เพรโด่แนพู๊ เต๊เห่ 1:13 - ลีเทส่อพ๊าอาเซ เร๊อ เห่ขุทวาลู๊

¹³ เหย่ซี กาโต่ เด๊อ วีเยรูซาเล็ม อากู เร๊อ อา จว๊าแถ่โน เด๊อ หี่ เด๊อ เหย่ซี เหล่จว๊าโอ่โก๊ เกอเร๊อ แตแปล๊เตอเปลอ เออเนอเตเม เด๊อ อาขุเนอ โต๊โต่. เร๊อ เหย่ซี เออเต๊เห่หม่า แคร๋ อูเป เฮ๊เร๊อ คูเปโตร, คูยอห์น, คูยากอบ, คูอันดรูว์, เร๊อ คูฟีลิป, คูโธมัส, คูบารโธโลมิว, คูมัทธิว, คูอัลเฟอัส อาพู๊เพรคู คูยากอบ, คูซีโมน เด๊อ อา โม เกอเร๊อ อาเทออาเก่ เออเตเพร เน๊อ เพยากอบ อาพู๊เพรคู คูยูดาส ซีเต๊เห่ แพ๊.

Eastern Kayah Shadaw Dialect

¹³ ꤛꤢꤩ꤬ꤞꤤ꤭ ꤊꤢ꤬ꤒ꤫ꤥ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤡꤝꤢꤓꤢꤧ꤬ꤔꤥ꤭ ꤘꤣ ꤟꤤ꤬ ꤘꤣ ꤛꤢꤩ꤬ꤞꤤ꤭ ꤜ꤫ꤢꤩ꤬ꤡꤝꤢꤥ꤬ꤊꤥ ꤚꤣꤧꤘꤢꤦ꤬ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤣꤧ꤭ꤔꤣꤧ꤬ꤒꤣ꤬ꤗꤢꤩ꤭ ꤘꤣ ꤢ꤬ꤋꤢꤨ꤬ꤔꤣꤧ꤬ ꤒꤣ꤬ꤒ꤫ꤥ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤗꤢ꤬ ꤋꤚꤢꤧ꤮ ꤢꤨ꤭ꤕꤢꤩ꤭ ꤟꤢꤩꤚꤣꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ, ꤋꤢꤨ꤭ꤛꤥ꤭ꤟꤢ꤬, ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬, ꤋꤢꤨ꤭ꤢꤧ꤬ꤘꤚꤢꤨ, ꤋꤢꤨ꤭ꤖꤤꤜꤤ꤬ꤕꤢꤨ꤬, ꤋꤢꤨ꤭ꤞꤥꤗꤢ, ꤋꤢꤨ꤭ꤙꤢ꤬ꤞꤢꤪ꤬ꤜꤢꤪꤗꤢꤧ, ꤋꤢꤨ꤭ꤗꤢꤞꤢꤧ, ꤖꤢꤩ꤭ꤢ꤬ꤜꤢ꤬ꤖꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬, ꤋꤢꤨ꤭ꤏꤛꤤꤗꤥ꤬ ꤘꤣ ꤢ꤬ ꤗꤥ꤬ ꤚꤣꤧꤘꤢꤦ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤖꤢꤩ꤭ꤡꤛꤢꤩ꤭ꤗꤢ꤬ꤎꤣ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤛꤢꤨꤘꤢ꤬ ꤞꤤ꤭ꤒꤣꤧ꤬ꤟꤢꤩ꤬ ꤖꤢꤧ꤯

เพรโด่แนพู๊ เต๊เห่ 1:13 ပူးပေါင်းရင်းမြစ်များ

เพรโด่แนพู๊ เต๊เห่ 20:8

หี่ด๊อกู เด๊อ อาขุโต๊โต่ เบ๊อะเป เหล่โอ่กู๊เต่อ ลู อาเหล่โอ่ เนอ, อู ชีลี เอ๊ลา หมิ.

ꤜꤢꤨꤊꤢ꤬ 22:12

โทปาเรอ อา เก่ ยูโล ซี หี่ด๊อกู เหล่โอ่แตแกล เด๊อ อาขุ เนอโต๊โต่ เด๊อ อา โอ่เล๊อโอ่บา เจ๊อ เร๊อ ตาหมื่อตาเต เด๊อ เป โหล่ เนอเต๊เห่ เจ๊อ ปา. เร๊อ โอ่แก แลแค เบ๊อะเนอ เร๊อ ตี๊หรี่แตแร เป่ แลแค เป เหล่เอ่เหล่โอ เบ๊อะเนอ นี๋.”

