เพรโด่แนพู๊ เต๊เห่ 11:14 - ลีเทส่อพ๊าอาเซ เร๊อ เห่ขุทวาลู๊

¹⁴ อา เก่ เฮ๊เบ่เน เต๊อ เจ่อ ปา เร๊อ เด๊อ อา เฮ๊เบ่ ซี อาขว่าอาคยา, เน เร๊อ เน หี่พู๊แพพู๊ ล๋อ ปลี เก่ พย๊าหนิ เตเมแลเปล๊กา ปา.’

Eastern Kayah Shadaw Dialect

¹⁴ ꤢ꤬ ꤊ꤫ꤢꤦ꤬ ꤟꤢꤩꤙꤢꤩ꤬ꤒꤢꤩ꤬ ꤔꤢꤧ ꤔꤢꤧ꤬ ꤕꤢ꤭ ꤚꤣꤧ꤬ ꤘꤣ ꤢ꤬ ꤟꤢꤩꤙꤢꤩ꤬ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤢꤧ꤬ ꤔꤢꤧ ꤔꤢꤧ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤜꤢꤪ꤭꤮ ꤕꤜꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢ꤭꤯’

เพรโด่แนพู๊ เต๊เห่ 11:14 ပူးပေါင်းရင်းမြစ်များ

เพรโด่แนพู๊ เต๊เห่ 16:15

อา เร๊อ อา หี่พู๊แพพู๊ เร๊อ แกแย โอ่ ลอเกอ เบ๊อะเหมาะลิเดีย อาหี่กู เนอเต๊เห่ เจ แลแค อาเหน่ เร๊อ เทอ. โทเร๊อ อา เอ๊กา เป เร๊อ อา เฮ๊ เน๊อ, “ซี เก่ แด่แหน่เฮ๊อ แว เร๊อ แว หม่า แกแย เตเพร เด๊อ อา หยื่อเอ่แลแค ตาเต เตเพร เฮ๊อ เฮ๊เร๊อ ซี เบ่ กาโอ่เล โต่เกอ เด๊อ แวหี่,” อา เฮ๊ เร๊อ อา เอ๊ตื๊อดื่อ เป, เร๊อ เป เบ่ กาเกอ เจ๊อ ลู.

เพรโด่แนพู๊ เต๊เห่ 10:22

เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”

เพรโด่แนพู๊ เต๊เห่ 10:6

อา จว๊าโอ่ เด๊อ คูซีโมน เด๊อ อา เมพ๊า เนอเตเพร อาหี่ เด๊อ อา โอ่ เด๊อ เทอดุซาวาทือ เนอเตเพร.”

เพรโด่แนพู๊ เต๊เห่ 10:2

อา หม่า แกแยยิวพู๊ หม่า โต่, เร๊อ อา หม่า แกแย เด๊อ อา โมหนิเกอ เร๊อ จอแปแหร่ เตเพร. โท๊โต่ อา เร๊อ ล๋อ อา ตี๊หี่แตแพ เต๊เห่เนอ อา แด่ดุหยื่อแหน่ แหน่เจ๊อ จอแปแหร่. อา เมจว่า เอ๊แหน่เจ๊อ แกแยยิวพู๊ เด๊อ อา โซพ๊าโซแร เต๊เห่. เร๊อ เบ๊อะค๊าขิ ดาโต กุยจ๊อเบ เฮ๊อ เฮ๊เนอ, อา กุยจ๊อเบ ปว๋า โตโพ๊ เจ๊อ.

เพรโด่แนพู๊ เต๊เห่ 2:39

จอแปแหร่ อา เตอ๊อแลนอแล เออเนอหมา, หม่า ซิเง เน๊อ ซีกลุยซีแล เด๊อคยา เต๊เห่ อาเง เน๊อ, ล๋อ แกแย เด๊อ อา โอ่ เด๊อ เทอเก่อายา เต๊เห่ อาเง เร๊อ ล๋อ แกแย อาโอ่ เด๊อ จอแปแหร่ เอ๊แฮ ลู เด๊อ อา โอ่ เนอเต๊เห่ อาเง เฮ๊อ.”

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

เห่ขุทวาลู่ 17:7

แว ซิหยื่อ เมหม่าเมกลอ หนิ แวเตอ๊อแล โหง่ เออ ตูจูเพร เน๊อ เน เน๊อ เนกลุยเนแล ตากาแล เด๊อคยา เต๊เห่ ตือทือ โท ตือทือ. แว เก่ ทวา เนจอแปแหร่ดุ ปา โท๊โต่ แว เก่ ทวา เกอดื่อ เนกลุยแล ตากาแล เด๊อคยา เต๊เห่ อาจอแปแหร่ดุ ปาปา.

ꤛꤥ꤭ꤟꤢ꤬ 12:50

แว ซิเง เร๊อ แวเพ อาโหง่เฮ๊แก เออเนอ อา ซูจว๊า อู เด๊อ เตเซอเพร ตูจูเพร. ฮู๊เนอเรอ แว เฮ๊ ฮู๊ แวเพ นอเฮ๊ แว เนอเต๊เห่ แพ๊.”

ꤛꤥ꤭ꤟꤢ꤬ 6:63

แหย่โยบูโพ๊แบ่เจ่ เนอ อา เด๊อะ ซิปล่อเซอเพร ตูจูเพร. แกแยเห่ขุพู๊ เนอ, อา เด๊อะ แจ่ ซิปล่อเซอเพร ตูจูเพร โต่. โหง่ เด๊อ แว เฮ๊เบ่ ซี เออเต๊เห่ เนอหม่า, แหย่โยบูโพ๊แบ่เจ่ อา เตเฮ๊เบ่ เต๊เห่ เร๊อ อา เด๊อะเบ๊ อู ซิปล่อเซอเพร ตูจูเพร.

