ทิโมธี เนอบ่า ต๊าบ่า 3:3 - ลีเทส่อพ๊าอาเซ เร๊อ เห่ขุทวาลู๊

³ เหย่ซี หม่า แกแย เด๊อ อา โมหนิเร๊อ เกออู โต่, อา ปลวาแก เกออู เตซื๊อ โต่, เฮ๊ปย๊า อูมีลา, เป๊อแจ่ เกอเร๊อดื่อ อาเหน่โต่, แกแยฮาแกแยเฮ, เหย่ซี หม่า แกแย เด๊อ อา ซิเถ่ เตแร๊ เต๊เห่ ปา.

Eastern Kayah Shadaw Dialect

³ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ꤚꤣꤧ ꤊꤣꤧ꤭ꤢꤨ꤭ ꤒꤥ꤬, ꤢ꤬ ꤕꤜꤝꤢ꤭ꤊꤢꤧ꤭ ꤊꤣꤧ꤭ꤢꤨ꤭ ꤒꤢꤩ꤬ꤞꤢꤦ ꤒꤥ꤬, ꤟꤢꤩꤕꤛꤢ ꤢꤨ꤭ꤗꤝꤤ꤭ꤜꤢ꤬, ꤕꤣꤡ꤫ꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ꤒꤥ꤬, ꤊꤣꤧ꤬ꤛꤢꤧ꤭ꤟꤢ꤭ꤊꤣꤧ꤬ꤛꤢꤧ꤭ꤟꤢꤩ꤭, ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤕꤢ꤭꤯

ทิโมธี เนอบ่า ต๊าบ่า 3:3 ပူးပေါင်းရင်းမြစ်များ

ꤛꤢꤨꤘꤢ꤬ 1:18

เหย่ซี เฮ๊ เป่ ซี เน๊อ, “ช๋า ม๊อเนอม๊อเซ เด๊อ คยา ตื๊อดื่อ ปา เต๊เห่เนอ, แกแย เด๊อ อา เก่ เป๊อเจ่ออิแช๊ งยาโคร ซี เต๊เห่ เก่ โอ่แถ่ ปา. เหย่ซี เนอเต๊เห่ หม่า อา ครวาเม โชชื่อ แพ๊ ฮู๊ อา เตซิหยื่อ มู๊แหม่ เด๊อ อา โตเกอ เร๊อ จอแปแหร่ อาซิปล่อ โต่ เนอเต๊เห่ แพ๊.”

ꤚꤥꤗꤢꤩ꤬ 1:31

เหย่ซี หม่า แกแย ตอครอ แกแย โพแท, อาจ๊อ เกอ เร๊อ อาโหง่ โต่. อา เตโมเร๊อ อูเนอ, อาโอ่โต่, อา ซิยอเกอเร๊อ อูเนอ อาโอ่โต่โต่.

มัทธิว 10:21

“เบ๊อะเนออาเค ปาเนอ, โป่ เก่ นอเมเซอ เกอ เร๊อดื่อ อาแหม่ เร๊อ อูโร ปา, เร๊อ เพ เก่ นอเมเซอ เร๊อดื่อ อาพู๊ เร๊อ อูโร ปา, อาพู๊เก่ วื๊อ กาคยาฉื่อ เกอเร๊อดื่อ อาโหมะอาเพ เต๊เห่ ปา, เร๊อ อา เก่ นอ เมเซอ เกอเร๊อดื่อ แกแย เร๊อ อาโหมะ อาเพ ปา.

เปโตร เนอบ่า ต๊าบ่า 2:14

เหย่ซี ดาแม๊ เพรเหมาะ เตเพรเพร เฮ๊เรอ อา ซิหยื่อ โอ่เมอเต่อ โชชื่อ เจ๊อ. เหย่ซี เมเตซื๊อ เนอ อา โอ่โก๊ ปา เจ๊อโต่ เฮ๊อ. เหย่ซี อี๊หล่า ปย๊าจว๊าหนิ แกแย เด๊อ อาเตหยื่อ ชอ ล๋ายโต่ เต๊เห่ เก่ เมเกอ เตซื๊อเตปล๊า เต๊เห่. เร๊อ เหย่ซี อิซว๊าแล หนิ แร๊ เด๊อ แลแค อาเหน่ เร๊อ อาแม๊ปู กู๊หว่ากู๊เว เอ่หนิเร๊อดื่อ อาเง. เหย่ซี โอ่ แลแค เด๊อ จอแปแหร่ อา เตอิชอมู๊แหม่ อาเล เฮ๊อ.

ทิโมธี อาเหร่อเล๊อ ต๊าบ่า 3:11

เหย่ซี อาเม เต๊เห่เนอ เบ่เบ่, อู ปว๋า เตเพร โตเบ่ แด่ดุแด่ทู เหย่ซี, เหย่ซี โตเบ่ แด๊หนิ อูแหย่โย โต่, เหย่ซี เบ่โอแซแรชาเผร่ อาเหน่ เร๊อ เหย่ซี โตเบ่หม่า แกแย เด๊อ อาจ๊อ เน๊อ อาโหง่ เด๊อ เตล๋อ ปลี อากู.

มัทธิว 4:1

แซ่ฮู๊ โลเน๊มู๊แหม่ กู่กล๊อ เก่ อา อี๊ลอ หนิ เหย่ซู่ เร๊อ, แหย่โยบูโพ๊ แบ่เจ่ ซูจว๊า ลู เด๊อ เก่เชเทอแก หล่อตาม๊าขุ.

