คูเปโตร เฮ๊ เหย่ซี เน๊อ, “ซี ซิเง ดื่อเฮ๊อ, เป แกแยยิวพู๊ อา เตซว๊าเตแส่โอ่เร๊อ แกแยยิวพู๊ เตเพร เตเร จว๊าแบ๊ซว๊าเค๊โค เต่อเร๊อ แกแยยิวพู๊ หม่าโต่ เต๊เห่ เบ่เบ่, อา เตเร จว๊าโอ่เลโอ่ เกอ แพ๊ เหย่ซี เบ่เบ่, อาหนิ โต่. หม่าแน๊เรอ จอแปแหร่ เด๊อะโลเฮ๊อ แว เร๊อ แกแยยิวพู๊ หม่าโต่ เต๊เห่ เนอหม่า, อา โพ๊แปละอาโพ๊อาแปละ เกออู โต่, หม่าโต่เรอ อา บูโพ๊ เกออู โต่ เฮ๊ แต่ แลแค แต่เหม่. เป โตเบ่ แบ๊ซว๊า ลอปลี เหย่ซี, จอแปแหร่ เด๊อะโล แว ฮู๊เนอ.
เพรโด่แนพู๊ เต๊เห่ 11:3 - ลีเทส่อพ๊าอาเซ เร๊อ เห่ขุทวาลู๊3 เร๊อ เหย่ซี เฮ๊ คูเปโตร เน๊อ, “เน จว๊าโอ่เล โต่เกอ แกแยยิวพู๊ หม่าโต่ เด๊อ อา ดื๊อตีลี๊ เกออา พ๊า โต่ เต๊เห่ อาหี่ เร๊อ เน จว๊าเอ่จว๊าโอ เต่อเกอ โต่ เร๊อ เหย่ซี.” အခန်းကိုကြည့်ပါ။Eastern Kayah Shadaw Dialect3 ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ, “ꤔꤢꤧ꤬ ꤡꤝꤢꤥ꤬ꤜꤢꤩ꤭ ꤒ꤫ꤥ꤬ꤊꤣꤧ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤘꤢꤦꤒꤣꤧ꤬ꤜꤤ ꤊꤣꤧ꤭ꤢꤨ꤭ ꤖꤢ ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤟꤤ꤬ ꤚꤣꤧ꤬ ꤔꤢꤧ꤬ ꤡꤝꤢꤢꤩ꤬ꤡꤝꤢꤥ꤭ ꤒ꤫ꤣ꤬ꤊꤣꤧ꤭ ꤒ꤫ꤥ꤬ ꤔꤢꤧ ꤛꤢꤩ꤬ꤞꤤ꤭꤯” အခန်းကိုကြည့်ပါ။ |
เพรโด่แนพู๊ เต๊เห่ 11:3
10 ပူးပေါင်းရင်းမြစ်များ
เมเตเฮ๊เรอ เบ๊อะคูยากอบ นอแฮ อาแกแยยิวพู๊ เด๊อ อา หยื่อเอ่แหน่เอ่เต เต๊เห่ แฮโต่ แต่ล๋ายโต่ เบ๊อะเนออาเค, คูเปโตร เอ่เต่อโอเต่อเกอ เร๊อ แกแยยิวพู๊ หม่าโต่ เด๊อ อา หยื่อเอ่แหน่ ครี๊ เต๊เห่. อา เอ่เต่อโอเต่อ ฮู๊เออเนอหม่า อาโต แพ๊. หม่าแน๊เรอ เด๊อคยา, เบ๊อะคูยากอบ นอแฮ อาแกแย เออเต๊เห่ แฮโต่เฮ๊อ เบ๊อะเนออาเค, อา ซ๊อซื๊อ ตาพา จว๊าแก เร๊อ อา เอ่เต่อโอเต่อเกอ ปา เน๊อ เหย่ซี เนอเต๊เห่ โต่, เมเตเฮ๊เรอ คูยากอบ อา โคแบ๊ซว๊า แกแยยิวพู๊ เออเต๊เห่เนอ, อา ซิหยื่อ เด๊อ แกแยยิวพู๊ หม่าโต่ เต๊เห่ เก่ ดื๊อตีลี๊ พ๊า อาขว่าอาคยา, อา ชิอิเช เหย่ซีเหล่ เร๊อ อา ซ๊าซื๊อ ตาพา จว๊าแก แพ๊.
แว ซิหยื่อ เฮ๊เนอหม่า ฮู๊เตเฮ๊เร๊อ แกแย เด๊อ อา เฮ๊แล เกอเร๊อ แลแค อาเหน่ เร๊อ เพรหยื่อเอ่ เออ เต๊เห่ หม่าแน๊เรอ อา เก่ จว๊าซื๊อ เพรเหมาะเพรคู, อา แม๊ปู กู๊หว่ากู๊เว เอ่หนิเร๊อดื่อ อาเง, อา จ๊อเบ เตแหย่โย, แด๊เเหมาะเถ่อโย, เอ่มือโอแพร๊ หม่าโต่เรอ เอ่โห่เอ่ฮี๊ ซี เต๊เห่เนอ แบ๊ซว๊า แต่ เหย่ซี แต่เหม่. เบ๊อะเอ่เต่อโอเต่อ แพ๊ เร๊อ แกแย ฮู๊เนอ เต๊เห่ แพ๊ เนอ เอ่เต่อโอเต่อ แต่เหม่ เหม่.
เออโตโพ๊เรอ แกแยยิวพู๊ เต๊เห่ โอ่ เด๊อ เพคายาฟาส หี่ เร๊อ อา เอ๊จว๊า แลแค แบ่เจ่ เหย่ซู่ เด๊อ โรมัน คุ๊ยปีลาต โฮกู. เหย่ซี เอ๊จว๊า ลู เบ๊อะเหมาะลี โรมื่อ เบ๊อะเนอ. แกแยยิวพู๊ เต๊เห่ ซิหยื่อ โอ่ อาโพ๊อาแปละ แลแค อาเหน่ ฮู๊ เหย่ซี เตจ๊อเบ เหล่โกลเหล่แบ่ โอ่ เนอ. ฮู๊เนอเรอ เหย่ซี โน แลแค เด๊อ คุ๊ยปีลาต โฮกู โต่, เมเตเฮ๊เร๊อ เหย่ซี เก่ โน เฮ๊เนอ, อู เด๊อะเอ่ เหย่ซี ป่วยเตจว๊า ตา ลว๊า อาเหล่เอ่ เหมาะเฮ๊ เออเนอ โต่.
ကြော်ငြာတွေ