เพรโด่แนพู๊ เต๊เห่ 1:14 - ลีเทส่อพ๊าอาเซ เร๊อ เห่ขุทวาลู๊

¹⁴ เหย่ซี เออเต๊เห่เนอ อา แฮ แม๊เถอะ ตาฉื่อ ตาปล๊อ โตโมโม เร๊อ เพรเหมาะ เด๊อ อาโรเต๊เห่ เร๊อ เหย่ซู่ อาโหมะ มารีย์ เร๊อ เหย่ซู่ อา โป่เพรคู เต๊เห่ เร๊อ เหย่ซี กุยจ๊อเบ โหร่ลอ ลู เบ๊อะเนอ.

Eastern Kayah Shadaw Dialect

¹⁴ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤧ꤭ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤒꤢ꤭ꤕꤜꤢꤪ ꤒꤣꤧ꤬ꤗꤥ꤭ꤗꤥ꤭ ꤔꤢꤧ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤗ꤫ꤥ꤬ ꤗ꤫ꤥ꤬ꤗꤢ꤬ꤚꤤ ꤔꤢꤧ ꤛꤢꤩ꤬ꤏꤛꤢꤨ ꤢ꤬ ꤕ꤫ꤥ꤬ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤛꤢꤩ꤬ꤞꤤ꤭ ꤊꤝꤤ꤭ꤡꤢꤪꤙꤢꤩ꤭ ꤚ꤫ꤥ꤬ꤜꤢꤪ꤭ ꤜꤢꤨ꤭ ꤙꤣꤧꤔꤣꤧ꤬꤯

เพรโด่แนพู๊ เต๊เห่ 1:14 ပူးပေါင်းရင်းမြစ်များ

เอเฟซัส 6:18

กุยจ๊อเบ จอแปแหร่ เร๊อ กุยซิยอ หนิ ลู เด๊อ อา เก่ เมจว่า ซี เตปว๋า เต๊อเจ่อ นี๋. กุยจ๊อเบ แลแค ฮู๊ แหย่โยบูโพ๊แบ่เจ่ ยูแกล๊ยูโกล ซี เนอ ปว๋า โตโพ๊ นี๋. เร๊อ เบ๊อะซี กุยจ๊อเบ ฮู๊เนอ อาเค, โอ่ส่าเซ เร๊อ รอหนิ แลแค ซีเหน่ นี๋. กุยจ๊อเบ หนิเป่ลอ ล๋อ จอแปแหร่ อาแกแย เนอเต๊เห่ ปว๋า โตโพ๊ นี๋.

เพรโด่แนพู๊ เต๊เห่ 6:4

เป เออเต๊เห่ เกอลาติ เร๊อ เป โตเบ่ เมบาม๊อเนอม๊อเซ เด๊อ เตกุยจ๊อเบ เร๊อ เหล่แด๊โฉ่โด่แน เป่ อู เร๊อ จอแปแหร่ อาลาอาโหง่ ตากยา.”

โคโลสี 4:2

กุยจ๊อเบ ฉาเผร่ แลแค จอแปแหร่ เร๊อ ซิเหน่ กุยจ๊อเบแถ่ ครือครือ อา นี๋. โอ่ส่าเซ แลแค, เร๊อ โอ่ แลแค เน๊อ เตเฮ๊บุ๊ยเฮ๊เตอเรอ แถ่ อา นี๋.

เพรโด่แนพู๊ เต๊เห่ 2:42

เหย่ซี พย๊าหนิ แลแค ม๊อเนอม๊อเซ เด๊อ อา เบ่ อิซว๊า ซิเงแถ่หนิ เกอ อาเหน่ เด๊อ เพรโด่แนพู๊ เต๊เห่ อา โอ่, เร๊อ เหย่ซี แบ๊ซว๊าแบ๊โคหนิ ลู, เอ่โอ โหร่ลู เร๊อ กุยจ๊อเบ โหร่ลู.

ꤚꤥꤗꤢꤩ꤬ 12:12

ซี เตแม๊ชือ เด๊อ จอแปแหร่ ตี๊หรี่แตแร เป่ ซีเง เออเต๊เห่เนอ, ซิครือซิลอ แลแค นี๋. เบ๊อะเตแป่เตเช แฮเบ่ ซี เบ๊อะเนอ, แด่ทูซิปล่อ แลแค, กุยจ๊อเบ แลแค ปว๋า โพ๊ นี๋.

