เพรโด่แนพู๊ เต๊เห่ 1:11 - ลีเทส่อพ๊าอาเซ เร๊อ เห่ขุทวาลู๊

¹¹ เร๊อ อา เฮ๊ เหย่ซี เน๊อ, “แกแยกาลิลีพู๊ ซี๋ ซี จว๊า ก๊อถ่อโอ่ แม๊แถ่ แลแค เด๊อ ม๊อเล เบ๊อะเออ เมเต? เหย่ซู่ เด๊อ ซี แม๊เถอะ อู เอ๊กา กาแถ่แก อา เด๊อ ม๊อขุ เออเตเพรเนอ, อา เก่ ตากาแล แซ่ คยาแซ๊ ฮู๊ ซี แม๊เถอะ อา กากี๊แถ่ กู๊แหน่เออเนอ ปา.”

Eastern Kayah Shadaw Dialect

¹¹ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤊꤢꤧꤜꤢ꤬ꤜꤤ꤬ꤖꤢꤨ ꤞꤤ꤭꤮ ꤞꤤ꤭ ꤡꤝꤢ ꤊꤣꤧ꤬ꤓꤢꤪ꤬ꤥ꤬ ꤒ꤫ꤢꤨ꤬ꤓꤢꤧ꤬ ꤜꤢ꤭ꤋꤢꤧ꤭ ꤘꤣ ꤗꤢꤪꤜꤢꤩ꤭ ꤙꤣꤧꤣꤧ꤭ ꤗꤢꤩ꤬ꤒꤢꤩ꤭? ꤛꤢꤩ꤬ꤏꤛꤢꤨ ꤘꤣ ꤞꤤ꤭ ꤗꤢꤧꤓ꤫ꤣꤧ꤬ ꤢꤨ꤭ ꤢꤩꤊꤢ꤬ ꤊꤣꤧ꤬ꤓꤢꤧ꤬ꤊꤢꤧ꤭ ꤢ꤬ ꤘꤣ ꤗꤢꤪꤋꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ꤜꤢꤧ꤬ ꤞꤢꤧ ꤋꤛꤢ꤭ꤞꤢꤧ ꤟꤢꤨ ꤞꤤ꤭ ꤗꤢꤧꤓ꤫ꤣꤧ꤬ ꤢ꤬ ꤊꤢ꤬ꤊꤣꤧ꤬ꤓꤢꤧ꤬ ꤊꤢꤨꤔ꤫ꤢꤧ꤬ꤣꤧ꤭ꤔꤣꤧ꤬ ꤕꤢ꤭꤯”

เพรโด่แนพู๊ เต๊เห่ 1:11 ပူးပေါင်းရင်းမြစ်များ

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

มัทธิว 16:28

แว เฮ๊ หม่าแหน่ เจ๊อ ซี, แกแย เต๊เห่เห่ เด๊อ อา ก๊อถ่อโอ่ เบ๊อะซีเกลเออ เต๊เห่เห่เนอ, เบ๊อะเหย่ซี เซอแต่ล๋าย โต่ เนอ, เหย่ซี เก่ แม๊เถอะน๊อ แลแค แกแยเห่ขุ อาพู๊คู เก่ แฮ ฮู๊ คุ๊ย เตเพรเนอ อุ้ย ปา.”

มัทธิว 24:30

“เบ๊อะเนออาเค ปาเนอ, แกแยพู๊คู หม่าเฮ๊อ แวเออ อา เตแฮแล เมม๊าเมแด เก่โอ่โล แถ่ เด๊อ ม๊อเล ปา. โทเรอ ล๋อแกแย โอ่เด๊อ เก่ปว๋าเต๊เก่ เก่โหง่เก่เห่ ลอ ปา. เหย่ซี เก่ แม๊เถอะ แลแค แกแยพู๊คู หม่าเฮ๊อ แวเออ อา เก่ แถ่ แด๊ แฮหนิ อ๊อโหล่ เด๊อ ม๊อเล ปา. เร๊อ อา เก่ โอ่เล๊อบา เจ๊อ เร๊อ อา เตโพรเตเตอเรอ เร๊อ อา เตอเรอฉว่าชอ เต๊เห่ปา.

มัทธิว 25:31

“ช๊า แกแย อาพู๊คูเออ แฮ เร๊อ อาเตอเรอดุเตอเรอทู ปา, เร๊อ อาม๊อขุ เตเน่วพู๊ เต๊เห่ เก่ แฮ เต่อเกอ เน๊อ ลู เบ๊อะเนอ, อา เก่ โอ่แนโอ่ เด๊อ อา กู่แกล๊ แถ่โล เตเค อาขุ ปา.