ꤗꤢ꤬ꤊꤢꤨ 14:15

โทปาเรอ อา เก่ ยูโล ซี หี่ด๊อกู เหล่โอ่เนอ เด๊อ อาขุ เนอโต๊โต่ เด๊อ อา โอ่เล๊อโอ่บา เจ๊อ เร๊อ ตาหมื่อตาเต เด๊อ เป โหล่ เนอเต๊เห่ เจ๊อ ปา. เร๊อ โอ่แก แลแค เบ๊อะเนอ เร๊อ ตี๊หรี่แตแร เป่ แลแค เป เหล่เอ่เหล่โอ เบ๊อะเนอ นี๋.”

ꤗꤢ꤬ꤊꤢꤨ 2:14

เบ๊อะอา จว๊า เบ๊อะเนอ, อา แม๊เถอะ เพอัลเฟอัส อาพู๊ คูเลวี. อา หม่า เพรกวา อาหมู่อาร๊า เตเพร. อา แม๊เถอะ อา โอ่แนโอ่ เด๊อ เหล่กวา อาหมู่อาร๊า อาหี่กู เร๊อ แบ่เจ่ เหย่ซู่ เฮ๊ ลู เน๊อ, “ครอครวา เกอแว,” เร๊อ คูเลวี ก๊อถ่อ ครวาจว๊าเกอ ลูคยา.

ꤡꤛꤢꤩ꤭ꤗꤢ꤬ꤎꤣ꤬ 1:1

แว หม่า คูยากอบ, แว ทวา จอแปแหร่ เร๊อ แบ่เจ่ เหย่ซู่ครี๊ อาหลู่ เตเพร. แว เฮ๊โมเฮ๊แร๊ จว๊า เป่ จอแปแหร่ อาแกแย กลุยแล เช๊อเนอโหมะ เด๊อ อา จว๊าโอ่ปีชี แลแค เด๊อ เหล่โอ่ ปว๋า โต๊โผ่ เต๊เห่ อาโอ่.

เพรโด่แนพู๊ เต๊เห่ 12:17

คูเปโตร ซิหยื่อ นอโส่โส๋ โอ่ เหย่ซี เร๊อ อา วื๊อแหว่โล เป่ เหย่ซี เร๊อ อากู๊ขุ. เร๊อ อา แด๊โฉ่ เป่ เหย่ซี เน๊อ แบ่เจ่ จอแปแหร่ เมแลเปล๊เถ่ แคร๋ อา เด๊อ ทอกู ฮู๊เต อาหรี่อาแก. เร๊อ อา เฮ๊ เน๊อ, “แด๊โฉ่ เป่เกอ คูยากอบ เร๊อ ล๋อ เพรหยื่อเอ่พู๊ เด๊อ อาโร เนอเต๊เห่ เร๊อ เตหรี่เตแก เออเนอ นี๋,” คูเปโตร เฮ๊โฉ่แก เป่ เหย่ซี ฮู๊เนอ เร๊อ อา เถ่จว๊าแก เด๊อ อาโร โต๊โผ่.

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

ꤛꤢꤨꤘꤢ꤬ 1:1

แว หม่า คูยากอบ อาโป่ คูยูดาส, โท๊โต่ แว หม่า เหย่ซู่ครี๊ อาหลู่ เตเพร. แว ซิหยื่อ ราจว๊าเป่ แกแย เด๊อ เพ จอแปแหร่ เอ๊ เหย่ซี เร๊อ อา โม เกอเร๊อ เหย่ซี. โท๊โต่ เหย่ซู่ครี๊ โอ่ป่อ โฮ๊บี๊เตเก เกอเร๊อ เหย่ซี เนอเต๊เห่ อา โอ่.

ꤊꤢ꤬ꤜꤢ꤬ꤒꤤ 2:9

คูยากอบ เร๊อ คูเปโตร เร๊อ คูยอห์น เด๊อ อู แด่ เฮ๊อ เหย่ซี เร๊อ ทวาดุทวาเต เออเต๊เห่เนอ, อา ซิเงโปล แลแค เร๊อ เตบุ๊ยเตเตอเรอ เออเนอหมา จอแปแหร่ เด๊อะ แว แพ๊, อา แม๊เถอะ แลแค ฮู๊เนอ. เด๊อ เตเออ อาขว่าอาคยา, เหย่ซี แม๊เถอะ เร๊อ คูบารนาบัส เน๊อ แว เนอหม่า เพรเมโหร่ลูเต เร๊อ เหย่ซี ฮู๊เนอ แพ๊. เหย่ซี ซิปล่อฉู่โต ฉู่เทอฉู่เบ่ เฮ๊อ เร๊อ เป่ เก่ แรเต เด๊อ แกแยยิวพู๊ หม่าโต่ เต๊เห่ อาเกลเฮ๊อ. เหย่ซี เร๊อ อา เก่ เม เกอลาติ เด๊อ แกแยยิวพู๊ เต๊เห่ อาเกล ฮู๊เนอ แพ๊.

