เพรโด่แนพู๊ เต๊เห่ 11:27 - ลีเทส่อพ๊าอาเซ เร๊อ เห่ขุทวาลู๊

²⁷ เบ๊อะเนอเค, เพรโพร เต๊เห่ โอ่ เด๊อ วีเยรูซาเล็ม เร๊อ อา แฮ เด๊อ วีอันทิโอก.

Eastern Kayah Shadaw Dialect

²⁷ ꤙꤣꤧꤔꤣꤧ꤬ꤢ꤬ꤋꤢꤩ꤭, ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤥ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤚꤣꤧ꤬ ꤢ꤬ ꤟꤢꤧ꤭ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬꤯

เพรโด่แนพู๊ เต๊เห่ 11:27 ပူးပေါင်းရင်းမြစ်များ

เพรโด่แนพู๊ เต๊เห่ 13:1

เพรหยื่อเอ่ตู๊หมู่ตอกล๊อ เบ๊อะวีอันทิโอก อากูเนอ, เพรโพร เร๊อ ซ๊าร๊า โอ่ เต๊เห่. หม่าอูเป เฮ๊เนอหม่า คูบารนาบัส, คูสิเมโอน (เด๊อ อู เอ๊ ลู เร๊อ แกแยนิเกอร์) เร๊อ คูลูสิอัส (วีอันทิโอก), คูมานาเอล (อู โบ่ ดุแถ่ เต่อโหร่เกอ อา เร๊อ คุ๊ยเฮโรด) เน๊อ คูเซาโล เออเต๊เห่ เฮ๊อ.

โครินธ์ อาเหร่อเล๊อ ต๊าบ่า 12:28

เด๊อ เพรหยื่อเอ่ตู๊หมู่ตอกล๊อ อากู เนอ, จอแปแหร่ แด่แถ่ เหร่อเล๊อ เพรโด่แนพู๊ เต๊เห่, เนอโต่โต๊โต่ หม่า เพรโพร เต๊เห่, โซโต่โต๊โต่ หม่า ซ๊าร๊า เต๊เห่, เด๊อคยาเร๊อ แกแย เด๊อ อา เมโล เตโค๊ตีกลี๊ เต๊เห่, แกแย เด๊อ อา พย๊าหนิ เตเตอเรอฉว่าชอ เด๊อ อา แหย่โอ่เหม่แจ่ เป่ อู เตชุ๊ย เต๊เห่, แกแย เด๊อ อา เมจว่า อู เต๊เห่, แกแย เด๊อ อา ยูแกล๊ยูโกล เป่ อู เต๊เห่, เร๊อ แกแย เด๊อ อา เฮ๊เบ่แจ่ โหง่โค๊ตีกลี๊ลู เต๊เห่ เออเนอ เต๊เห่ เฮ๊อ.

เอเฟซัส 4:11

แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.

เพรโด่แนพู๊ เต๊เห่ 15:32

คูยูดาส เร๊อ คูสิลาส เด๊อ อา หม่าดื่อ เพรโพร เออซิเนอเนอ, อา แช่ครวา เด๊อะอ๊าเด๊อะเหร่ งยากู๋ ลา เน๊อ เพรหยื่อเอ่แหน่พู๊ เบ๊อะเนอ เต๊เห่.

เพรโด่แนพู๊ เต๊เห่ 2:17

‘จอแปแหร่ เฮ๊ เน๊อ, เออ หม่า เต เด๊อ แว เก่ นอทวาแถ่ อา เบ๊อะม๊อเนอ เด๊อ คยาตื๊อดื่อเล๊อ ปา เต๊เห่เนอ เฮ๊อ. แว เก่ กลอตา แว แหย่โยบูโพ๊แบ่เจ่ เด๊อ แกแย เห่ขุพู๊ ล๋อ ปลี เต๊เห่ อาลู ปา. ซี พู๊เหมาะพู๊คู เต๊เห่ เก่ แด๊โฉ่โล หนื่ออื่อ แว เตหรี่เตแก เต๊เห่ ปา, ซี เพรคูพู๊เส่ เต๊เห่ เก่ แม๊เถอะลว๊า หนื่ออื่อ ปา, เร๊อ ซี โหมะเผระ เต๊เห่ เก่ โอ่เมอแหม่ลว๊า เต เต๊เห่ ปา.

มัทธิว 23:34

ฮู๊เนอเรอ แว เก่ นอแฮ เป่ ซี เพรโพร เต๊เห่, เพรซิคว๊าซิเง เต๊เห่ เร๊อ ซ๊าร๊า ซีเต๊เห่ ปา, เต๊เห่เห่เนอ ซี เก่ มือเซอแถ่ เหย่ซี เด๊อ อี๊ถื่อดีเต่ลู ปา, เต๊เห่เห่เนอ ซี เก่ มือ ลู เร๊อ อิปลี๊แช๊ เด๊อ แกแยยิวพู๊ เตจ๊อเบโฮกูปา เร๊อ ซี เก่ จว๊าเล แม๊ปู เหย่ซี ตีวี โท ตีวี ปา.

