เพรโด่แนพู๊ เต๊เห่ 10:4 - ลีเทส่อพ๊าอาเซ เร๊อ เห่ขุทวาลู๊

⁴ อา แม๊ โอ่แต่ฉื่อ เตเน่วม๊อขุพู๊ เร๊อ อา ซิอิเช โกโน๋ โต่, เร๊อ “แบ่เจ่, เน ซิหยื่อ เฮ๊ แว อิเต?” อา แด๊เฮอ เตเน่วม๊อขุพู๊ ฮู๊เนอ, เร๊อ เตเน่วม๊อขุพู๊ เฮ๊ฉื่อ อา เน๊อ, “จอแปแหร่ ซิปล่อโอ่เฮ๊อ เน, เมเตเฮ๊เรอ เน เตกุยจ๊อเบ เต๊เห่ เร๊อ เน เตเมจว่า แกแย โซพ๊าโซแรพู๊ เต๊เห่เนอ, อา โต่แถ่เฮ๊อ เด๊อ จอแปแหร่ อา โอ่ แซ่เฮ๊อเร๊อ เน หลู่แถ่ อา เนอเฮ๊อ.

Eastern Kayah Shadaw Dialect

⁴ ꤢ꤬ ꤗꤢꤧ ꤥ꤬ꤒ꤫ꤢꤧ꤬ꤏꤢꤦ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤚꤣꤧ꤬ ꤢ꤬ ꤞꤤꤤ꤬ꤏꤢꤩ꤭ ꤊꤣꤧ꤬ꤔꤥ꤮ ꤒꤥ꤬ ꤚꤣꤧ꤬ “ꤙꤢꤧ꤬ꤡꤢꤩ꤬, ꤔꤢꤧ꤬ ꤞꤤꤛ꤫ꤢꤦ꤬ ꤟꤢꤩ ꤠꤢꤧ꤭ ꤤ꤬ꤒꤢꤩ꤭?” ꤢ꤬ ꤘꤣꤧꤟꤣꤧ꤭ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤨꤔꤣꤧ꤬, ꤚꤣꤧ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤩꤏꤢꤦ꤬ ꤢ꤬ ꤔꤢꤧ, “ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ꤟꤣꤧ ꤔꤢꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤔꤢꤧ꤬ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤔꤢꤧ꤬ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒ꤫ꤥ꤬ꤓꤢꤧ꤬ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤞꤢꤧꤟꤣꤧꤔꤢꤧ ꤔꤢꤧ꤬ ꤜꤢꤨ꤭ꤓꤢꤧ꤬ ꤢ꤬ ꤔꤣꤧ꤬ꤟꤣꤧ꤯

เพรโด่แนพู๊ เต๊เห่ 10:4 ပူးပေါင်းရင်းမြစ်များ

ฟีลิปปี 4:6

เบ่ยอ แต่ แลแค เตอเจ๋อ แต่เหม่ นี๋. หม่าแน๊เร๊อ เด๊อ เตล๋อ ปลี อากูเนอ, กุยจ๊อเบ เร๊อ กุย แลแค เต เด๊อ ซี โอ่ เนอเต๊เห่, เร๊อ กุย แลแค เน๊อ เตเฮ๊บุ๊ยเฮ๊เตอเรอ จอแปแหร่ นี๋.

ꤟꤤꤙꤚꤢꤨ 6:10

จอแปแหร่ หม่า อา เม เตจ๊อ แพ๊. เตเมแร๊ เด๊อ ซี เมโทเฮ๊อ เต๊เห่เนอ อา โชตาปา โต่. เตโม เด๊อ ซี เด๊อะโล โทเฮ๊อ เด๊อ ลูเง เร๊อ ซี เมจว่า อาแกแย เต๊เห่ เร๊อ ซี เมจว่า แฮเง ตื๊อดื่อปา เหย่ซี เออเนอ อา โชตาปา เป่โต่.

เพรโด่แนพู๊ เต๊เห่ 10:31

เร๊อ อา เฮ๊ แว เน๊อ, ‘เพโครเนลิอัส จอแปแหร่ หนิโฮเฮ๊อ เน เตกุยจ๊อเบ เฮ๊อ อา ซิเงแถ่เบ่ โต่ เฮ๊อเน เด๊อเน เมจว่า เป่ แกแย โซพ๊าโซแรพู๊ เนอเต๊เห่ เฮ๊อ.

เตเด๊อะโลแถ่ 8:4

เตโนมื๊อ อาโข่ เออเนอ เร๊อ แกแยบูโพ๊ เต๊เห่ อา เตกุยจ๊อเบ เต๊เห่เนอ, อา โอ่ เด๊อ ม๊อขุเตเน่วพู๊ เออเตเพร อา กู๊ยากู เร๊อ อา โข่แถ่ โหร่ลู เด๊อ จอแปแหร่ อาโอ่.