ꤊꤢ꤬ꤜꤢ꤬ꤒꤤ 1:19

แว แม๊เถอะ เพรโด่แน เด๊อ อาโร เตเพร่ว โต่. แว แม๊เถอะ ตื๊อแพ๊ แบ่เจ่ อาโป่ คูยากอบ แพ๊.

เพรโด่แนพู๊ เต๊เห่ 15:13

เบ๊อะเหย่ซี เฮ๊เบ่โท เบ๊อะเนอ, คูยากอบ เฮ๊ เน๊อ, “โป่แหว่ ซี๋, หนิดา แลแค แว แด๊โฉ่โล เป่ ซี,

เพรโด่แนพู๊ เต๊เห่ 4:19

หม่าแน๊เรอ คูเปโตร เร๊อ คูยอห์น เฮ๊ฉื่อ เหย่ซี เน๊อ, “หม่า เป โตเบ่ หนิดา ซีโหง่ แอ? หม่าโต่เรอ เป โตเบ่ หนิดา จอแปแหร่ อาโหง่ แอ? เนอ, เตเนแล เกอเร๊อ แลแค ซีเหน่ เด๊อ จอแปแหร่ อา เป๊เส่เง เนอ.

เพรโด่แนพู๊ เต๊เห่ 4:13

แกแยยิวพู๊ เด๊อ อา ทวาดุทวาเต เต๊เห่เนอ, อา แม๊เถอะ เร๊อ คูเปโตร เร๊อ คูยอห์น ซิปล่อคือเฮ๊บื่อ เร๊อ อา ซิเง เร๊อ เหย่ซี หม่า แกแย แจ่ลีแจ่ลา หม่าโต่ โท๊โต่ เหย่ซี หม่า แกแย แจ่ลีแจ่ลาโต่ เต๊เห่ อาขว่าอาคยา, อา คย๊ายื๊อ แลแค เจ๊อ. โท๊โต่ เหย่ซี ซิเง โป่ เร๊อ คูเปโตร เร๊อ คูยอห์น หม่า แกแย เด๊อ อา ครวาแบ๊ซว๊า เกอ เร๊อ เหย่ซู่ เต๊เห่.

เพรโด่แนพู๊ เต๊เห่ 2:14

โทเร๊อ คูเปโตร เด๊อ อา ก๊อถ่อโอ่ เต่อเกอ เร๊อ เพรโด่แนพู๊ เต๊เห่ เช๊อเตเพร เออเตเพรเนอ, อา เอ๊โท เฮ๊เบ่ ฉว่า เป่ อู เน๊อ, “โป่แหว่ แกแยยิวพู๊ เร๊อ แกแย อาโอ่ เด๊อ วีเยรูซาเล็ม อากู ล๋อ ปลี ซี๋, หนิดา แลแค! แว เก่ แด๊โฉ่ เป่ ซี เตทวาแถ่ เออ อาโหง่แลช๊า.

ꤛꤥ꤭ꤟꤢ꤬ 21:2

คูซีโมน เปโตร, คูโธมัส เด๊อ อู เอ๊โป่ ลูมูย เร๊อ คูดิดุโมส, เร๊อ กาลิลีเก่ วีคานาพู๊ คูนาธานาเอล เร๊อ เพเศเบดี อาพู๊เพรคู ซิเนอ เร๊อ เหย่ซู่ อา โคเจ่ เด๊อ อาโร ซิเนอ จว๊า โอ่ปล๊อ โหร่ลอ ลู.

ꤛꤥ꤭ꤟꤢ꤬ 18:17

เพรเหมาะพู๊ โอ่ป่อ กู่ดา เออเตเพร เฮ๊ คูเปโตร เน๊อ, “เน หม่า เน โอ่เต่อเกอ เด๊อ เหย่ซู่ เฮ๊เนอ เตเพร อา โคเจ่ เนอเต๊เห่ อาเกล เตเพร เฮ๊อ, แวเฮ๊โต่?” เร๊อ อา เฮ๊ฉื่อ ลู เน๊อ, “แว หม่าโต่.”

