เพรโด่แนพู๊ เต๊เห่ 11:24 - ลีเทส่อพ๊าอาเซ เร๊อ เห่ขุทวาลู๊

²⁴ คูบารนาบัส หม่า แกแย เด๊อ อาแร๊ เร๊อ อา เล๊อบา เร๊อ แหย่โยบูโพ๊แบ่เจ่ เตเพร. เร๊อ อา หม่า แกแย เด๊อ อา เตหยื่อเตแหน่ ชอ เตเพร. เร๊อ อา เมจว่า เอ๊ เป่ลา อู เร๊อ อู หยื่อเอ่แลแค เอ๊ลา แบ่เจ่.

Eastern Kayah Shadaw Dialect

²⁴ ꤋꤢꤨ꤭ꤙꤢ꤬ꤔꤢ꤬ꤙꤢ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤢꤧ ꤚꤣꤧ꤬ ꤢ꤬ ꤜꤣꤙꤢ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤒꤣ꤬ꤖꤚꤢꤩ꤬꤯ ꤚꤣꤧ꤬ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤏꤢꤪ꤭ ꤒꤣ꤬ꤖꤚꤢꤩ꤬꤯ ꤚꤣꤧ꤬ ꤢ꤬ ꤗꤢꤩ꤬ꤡꤝ꤫ꤢ꤬ ꤢꤩꤜꤥ꤬ ꤕ꤫ꤢꤩ꤬ ꤢꤨ꤭ ꤚꤣꤧ꤬ ꤢꤨ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢꤩꤜꤥ꤬ ꤙꤢꤧ꤬ꤡꤢꤩ꤬꤯

เพรโด่แนพู๊ เต๊เห่ 11:24 ပူးပေါင်းရင်းမြစ်များ

เพรโด่แนพู๊ เต๊เห่ 11:21

เร๊อ จอแปแหร่ อา เตโพรเตเตอเรออาฉว่าชอ โอ่ เร๊อ เหย่ซี อาขว่าอาคยา, แกแย หยื่อเอ่ ปลูเผ่ เร๊อ อาซิปล่อ ถู่แหล่ กาโต แลแค เด๊อ แบ่เจ่ โอ่.

เพรโด่แนพู๊ เต๊เห่ 5:14

หม่าแน๊เรอ เพรเหมาะเพรคู เด๊อ อา หยื่อเอ่ แบ่เจ่ เต๊เห่เนอ, อา แฮโนโหร่ เอ๊แถ่ เร๊อ เอ๊แถ่ เกอ เด๊อ เหย่ซี ตู๊หมู่ตอกล๊อ อากู.

เพรโด่แนพู๊ เต๊เห่ 6:5

ล๋อ แกแย โอ่ เด๊อ ตู๊หมู่ตอกล๊อกู เออเต๊เห่ ปว๋า เตเพร ซิปล่อโตเกอ ลอปลี เน๊อ เพรโด่แนพู๊ เต๊เห่ แด๊โฉ่โลแถ่ เออเต๊เห่, เร๊อ เหย่ซี นว๊าแถ่ คูสเทเฟน เด๊อ อา เล๊อบา เร๊อ เตหยื่อเตแหน่ เร๊อ แหย่โยบูโพ๊แบ่เจ่ เออเตเพร. โทเรอ อา นว๊าแถ่ โป่ เร๊อ คูฟีลิป, คูโปรโครัส, คูนิคาโนร์, คูทิโมน, คูปารเมนัส. โทเรอ อา นว๊าแถ่หนิ คูนิโคลัส, อา หม่า แกแยยิวพู๊ หม่าโต่, อา หม่า วีอันทิโอกพู๊ เตเพร เร๊อ อา กาโน เกอ เด๊อ ยูดาห์ อา เตจ๊อบู่จ๊อเบ อากู.