โครินธ์ อาเหร่อเล๊อ ต๊าบ่า 14:32

แกแย เด๊อ อา ซิหยื่อ เฮ๊โพร เต เต๊เห่เนอ, อา เฮ๊โพร เบ่เบ่, อา เฮ๊โพรโต่ เบ่เบ่, อา โต ค๊อเบ๊แจ่ เร๊อ แลแค อาเหน่.

เพรโด่แนพู๊ เต๊เห่ 21:9

อา พู๊เพรเหมาะ พู๊เส่โอ่ ซิลุย. เหย่ซี เฮ๊โพร หนื่ออื่อ เป่ อู เร๊อ จอแปแหร่ อาหรี่อาแก เต๊เห่.

เพรโด่แนพู๊ เต๊เห่ 21:4

เป แม๊เถอะ เพรหยื่อเอ่ เบ๊อะเนอ เต๊เห่ เร๊อ เป จว๊า โอ่โก๊เกอ เหย่ซี เบ๊อะเนอ โซซว๊าเตอเนอ. เร๊อ แหย่โยบูโพ๊แบ่เจ่ ถู่แร เหย่ซี ซิปล่อ อาขว่าอาคยา, เหย่ซี แด๊โฉ่ เป่ คูเปาโล เน๊อ, “จว๊า แต่ เด๊อ วีเยรูซาเล็ม แต่เหม่ นี๋.”

ꤜꤢꤨꤊꤢ꤬ 11:49

เด๊อ เตหรี่เตแก เออเต๊อเจ่อ อาขว่าอาคยา, จอแปแหร่ โอ่ เร๊อ อา เตลีแม เร๊อ อา เฮ๊ เน๊อ, ‘แว เก่ นอจว๊า เป่ เหย่ซี เพรโพร เต๊เห่, เร๊อ เพรโด่แนพู๊ เต๊เห่ ปา, เร๊อ เหย่ซี เก่ เมเซอแก เต๊เห่เห่ ปา, เต๊เห่เห่เรอ เหย่ซี เก่ เมจาเมจือ ลู ปา.’

เพรโด่แนพู๊ เต๊เห่ 6:5

ล๋อ แกแย โอ่ เด๊อ ตู๊หมู่ตอกล๊อกู เออเต๊เห่ ปว๋า เตเพร ซิปล่อโตเกอ ลอปลี เน๊อ เพรโด่แนพู๊ เต๊เห่ แด๊โฉ่โลแถ่ เออเต๊เห่, เร๊อ เหย่ซี นว๊าแถ่ คูสเทเฟน เด๊อ อา เล๊อบา เร๊อ เตหยื่อเตแหน่ เร๊อ แหย่โยบูโพ๊แบ่เจ่ เออเตเพร. โทเรอ อา นว๊าแถ่ โป่ เร๊อ คูฟีลิป, คูโปรโครัส, คูนิคาโนร์, คูทิโมน, คูปารเมนัส. โทเรอ อา นว๊าแถ่หนิ คูนิโคลัส, อา หม่า แกแยยิวพู๊ หม่าโต่, อา หม่า วีอันทิโอกพู๊ เตเพร เร๊อ อา กาโน เกอ เด๊อ ยูดาห์ อา เตจ๊อบู่จ๊อเบ อากู.

เพรโด่แนพู๊ เต๊เห่ 11:20

หม่าแน๊เรอ ไซปรัสกลื๊อขุ แกแยไซริน เร๊อ วีอันทิโอก เด๊อ อา หยื่อเอ่แหน่หยื่อรี อาเกล เต๊เห่เห่เนอ, อา จว๊าโต่ เด๊อ วีอันทิโอก เร๊อ อา แด๊โฉ่โด่แน เป่ เมวเจอะโร กรีกพู๊ เต๊เห่ เร๊อ เหย่ซู่ครี๊ อา เตซิครือซิลอมีลา อาหรี่อาแก.

เพรโด่แนพู๊ เต๊เห่ 11:22

เตหรี่เตแก เออ โลจว๊าโต่ เด๊อ วีเยรูซาเล็ม เพรหยื่อเอ่ตู๊หมู่ตอกล๊อ อา โอ่ อาขว่าอาคยา, เหย่ซี ซูจว๊า คูบารนาบัส เด๊อ วีอันทิโอก.

