แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.
ทิโมธี เนอบ่า ต๊าบ่า 4:8 - ลีเทส่อพ๊าอาเซ เร๊อ เห่ขุทวาลู๊8 กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา. အခန်းကိုကြည့်ပါ။Eastern Kayah Shadaw Dialect8 ꤊꤢꤨꤔ꤫ꤢꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤘꤝꤢ ꤕ꤫ꤢꤩ꤬ꤟꤣꤧ ꤠꤢꤧ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ ꤊꤢꤨꤊ꤫ꤥ꤬ꤓꤢꤩ꤭ ꤘꤣ ꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬ꤟꤣꤧ꤯ ꤓꤥ꤭ꤚꤣꤧ꤬ ꤏꤢ꤮ ꤗ꤫ꤢꤪ꤬ꤔꤣꤧ꤭ ꤒꤣꤧ꤬ꤘꤢꤦ꤬ ꤕꤢ꤭ꤔꤣꤧ꤬, ꤖꤚꤢꤩ꤬ꤘꤣꤧꤡꤢ꤭ ꤡꤢꤪꤒꤢꤩ꤬ ꤢ꤬ ꤙꤢꤧ꤬ꤡꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤘꤣꤧꤜꤢꤧ꤬ ꤠꤢꤧ꤭ ꤕꤢ꤭ ꤒꤣꤧ꤬ꤘꤢꤦꤚꤣꤧ꤬ ꤣꤧ꤭ꤔꤣꤧ꤬ꤗꤢ꤬ ꤠꤢꤧ꤭ꤑꤢꤩ꤭ ꤒꤢꤦꤘꤢꤦ꤬ ꤗ꤫ꤢ꤬ꤒꤥ꤬꤯ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ꤊꤣꤧ꤭ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤟꤢꤧ꤭ ꤥ꤬ꤜꤥ꤭ꤓꤢꤧ꤬ ꤋꤛꤢ꤭ ꤕꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤗꤢ꤬ ꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤕꤢ꤭ꤕꤢ꤭꤯ အခန်းကိုကြည့်ပါ။ |
ทิโมธี เนอบ่า ต๊าบ่า 4:8
39 ပူးပေါင်းရင်းမြစ်များ
เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.
เมฮู๊เนอเรอ เด๊อ เตเออเต๊เห่ อาขว่าอาคยา, แว ข่าเบ่เฮ๊อ เตเออ เต๊เห่ เฮ๊อ. หม่าแน๊เรอ แว ซิเตเร โต่, เมเตเฮ๊เรอ, แว ซิเงเฮ๊อ เพร เด๊อ แว หยื่อเอ่ อา เออเตเพร เฮ๊อ. โทเรอ แว หยื่อเอ่เฮ๊อ เน๊อ เต เด๊อ อา เด๊อะแล เด๊อ แว กู๊ยากู เออเต๊เห่เนอ, อา เก่ โอ่ป่อหม่า หนิโต่เร๊อดื่อ เด๊อ ม๊อเนอ ตื๊อดื่อปา เนอเตอเนอ ปา.
ล๋อ แกแย เด๊อ อา แกล่ดี๊เจ เต๊เห่เนอ, อา เบ่ ค๊อเกอเร๊อ อาซิปล่อ, อา เบ่ อิซว๊าแล เกอเร๊อ แลแค อาซิปล่อ อา เตซิหยื่อซิลอ เต๊เห่. แซ่ฮู๊ อา เก่ พย๊าหนิ อู เก่ เมลีเมเตเค เหย่ซี เร๊อ กู๊โก่ เด๊อ อาโน๊ตากา, อาปย๊าอาแกแจ่ เออเต๊เห่ อาเงเนอ แพ๊ เร๊อ, อา ค๊อ เกอเร๊อ แลแค อาเหน่ ฮู๊เนอ. หม่าแน๊เรอ เป เด๊อ อา หยื่อเอ่ เหย่ซู่ครี๊ เต๊เห่เนอ, เป เก่ พย๊าหนิ อู เก่ เมลีเมเตเค เป เร๊อ กู๊โก่ เด๊อ อาโน๊ตากาแจ่ โต่ เต๊เห่ ปา.
โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.
