ทิโมธี เนอบ่า ต๊าบ่า 4:2 - ลีเทส่อพ๊าอาเซ เร๊อ เห่ขุทวาลู๊

² แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.

Eastern Kayah Shadaw Dialect

² ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤢ꤭ꤋꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤔꤤ꤮꤯ ꤏꤣꤧꤋꤢꤩ꤭ ꤚꤢꤧ ꤙꤢꤩ꤬ꤙꤢꤩ꤬, ꤏꤣꤧꤋꤢꤩ꤭ ꤚꤢꤧꤒꤥ꤬ ꤙꤢꤩ꤬ꤙꤢꤩ꤬, ꤒꤣꤧ꤬ꤚꤢꤨ ꤘꤥ꤬ꤔꤢꤧ꤭ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤜꤢ꤭ꤕ꤫ꤥ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤔꤤ꤮, ꤓꤥ꤭ꤚꤣꤧ꤬ ꤞꤤꤖꤚꤝꤢ꤭ꤚꤣꤧ ꤛꤢꤩ꤬ꤞꤤ꤭ ꤔꤤ꤮, ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤔꤤ꤮, ꤚꤣꤧ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤛꤢꤩ꤬ꤞꤤ꤭, ꤤ꤬ꤞꤝꤢꤤ꤬ꤞꤢꤧ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤋꤢꤧꤞꤤꤘꤥ꤭ ꤔꤣꤧ꤬ ꤔꤤ꤮꤯

ทิโมธี เนอบ่า ต๊าบ่า 4:2 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:14

โป่แหว่ ซี, เป กุยซิยอ คยาแซ๊ โป่ ซี เนอ, เด๊อะรอเด๊อะเร เร๊อดื่อ แกแย เตเกลแลแบ๊ เนอเต๊เห่ นี๋. โทเรอ เด๊อะอ๊าเด๊อะเหร่ เป่ แกแย เด๊อ อา โต๊โหร่ ดื่อเง เนอเต๊เห่ เร๊อ เมจว่า เป่เกอ แกแย เด๊อ อา อ๊าเจ่เหร่เจ่ เนอเต๊เห่. โทเร๊อ เย๊อ แด่ทูซิปล่อ เป่ อู ปว๋า เตเพร นี๋.

ꤒꤤꤒꤢꤨ 2:15

อิซว๊าอี๊แส่ เป่เกอ แลแค เหย่ซี เออเนอเต๊เห่. เด๊อะอ๊าเด๊อะเหร่ เป่ เหย่ซีเนอ. ซิพรวา แลแค เหย่ซี เร๊อ นอจ่อ ลอ เน เตอเรอฉว่าชอ เนอ นี๋. นอเตเนปีตี๊ แต่อู เร๊อ เนเหน่ แต่เหม่ นี๋.

ทิโมธี อาเหร่อเล๊อ ต๊าบ่า 4:13

เด๊อ เน เตอาเค๊อาขิ เร๊อ แอ๊จื๊อ แด๊ เป่ อู ลีเทส่อพ๊า เด๊อ อู เป๊เส่เง นี๋, แด๊โฉ่โด่แน โล เป่ อู เรอ, อิซว๊าอี๊แส่ โต่ เป่ อู ช๋า แว แฮโต่เกอ เน ปาเนอ นี๋.

เตเด๊อะโลแถ่ 3:19

“ล๋อ แกแย เด๊อ แว โมเร๊อ อา เต๊เห่เนอ, แว อิซว๊า ซิพรวา ซิลี เร๊อ แว ปลี๊ เกอเร๊อ ลู. ฮู๊เนอ อาขว่าอาคยา แด่ชอ เน ซิปล่อ เร๊อ ถู่แหล่แต๊แกละกา เน อาซิปล่อ เนอ.

ꤒꤤꤒꤢꤨ 1:13

อา เฮ๊ เต เออเต๊เห่ เนอหม่า อา โตแพ๊ อาขว่าอาคยา, แซ่ฮู๊ เหย่ซี เก่ โอ่จ๊อโอ่เต เด๊อ เตหยื่อเตแหน่ อากูเนอ, ซิพรวาชอ เหย่ซี นี๋.

ทิโมธี เนอบ่า ต๊าบ่า 2:21

แกแย เตเพรเพร เก่ เม อาเม โพ๊แปละแถ่ คยาอาเหน่ เน๊อ เต เด๊อ อา วี๊ ลู เนอเต๊เห่ เฮ๊เนอ, อา ทวาแถ่ ดีปอดีโด เต๊อเจ่อ เด๊อ อู นอเอ่ อา เบ๊อะอู โหล่ดุ โค๊ดื่อ อา เบ๊อะเนอ เฮ๊อ. อา แด่บูโพ๊ อาเหน่ อาขว่าอาคยาเร๊อ, อา ทวาบุ๊ยทวาเตอเรอ เด๊อ อา แบ่เจ่ อาเง. โทเรอ อา โอ่ ตี๊หรี่แตแร อาเหน่ เน๊อ อา เตเร เมแร๊ เต ล๋อ ปลี อาเง เฮ๊อ.