ꤜꤢꤨꤊꤢ꤬ 18:1

โทเรอ เหย่ซู่ ซิหยื่อ เร๊อ อา โคเจ่ เต๊เห่ เก่ กุยจ๊อเบ แลแค ปว๋า โตโพ๊. เร๊อ เหย่ซี เก่ ซิปล่อปย๊า แต่ ตีกี๋ แต่เหม่ เนอเรอ, อา แด๊ค๊าโข่ เป่ อา โคเจ่ เต๊เห่ เน๊อ โหง่ ตือมือ.

มัทธิว 21:22

ซี เก่ หยื่อเอ่ เนอ, ซี กุยเต เด๊อ เพ จอแปแหร่ อา โอ่ อิเตเต๋ เบ่เบ่ ซี พย๊าหนิ ปา.”

เพรโด่แนพู๊ เต๊เห่ 2:1

เบ๊อะม๊อเนอ เด๊อ อู เฮ๊ เร๊อ เพ็นเทคอสต์ แฮโต่เฮ๊อ เบ๊อะเนออาเค, เหย่ซี ล๋อ ปลี แฮ โอ่ปล๊อโอ่ปลู โหร่ลอ ลู เด๊อ เหล่โอ่ โต๊โผ่โต.

ꤜꤢꤨꤊꤢ꤬ 11:13

ซี หม่า แกแย เด๊อ อา จามู๊แหม่ เต๊เห่แพ๊ ตื๊อดื่อเรอ ซี ซิเง เด๊อะเอ่ ซีพู๊ซีเลอ เต๊เห่ เร๊อ เตเด๊อ อาแร๊ เต๊เห่ เจ๊อ เก่เฮ๊เรอ, เตเนแม๊มอ แลแค ซีเพ เด๊อ ม๊อขุ เออเตเพรเนอ, อา เก่ เด๊อ หม่าแหน่ เป่ เจ๊อ แกแย เด๊อ อา กุยแถ่ ลู แหย่โยบูโพ๊แบ่เจ่ เออเนอ ปา.”

เพรโด่แนพู๊ เต๊เห่ 2:46

เหย่ซี จว๊า โอ่กู๊ โร๊ลู เด๊อ เต หลู่แตโฮ ปว๋า เตอเนอ เร๊อ เหย่ซี ซิปล่อฉว่า เด๊อะเอ่เด๊อะโอ เป่ ลู เตเพร เร๊อ เตเพร. เร๊อ ซิครือซิลอ เอ่โหร่โอโหร่ลู เด๊อ เหย่ซี อาหี่ด๊อหี่แพ อากู.

ꤜꤢꤨꤊꤢ꤬ 24:53

โทเรอ เหย่ซี โอ่ เด๊อเตหลู่แตโฮกู ปว๋า โตโพ๊ เร๊อ ถู่เซ๊ เฮ๊บุ๊ยเฮ๊เตอเรอแถ่ จอแปแหร่ เบ๊อะเนอ.

มัทธิว 12:46

เบ๊อะแบ่เจ่ เหย่ซู่ เฮ๊เบ่เฮ๊ชอ เร๊อ แกแย เบ๊หมู่ เบ๊อะเนอ, อาโหมะ เร๊อ อา โป่เพรคู เต๊เห่ แฮ ก๊อถ่อ โอ่ป่อ โอ่ ลู เด๊อ อากลอ เร๊อ อา ซิหยื่อ แม๊เถอะ เฮ๊เบ่ ลู.

ꤜꤢꤨꤊꤢ꤬ 24:10

เพรเหมาะ เออเต๊เห่ หม่า หม่าเฮ๊อ แกแย มักดาลา ดอกูโหมะ เหมาะมารีย์, โหมะโยอันนา เร๊อ คูยากอบ อาโหมะ โหมะมารีย์ ซีเนอ เต๊เห่ เฮ๊อ. เหย่ซี เออเต๊เห่ เร๊อ เพรเหมาะ เด๊อ อาโร เต๊เห่ แด๊โฉ่โล เป่ เพรโด่แนพู๊ เต๊เห่ เร๊อ เตทวาแถ่ เออเต๊เห่.