ล๋อ เตแบ๊ตา เออเต๊เห่ โปโอเปเช ตื๊อดื่อ หม่าโต่, เป ล๋อ ปลีเออ เบ่เบ่, เป โปโอเปเช เต่อเกอ ลอ ดื่อแพ๊. เป เด๊อ อา พย๊าหนิ แหย่โยบูโพ๊ แบ่เจ่ หม่าเฮ๊อ จอแปแหร่ เด๊อะครา เชหยู่ เด๊อ อาเหร่อเล๊อ เออเต๊เห่เนอ เบ่เบ่, เป โปโอเปเช เกอดื่อ เด๊อ ซิปล่อกูกู. เป โอ่ป่อแม๊ชือ โปโอเปเช เกอดื่อเฮ๊อ จอแปแหร่ เน๊อ ช๋า อา เก่ แฮ อี๊เฮ๊อ เป เร๊อ อาพู๊ ปา เตอเนอ, เร๊อ ช๋า อา เก่ แฮเด๊อะเฮ๊อ เป เหน่กล่อ อาเซ ปา เออเนอเฮ๊อ.
ช๋า ม๊อเนอ เมจากาคยา ปา เตอเนอเนอ, แกแย แฮ เฮ๊ โลแถ่ โหร่เอ๊ ลาปาเนอ, ‘แบ่เจ๋ แบ่เจ่, เป แด๊โฉ่โด่แน เป่ อู แกแยเต๊เห่ เด๊อ แหย่โยบูโพ๊แบ่เจ่ นอแว แด๊โฉ่ เด๊อ เนมุย คยา, โทเรอ เป เหว่เถ่แก โลเน๊โลหน่า เต๊เห่ เอ๊แหน่เจ๊อ เด๊อ เนมุย คยา, โทเรอ เป เด๊อะโล อาเมวโค๊ตีกลี๊ เต๊เห่ เอ๊ แหน่เจ๊อ เด๊อ เนมุย คยาเนอ อาเอ๊ลาเฮ๊อ, แวเฮ๊แต.’
เน โตเบ่ เมเซอ เต่อ เพรจ๊อเพรเต เนอเต๊เห่ เน๊อ เพรมู๊แหม่รีแจ่ เนอเต๊เห่ โต่. เน เก่ เม ฮู๊เออ เฮ๊หม่า, เน เมจากาคยา แซ่แก เพรจ๊อเพรเต เนอเต๊เห่ เน๊อ เพรมู๊แหม่รีแจ่ เนอเต๊เห่ เฮ๊อ, เนเม ฮู๊เนอ แตแค๋ โต่. เน หม่า เพร เด๊อ อา เมจากาคยา จ๊อเต เด๊อ เห่ขุ ซีบ่า ลอ อาขว่าอาคยา, เน เบ่ เมโตเมเบ่ แหน่ แพ๊.”
หม่าแน๊เรอ กู๊แหน่เออ เป แบ่เจ่ เหย่ซู่ครี๊ เด๊อ อา เมแลเปล๊กา เป เออเตเพร แฮเฮ๊อ อาขว่าอาคยา, อา เด๊อะโล เป่เฮ๊อ เป เตบุ๊ยเตเตอเรอ เออเนอเฮ๊อ. อา เมปย๊าแกเฮ๊อ เตเซอ อา เตอเรอฉว่าชอ เด๊อ อา เป่เอ่เป่โอ เป เออเต๊เห่ เฮ๊อ. โทเรอ เด๊อ เตซิครือมีลา อาขว่าอาคยา, อา เด๊อะโล โทเฮ๊อ ซิปล่อเซอเพร เด๊อ อา เซอ แจโต่ เออเนอเฮ๊อ.
เบ๊อะจอแปแหร่ ซิพรวา อิซว๊า แร๊กา เกอเร๊อ เป เบ๊อะเนอ, อา แซ่ เร๊อ ซิเปลซิหย่อ ลา เนอ, อา แซ่ เน๊อ เตซิครือซิลอ โอ่ เตอเจ๋อ โต่. หม่าแน๊เรอ แกแย เด๊อ อา ข่าเบ่น๊อ อู ซิพรวา อิซว๊าอี๊แส่ แร๊กา เกอเร๊อ เฮ๊อ ลู เออเต๊เห่เนอ ช๊าเนอปา เร๊อ อา เก่ พย๊าหนิ ลาติ คว๊าเก่ ปาเนอหม่า หม่าเฮ๊อ เตโอ่เซอเพร เด๊อ อาจ๊ออาเต เร๊อ อา เก่ พย๊าหนิ ซิปล่อ ตู๊จู่เตอเจ๊อ ปา.
ကြော်ငြာတွေ