ฟีลิปปี 4:18

ล๋อ ซี ซูแฮ เป่ แว เต๊เห่เนอ แว พย๊าหนิ ลอ เฮ๊อ, เร๊อ อา เล๊อบา ตาลว๊าซิลือ เจ๊อ เด๊อ แวเง เจ๊อ. ล๋อ ซี เด๊อะ เต๊เห่เนอ คูเอปาโฟรดิทัส พย๊าแฮ เป่ เฮ๊อ แว, เร๊อ กู๊แหน่เออ, ล๋อ แว โหล่เบ่ เต๊เห่เนอ อาโอ่ ลอปลี เฮ๊อ. เตเด๊อะ เออเต๊เห่เนอ, อา แซ่เน๊อ เตหลู่โนมื๊อ เด๊อ อู หลู่แถ่ เด๊อ จอแปแหร่ โอ่ เนอเฮ๊อ. เตหลู่ เด๊อ อาโต จอแปแหร่ อาซิปล่อ, เร๊อ อา เมโม ลู ซิปล่อ เนอเต๊เห่ เฮ๊อ.

ꤟꤤꤙꤚꤢꤨ 13:16

เมเตแร๊ เต๊เห่ เบ่เบ่, เตเมจว่า ลู เตเพร เร๊อ เตเพร เต๊เห่เนอ เบ่เบ่ โชตาปา แลแค แต่เหม่ นี๋, เมเตเฮ๊เรอ เออเต๊เห่ เนอหม่า เตหลู่เตแต เด๊อ อาโต จอแปแหร่ อาซิปล่อ.

ꤜꤢꤨꤊꤢ꤬ 1:29

ม๊อขุเตเน่วพู๊ แฮ แด๊โฉ่โล เป่ เหมาะมารีย์ เตหรี่เตแก เออเนอ, อา เตเนโปล เกอเร๊อ อาโหง่แลช๊า โต่, อา เตเนแป่เตเนเช เกอเร๊อ แนเจ๊อ.

มัทธิว 26:13

แว เฮ๊จ๊อ เจ๊อ ซี, ช๊า อู จว๊าเล เฮ๊โฉ่โด่แน เฮ๊อ เตซิครือมีลา เออ เด๊อ เห่ขุ เออ ต๊าบ่า เบ๊อะเต๋ โต๊โผ่ ปาเบ่เบ่, อู เก่ เตเนแถ่ โต่เบ่หนิ เร๊อ อา ปา, เร๊อ อู เก่ โด่แน หนิ เต เด๊อ อา เม โทเฮ๊อ เออเนอปา.”

เพรโด่แนพู๊ เต๊เห่ 22:10

“‘แบ่เจ๋, แว โตเบ่ เมฮู๊เต?’ แว แด๊เฮอฉื่อ อา ฮู๊เนอ. “เร๊อ แบ่เจ่ เฮ๊ฉื่อ แว เน๊อ, ‘ก๊อถ่อ เร๊อ จว๊าโน เด๊อ วีดามัสกัส อากู เนอ. จอแปแหร่ ตี๊หรี่แตแร เป่โทเฮ๊อ เด๊อ เนเง เฮ๊อ, เน โตเบ่ เมแคร๋ อิเตเนอ, อู เก่ แด๊โฉ่ เป่ดื่อ เน ปา.’

ꤜꤢꤨꤊꤢ꤬ 24:5

เพรเหมาะ เออเต๊เห่ ซิอิเช ตาลว๊าซิลือ เร๊อ อา แด๊งือแล เร๊อ งอตีกลี๊ ตาลอ อาเป๊เส่ เด๊อ เห่ขุ, เร๊อ แกแย เออซิเนอ เฮ๊ เหย่ซี เน๊อ, “ซี จว๊าแม๊ปู แกแย เซอเพร เด๊อ แกแย เซอ เต๊เห่ อาเกล เมเต?

เพรโด่แนพู๊ เต๊เห่ 3:4

เร๊อ เหย่ซี แม๊ตา ลู เร๊อ คูเปโตร เฮ๊ ลู เน๊อ, “แม๊จว๊าโต เด๊อ เปโอ่เออ!”

เพรโด่แนพู๊ เต๊เห่ 14:9

อา โอ่แน หนิดา คูเปาโล แด๊โฉ่โด่แน เบ๊อะเนอ. คูเปาโล แม๊ตาต๊า ลู เร๊อ อา ซิเง เร๊อ อา โอ่ เร๊อ อา เตหยื่อเตแหน่ เด๊อ อา เมโอ่เหม่เบ๊ เป่ลู กู๊โด่ด๊าตือรือ อาขว่าอาคยา, อา เอ๊โทเฮ๊ ลู เน๊อ, “ก๊อถ่อมอ” เร๊อ แกแย กู๊โด่ด๊าตือรือ เออเตเพร ป่าก๊อถ่อ จว๊ากาจว๊าแฮ เบ๊อะเนอ.