เพรโด่แนพู๊ เต๊เห่ 10:39 - ลีเทส่อพ๊าอาเซ เร๊อ เห่ขุทวาลู๊

³⁹ “เป หม่า แกแย เต๊เห่ เด๊อ อา ข่าเฮ๊โล เป่ ลอ อู เร๊อ ล๋อ เหย่ซู่ เมโทเฮ๊อ เต เด๊อ แกแยยิวพู๊ เต๊เห่ โอ่ เกอเร๊อ เก่ เต๊เห่, เร๊อ วีเยรูซาเล็ม อากู เออเนอเต๊เห่ อาหรี่อาแก แพ๊. โทเรอ เหย่ซี มือเซอแถ่แก เหย่ซู่ เด๊อ เด๊ออี๊ถื่อดีเต่ลู อาลู

Eastern Kayah Shadaw Dialect

³⁹ “ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤢꤧꤜꤥ꤭ ꤕ꤫ꤢꤩ꤬ ꤜꤢꤪ꤭ ꤢꤨ꤭ ꤔꤢꤧ ꤜꤢꤪ꤭ ꤛꤢꤩ꤬ꤏꤛꤢꤨ ꤗꤢꤩ꤬ꤓꤥ꤭ꤟꤣꤧ ꤒꤢꤩ꤬ ꤘꤣ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤥ꤬ ꤚꤣꤧꤘꤢꤦ꤬ ꤊ꤫ꤢꤩ꤬ ꤒꤣꤧ꤬ꤟꤢꤩ꤬, ꤔꤢꤧ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤖꤢꤧ꤯ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤗꤢꤦ꤭ꤞꤣꤧ꤭ꤓꤢꤧ꤬ꤊꤢꤧ꤭ ꤛꤢꤩ꤬ꤏꤛꤢꤨ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬꤯

เพรโด่แนพู๊ เต๊เห่ 10:39 ပူးပေါင်းရင်းမြစ်များ

ꤜꤢꤨꤊꤢ꤬ 24:48

ซี หม่า เพรข่าเฮ๊โล เด๊อ อา ทวา เป่ เตหรี่เตแก เออเต๊เห่ อาเง เต๊เห่ เฮ๊อ.

เพรโด่แนพู๊ เต๊เห่ 10:41

อา โอ่โลแถ่ เป่ อู ปว๋า เตเพร หม่าโต่. อา โอ่โล แถ่ เป่ ตื๊อแพ๊ จอแปแหร่ นว๊าแถ่เฮ๊อ เป เด๊อ เป เก่ ทวาแถ่ เพรข่าเฮ๊โล เออเต๊เห่ เนอแพ๊. อา เซอ ก๊อถ่อ กาคยา โทเฮ๊อ เบ๊อะเนอ, เป เออเต๊เห่เนอ, เป เอ่โหร่โอโหร่ เต่อเกอ โทเฮ๊อ เร๊อ ลู เฮ๊อ.

เพรโด่แนพู๊ เต๊เห่ 1:8

หม่าแน๊เรอ เบ๊อะแหย่โยบูโพ๊แบ่เจ่ ตากาแลโอ่เฮ๊อ เด๊อ ซีกู ปา เบ๊อะเนอ, ซี เก่ เล๊อบา เร๊อ เตฉว่าเตชอ ปา เร๊อ ซี เก่ ทวาแถ่ เป่แว เพรข่าเฮ๊โล เต๊เห่ เด๊อ วีเยรูซาเล็ม อากู, เร๊อ ยูดาห์เต๊เก๋ เล, เร๊อ สะมาเรียเก่, โท๊โต่ อา เก่ โต่ เจ๊อเด๊อ เห่ขุต๊าบ่า ลอ เจ๊อ ปา,” อา เฮ๊ฮู๊เนอ.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

เพรโด่แนพู๊ เต๊เห่ 2:32

จอแปแหร่ เมเซอเพร กาคยา โท เหย่ซู่ เออ เด๊อ เตเซอ เร๊อ ล๋อ เป เออเต๊เห่ เนอหม่า เป ทวา เป่ ลู เพรข่าเฮ๊โล เด๊อ เป เก่ ข่าเฮ๊โล เป่ อู เร๊อ อาเตเซอ ก๊อถ่อกาคยา เออ อาหรี่อาแก.