ꤊꤢ꤬ꤜꤢ꤬ꤒꤤ 6:6

แกแย เด๊อ อา อิซว๊าอี๊แส่ ซี เร๊อ จอแปแหร่ อาลาอาโหง่ เต๊เห่ เนอหม่า, ซี โตเบ่ เด๊อ เป่ เหย่ซี เตตว่าเตแร๊ ปว๋าเต๊อเจ่อ.

ꤚꤥꤗꤢꤩ꤬ 12:12

ซี เตแม๊ชือ เด๊อ จอแปแหร่ ตี๊หรี่แตแร เป่ ซีเง เออเต๊เห่เนอ, ซิครือซิลอ แลแค นี๋. เบ๊อะเตแป่เตเช แฮเบ่ ซี เบ๊อะเนอ, แด่ทูซิปล่อ แลแค, กุยจ๊อเบ แลแค ปว๋า โพ๊ นี๋.

ทิโมธี เนอบ่า ต๊าบ่า 3:10

หม่าแน๊เรอ เนติ เร๊อ, เน ครวาเกอเฮ๊อ แว เตอิซว๊าอี๊แส่ อาคยา, เน๊อ แว เตโอ่เซอเพร อาแกล๊อาโกล เนอเต๊เห่, เน๊อ แว เตโอ่เซอเพร อา เตเตเนหนื่ออื่อ เนอเต๊เห่ เฮ๊อ. เน แม๊เถอะเฮ๊อ แว เตหยื่อเตแหน่, แว เตแด่แลปีซิปล่อ, แว เตโม, แว เตแด่ทูซิปล่อ เต๊เห่เฮ๊อ,

ทิโมธี อาเหร่อเล๊อ ต๊าบ่า 5:20

เหย่ซี เก่ เม เตซื๊อ เก่เฮ๊เรอ, ซิพรวา เหย่ซี เร๊อ อิซว๊า แร๊ กาคยา เหย่ซี เด๊อ แกแย ตูปลูเต๊เผ่ อา เป๊เส่เง เนอ นี๋. แซ่ฮู๊ แกแย เด๊อ อาโร เต๊เห่ เก่ ซิอิเช อาเงเนอ ตูรู๊ เม แลแค ฮู๊เนอ นี๋.

โคโลสี 1:25

แซ่ฮู๊ แว เก่ แด๊โฉ่โด่แน เล๊อบา เป่ ซี เน๊อ จอแปแหร่ อา เตหรี่เตแก อาเงเนอ, จอแปแหร่ เด๊อะแล เฮ๊อ แว เหล่เอ่เหล่แร เออ เด๊อ ซีเงเฮ๊อ. โท๊โต่ อา นอทวาแถ่ เฮ๊อ แว เน๊อ ล๋อ เพรหยื่อเอ่ ครี๊ เนอเต๊เห่ อา หลู่เล๊ เตเพร เฮ๊อ.

ꤚꤥꤗꤢꤩ꤬ 10:15

อู เก่ ปลวาแฮ เพรโด่แนพู๊ เต๊เห่ แด๊โฉ่ เป่ เหย่ซี โต่ เฮ๊เรอ เหย่ซี จว๊า โด่แน แด๊โฉ่แจ่ เป่ อู ฮู๊เต? ลีเทส่อพ๊ากู เฮ๊ เน๊อ, “แกแย เด๊อ อา พย๊าแฮ เป่ เตซิครือมีลา เต๊เห่ อากู๊โด่ เนอ อาตว่า แหน่เจ๊อ.”

เพรโด่แนพู๊ เต๊เห่ 20:7

เบ๊อะม๊อก่อต่อ เหมาะเฮ๊ อาเบ๊อะเนอ, เป โอ่ปล๊อโอ่เต่อ คยาแซ๊ลู เด๊อ เก่ บิกยา ค๊อมู อาเง. ป่าโรปา เนอ คูเปาโล เตเร เถ่จว๊าเฮ๊อ อาขว่าอาคยา, อา เฮ๊เบ่ โต่ เจ๊อ แกแย เบ๊หมู่ เออเต๊เห่เนอ เด๊อ เหมาะเนเค เจ๊อ.

เพรโด่แนพู๊ เต๊เห่ 16:13

เบ๊อะแกแยยิวพู๊ ม๊อเนอโด่ เบ่เฮ๊อ เบ๊อะเนอ, เป เถ่จว๊า เด๊อ วีกลอ เร๊อ เป จว๊า แฮเง เด๊อ เทอแลทือ. เบ๊อะเนอหม่า แกแยยิวพู๊ เต๊เห่ เหล่กุยจ๊อเบ อาเหล่โอ่ โอ่เกอเหล่ เป เหน่ เร๊อ เป จว๋า, เร๊อ เพรเหมาะ เต๊เห่ แฮโอ่ปล๊อ หนื่ออื่อ เหร่อ แลแค เบ๊อะเนอ เร๊อ เป โอ่แนเฮ๊เบ่ เน๊อ เหย่ซี.

