เพรโด่แนพู๊ เต๊เห่ 10:15 - ลีเทส่อพ๊าอาเซ เร๊อ เห่ขุทวาลู๊

¹⁵ เร๊อ โหง่พราแถ่ โป่ เน๊อ, “เต เด๊อ จอแปแหร่ ดาเฮ๊เฮ๊อ เร๊อ อา โพ๊แปละ แพ๊, เร๊อ เอ่หนิ แพ๊ อา เฮ๊ เนอเต๊เห่เนอ, เฮ๊ แต่ อา เน๊อ อา มู๊แหม่ แต่เหม่.”

Eastern Kayah Shadaw Dialect

¹⁵ ꤚꤣꤧ꤬ ꤍ꤫ꤥ꤬ꤖꤚꤢ꤬ꤓꤢꤧ꤬ ꤕ꤫ꤥ꤬ ꤔꤢꤧ, “ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤢ꤭ꤟꤢꤩꤟꤣꤧ ꤔꤢꤧ ꤢ꤬ ꤕꤜꤤ꤭ꤖꤥ ꤖꤢꤧ, ꤚꤣꤧ꤬ ꤢꤩ꤬ꤔ꤫ꤤ꤬ ꤖꤢꤧ ꤢ꤬ ꤟꤢꤩ ꤔꤣꤧ꤬ꤒꤣꤧ꤬ꤟꤢꤩ꤬ꤔꤣꤧ꤬, ꤟꤢꤩ ꤒ꤫ꤢꤧ꤬ ꤢ꤬ ꤔꤢꤧ ꤢ꤬ ꤗꤢꤨꤗ꤫ꤢꤧ꤬ ꤒ꤫ꤢꤧ꤬ꤗꤢꤩ꤬꤯”

เพรโด่แนพู๊ เต๊เห่ 10:15 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 10:25

เด๊อ แกล๊กู เนอ, อู อิเช เอ่ เตหย่า อิเตเต๋ เบ่เบ่, ซี เอ่หนิ ลอปลี แพ๊. แซ่ฮู๊ ซี เก่ ซิปล่อโม อาเงเนอ, เตหย่า เออ หม่า อู โบ่ โทเฮ๊อ เร๊อ เตแหย่โย แอ, หม่า โต่ แอ แด๊เฮอ แต่ อู แต่เหม่.

มัทธิว 15:11

เต เด๊อ อา โน เด๊อ แกแย แกกูเนอ, อา เม โตโพร๊มู๊แหม่ ลู เด๊อ จอแปแหร่ อาเป๊เส่เง โต่ เร๊อ แกแยแกกู เต๊เห่ เนอ, หม่าแน๊เรอ เต เด๊อ อา เถ่ เด๊อ แกแย แกกูเต๊เห่เนอ, อา เมโตโพร๊มู๊แหม่ ลู.”

ꤒꤤꤒꤢꤨ 1:15

แกแย เตเพรเพร เด๊อ อา โพ๊แปละอาโพ๊อาแปละ เฮ๊อ เด๊อ จอแปแหร่ อา เป๊เส่เง เนอ, เตล๋อ ปลี โพ๊แปละอาโพ๊อาแปละ ลอ เฮ๊อ เด๊อ อาเง เฮ๊อ. หม่าแน๊เรอ แกแย เด๊อ อา โพ๊แปละอาโพ๊อาแปละ เกออู โต่ เร๊อ อา หยื่อเอ่แหน่ เกออู โต่ เนอเต๊เห่เนอ, เด๊อ อาเงเนอ อา โพ๊แปละอาโพ๊อาแปละ เตอเจ๋อ โต่. เหย่ซี เตซื๊อ เต๊เห่เนอ อา เม โตโพร๊ มู๊แหม่ ลอ หนิคยาดื่อ เหย่ซี อาเหล่เตเน เร๊อ อาซิปล่อ เด๊อ อา ซิเง เร๊อดื่อ เตแร๊ เร๊อ เตมู๊แหม่ เออเนอเฮ๊อ.

