เพรโด่แนพู๊ เต๊เห่ 1:3 - ลีเทส่อพ๊าอาเซ เร๊อ เห่ขุทวาลู๊

³ อา ข่าเซอโทเฮ๊อ อาเหน่ เร๊อ อา ก๊อถ่อเซอเพร กาคยา เด๊อ เตเซอ โทเร๊อ เด๊อคยา อาเนอ ลุยเชอ อากูเนอ, อา เด๊อะโล เอ๊เป่ลา อาเหน่ เร๊อ อา โคเจ่ เต๊เห่. โทเร๊อ อา แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก. อา โคเจ่ เต๊เห่ แม๊เถอะ อา เร๊อ อาซิปล่อ หร่าเหร่ ปา แลแค โต่. เหย่ซี หยื่อเอ่ แหน่แหน่ เจ๊อ เน๊อ อา เซอเพร หม่าแหน่ เจ๊อ.

Eastern Kayah Shadaw Dialect

³ ꤢ꤬ ꤋꤢꤧꤞꤣꤧ꤭ꤓꤥ꤭ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤘꤣ ꤒꤢꤩ꤬ꤞꤣꤧ꤭ ꤓꤥ꤭ꤚꤣꤧ꤬ ꤘꤣꤋꤛꤢ꤭ ꤢ꤬ꤔꤣꤧ꤭ ꤜꤝꤤ꤭ꤏꤣꤧ꤭ ꤢ꤬ꤊꤢꤨ꤭ꤔꤣꤧ꤬, ꤢ꤬ ꤘꤣꤧꤜꤥ꤭ ꤕ꤫ꤢꤩ꤬ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤢꤩꤖꤥꤜꤥ꤬, ꤓꤥ꤭ꤚꤣꤧ꤬ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤢ꤬ ꤚꤣꤧ꤬ ꤢ꤬ꤞꤤꤕꤜꤢꤪ꤬ ꤚꤢ꤬ꤚꤢꤩ꤬ ꤕꤢ꤬ ꤜꤢ꤭ꤋꤢꤧ꤭ ꤒꤥ꤬꤯ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ ꤏꤢ꤭ꤖꤚ꤫ꤢꤩ꤬ꤔꤢꤧ꤬ꤡꤢꤩ꤭ ꤡꤣꤧ ꤔꤢꤧ ꤢ꤬ ꤞꤣꤧ꤭ꤖꤚꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯

เพรโด่แนพู๊ เต๊เห่ 1:3 ပူးပေါင်းရင်းမြစ်များ

มัทธิว 21:43

“ฮู๊เนอเรอ แว เฮ๊ ซี ม๊อขุ เทอเลเก่กู เด๊อ ซี โต พย๊าหนิเนอ จอแปแหร่ พย๊าเผ่แก ซี ปา. เร๊อ อา เก่ เด๊อ เร๊อ แกแย เด๊อ อา จูเอ่ จอแปแหร่ อาโหง่ เนอเต๊เห่ ปา.

มัทธิว 28:9

โตโพ๊โต แบ่เจ่ เหย่ซู่ แม๊เถอะ ตาฉื่อ เหย่ซี เร๊อ อา เฮ๊โมเฮ๊แร๊ฉื่อ เหย่ซี. เร๊อ เหย่ซี แฮโต แบ่เจ่ เร๊อ อา แฮ ปื่อหม่า ลู กู๊โด่ ตารา เร๊อ จ๊อบู่จ๊อเบแถ่ ลู.

มัทธิว 3:2

เร๊อ อา เฮ๊ เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทออาเก่ ผื่อแถ่เฮ๊อ.”

มัทธิว 4:2

เหย่ซู่ แค๊เอ่ดี เนอลุยเชอ เซลุยเชอ โทเรอ อา แลแด๊ ซิเอ่ซิโอ.

ꤗꤢ꤬ꤊꤢꤨ 16:19

แบ่เจ่ เหย่ซู่ เฮ๊เบ่โท เร๊อ อา โคเจ่ เต๊เห่ เร๊อ จอแปแหร่ เอ๊กา กาแถ่แก ลู เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา.

ꤛꤥ꤭ꤟꤢ꤬ 20:26

เด๊อคยา โซซว๊าเตอเนอเนอ, แบ่เจ่ เหย่ซู่ อา โคเจ่ เต๊เห่ โอ่ปล๊อ เต่อคยาลู เด๊อ หี่เนอ เตเม อากู. เบ๊อะเนอ อาเค คูโธมัส โอ่เต่อเกอ เร๊อ เหย่ซี เบ๊อะเนอ. เหย่ซี เมหม่า กู่ดา ตื๊อดื่อเรอ แบ่เจ่ เหย่ซู่ แฮโน ก๊อถ่อโอ่ เด๊อ เหย่ซี กล๊าเมกู เร๊อ อา เฮ๊ เหย่ซี “ซิปล่อ ตู๊จู่เตอเจ๊อ เก่ โอ่เกอดื่อ เร๊อ ซี นี๋” ฮู๊เนอ.

