เพรโด่แนพู๊ เต๊เห่ 1:16 - ลีเทส่อพ๊าอาเซ เร๊อ เห่ขุทวาลู๊16 เร๊อ คูเปโตร ก๊อถ่อเฮ๊ เน๊อ, “โป่แหว่ ซี๋, ลีเทส่อพ๊า เฮ๊หนื่ออื่อ โทเฮ๊อ คูยูดาส เด๊อ อา ยู เป่ อู แกล๊ เร๊อ อา นอปื่อ อู เร๊อ เหย่ซู่ เออ อาหรี่อาแก. เร๊อ แหย่โยบูโพ๊แบ่เจ่ นอเฮ๊เบ่ คุ๊ยดาวิด เร๊อ อาหรี่อาแก เออเต๊เห่ เนอหม่า อา โตเบ่ เล๊อแถ่บาแถ่ แหน่ แพ๊. အခန်းကိုကြည့်ပါ။Eastern Kayah Shadaw Dialect16 ꤚꤣꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤊꤣꤧ꤬ꤓꤢꤪ꤬ꤟꤢꤩ ꤔꤢꤧ, “ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤥ꤬ꤔꤢꤩ꤬ ꤓꤥ꤭ꤟꤣꤧ ꤋꤢꤨ꤭ꤛꤢꤨꤘꤢ꤬ ꤘꤣ ꤢ꤬ ꤤ꤬ꤛꤢꤨ꤭ ꤕ꤫ꤢꤩ꤬ ꤢꤨ꤭ ꤊꤜꤢꤧ ꤚꤣꤧ꤬ ꤢ꤬ ꤔꤢꤪ꤭ꤕ꤫ꤢꤦ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤢꤪ꤭ꤟꤢꤩꤙꤢꤩ꤬ ꤋꤝꤤꤘꤢ꤬ꤠꤤ꤬ ꤔꤢꤧ ꤜꤢꤨ꤭ꤚꤤ꤬ꤜꤢꤨ꤭ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤒꤥ꤭ꤙꤢꤩ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤔꤢꤧ꤭ ꤖꤢꤧ꤯ အခန်းကိုကြည့်ပါ။ |
เพรโด่แนพู๊ เต๊เห่ 1:16
38 ပူးပေါင်းရင်းမြစ်များ
เบ๊อะแบ่เจ่ เหย่ซู่ เฮ๊เบ่ ปาแพ๊ เบ๊อะเนอ, คูยูดาส เด๊อ อา โอ่เต่อเกอ ลู โคเจ่ เช๊อซิเนอ อาเกล เออเตเพรเนอ, อา แฮโต่ เบ๊อะเนอ. เร๊อ อาแฮเต่อ เกอเร๊อ อู ตูปลูเต๊เผ่ เจ๊อ เร๊อ เหย่ซี พย๊าแฮหนิ แลแค อิมือ, อิปอ เร๊อ เน๊ เต๊เห่. แกแย เออเต๊เห่ เนอหม่า หม่าแพ๊ เพรหลู่แต ทวาดุทวาเต เต๊เห่ เร๊อ แกแยยิว ทวาดุทวาเต เต๊เห่ ปลวาแฮ เหย่ซี เนอแพ๊.
เบ๊อะแบ่เจ่ เหย่ซู่ เฮ๊เบ่ ปาแพ๊ เบ๊อะเนอ, คูยูดาส เด๊อ อา โอ่เต่อเกอ เร๊อ ลู โคเจ่ เช๊อซิเนอ. อาเกล เออเนอเตเพรเนอ, อา แฮโต่ เบ๊อะเนอ. เร๊อ แกแย กอครวา แฮโหร่แฮเอ๊ เกอ แหน่เจ๊อ เร๊อ ลู. แกแย เออเนอเต๊เห่เนอ อา พย๊าแฮหนิ แลแค เน๊เต๊เห่, อิมือเต๊เห่. เหย่ซี เออเต๊เห่ เนอหมา หม่าแพ๊ แกแย ทวาดุทวาเต เนอเต๊เห่ เร๊อ เพรอิซว๊า เตซว๊าเตแส่ อาซ๊าร๊า เนอเต๊เห่ เนอ ยู๊ดาสพู๊ ทวาดุทวาเต เนอเต๊เห่ นอแฮ ลู เนอเต๊เห่ แพ๊.
เบ๊อะแว โอ่เต่อเกอ เร๊อ เหย่ซี เบ๊อะเนอ, แว ตอกอเตเกบี๊ เกอเร๊อ เหย่ซี เฮ๊อ, แว โอ่ป่อ แม๊ตู่หนิ เหย่ซี เร๊อ มุย เด๊อ เน เด๊อะ แว เนอ เฮ๊อ. อา โอ่เหม่แก เร๊อ เตเพร่ว โต่. แซ่ฮู๊ ลีเทส่อพ๊า เก่ เล๊อบาแฮ อาเงเนอ, อา โอ่เหม่แก ตือแพ๊ แกแย เนอเตเพร เด๊อ อู แด่ หนื่ออื่อ แหน่เฮ๊อ อา เด๊อ อา เก่ ปย๊าแหน่ ปา เนอเตเพร ตื้อดื่อ แพ๊.”