เพรโด่แนพู๊ เต๊เห่ 14:26

เหย่ซี แถ่แด๊นี๋ ส่อเกลอดุ เบ๊อะวีอัททาลิยา เนอ เร๊อ กาคยา คยาแซ๊ แลแค เด๊อ วีอันทิโอก. วีอันทิโอก หม่า วี เด๊อ อา เด๊อะตา คูเปาโล เร๊อ คูบารนาบัส เด๊อ จอแปแหร่ อา กู๊ยากู เด๊อ อา เก่เก่แม๊ เก่ตู่หนิ เร๊อ เหย่ซี เด๊อ อา เตจว๊าเล โด่แน เร๊อ จอแปแหร่ อาลาอาโหง่ เออเนอ เฮ๊อ. เร๊อ เหย่ซี เมโทเฮ๊อ เตเอ่เตแร เออเต๊เห่ เฮ๊อ.

เพรโด่แนพู๊ เต๊เห่ 15:22

โทเรอ เพรโด่แนพู๊ เต๊เห่ เร๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เร๊อ เพรหยื่อเอ่ ตู๊หมู่ตอกล๊อ เนอ, เหย่ซี ซิปล่อโต เด๊อ อา เก่ นว๊าแถ่ แกแย เด๊อ เหย่ซีเกล เต๊เห่ เร๊อ นอจว๊าเต่อ เหย่ซี เร๊อ คูเปาโล เร๊อ คูบารนาบัส เด๊อ วีอันทิโอก. เหย่ซี นว๊าแถ่ แกแย เด๊อ เพรหยื่อเอ่ เต๊เห่ เบ่จูลาพย๊าโหง่ เกอเร๊อ แหน่เจ๊อ ลู เออซิเนอ เร๊อ อามุย เร๊อ คูสิลาส เร๊อ คูยูดาส คูยูดาส เออเนอ อู เอ๊โป๊ อามุย เร๊อ คูบารซับบาส.

เพรโด่แนพู๊ เต๊เห่ 15:30

อู นอจว๊า เพรซู เตหรี่เตแก เออเต๊เห่ เด๊อ วีอันทิโอก โทเร๊อ เหย่ซี จว๊า เอ๊โอ่ปล๊อลอ เพรหยื่อเอ่แหน่เอ่พู๊ เต๊เห่ เร๊อ อา เด๊อะ เหย่ซี ลีเออต๊าบ่า.

เพรโด่แนพู๊ เต๊เห่ 18:22

เบ๊อะอา จว๊าโต่ เด๊อ วีเก่ซารียา เบ๊อะเนอ, อา แถ่ เด๊อ วีเยรูซาเล็ม เร๊อ อา แถ่ เฮ๊โมเฮ๊แร๊แก เพรหยื่อเอ่เต ตู๊หมู่ตอกล๊อ เบ๊อะเนอ เต๊เห่, เร๊อ อา จว๊าแล เด๊อ วีอันทิโอก.

โครินธ์ อาเหร่อเล๊อ ต๊าบ่า 12:10

เต๊เห่เห่เนอ แหย่โยบูโพ๊ แบ่เจ่ เด๊อะตา ลู เตโพรเตเตอเรอ เด๊อ อา เมโลแจ่ เตโค๊ตีกลี๊ เต๊เห่. เต๊เห่เห่เนอ แหย่โยบูโพ๊ แบ่เจ่ เด๊อะ เหย่ซี เตแจ่เตลีแม เด๊อ อา เก่ ทวาแถ่ เพรโพร เต๊เห่, เต๊เห่เห่เนอ อา เด๊อะตา ลู เตแจ่เตลีแม เด๊อ อา ซิเงแจ่ เต เด๊อ อู เฮ๊เบ่ เต๊เห่ เร๊อ อู เฮ๊เบ่ เต เออเต๊เห่ เนอหม่า อา โอ่ เด๊อ แหย่โยบูโพ๊ แบ่เจ่ อา โอ่ แฮ หม่า แอ, หม่า อาหม่าโต่ แอ ฮู๊เนอ. เต๊เห่เห่เนอ อา เด๊อะตา ลู เตเฮ๊เบ่แจ่ โหง่โค๊ตีกลี๊ เต๊เห่. เต๊เห่เห่เนอ อา เฮ๊โฉ่โปล กาคยาแจ่ เป่ คยา อู เร๊อ แกแยเฮ๊เบ่ โหง่โค๊ตีกลี๊ เด๊อ อู ซิเงทว๊า โต่ เออเต๊เห่ อาโหง่แลช๊า.

ꤊꤢ꤬ꤜꤢ꤬ꤒꤤ 2:11

หม่าแน๊เรอ เบ๊อะคูเปโตร โอ่ เด๊อ วีอันทิโอก เบ๊อะเนออาเค, อา ย๋อ เมโต เตโต่ อาขว่าอาคยา, แว เฮ๊ อา เด๊อ แกแย หยื่อเอ่ ครี๊ เต๊เห่ อา เป๊เส่เง เจ๊อ.