เพรโด่แนพู๊ เต๊เห่ 11:19 - ลีเทส่อพ๊าอาเซ เร๊อ เห่ขุทวาลู๊19 เด๊อ อู เมเซอ คูสเทเฟน อาขว่าอาคยา, เป๊อแถ่ เบ๊อะเนอเรอ อู เมจาเมจือ แกแย เด๊อ อา หยื่อเอ่แลแค เหย่ซู่ เต๊เห่ ฮู๊เนอเรอ เหย่ซี ลูโพร๊ลูแพร จว๊า ลอปลี. เต๊เห่เห่เนอ อา จว๊าโต่ เด๊อ ฟีนิเซียเก่, ไซปรัสกลื๊อขุ เร๊อ วีอันทิโอก. เหย่ซี แด๊โฉ่โด่แน เป่ ตื๊อแพ๊ แกแยยิวพู๊ ซี เต๊เห่เนอ เร๊อ จอแปแหร่ อาลาอาโหง่ แพ๊. အခန်းကိုကြည့်ပါ။Eastern Kayah Shadaw Dialect19 ꤘꤣ ꤢꤨ꤭ ꤗꤢꤩ꤬ꤞꤣꤧ꤭ ꤋꤢꤨ꤭ꤎꤢ꤬ꤒꤤ꤬ꤠꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤓꤢꤧ꤬ ꤙꤣꤧꤔꤣꤧ꤬ꤚꤣꤧ꤬ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤛꤢꤩ꤬ꤏꤛꤢꤨ ꤒꤣꤧ꤬ꤟꤢꤩ꤬ ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤜꤢꤨ꤬ꤖꤚꤥꤜꤢꤨ꤬ꤖꤚꤢꤧ꤭ ꤡꤝꤢ ꤜꤢꤪ꤭ꤕꤜꤤ꤭꤯ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤡꤝꤢꤒ꤫ꤥ꤬ ꤘꤣ ꤠꤥ꤬ꤔꤤꤊꤢꤩ꤬ꤊ꤫ꤢꤩ꤬, ꤊꤢꤨꤕꤚꤢꤨꤊꤜꤢꤦꤋꤢꤨ꤬ ꤔꤢꤧ ꤠꤤ꤭ꤢ꤬ꤒꤤ꤬ꤢꤪ꤬꤯ ꤛꤢꤩ꤬ꤞꤤ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤒꤢꤦꤖꤢꤧ ꤛꤢꤨꤘꤢ꤬ꤖꤢꤨ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤖꤢꤧ꤯ အခန်းကိုကြည့်ပါ။ |
เพรโด่แนพู๊ เต๊เห่ 11:19
22 ပူးပေါင်းရင်းမြစ်များ
โทเรอ เพรโด่แนพู๊ เต๊เห่ เร๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เร๊อ เพรหยื่อเอ่ ตู๊หมู่ตอกล๊อ เนอ, เหย่ซี ซิปล่อโต เด๊อ อา เก่ นว๊าแถ่ แกแย เด๊อ เหย่ซีเกล เต๊เห่ เร๊อ นอจว๊าเต่อ เหย่ซี เร๊อ คูเปาโล เร๊อ คูบารนาบัส เด๊อ วีอันทิโอก. เหย่ซี นว๊าแถ่ แกแย เด๊อ เพรหยื่อเอ่ เต๊เห่ เบ่จูลาพย๊าโหง่ เกอเร๊อ แหน่เจ๊อ ลู เออซิเนอ เร๊อ อามุย เร๊อ คูสิลาส เร๊อ คูยูดาส คูยูดาส เออเนอ อู เอ๊โป๊ อามุย เร๊อ คูบารซับบาส.
