เพรโด่แนพู๊ เต๊เห่ 1:5 - ลีเทส่อพ๊าอาเซ เร๊อ เห่ขุทวาลู๊

⁵ โท๊โต่ อา เฮ๊โป่ เหย่ซี เน๊อ, “คูยอห์น เจ เป่ อู เร๊อ เทอ, หม่าแน๊ เรอ งยาแต่โต่ ปาเนอ อู เก่ ปลวา เป่ ซี เร๊อ แหย่โยบูโพ๊แบ่เจ่ ปา.”

Eastern Kayah Shadaw Dialect

⁵ ꤓꤥ꤭ꤒꤥ꤬ ꤢ꤬ ꤟꤢꤩꤕ꤫ꤥ꤬ ꤛꤢꤩ꤬ꤞꤤ꤭ ꤔꤢꤧ, “ꤋꤢꤨ꤭ꤛꤥ꤭ꤟꤢ꤬ ꤡꤢꤩ꤬ ꤢꤨ꤭ ꤔꤢꤧ ꤓꤣꤧ꤭, ꤗꤢ꤬ꤔꤢꤧꤚꤣꤧ꤬ ꤑꤢ꤭ꤒꤢꤧ꤬ꤒꤥ꤬ ꤕꤢ꤭ꤔꤣꤧ꤬ ꤢꤨ꤭ ꤊ꤫ꤢꤦ꤬ ꤡꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤕꤢ꤭꤯”

เพรโด่แนพู๊ เต๊เห่ 1:5 ပူးပေါင်းရင်းမြစ်များ

มัทธิว 3:11

“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

มัทธิว 3:6

เหย่ซี แฮ แด๊โฉ่ ลีลอ อา เตเมซื๊อ เต๊เห่ เร๊อ คูยอห์น เจ เป่ เหย่ซี เทอ เด๊อ จอร์แดน เทอแลโหมะ กูเนอ.

ꤗꤢ꤬ꤊꤢꤨ 1:8

แว เจ ซีเหน่ เร๊อ เทอ หม่าแน๊เรอ อา เก่ เจ ซี เร๊อ แหย่โยบูโพ๊ แบ่เจ่ ปา,” คูยอห์น เฮ๊ ฮู๊เนอ.

ꤜꤢꤨꤊꤢ꤬ 3:16

ฮู๊เนอ อาขว่าอาคยา, คูยอห์น เฮ๊ เหย่ซี ปว๋า เตเพร เน๊อ, “แว เจ ซี เร๊อ เทอ แพ๊, หม่าแน๊เรอ เพร เด๊อ อา เตอเรออาโพร ฉว่าชอ เล๊อเล๊อ เจ๊อ เร๊อ แว เตเพรเนอ อา เก่ แฮ ปา. แว ฉิโล๊ เป่แพ๊ อา แข่แด๊พ๊า เปลอ แพ๊ เน๋อ แว ต่า เร๊อ อา โต่. อา เก่ แฮ เจ ซี เร๊อ แหย่โยบูโพ๊แบ่เจ่ เร๊อ หมิ ปา

ꤛꤥ꤭ꤟꤢ꤬ 1:26

เร๊อ คูยอห์น เฮ๊ฉื่อ เหย่ซี เน๊อ, “แว เจ เป่ อู เร๊อ เทอ ตื๊อดื่อเร๊อ เด๊อ ซีเกล เนอ แกแย โอ่ เตเพร หม่าแน๊เรอ ซี ซิเง ลู โต่.

ꤛꤥ꤭ꤟꤢ꤬ 1:31

แกแย เด๊อ แว แด๊โฉ่ เป่ ซี เด๊อ อาเหร่อเค เตเพร เนอหม่า อูเปเนอ แว ซิเงโต่, ตื๊อดื่อเรอ แซ่ฮู๊ อิสราเอลพู๊ เก่ ซิเง ตาเต อา อาเงเนอ, แว แฮ เจ เป่ อู เร๊อ เทอ แพ๊.”