ꤚꤥꤗꤢꤩ꤬ 15:15

หม่าแน๊เรอ, จอแปแหร่ เด๊อะ เฮ๊อ แว เตบุ๊ยเตเตอเรอ เด๊อ แว เก่ เม เตเมเออ อาขว่าอาคยา, แซ่ฮู๊ ซี เก่ ซิเงแถ่เบ่ หนิคยา โหง่ เด๊อ แว อิซว๊าอี๊แส่ ซี เนอเต๊เห่ เนเร๊อ, เต๊เห่เห่เนอ แว ราหล่าลี เป่ เจ๊อ ซี เจ๊อ.

เพรโด่แนพู๊ เต๊เห่ 9:31

ฮู๊เนอเรอ เบ๊อะเนอเค เพรหยื่อเอ่ ตู๊หมู่ตอกล๊อ เด๊อ อา โอ่ เด๊อ ยูดาห์เก่, กาลิลีเก่, สะมาเรียเก่ เออเต๊เห่ อากู เต๊เห่ โอ่โส่โอ่เคร น๊อเกอ เนอ อู แพ๊. เด๊อ แหย่โยบูโพ๊แบ่เจ่ อาขว่าอาคยา, เพรหยื่อเอ่ ตู๊หมู่ตอกล๊อ เต๊เห่ อาอ๊าอาเหร่ ฉว่าแถ่ชอแถ่, เหย่ซี หนิอ๊าหนิเหร่, เหย่ซี โอ่โหร่โอ่เอ๊แถ่ เร๊อ โอ่เซอเพร แลแค เด๊อ เตแด่ดุหยื่อแหน่ แบ่เจ่ อากู.

เพรโด่แนพู๊ เต๊เห่ 6:8

คูสเทเฟน เด๊อ อา เล๊อบา เร๊อ จอแปแหร่ อาบุ๊ยอาเตเตอเรอ เร๊อ อา เพรโพรเตเตอเรอ เออเตเพรเนอ, อา เมโล เป่ อู โอ่ เบ๊อะเนอ เต๊เห่ เร๊อ เตเม อาโค๊ตีกลี๊ เต๊เห่ เร๊อ เตเม อาตาปา คย๊ายื๊อ เต๊เห่ เบ๊อะเนอ.

เพรโด่แนพู๊ เต๊เห่ 6:3

ฮู๊เนอ อาขว่าอาคยา, โป่แหว่ ซี๋, นว๊าแถ่ แลแค แกแย โซซว๊าเตเพร เด๊อ อา เล๊อบา เร๊อ แหย่โยบูโพ๊แบ่เจ่ เร๊อ เตลีแม เต๊เห่ เร๊อ เป เก่ นอเม เหย่ซี เตเม เด๊อ อา เบ่ เด๊อะเอ่เด๊อะโอ เป่ อู เหล่เอ่เหล่โอ เต๊เห่.

ꤚꤥꤗꤢꤩ꤬ 5:7

แกแย เตเพร เก่ ข่าเซอ เป่ แกแยจ๊อแกแยเต อาเง เตเพร เฮ๊เนอหม่า, อาแก แหน่เจ๊อ. หม่าแน๊เรอ แกแยแร๊ หม่าแหน่ เตเพร อาเง เฮ๊เนอ, ตาแร๋ หม่า เพร ข่าเซอบื่อ เด๊อ อาเง เนอหม่า อา โอ่ แพ๊ เก่.

เพรโด่แนพู๊ เต๊เห่ 24:16

แซ่ฮู๊ แว ซิปล่อ อา เตเตเนเออ อา เก่ โพ๊แปละ เด๊อ จอแปแหร่ เน๊อ แกแยเห่ขุพู๊ อา เป๊เส่เง เนอ, แว แอ๊จื๊อ เมเต อาแร๊ ตื๊อดื่อ ปว๋า โตโพ๊ เจ๊อ.

