อ อา วื๊อโล แพ๊ เร๊อ กู๊ขุกู่ดา แพ๊.

ꤗꤢ꤬ꤊꤢꤨ 6:3

อา หม่า เพรเมแจ่หี่ เนอเตเพร แวเฮ๊? เร๊อ อา หม่าโหมะ มารีย์ อาพู๊เพรคู แวเฮ๊? อาโป่ เต๊เห่ เนอหมา คูยากอบ, คูโยเสส, คูยูดาห์, เร๊อ คูซีโมน เออเต๊เห่ หม่า แวเฮ๊? เร๊อ อาโป่เพรเหมาะ เต๊เห่ เนอหมา อา โอ่ แพ๊ เบ๊อะดอกูเออ แพ๊ แวเฮ๊?” เหย่ซี เฮ๊ แลแค ฮู๊เนอเรอ, เหย่ซี ซิเถ่ เหย่ซู่ เร๊อ อาเอ๊โมฉื่อ ลู โต่.

เพรโด่แนพู๊ เต๊เห่ 1:15

เตอเนอเคเนอ, เพรหยื่อเอ่เต๊เห่ เด๊อ อา ผื๋อ โอ่โหร่ เพร เตเยเนอเชอ เออเนอ, อา แฮ โอ่กู๊โอ่แก๊ ลู.

เพรโด่แนพู๊ เต๊เห่ 12:16

เบ๊อะเนอโตโพ๊ คูเปโตร ด่อ ตี๊ตี๊ โป่ กู่ดา เร๊อ เหย่ซี บ๊าโม กู่ดา เร๊อ อา แม๊เถอะ คูเปโตร เร๊อ เหย่ซี คย๊ายื๊อ โก๊โน๋ โต่.

เพรโด่แนพู๊ เต๊เห่ 12:18

เหมาะลีบู เฮ๊อ เร๊อ เพรโอ่ป่อ ทอกู เต๊เห่ เตเน ซิปล่อซู๊ซ๊า แหน่เจ๊อ เร๊อ อา เฮ๊ เกอเร๊อ คยา ลู เน๊อ, “คูเปโตร จว๊าเถ่เปล๊แจ่ ฮู๊เตเต?”

เพรโด่แนพู๊ เต๊เห่ 28:15

เป โป่แหว่ เพรหยื่อเอ่ เด๊อ อา โอ่ เด๊อ วีโรม อากู เต๊เห่เนอ, อา หนิโฮ แลแค เปหรี่เปแก เร๊อ อา จว๊า แม๊เถอะฉื่อ โต่ เป เด๊อ วีอาปีย๊า เกล๊กู เนอ เต๊เห่, เต๊เห่เห่เร๊อ อา แฮ แม๊เถอะฉื่อ เป เด๊อ ซิเผระหี่ เนอ โซเม อากู. เบ๊อะคูเปาโล แม๊เถอะ เหย่ซี เบ๊อะเนอ, อา หนิอ๊าหนิเหร่ ลา ลู เร๊อ อา เฮ๊บุ๊ยเฮ๊เตอเรอ จอแปแหร่.