ꤛꤥ꤭ꤟꤢ꤬ 4:53

อาเพ เตเนแถ่ โต่เบ่คยา อาพู๊ อาเหน่กู่ ตา เบ๊อะเนอหม่า, อา โตตื๊อ เบ๊อะแบ่เจ่ เหย่ซู่ เฮ๊ ลู เน๊อ, “เน พู๊คู เก่ โอ่โม กาคยา ดื่อ ปา เบ๊อะเนอ.” เด๊อ เออ อาขว่าอาคยา, อา เร๊อ อา ตี๊หี่แตแพ เต๊เห่ หยื่อเอ่แหน่ ลอปลี แบ่เจ่ เหย่ซู่.

ꤜꤢꤨꤊꤢ꤬ 19:10

เมเตเฮ๊เรอ แกแย อาพู๊ หม่าเฮ๊อ แวเออ, แว แฮ แม๊ปู เตเมแลเปล๊กา แกแย เด๊อ อา โอ่เหม่ เต๊เห่.”

ꤗꤢ꤬ꤊꤢꤨ 16:16

แกแย เด๊อ อา หยื่อเอ่ เตซิครือซิลอมีลา เออ เร๊อ อา เจอาเหน่ เร๊อ เทอ เตเพรเพร เนอ, อา เก่ พย๊าหนิ เตเมแลเปล๊กา ปา. หม่าแน๊เรอ แกแย เด๊อ อา หยื่อเอ่ โต่ เต๊เห่เนอ อา เก่ ข่าเบ่ เตเมจากาคยา ป๋า.

เห่ขุทวาลู่ 18:19

แซ่ฮู๊ อา เก่ เฮ๊ตา หนิเป่ อาพู๊อาเลอ, อากลุยอาลุ๊ย เด๊อคยา เต๊เห่ อาเงเนอเร๊อ, แว นว๊าแถ่ โทเฮ๊อ ลู เร๊อ เด๊อ เหย่ซี เม เต เด๊อ อาโตอาเบ่ เน๊อ อาจ๊ออาเต อาขว่าอาคยา, เหย่ซี เก่ จูเอ่ ครวาเม แลแค จอแปแหร่ ตูจูเพร อาโหง่ ปา. เหย่ซี เก่ เมฮู๊เนอ เฮ๊เรอ ฮู๊แว อ๊อแลนอแล โทเฮ๊อเนอ, แว เก่ เมเล๊อเมบา ลอปลี เป่ เจ๊อดื่อ อา ปา.”

โครินธ์ อาเหร่อเล๊อ ต๊าบ่า 1:16

(เก๋อ อา หม่าแหน่, แว เจ เป่ เกอปา ลาติ คูสเทฟานัส เร๊อ อา หี่ด๊อหี่แพพู๊ เต๊เห่. แว โตหม่าแก แพ๊ตื๊อ เออเต๊เห่ แพ๊. เด๊อ อาโร หม่า อา โอ่ปา แอ? หม่า อา โอ่ ปา โต่ แอ? เนอ แว โตหม่า ปา โต่ เฮ๊อ.)

เพรโด่แนพู๊ เต๊เห่ 18:8

คูคริสปัส หม่า แกแย ทวา เตจ๊อเบโฮ อากู่กล๊อ เบ๊อะเนอ เตเพร. อา เน๊อ ล๋อ แกแย เด๊อ อา แฮโอ่เล เกอ ลู เบ๊อะอาหี่ เนอเต๊เห่ หยื่อเอ่แหน่ ลอปลี แบ่เจ่ เร๊อ แกแย อาโร เด๊อ อา โอ่ เด๊อ วีโครินธ์ อากู เด๊อ อา หนิโฮ เตซิครือมีลา เต๊เห่เนอ, อา หยื่อเอ่แหน่ เกอ เร๊อ อา เจ เกอ แลแค อาเหน่ เร๊อ เทอ.

เพรโด่แนพู๊ เต๊เห่ 10:43

เพรโพร ปว๋า เตเพร แด๊โฉ่โด่แน หนื่ออื่อ โทเฮ๊อ อา อาหรี่อาแก เร๊อ เหย่ซี เฮ๊ เน๊อ, ‘ล๋อ แกแย เด๊อ อา หยื่อเอ่แลแค ลู เต๊เห่เนอ จอแปแหร่ เก่ ปลวาแก แฮเง เหย่ซี เตซื๊อ เร๊อ เหย่ซู่ อาคยา ปา,’” คูเปโตร เฮ๊ เป่ เหย่ซี ฮู๊เนอ.

ꤛꤥ꤭ꤟꤢ꤬ 6:68

คูซีโมน เปโตร เฮ๊ กาคยาฉื่อ ลู เน๊อ, “แบ่เจ่, เป เตเร จว๊าโต เกอ อูเป? เตอิซว๊าอี๊แส่ เด๊อ อา เด๊อะ เป ซิปล่อเซอเพร ตูจูเพร เนอ อา โอ่ แพ๊ดื่อ เด๊อ เนโอ่ แพ๊.

เพรโด่แนพู๊ เต๊เห่ 11:13

เพโครเนลิอัส แด๊โฉ่ เป่ เป เร๊อ อา แม๊เถอะ เตเน่วม๊อขุพู๊ เตเพร แฮก๊อถ่อโอ่ เด๊อ อา หี่ด๊อกู อาหรี่อาแก เร๊อ อา เฮ๊ ลู เน๊อ, ‘นอจว๊า แกแย เตเพร เด๊อ วียัฟฟา เร๊อ นอจว๊าเอ๊แฮ แกแยมูย เร๊อ คูซีโมน เด๊อ อู เอ๊ ป่า ลูมูย เร๊อ คูเปโตร เนอเตเพร.