ꤜꤢꤨꤊꤢ꤬ 23:55

เพรเหมาะ โอ่ เด๊อ กาลิลีเก่ เหร่อ อา อาแฮเกอ เหย่ซู่ อาคยา เออ เต๊เห่เนอ, อา ครวาแฮเกอ เร๊อ คูโยเซฟ เร๊อ อา แม๊โตหม่า หนิแก อู เหล่แด่โน เหย่ซู่ อาเหล่โอ่ เออโต๊โผ่.

ꤜꤢꤨꤊꤢ꤬ 23:49

ล๋อ แกแย เด๊อ อา ซิเง เหย่ซู่ เต๊เห่ เร๊อ เพรเหมาะ เด๊อ อา โอ่ เด๊อกาลิลี เก่กู เร๊อ อา ครวา แฮเกอ ลู เต๊เห่เนอ, อา จว๊า ก๊อถ่อโอ่ โลตาพายา เร๊อ อา แม๊ แลแค ล๋อ อา ทวาแถ่ เออเต๊เห่.

ꤗꤢ꤬ꤊꤢꤨ 16:1

เบ๊อะแกแยยิวพู๊ อา ม๊อเนอโด่ ตาลว๊าแก โท เนอโตโรเนอ, ดอ มักดาลา เหมาะมารีย์, คูยากอบ อาโหมะ โหมะมารีย์ เร๊อ เหมาะสะโลเม พรีหนิ เทอ โนมื๊อ เร๊อ อา เตเร จว๊าโปล่ แลแค เร๊อ แบ่เจ่ เหย่ซู่โล.

ꤗꤢ꤬ꤊꤢꤨ 15:40

เพรเหมาะ เด๊อ อา ก๊อถ่อโอ่ แม๊จว๊าจู เด๊อ อายา เออเต๊เห่ อาเกลเนอ, มักดาลา ดอกูโหมะ เหมาะมารีย์, เร๊อ คูยากอบ เด๊อ อา พู๊เจ่เล๊อ เร๊อ คูโยเสส อาโหมะ โหมะมารีย์, เร๊อ เหมาะสะโลเม โอ่เตอเกอ เบ๊อะเนอ.

มัทธิว 27:55

เพรเหมาะ เด๊อ อา โอ่ป่อ แม๊จว๊าจู เด๊อ อายา เต๊เห่ โอ่โหร่โอ่เอ๊ กู๊ลา เบ๊อะเนอ. เพร เหมาะ เนอเต๊เห่ หม่า อาโอ่ เด๊อ กาลิลีเก่ เรอ ครวา เกอ เร๊อ เหย่ซู่. เร๊อ เหย่ซี เออ เต๊เห่ หม่าเพรเหมาะ เด๊อ อา แม๊ตู่ เมจว่าหนิ เหย่ซู่ เต๊เห่ เฮ๊อ.

ꤜꤢꤨꤊꤢ꤬ 24:33

โตโพ๊โต เหย่ซี ก๊อถ่อกา เด๊อ วีเยรูซาเล็ม. เร๊อ เหย่ซี กาแม๊เถอะ เร๊อ เพรโด่แนพู๊ เต๊เห่ เช๊อเตเพร เร๊อ อูโร เต๊เห่ โอ่ปล๊อ เต่อลอ ลู เบ๊อะเนอ.

ꤜꤢꤨꤊꤢ꤬ 8:20

แกแย เต๊เห่ เฮ๊ ลู เน๊อ, “เนโหมะ เร๊อ เน โป่เพรคู เต๊เห่ แฮก๊อถ่อ โอ่ป่อ เน เด๊อ อากลอเนอ. เหย่ซี ซิหยื่อ แม๊เถอะ เร๊อ เน เฮ๊เนอ.”

โครินธ์ อาเหร่อเล๊อ ต๊าบ่า 14:13

ฮู๊เนอเรอ แกแย เด๊อ อา เฮ๊เบ่แจ่ โหง่โค๊ลอลู เออเตเพรเนอ, อา โตเบ่ กุย จอแปแหร่ เร๊อ อา เก่ เด๊อะ ลู เตแจ่เตลีแม เด๊อ อา เก่ แด๊โฉ่โปล กาคยา เป่ คยา อู เร๊อ อา เตเฮ๊เบ่ เต๊เห่.