ꤛꤥ꤭ꤟꤢ꤬ 21:1

เด๊อคยา งยาแต่โต่ เนอ, แบ่เจ่ เหย่ซู่ โอ่โลแม๊เถอะ เป่ อา โคเจ่ เต๊เห่ เด๊อ ทิเบเรียส เทออ่อดุทือ. อา โอ่โลแม๊เถอะ เป่ ลู ฮู๊เต เฮ๊เรอ,

ꤛꤥ꤭ꤟꤢ꤬ 21:14

แบ่เจ่ เหย่ซู่ เซอ ก๊อถ่อเซอเพร กาคยา โทเรอ อา เด๊อะโล เป่ อาเหน่ เร๊อ อา โคเจ่ เต๊เห่เนอ, เออ หม่า โซโพ๊โตโพ๊เฮ๊อ.

เพรโด่แนพู๊ เต๊เห่ 13:31

โทเรอ แบ่เจ่ เหย่ซู่ เออ อา เด๊อะโล ม๊อเนอม๊อเซ งยากู๋ เป่ลา ช๊าเหล่ อาเหน่ เร๊อ แกแย เด๊อ อา เป๊อแถ่ ครวาเกอ ลูคยา, เป๊อแถ่ เด๊อ กาลิลีเก่ โต่เด๊อ วีเยรูซาเล็ม เนอเต๊เห่. กู๊แหน่เรอ, เหย่ซี ทวาแถ่เฮ๊อ เพรข่าเฮ๊โล เด๊อ ลูเง เร๊อ อา จว๊า ข่าเฮ๊เด๊อะโล เป่เฮ๊อ อิสราเอลพู๊ เต๊เห่ เฮ๊อ.

เพรโด่แนพู๊ เต๊เห่ 19:8

คูเปาโล จว๊าโน เด๊อ เตจ๊อเบโฮกู เร๊อ อา เฮ๊เบ่โด่แน คือฮาบื่อ เจ๊อ เน๊อ แกแย เบ๊หมู่ เบ๊อะเนอ โซเล อากู. คูเปาโล เฮ๊เบ่โด่แน เคร๊แขระ เหย่ซี เน๊อ, จอแปแหร่ อาเทอเก่ อาหรี่อาแก เร๊อ อา ท๊อหนิจุ่ยหนิ ลอ เหย่ซี อาซิปล่อ.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

เพรโด่แนพู๊ เต๊เห่ 28:31

คูเปาโล แด๊โฉ่โด่แน เป่ อู เร๊อ จอแปแหร่ อาเทออาเก่ อาหรี่อาแก, เร๊อ อา อิซว๊าอี๊แส่ ตา เป่ อู เร๊อ แบ่เจ่ เหย่ซู่ครี๊ อาหรี่อาแก. โทเร๊อ อา เฮ๊เบ่คือเฮ๊เบ่บื่อ เร๊อ อู เมตาตือ เหย่ซีเนอ อา โอ่ เตเพร่ว โต่.

เพรโด่แนพู๊ เต๊เห่ 8:12

หม่าแน๊เรอ เบ๊อะคูฟีลิป แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ เหย่ซู่ครี๊ อาหรี่อาแก เบ๊อะเนอ, เพรเหมาะเหมาะ, เพรคูคู อา หยื่อเอ่แลแค เตซิครือซิลอมีลา เร๊อ เจกา ลอ อาเหน่ เร๊อ เทอ.

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

โคโลสี 1:13

อา เมแลเปล๊กา เป เด๊อ โลเน๊มู๊แหม่ กู่กล๊อ อา เตฉว่าเตชอ เด๊อ อา เป๊อหนิ เตคี๊ ลอ เออโตโด อาเล เร๊อ อา ซูโน เป เด๊อ อาพู๊คู เด๊อ อา โม หนิเกอเร๊อ เออเตเพรเออ อาเทอเก่กู เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:12

เมเตเฮ๊เรอ แซ่ฮู๊ ซี เก่ โอ่เซอเพรโต โอ่เซอเพรเบ่ ฮู๊ จอแปแหร่ อาซิปล่อเนอ เร๊อ เป เด๊อะอ๊าเด๊อะเหร่ ซี, เป เฮ๊เบ่โมเฮ๊เบ่แร๊ ซี, เป แฉ่ครวา ซีคยา ปว๋า เตเพร เจ๊อ. จอแปแหร่ หม่า เพร เด๊อ อา เอ๊โน ซี เด๊อ อาเทออาเก่ เร๊อ อา เตอเรอดุทู อากู เตเพรเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1

เป รา จว๊า เป่ ซี เหย่ซู่ อาหรี่อาแก, อา หม่า ลาโหง่ เด๊อ อา เด๊อ อู ซิปล่อเซอเพร เตเพร. อาเออ อา โอ่หนื่ออื่อ โทเฮ๊อ เด๊อ เห่ขุ ทวาแถ่ แต่ล๋ายโต่ เบ๊อะเนอ ปา เจ๊อ. เป หนิโฮ โทเฮ๊อ เร๊อ เป แม๊เถอะ โทดื่อเฮ๊อ เร๊อ เปเป๊เส่ เร๊อดื่อ เฮ๊อ. เป แม๊ อา เร๊อ เป ปื่อขร่าซิเต่อ โทเฮ๊อ ลู เร๊อ เป กู๊ขุ เฮ๊อ.