ꤗꤢ꤬ꤊꤢꤨ 7:19

เมเตเฮ๊เรอ เหล่เอ่ เออเนอ, อา โน เด๊อ ลู ซิปล่อกู หม่าโต่, อา โน เด๊อ ลูพราลูโพกู เร๊อ อา เบ่ เถ่จว๊าแก เด๊อ เชฮ๊อโปกู แพ๊” (อา เฮ๊ ฮู๊เออเนอหม่า, อา ซิหยื่อ เฮ๊ เนอ, เหล่เอ่ อิเตเต๋ เบ่เบ่, เอ่ หม่า อา หนิ ลอแพ๊.)

ꤚꤥꤗꤢꤩ꤬ 14:14

แว ย๋อ ทวาแถ่ เฮ๊อ เร๊อ แบ่เจ่ เหย่ซู่ เตอเจ๋อ โตเฮ๊อ อาขว่าอาคยา, แว ซิเง ตาเต เร๊อ เหล่เอ่ โอ่ดื่อ อาเหน่ เร๊อ อา อาโพ๊อาแปละ โต่เนอ อา โอ่ เตอเจ๋อ โต่. อาโพ๊อาแปละ ลอ แพ๊. หม่าแน๊เรอ เก่ เน หยื่อเอ่ เร๊อ เหล่เอ่ เต๊เห่เห่เนอ, อา โพ๊อาแปละ โต่ เก่เฮ๊เรอ เหล่เอ่เออ อา โพ๊อาแปละ เด๊อ เนเง โต่.

เพรโด่แนพู๊ เต๊เห่ 10:28

คูเปโตร เฮ๊ เหย่ซี เน๊อ, “ซี ซิเง ดื่อเฮ๊อ, เป แกแยยิวพู๊ อา เตซว๊าเตแส่โอ่เร๊อ แกแยยิวพู๊ เตเพร เตเร จว๊าแบ๊ซว๊าเค๊โค เต่อเร๊อ แกแยยิวพู๊ หม่าโต่ เต๊เห่ เบ่เบ่, อา เตเร จว๊าโอ่เลโอ่ เกอ แพ๊ เหย่ซี เบ่เบ่, อาหนิ โต่. หม่าแน๊เรอ จอแปแหร่ เด๊อะโลเฮ๊อ แว เร๊อ แกแยยิวพู๊ หม่าโต่ เต๊เห่ เนอหม่า, อา โพ๊แปละอาโพ๊อาแปละ เกออู โต่, หม่าโต่เรอ อา บูโพ๊ เกออู โต่ เฮ๊ แต่ แลแค แต่เหม่. เป โตเบ่ แบ๊ซว๊า ลอปลี เหย่ซี, จอแปแหร่ เด๊อะโล แว ฮู๊เนอ.

เพรโด่แนพู๊ เต๊เห่ 11:9

เร๊อ โหง่พราแถ่ เด๊อ ม๊อขุ เออเนอ เฮ๊ โป่ เน๊อ, ‘จอแปแหร่ ดาเฮ๊ เร๊อ อา โพ๊แปละอาโพ๊อาแปละ เฮ๊เนอหม่า, อา บูโพ๊ โต่, เบ่ เตเน หนิ โต่.’

ꤚꤥꤗꤢꤩ꤬ 14:20

เมปย๊าแก แต่ จอแปแหร่ อา เตเอ่เตแร เร๊อ เหล่เอ่เหล่โอ อาคยา แต่เหม่ นี๋. เหล่เอ่ ล๋อ ปลี หม่า อาโพ๊อาแปละ ลอ แพ๊ หม่าแน๊เรอ เหล่เอ่ อิเตเต๋ เบ่เบ่, แกแย เตเพรเพร เก่ เอ่ เร๊อ อา เก่ ทวาแถ่ โป่แหว่ เด๊อ อาโร เตเพร อา เตซื๊อ เฮ๊เนอหม่า, อา เม เตเออเนอหม่า อา ซื๊อเฮ๊อ.