ꤊꤢ꤬ꤜꤢ꤬ꤒꤤ 3:13

ล๋อ เตซว๊าเตแส่ เต๊เห่เนอ, อู ลือครวา เมเบ๊ เตเพร่ว โต่ อาขว่าอาคยา, จอแปแหร่ เก่ เมจากาคยา ลอ อูปว๋า เตเพร ปา, หม่าแน๊เรอ ครี๊ อี๊ถ่า เฮ๊อ เป เฮ๊อ. เด๊อ อา ข่าเป่ เป เตจา เด๊อ อี๊ถื่อดีเต่ลู เออ อาขว่าอาคยาเร๊อ, อา แฮโน ข่าเป่เฮ๊อ เป เตเมจากาคยา เด๊อ อา เก่ กาเบ่ เป ปา เออเนอ อาเง เฮ๊อ. เมเตเฮ๊เรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อู มือเซอแถ่ อา เด๊อ อี๊ถื่อดีเต่ อาโอ่ เนอ, เตเมจากาคยา เบ่เฮ๊อ อา เฮ๊อ,” อา เฮ๊ ฮู๊เนอ.

เพรโด่แนพู๊ เต๊เห่ 13:31

โทเรอ แบ่เจ่ เหย่ซู่ เออ อา เด๊อะโล ม๊อเนอม๊อเซ งยากู๋ เป่ลา ช๊าเหล่ อาเหน่ เร๊อ แกแย เด๊อ อา เป๊อแถ่ ครวาเกอ ลูคยา, เป๊อแถ่ เด๊อ กาลิลีเก่ โต่เด๊อ วีเยรูซาเล็ม เนอเต๊เห่. กู๊แหน่เรอ, เหย่ซี ทวาแถ่เฮ๊อ เพรข่าเฮ๊โล เด๊อ ลูเง เร๊อ อา จว๊า ข่าเฮ๊เด๊อะโล เป่เฮ๊อ อิสราเอลพู๊ เต๊เห่ เฮ๊อ.

เพรโด่แนพู๊ เต๊เห่ 7:52

ซี โหมะเพเพอโพ เด๋อ งย๊าเค เต๊เห่เนอ, อา เมจาเมจือ ลอ เพรโพร เต๊เห่ ปว๋า โตโพ๊ เจ๊อ. จอแปแหร่ อาแกแย เด๊อ อา แฮ เฮ๊โฉ่หนื่ออื่อ เป่ อู เร๊อ จอแปแหร่ อาหลู่เล๊ จ๊อเต เด๊อ อา เตเร แฮ ปา เออเตเพร อาหรี่อาแก เต๊เห่เนอ, ซี โหมะเพเพอโพ เต๊เห่ เมเซอแก โท เหย่ซี เฮ๊อ. กู๊แหน่เร๊อ ซี อิเชตาแก จอแปแหร่ อาหลู่เล๊ จ๊อเต เออเตเพร เฮ๊อ, โท๊โต่ ซี เมเซอแก เฮ๊อ ลู เฮ๊อ.

เพรโด่แนพู๊ เต๊เห่ 4:10

ล๋อ ซี เออเต๊เห่ เบ่เบ่, อิสราเอล อากลุยอาแล ล๋อ ปลี เบ่เบ่, อา โต ซิเง แลแค เร๊อ แกแย กู๊โด่ด๊าตือรือ เออเตเพร ก๊อถ่อจว๊าแจ่ แร๊กาคยา คยาแซ๊ เด๊อ ซี เป๊เส่เง กู๊แหน่เออ เนอหม่า หม่าเด๊อ วีนาซาเร็ธพู๊ เหย่ซู่ครี๊ อามุย อา เตโพรเตเตอเรอ อาขว่าอาคยา แพ๊. เหย่ซู่ครี๊ หม่า ซี มือเซอแถ่ อา เด๊อ อี๊ถื่อดีเต่ลู เนอเตเพร เฮ๊อ, หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ.

ꤛꤥ꤭ꤟꤢ꤬ 15:27

ซี โอ่เต่อเกอ เร๊อ แว เด๊อ กูลู่ เค ปา เจ๊อ อาขว่าอาคยา, ซี เบ่ แด๊โฉ่ เป่ เกออู เร๊อ แวหรี่แวแก นี๋.”

ꤜꤢꤨꤊꤢ꤬ 1:2

เหย่ซี ครวาราเกอ แพ๊ ฮู๊ แกแย เด๊อ อา เป๊เส่แม๊เถอะเกอ เร๊อ ดื่อ เด๊อ กูลู่เค เร๊อ อา แด๊โฉ่โด่แน โล เป่ อู เร๊อ เตหรี่เตแก เนอเต๊เห่ แด๊โฉ่ แฮเง เป่ เป เนอเต๊เห่ แพ๊.