ꤗꤢ꤬ꤊꤢꤨ 13:26

“โทเรอ เหย่ซี อา แม๊เถอะ แลแค แกแยพู๊คู หม่าเฮ๊อ แวเออ อา ตาแล เด๊อ อ๊อโหล่เกล เนอปา, เร๊อ อา เก่ โอ่เล๊อบา เจ๊อ เร๊อ อา โพรอาฉว่าอาชอ เร๊อ อา เตอเรอดุ เตอเรอทู เด๊อ อาฉว่าอาชอ เออเนอเต๊เห่ ปา.

ꤗꤢ꤬ꤊꤢꤨ 14:70

หม่าแน๊เรอ คูเปโตร เท๊บี๊ฉื่อ คยาแซ๊. โอ่คยาแซ๊ เด๊อคยา เตอเปลอฮู๊ เร๊อ แกแย ก๊อถ่อโอ่ ตีวี๊ตาวา ผื่อ เบ๊อะเนอ เต๊เห่ เฮ๊ คยาแซ๊ คูเปโตร เน๊อ, “เน โอ่เตอเกอ เด๊อ แกแย เนอตู๊หมู่ อาเกล หม่าแหน่ เจ๊อ, เมเตเฮ๊เรอ เน หม่า แกแยกาลิลีพู๊ แพ๊.”

ꤗꤢ꤬ꤊꤢꤨ 16:19

แบ่เจ่ เหย่ซู่ เฮ๊เบ่โท เร๊อ อา โคเจ่ เต๊เห่ เร๊อ จอแปแหร่ เอ๊กา กาแถ่แก ลู เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา.

ꤜꤢꤨꤊꤢ꤬ 21:27

โทเรอ เหย่ซี เก่ แม๊เถอะ แลแค แกแยพู๊คู หม่าเฮ๊อ แวเออ เก่ แฮแล เด๊อ อ๊อโหล่เกล ปา, เร๊อ แว เก่ โอ่เล๊อบา เจ๊อ เร๊อ แว เตโพรเตเตอเรอ เร๊อ แว เตเตอเรอดุ เตอเรอทู เร๊อ อาฉว่าอาชอ เออเนอเต๊เห่ ปา.

ꤜꤢꤨꤊꤢ꤬ 24:5

เพรเหมาะ เออเต๊เห่ ซิอิเช ตาลว๊าซิลือ เร๊อ อา แด๊งือแล เร๊อ งอตีกลี๊ ตาลอ อาเป๊เส่ เด๊อ เห่ขุ, เร๊อ แกแย เออซิเนอ เฮ๊ เหย่ซี เน๊อ, “ซี จว๊าแม๊ปู แกแย เซอเพร เด๊อ แกแย เซอ เต๊เห่ อาเกล เมเต?

ꤛꤥ꤭ꤟꤢ꤬ 14:3

แว จว๊า ตี๊หรี่แตแร เป่ โท ซี เหล่โอ่ โต๊โผ่ ปา เร๊อ แว กา คยาแซ๊ เด๊อ ซีโอ่ ปา. แซ่ฮู๊ ซี เก่ กา โอ่เต่อเกอ เร๊อ แว เบ๊อะแว เหล่กาโอ่ อาเหล่โอ่ เออปาเนอ, แว แฮ เอ๊กา คยาแซ๊ ดื่อ ซี ปา นี๋.

เพรโด่แนพู๊ เต๊เห่ 1:2

เบ๊อะอู เอ๊กา กาแถ่ แต่ล๋าย อา เด๊อ ม๊อขุ ล๋ายโต่ เนอ, เด๊อ แหย่โยบูโพ๊แบ่เจ่ อาขว่าอาคยา เร๊อ, อา เฮ๊แก อา เพรโด่แนพู๊ เต๊เห่ เด๊อ อา นว๊าแถ่ โทเฮ๊อ ลู เนอเต๊เห่ เร๊อ เหย่ซี เก่ เบ่ เมเต เต๊เห่ อาหรี่อาแก.

เพรโด่แนพู๊ เต๊เห่ 1:9

เหย่ซู่ เฮ๊เบ่ โทเร๊อ เบ๊อะอา โคเจ่ เต๊เห่ แม๊ตู่แถ่ อา เบ๊อะเนอ, จอแปแหร่ เอ๊กา กาแถ่แก ลู เด๊อ ม๊อขุ. อ๊อโหล่ ต๊าบ่า โกบี๊แก ลู เร๊อ เหย่ซี แม๊เถอะ ปา ลู โต่.