เพรโด่แนพู๊ เต๊เห่ 15:20

เป โต รา เป่ เหย่ซี ลี, เร๊อ เป โต เฮ๊เต๊เปล๋ เหย่ซี เน๊อ เหล่เอ่ เด๊อ อู หลู่แตแถ่ อา เร๊อ แหย่โย เต๊เห่เนอ, อาโพ๊อาแปละโต่ อาขว่าอาคยา, เป โตเบ่ นอเอ่ เหย่ซี โต่. เป โตเบ่ นอจว๊าซื๊อหนิ เหย่ซี เร๊อ เพรเหมาะเพรคู โต่, โทเร๊อ เป โตเบ่ นอเอ่หนิ เหย่ซี เร๊อ เตมีเตดอ เด๊อ อู จี่เซอ อา เนอเต๊เห่ โต่. โทเร๊อ สุ่ย อิเตเต๋ เบ่เบ่เนอ, เป โตเบ่ นอเอ่หนิ เหย่ซี โต่.

เพรโด่แนพู๊ เต๊เห่ 15:9

จอแปแหร่ อา เตแม๊เถอะ เนอหม่า ฮู๊เตเฮ๊เรอ, แกแยยิวพู๊ เออเต๊เห่ เร๊อ แกแยยิวพู๊ หม่าโต่ เออเต๊เห่ เนอหม่า อาโค๊ เร๊อ ลู เตอเจ๋อ โต่. เด๊อ เหย่ซี หยื่อเอ่แลแค จอแปแหร่ อาขว่าอาคยา, อา ปลวาแก เหย่ซี เตซื๊อ เร๊อ อา เมโพ๊เมแปละเฮ๊อ เหย่ซี ซิปล่อ.

เพรโด่แนพู๊ เต๊เห่ 15:29

เตเด๊ออาโหล่ ครวาเม เต๊เห่ หม่า แคร๋ อิเตเฮ๊เร๊อ เหล่เอ่ เด๊อ อู หลู่แถ่ เร๊อ แหย่โย เต๊เห่เนอ, เอ่ แลแค แต่เหม่, เตสุ่ย เนอหม่า เอ่ หนิ โต่โต่, เตมีเตดอ เด๊อ อู จิเซอ อา เนอหม่า เอ่ หนิ โต่โต่. โทเร๊อ จว๊าซื๊อจว๊าปล๊า แลแค แต่ เพรเหมาะเพรคู แต่เหม่. ซี เก่ รอเบ๊ แลแค เตเออเต๊เห่ เฮ๊เนอหม่า, อา เก่ แร๊ เด๊อ ซีเงปา. โอ่โมโอ่ แร๊ โอ่ฉว่าโอ่แพร แลแค ดื่อ นี๋ เหย่ซี ราจว๊า แลแค ฮู๊เนอ.

เตเด๊อะโลแถ่ 14:20

แท๊ทือเส่ เออเต๊เห่เนอ, อู วี เหย่ซี เด๊อ เหล่วีเถ่ แท๊ทือเส่เทอ อาเหล่โอ่ เด๊อ อา โอ่ เด๊อ วีกลอ เนอ. เหล่วีเถ่ แท๊ทือเส่เทอ อาเหล่โอ่ เออเนอ, สุ่ยเต๊เห่ ทุ๊ยเถ่ จว๊ายา กิโลโซเย, เร๊อ อาแย เนอ อาโอ่ แงตือ.

เพรโด่แนพู๊ เต๊เห่ 10:16

อิเกดุ เด๊อ เตมีเตดอ โอ่ เด๊อ ลูกู เออต๊าบ่าเนอ, อาโล โกตา บา เป่ ลู โซโพ๊ โทเรอ อู จอแถ่ โอ่เหม่แก คยา อา เด๊อ ม๊อขุ.