เบ๊อะอู แด๊แถ่โทเฮ๊อ คูโมเสส อาลี เตซว๊าเตแส่ เร๊อ ลี เด๊อ เพรโพร ราหนื่ออื่อ เนอเต๊เห่ เบ๊อะเนอ, เตจ๊อเบโฮ กู่กล๊อ เต๊เห่ นอจว๊าแด๊เฮอ แกแย เตเพร เร๊อ เหย่ซี เร๊อ อา เฮ๊ เหย่ซี เน๊อ, “โป่แหว่ ซี๋, ซี เหล่เด๊อะอ๊าเด๊อะเหร่ แกแย เบ๊หมู่ เออเต๊เห่ เก่ โอ่ ตือมือมือ เฮ๊เรอ, เป ซิ๊หยื่อ นอเด๊อะอ๊าเด๊อเหร่ ซี.”
เหย่ซี เฮ๊เบ่โด่แน แคลู เร๊อ อางยา กู๊ลาเฮ๊อ เนอ คูเปโตร ก๊อถ่อ เฮ๊ เหย่ซี เน๊อ, “แว โป่แหว่ ซี๋, แซ่ฮู๊ แว เก่ แด๊โฉ่โด่แน เป่เกอ แกแยยิวพู๊ หม่าโต่ เต๊เห่ เร๊อ เตซิครือมีลา, โท๊โต่ แซ่ฮู๊ เหย่ซี เก่ หนิโฮ เกอ เร๊อ หยื่อเอ่แลแค เหย่ซู่ อาเงเนอ, จอแปแหร่ นว๊าแถ่ อางยาลาเฮ๊อ แว เด๊อ ซีเกล เนอหม่า ซี ซิเง ดื่อ เฮ๊อ.
เบ๊อะคูเปาโล แม๊เถอะ เร๊อ แกแย โอ่เบ๊อะเนอ เต๊เห่ หม่า เต๊เห่เห่เร๊อ สะดูสีพู๊, เต๊เห่เห่เร๊อ ฟาริสีพู๊ อาขว่าอาคยา, อา เอ๊โทแถ่โล เป่ แกแยยิวพู๊ เด๊อ อา ทวา กู่กล๊อ เต๊เห่ เน๊อ, “แว โป่แหว่ ซี๋, แว หม่า ฟาริสีพู๊ เตเพร. แว หม่า ฟาริสีพู๊ เต๊เห่ อา พู๊เพรคู หม่า อาหม่าหม่า. แว แม๊ชือ เร๊อ แกแย เด๊อ อา เซอ เต๊เห่เนอ, อา เก่ ก๊อถ่อเซอเพร กาคยา คยาแซ๊ ปา อาขว่าอาคยาเร๊อ, ซี ทื๊อเจ แว.”
โซเซ บาเฮ๊อเนอ, คูเปาโล เอ๊ปล๊อหนิ แกแยยิวพู๊ เด๊อ อา ทวา อากู่กล๊อทวาดุ เบ๊อะวีโรม เนอเต๊เห่. เบ๊อะเหย่ซี แฮโต่ ลอเฮ๊อ เบ๊อะเนอ, อา เฮ๊ เหย่ซี เน๊อ, “แว โป่แหว่ ซี๋, เตเม โตโมเต๊เก่ฉื่อ เป เมวเจอะ เต๊เห่ เบ่เบ่, หม่าโต่เรอ เต เด๊อ อา โค๊เล๊อ เร๊อ เป เหล่โกลเหล่แบ่ เด๊อ เป พย๊าหนิ เด๊อ เป โหมะเพเพอโพ เด๋อ งย๊าเค เต๊เห่ อา โอ่ เนอ เบ่เบ่, แว เมน๊อ เร๊อ เตอเจ๋อ โต่. หม่าแน๊เรอ อู ปื่อ แว เด๊อ วีเยรูซาเล็ม อากู เร๊อ อู เด๊อะตาแก แว เด๊อ โรมัน เต๊เห่ อา กู๊ยากู.
ครี๊ อา แหย่โยบูโพ๊ โอ่ เด๊อ เพรโพร เต๊เห่ อา ซิปล่อกู เร๊อ อา เฮ๊หนื่ออื่อ เร๊อ ครี๊ อาหรี่อาแก เร๊อ อา เก่ ข่าเบ่เหร่อ เตจาเตจือ เต๊เห่ ปา. โทเร๊อ เตเตอเรอดุเตอเรอทู เต๊เห่ เก่ แฮเนอ เด๊อ คยา ปา, เหย่ซี แม๊ปู ซิเง แลแค เร๊อ ม๊อเนอ ตาโต ตาเบ่ เก่ เบ่ เบ๊อะเกเต ปา, โทเร๊อ อา เก่ เม อาเหน่ ฮู๊เต ปา ฮู๊เนอ.
ကြော်ငြာတွေ