ฮู๊เนอเรอ เพรหยื่อเอ่ ตู๊หมู่ตอกล๊อ เต๊เห่ ซูจว๊าเต่อ เหย่ซี เด๊อ วีเยรูซาเล็ม เร๊อ เบ๊อะเหย่ซี จว๊า ตาลว๊าปลู๊เบ๊ เฮ๊อ ฟีนิเซียเก่ เร๊อ สะมาเรียเก่ เบ๊อะเนอ, อู แด๊โฉ่โล เป่ เหย่ซี เร๊อ แกแยยิวพู๊ หม่าโต่ เต๊เห่ หยื่อเอ่แลแค เกอเฮ๊อ จอแปแหร่ ฮู๊เตเนอ อาหรี่อาแก อาขว่าอาคยา, เพรหยื่อเอ่ เต๊เห่ เหย่ซีซิครือซิลอ ลอปลี เจ๊อ ปว๋า เตเพร เจ๊อ.
โทเร๊อ คูเปาโล เร๊อ คูบารนาบัส ลื๋อ เฮ๊เบ่ คือเฮ๊เบ่บื่อ โป่โป่ เจ๊อ, เร๊อ อา เฮ๊ เน๊อ, “เป โตเบ่ แด๊โฉ่โด่แน เหร่อเล๊อ เป่ ซี เร๊อ จอแปแหร่ อาลาอาโหง่. หม่าแน๊เรอ ซี หยื่อเอ่แลแค เป เตโด่แน เออเนอ โต่ อาขว่าอาคยา, ซี เมจากาคยาแล เกอ เร๊อดื่อ เฮ๊อ ซิเหน่ ฮู๊ แกแย เด๊อ อาต่า พย๊าหนิ เกออู แหย่โยบูโพ๊เซอเพร ตูจูเพร โต่ เนอเต๊เห่ เฮ๊อ. ฮู๊เนอเรอ เป เก่ แด่แก ซี เร๊อ เป เก่ จว๊า เด๊อ แกแยยิวพู๊ หม่าโต่ เต๊เห่ อา โอ่.
ล๋อ แกแย โอ่ เด๊อ ตู๊หมู่ตอกล๊อกู เออเต๊เห่ ปว๋า เตเพร ซิปล่อโตเกอ ลอปลี เน๊อ เพรโด่แนพู๊ เต๊เห่ แด๊โฉ่โลแถ่ เออเต๊เห่, เร๊อ เหย่ซี นว๊าแถ่ คูสเทเฟน เด๊อ อา เล๊อบา เร๊อ เตหยื่อเตแหน่ เร๊อ แหย่โยบูโพ๊แบ่เจ่ เออเตเพร. โทเรอ อา นว๊าแถ่ โป่ เร๊อ คูฟีลิป, คูโปรโครัส, คูนิคาโนร์, คูทิโมน, คูปารเมนัส. โทเรอ อา นว๊าแถ่หนิ คูนิโคลัส, อา หม่า แกแยยิวพู๊ หม่าโต่, อา หม่า วีอันทิโอกพู๊ เตเพร เร๊อ อา กาโน เกอ เด๊อ ยูดาห์ อา เตจ๊อบู่จ๊อเบ อากู.
เหย่ซี แถ่แด๊นี๋ ส่อเกลอดุ เบ๊อะวีอัททาลิยา เนอ เร๊อ กาคยา คยาแซ๊ แลแค เด๊อ วีอันทิโอก. วีอันทิโอก หม่า วี เด๊อ อา เด๊อะตา คูเปาโล เร๊อ คูบารนาบัส เด๊อ จอแปแหร่ อา กู๊ยากู เด๊อ อา เก่เก่แม๊ เก่ตู่หนิ เร๊อ เหย่ซี เด๊อ อา เตจว๊าเล โด่แน เร๊อ จอแปแหร่ อาลาอาโหง่ เออเนอ เฮ๊อ. เร๊อ เหย่ซี เมโทเฮ๊อ เตเอ่เตแร เออเต๊เห่ เฮ๊อ.
ကြော်ငြာတွေ