ꤛꤥ꤭ꤟꤢ꤬ 7:12

แกแย เบ๊หมู่ เต๊เห่ โด่แนโห่ โด่แนเซ๊ เอ๊แหน่เจ๊อ ลูหรี่ลูแก. เต๊เห่เห่เนอ, อา เฮ๊ แลแค เน๊อ, “อา หม่า แกแย แร๊ แพ๊.” อาโคโร เต๊เห่ เฮ๊ฉื่อ เน๊อ, “อาแร๊ หม่าโต่. อา แม๊ปู อี๊ลอแลโฮ อู แพ๊,” อา เฮ๊ แลแค ฮู๊เนอ.

ꤜꤢꤨꤊꤢ꤬ 23:50

แกแย เด๊อ อามุย เร๊อ คูโยเซฟ โอ่ เตเพร. อา โอ่ เด๊อ วีอาริมาเธีย, ยูดาห์เก่กู. อา หม่า แกแยแร๊, แกแยจ๊อจื้อ เด๊อ อา โอ่ป่อแม๊ชือ จอแปแหร่ อาเทออาเก่ เก่ แฮ ปา เตเพร. อา หม่า อา โอ่ป่าเต่อเกอ เร๊อ แกแย ทวาดุ อาตู๊หมู่ตอกล๊อกู เตเพร ตื๊อดื่อเรอ เบ๊อะอู อ๊อแล ลอ เร๊อ อู เก่ เมจากาคยา เหย่ซู่ เบ๊อะเนอ, อา อ๊อแล ป่าเต่อ เกออู โต่.

มัทธิว 19:17

แบ่เจ่ เหย่ซู่ แด๊เฮอ ลู เน๊อ, “เมเตเร๊อ เน จว๊า แด๊เฮอโต่ แว เนอ เตแร๊ อาหรี่อาแก เมเต? แกแย เด๊อ อาแร๊ หม่าแหน่ เนอหม่า อา โอ่ แพ๊ตื๊อ จอแปแหร่ เต แพ๊. เน เก่ ซิหยื่อ พย๊าหนิ ซิปล่อเซอเพร ตูจูเพร เก่เฮ๊เรอ ลือครวา เมเกอ ฮู๊ จอแปแหร่ โหง่เฮ๊แก เนอ.”

มัทธิว 12:35

แกแย แร๊ เตเพรเนอ, อา ย๋อ แด่โน โอ่ปล๊อ เตแร๊ เต๊เห่ เด๊อ อา ซิปล่อกู อาขว่าอาคยา, อา เบ่ เฮ๊เบ่ เถ่โหง่ เด๊อ อาแร๊ เต๊เห่ แพ๊. หม่าแน๊เรอ แกแยมู๊แหม่ รีแจ่ เตเพรเนอ, อา ย๋อ แด่โน โอ่ปล๊อ เตมู๊แหม่ รีแจ่ เด๊อ อา ซิปล่อกู อาขว่าอาคยา, อา เตเฮ๊เบ่ เถ่โหง่ เนอ, อา มู๊แหม่รีแจ่ แพ๊.

เพรโด่แนพู๊ เต๊เห่ 2:4

เหย่ซี เล๊อบา ล๊อปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี เฮ๊เบ่เถ่ ลอ เน๊อ โหง่โค๊ตีกลี๊ ฮู๊ แหย่โยบูโพ๊แบ่เจ่ นอเฮ๊เบ่ เหย่ซี เนอเต๊เห่.

เพรโด่แนพู๊ เต๊เห่ 2:47

เหย่ซี ถู่เซ๊แถ่ จอแปแหร่ เร๊อ อูปว๋า เพร ซิปล่อ โอ่เกอ เหย่ซี. แบ่เจ่ แด่โนปล๊อ เอ๊แถ่ เป่ เหย่ซี แกแย เด๊อ อา พย๊าหนิ เตเหล่แลเปล๊เนอ เต๊เห่ เด๊อ เหย่ซี เพรหยื่อเอ่ตู๊หมู่ตอปล๊อ อากู ปว๋า เตอเนอ เจ๊อ.