ꤛꤥ꤭ꤟꤢ꤬ 1:33

เด๊อ อาเหร่อเค เนอหม่า แว ซิเงแต่ล๋าย เร๊อ อา หม่า แกแย ทวา ฮู๊เออเนอ เตเพร ล๋ายโต่, ตื๊อดื่อเรอ จอแปแหร่ เด๊อ อา นอ แว เด๊อ แว เก่ เจ เป่ อู เร๊อ เทอ เออเตเพรเนอ อา เฮ๊ แว เน๊อ, ‘ช๋า เนอปา เนอ, เก่ เน แม๊เถอะ แหย่โยบูโพ๊แบ่เจ่ แฮแล โอ่ เด๊อ แกแย เตเพร อาลู ปา เฮ๊เนอ อา หม่า หม่าเฮ๊อ แกแย เด๊อ อา เก่ เจ เป่ อู เร๊อ แหย่โยบูโพ๊แบ่เจ่ ปา เนอเตเพร เฮ๊อ.’

เพรโด่แนพู๊ เต๊เห่ 10:45

จอแปแหร่ จว๊า เด๊อะแล โต่เกอ แหย่โยบูโพ๊แบ่เจ่ เด๊อ แกแยยิวพู๊ หม่าโต่ เออเต๊เห่ อาลู อาขว่าอาคยา, แกแยยิวพู๊ เด๊อ อา หยื่อเอ่แลแค เฮ๊อ เต เร๊อ อา โอ่ แลแค เด๊อ วียัฟฟา อากู เร๊อ อา จว๊า เต่อโร๊ เร๊อ คูเปโตร เออเต๊เห่เนอ อา คย๊ายื๊อ แหน่เจ๊อ.

เพรโด่แนพู๊ เต๊เห่ 19:4

เร๊อ คูเปาโล เฮ๊ เป่ เหย่ซี เน๊อ, “คูยอห์น เจ เป่ แกแย เด๊อ อาถู่แหล่เต๊เปล่กา อาซิปล่อ เนอเต๊เห่ อาเง แพ๊. อา เฮ๊ แกแย เนอเต๊เห่ เร๊อ หยื่อเอ่แหน่ เพร เด๊อ อา เตเร แฮ เด๊อคยา เออเนอ เตเพร นี๋, อา หม่า แบ่เจ่เหย่ซู่ เฮ๊อ.”

โครินธ์ อาเหร่อเล๊อ ต๊าบ่า 12:13

ฮู๊เนอเฮ๊อ, เด๊อ เปเกล เนอ, เต๊เห่เห่ หม่า แกแยยิวพู๊, เต๊เห่เห่ หม่า แกแยยิวพู๊ หม่าโต่, เต๊เห่เห่ หม่า หลู่, เต๊เห่เห่ หม่า เพร ป่าลาพู๊. หม่าแน๊เรอ เด๊อ แหย่โยบูโพ๊ แบ่เจ่ เออเตเพรเพร๋ จือแพ๊ ลู อาขว่าอาคยา, เป เจ โหร่ ลอปลี ลู เทอ เด๊อ ครี๊ อาเหน่กล่อ เตเพร่ว อากู แพ๊. เป พย๊าหนิ แซ่ ลอลู แหย่โยบูโพ๊ แบ่เจ่ เตเพรเพร่ว แพ๊.

ꤒꤤꤒꤢꤨ 3:5

เตเด๊อ อา เมแลเปล๊กา เป เออเนอหมา หม่าเด๊อ เป แหน่แบ่เจ่ เร๊อดื่อ เม อาจ๊ออาเต อาคยา เนอ หม่าโต่, หม่าเด๊อ อา ซิยอ เร๊อดื่อ เป ขว่าคยา อา เมแลเปล๊กา เป แพ๊. เด๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยาเร๊อ, อา ซู๊ปลีแก เป, โทเรอ อา เด๊อ เป เตโอ่เป๊เจ่แล อาเซ เร๊อ เตโอ่เซอเพร อาเซ เต๊เห่.