เพรโด่แนพู๊ เต๊เห่ 13:31

โทเรอ แบ่เจ่ เหย่ซู่ เออ อา เด๊อะโล ม๊อเนอม๊อเซ งยากู๋ เป่ลา ช๊าเหล่ อาเหน่ เร๊อ แกแย เด๊อ อา เป๊อแถ่ ครวาเกอ ลูคยา, เป๊อแถ่ เด๊อ กาลิลีเก่ โต่เด๊อ วีเยรูซาเล็ม เนอเต๊เห่. กู๊แหน่เรอ, เหย่ซี ทวาแถ่เฮ๊อ เพรข่าเฮ๊โล เด๊อ ลูเง เร๊อ อา จว๊า ข่าเฮ๊เด๊อะโล เป่เฮ๊อ อิสราเอลพู๊ เต๊เห่ เฮ๊อ.

เพรโด่แนพู๊ เต๊เห่ 2:7

เร๊อ เหย่ซี เฮ๊ เกอเร๊อ แคลู เน๊อ, “แกแย เด๊อ อา เฮ๊เบ่ เต เออเต๊เห่ เนอหม่า แกแยกาลิลีพู๊ แพ๊ แวเฮ๊เนอแต?

เพรโด่แนพู๊ เต๊เห่ 3:12

คูเปโตร แม๊เถอะ เหย่ซี เร๊อ อา เฮ๊ เหย่ซี เน๊อ, “แว โคแบ๊ซว๊า อิสราเอลพู๊ ซี๋, ซี จว๊า อาคย๊าอายื๊อ แลแค เตเม เออเต๊อเจ่อ อาเหล่ เมเต? ซี จว๊า แม๊โอ่แต่ โต่ ลอ เป เมเต? แกแย เออเตเพร จว๊าแจ่ เออเนอหมา ซี เตเน แลแค เน๊อ เป เม เป่ อา เน๊อ เปเตโพรเตเตอเรอ เนอ แอ? ซี เตเน แลแค เน๊อ หม่า แกแย บูโพ๊ เต๊เห่ อาขว่าอาคยา ฮู๊เนอ แอ?

เพรโด่แนพู๊ เต๊เห่ 3:21

ฮู๊ จอแปแหร่ เด๊อ ซิเงหนื่ออื่อ โทดื่อเฮ๊อ เน๊อ เพรโพร บูโพ๊ มู๋ หนู่เค เต๊เห่ เน๊อ เหย่ซู่ เออเนอ อา โตเบ่ โอ่ เด๊อ ม๊อขุ โต่เด๊อ แบ่เจ่ จอแปแหร่ เมเซ กาคยา ลอเฮ๊อ เตปว๋า เต๊อเจ่อ เบ๊อะเนอ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:10

โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:16

เมเตเฮ๊เรอ แบ่เจ่ อาเหน่แบ่เจ่ เร๊อดื่อ เก่ โอ่ เด๊อ ม๊อขุ เร๊อ แฮแล ปา. เร๊อ อา เก่ เอ๊โทตา อาโหง่ ตือมือ ปา. โทเรอ ม๊อขุเตเน่วพู๊ อา กู่กล๊อดุเล๊อ เตเพร เก่ เอ๊โท เฮ๊เบ่ตา ปา. โทเรอ อู เก่ หนิโฮ จอแปแหร่ อากวา พราแถ่ ปา เร๊อ แกแย เด๊อ อา หยื่อเอ่ ครี๊ เร๊อ อา เซอ โทเฮ๊อ เต๊เห่เนอ, อา เก่ ก๊อถ่อ กาเหร่อเล๊อ อู ปา.

ꤟꤤꤙꤚꤢꤨ 9:28

ฮู๊เนอเฮ๊อ แซ่ฮู๊ ครี๊ เก่ พย๊าจว๊า ตาพาแก ลอ แกแย โอ่โร๊ เต๊เห่ อาเตซื๊อ เต๊เห่เนอ เร๊อ อา ข่าเซอ แพ๊ โตโพ๊ แพ๊. อา แฮ คยาแซ๊ ปา หม่าแน๊เรอ อา เก่ แฮ พย๊าจว๊า ตาพาแก เป่ เป เตซื๊อ ปาเนอ หม่าโต่. อา เก่ แฮ เมแลเปล๊กา แกแย เด๊อ อา โอ่ป่อแม๊ชือ ลู เนอเต๊เห่ ปา แพ๊.

เตเด๊อะโลแถ่ 1:7

แม๊มอ แลแค, อา เตเร แฮเต่อเฮ๊อ เร๊อ อ๊อโหล่ เฮ๋อ. แกแย ปว๋า เตเพร เก่ แม๊เถอะ ลอ อา ปา. แกแย เด๊อ อา ชือเซอ ลู เนอเต๊เห่ เบ่เบ่, อา เก่ แม๊เถอะ ลู ปาปา. เมวเจอะ ปว๊า เตอเจ๊อ เด๊อ เห่ขุเออ เก่โหง่เก่เห่ ลอ เร๊อ อา อาขว่าอาคยา ปา. เต เก่ ทวาแถ่ หม่าแหน่ ฮู๊เออเนอ ป๋า อาเมน.