ꤛꤥ꤭ꤟꤢ꤬ 11:16

คูโธมัส เด๊อ อู เอ๊โป่อามุย เร๊อ คูดิดุโมส. เออเตเพร เฮ๊ เหย่ซู่ อา โคเจ่ เต๊เห่ เน๊อ, “เป จว๊าเซอ เต่อเกอ เร๊อ เป แบ่เจ่ โป๊!” อา เฮ๊ ฮู๊เนอ.

ꤗꤢ꤬ꤊꤢꤨ 14:33

เร๊อ อา เอ๊ครวาหนิ คูเปโตร, คูยากอบ เร๊อ คูยอห์น เด๊อ อา เก่ จว๊า เต่อเกอ เร๊อ ลู. เร๊อ เหย่ซู่ เป๊อแถ่ เบ่ยอเบ่สี่ เบ่กู่เบ่แก แหน่เจ๊อ.

ꤗꤢ꤬ꤊꤢꤨ 9:2

ม๊อเนอ โซซว๊า บาโทเฮ๊อเนอ แบ่เจ่ เหย่ซู่ เอ๊หนิ คูเปโตร, คูยากอบ เร๊อ อาโป่ คูยอห์น เร๊อ อา จว๊าแถ่ เด๊อ โฉ่แถ่โล เตเม อาลู, เบ๊อะอา โอ่ ตื๊อดื่อ เร๊อ เหย่ซี เบ๊อะเนอ, จอแปแหร่ ถู่แหล่แต๊แกละ โค๊แก แบ่เจ่ เหย่ซู่ อาเหน่กล่อ เด๊อ เหย่ซี เป๊เส่เง.

ꤗꤢ꤬ꤊꤢꤨ 5:37

โทเรอ อา เอ๊ครวาหนิ แพ๊ตื๊อ คูเปโตร, คูยากอบ เร๊อ อาโป่ คูยอห์น แพ๊ อา เอ๊หนิ แกแย เด๊อ อาโร เตเพร่ว โต่.

มัทธิว 9:9

เบ๊อะแบ่เจ่ เหย่ซู่ เถ่จว๊าแก เบ๊อะเนอ, อา แม๊เถอะ แกแย เตเพร อามุย เร๊อ คูมัทธิว โอ่แนโอ่ แรเต เด๊อ เหล่กุย อาหมู่อาร๊า หี่กู. แบ่เจ่ เหย่ซู่ เฮ๊ ลู เน๊อ, “จว๋า, ครวาเกอ แวคยา เร๊อ ทวาเกอ แว โคเจ่.” เร๊อ คูมัทธิว ก๊อถ่อจว๊า เร๊อ ครวาเกอ ลูคยา.

ยอห์น เนอบ่า ต๊าบ่า 1:1

แว หม่า โหมะพรูโหมะเผร่ เด๊อ อา ทวา ทวาดุทวาเต เตเพร เร๊อ แว ราจว๊าเป่ ลีเออ เด๊อ โหมะ เด๊อ จอแปแหร่ นว๊าแถ่ อา เออเนอ เตเพร เร๊อ อาพู๊ ซีเต๊เห่ อา โอ่. ซี หม่า แกแย เด๊อ แว โมเร๊อ หม่าแหน่ เจ๊อ เต๊เห่. แว เตเพร โม ตื๊อดื่อ ซี เนอ หม่าโต่, แกแย เด๊อ อา ซิเง เตหมะเตจ๊อ ปว๋า เตเพร เต๊เห่ โมเร๊อ เกอดื่อ ซีซี.

โครินธ์ อาเหร่อเล๊อ ต๊าบ่า 15:7

โทเรอ อา โอ่โลแถ่ เป่โท คูยากอบ เร๊อ อา จว๊า โอ่โลแถ่ เป่ลาติ ล๋อ เพรโด่แนพู๊ เต๊เห่ เนอเต๊เห่.

ꤛꤥ꤭ꤟꤢ꤬ 14:22

เออโตโพ๊เรอ คูยูดาส (คูยูดาส อิสคาริโอท หม่าโต่) เฮ๊ เน๊อ, “แบ่เจ่, เน ซิหยื่อ เด๊อะโล เป่ เป เร๊อ เนเหน่ ตื๊อดื่อเรอ หม่าเมเตเร๊อ เน เด๊อะโล โต่เป่เกอ แกแย เห่ขุพู๊ เต๊เห่ โต่ เมเต?”