ꤜꤢꤨꤊꤢ꤬ 9:60

เหย่ซู่ เฮ๊ฉื่อ ลู เน๊อ, “แกแยเซอ เออเต๊เห่เนอ, นอโล๊ เกอเร๊อดื่อ เร๊อ แกแย เด๊อ อา หนิดา เกอจอแปแหร่อาโหง่โต่ เด๊ออาแซ่ เร๊อ แกแยเซอ เด๊อ แหย่โยตาคยา เนอเต๊เห่. หม่าแน๊เรอ เนเออ, จว๊า แด๊โฉ่โด่แน เป่เหร่อ อู เร๊อ จอแปแหร่ อาเทอ เก่ อาหรี่อาแก.”

ꤜꤢꤨꤊꤢ꤬ 7:4

เบ๊อะเหย่ซี จว๊าโตเฮ๊อ เด๊อ เหย่ซู่ โอ่ เบ๊อะเนอ, อา กุยซิยอ ตื๊อดื่อ เจ๊อ เหย่ซู่ เน๊อ, “เน เก่ เมจว่า เกลอฮู๊กู่กล๊อ เออเตเพร เฮ๊เนอหม่า อา โต แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

เตเน ปีตี๊ แต่ เพรโพร อา เตเฮ๊โพร หนื่ออื่อ เนอเต๊เห่ แต่เหม่ นี๋.

ꤜꤢꤨꤊꤢ꤬ 7:23

เด๊อ แวขว่าแวคยา, เร๊อ แกแย เด๊อ อา ซิปล่อปย๊า เป๊โต่, อา หยื่อเอ่ ตื๊อดื่อ เป่แฮลา เต๊เห่เนอ อา เก่ พย๊าหนิ หม่าแหน่ เจ๊อ เตเด๊อะบุ๊ยเด๊อะเตอเรอ เฮ๊อ.”

ทิโมธี เนอบ่า ต๊าบ่า 2:25

เบ๊อะอา อิซว๊า แร๊ กาคยา แกแย เด๊อ อา เท๊ฉื่อ อา เต๊เห่ เบ๊อะเนอ, อา โต เฮ๊เบ่ ซิโดซิ งา อู. แตแร๋ หม่า, จอแปแหร่ เก่ เด๊อะหนิ เป่ เหย่ซี ค๊าขิ แร๊ เด๊อ อา เก่ ถู่แหล่ เต๊เปล่ อาซิปล่อปา เร๊อ อา เก่ ซิเง แถ่คยา เตหมะเตจ๊อ ปา.

ꤟꤤꤙꤚꤢꤨ 13:22

แว โคแบ๊ซว๊า ซี, ลี เด๊อ แว รา เด๊อะอ๊าเด๊อะเหร่ ซี เออเนอ อา ทูลาน๊อโต่. โทเรอ แว กุยซิยอ ซี เด๊อ ซี เก่ แด่ทูซิปล่อ เร๊อ หนิดา แว เตเด๊อะอ๊าเด๊อะเหร่ ซี เออเนอ นี๋.

เพรโด่แนพู๊ เต๊เห่ 28:16

เบ๊อะเป จว๊าโต่ เด๊อ วีโรม อากู เบ๊อะเนอ, อู นอโอ่ หนิเร๊อดื่อ คูเปาโล เร๊อ อู จว๊าแคโอ่ เป่ ลู หี่เตเม เร๊อ เกลอฮู๊ เตเพร โอ่ป่อ เกอเร๊อ ลู.

เพรโด่แนพู๊ เต๊เห่ 13:5

เบ๊อะเหย่ซี จว๊าโต่ เด๊อ วีซาลามิส เบ๊อะเนอ, อา จว๊า แด๊โฉ่โด่แน เป่ อู เร๊อ จอแปแหร่ อาลาอาโหง่ เด๊อ แกแยยิวพู๊ เตจ๊อเบโฮ เต๊เห่ อากู. คูยอห์น มาระโก จว๊า เต่อเกอ เร๊อ เหย่ซี เร๊อ อา เมจว่าเกอ เหย่ซี.

โคโลสี 4:3

เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:6

ซี แม๊บือ เป เร๊อ แบ่เจ่ เร๊อ อู เมจาเมจือ แหน่เจ๊อ ซี, หม่าแน๊เรอ ซี ซิครือซิลอ พย๊าฉื่อปา เตซิครือมีลา. เบ๊อะซี พย๊าฉื่อ เตซิครือมีลา เบ๊อะเนอ, แหย่โยบูโพ๊ แบ่เจ่ เม ซิครือซิลอ เป่ ซี เฮ๊อ.