เตเด๊อะโลแถ่ 17:6

เร๊อ แว แม๊เถอะ เพรเหมาะ เนอเตเพร โอมือ อาเหน่ เน๊อ จอแปแหร่ อาแกแย เด๊อ อาจ๊อ เร๊อ เหย่ซู่ เร๊อ อู เมเซอ ลู เนอเต๊เห่ อาสุ่ย. เบ๊อะแว แม๊เถอะ อา เบ๊อะเนอ, แว คย๊ายื๊อ โกโน๋ โต่.

เตเด๊อะโลแถ่ 16:6

เด๊อ เหย่ซี เมสุ่ยแล เมเซอ เน แกแย เร๊อ เน เพรโพร เต๊เห่ อาขว่าอาคยา, เน เด๊อะโอ เลอ กาคยา เป่ คยาแซ๊ เฮ๊อ เหย่ซี เร๊อ สุ่ย เออเนอ เฮ๊อ. เหย่ซี แด่โอคยา ฮู๊เออ เนอหม่า อาโตอาเบ่ แพ๊.”

เตเด๊อะโลแถ่ 13:17

แกแย เด๊อ เตม๊าเตแด โอ่เกออู โต่ เต๊เห่เนอ, อา พรีเอ่อิเช นิ เกออู โต่. เตม๊าเตแด เออเนอหม่า หม่าเฮ๊อ เตมีเตแหม่ อามุย, หม่าโต่เรอ เตแด๊ม๊า เต๊อเจ่อ เด๊อ อา เด๊อะ โลแถ่ ลูมูย.

เตเด๊อะโลแถ่ 13:15

แซ่ฮู๊ เตแหย่โยเออ เก่ เฮ๊เบ่แจ่ เร๊อ อา เก่ เมเซอลอ แกแย เด๊อ อา จ๊อเบแถ่ เกอ ลู โต่ เนอเต๊เห่ อาเงเนอ, อู เด๊อะ เตมีเตแหม่ เนอโด เนอโตโด เตโพรฉว่าชอ เด๊อ อา เก่ โอ๊โน เซอเพรแจ่ เตมีเตแหม่ เด๊อ อาโร เนอ โตโด อาเตแหย่โย เนอ.

ꤛꤢꤨꤘꤢ꤬ 1:16

แกแย เออเต๊เห่ เนอหม่า แกแย เด๊อ อา ตามวาเตเล ฉว่า เร๊อ อา แด่ ดื่อเง เตซื๊อ เด๊อ อูโร อาโอ่ ปว๋า โตโพ๊ เจ๊อ. เหย่ซี ครวาลือเม หนิเกอดื่อ อาเหน่กล่อ อา เตซิหยื่อซิลอ มู๊แหม่รีแจ่ เนอเต๊เห่ อาคยา แพ๊. เหย่ซี เฮ๊เบ่ ถู่เซ๊ เกอเร๊อ แลแค อาเหน่, โท๊โต่ แซ่ฮู๊ เหย่ซี เก่ พย๊าหนิ เต เด๊อ อา ซิหยื่อ เนอเต๊เห่ เนอ, อา เฮ๊เบ่ ถู่เซ๊หนิ แลแค อู.

เปโตร เนอบ่า ต๊าบ่า 3:3

อาเหร่อเล๊อหม่า, ซี โตเบ่ ซิเงโปล เร๊อ ช๊าม๊อเนอ ตื๊อดื่อ ปาหม่า แกแย เต๊เห่เห่ เก่ โอ่โลแถ่ ปา เร๊อ อา เก่ เป๊อเจ่ออิแช๊ งยาโคร ลอ ปา. เหย่ซี เนอเต๊เห่ หม่า อา เก่ ครวา เมโชชื่อแพ๊ อา เตซิหยื่อ มู๊แหม่รีแจ่ เต๊เห่ ปา.

ꤡꤛꤢꤩ꤭ꤗꤢ꤬ꤎꤣ꤬ 2:6

หม่าแน๊เรอ แกแย โซพ๊าโซแรพู๊ เต๊เห่เนอ, ซี แด่หยื่อแด่แหน่ หนิ เกอ เหย่ซี โต่. แกแย เด๊อ อา เป่เอ่เป่โอ เมจาเมจือ ซี เนอหม่า แกแย ดุแหย่แถ่เซฮู๊ เต๊เห่เนอ แพ๊. เพร เด๊อ อา จุ่ยแฮ ซี เด๊อ เพรเฮ๊เบ่เมโตเต เต๊เห่ อา เป๊เส่เง เนอหม่า เหย่ซี เนอเต๊เห่ เฮ๊อ.

ꤒꤤꤒꤢꤨ 2:3

ฮู๊เนอเฮ๊อ, แซ่ฮู๊ เพรเหมาะ โหมะเผระ เต๊เห่ เก่ เบ่หยื่อเบ่แหน่ เกอ อา เตโอะเซอเพร เด๊อ อา โตโอะเซอเพร เร๊อ แด่บูโพ๊ เกอ แลแค ซิปล่อ เด๊อ จอแปแหร่ อา โอะ อาเงเนอ เร๊อ, อิซว๊าอี๊แส่ แลแค เหย่ซี นี๋. โทเรอ เหย่ซี โตเบ่ แด๊หนิ อูแหย่โย โต่, อา โตเบ่ ทวาหนิ เทอเผร่ อาหลู่เล๊ โต่. อู โตเบ่ เมเตแร๊ ฮู๊เตฮู๊เต เนอ, เหย่ซี โตเบ่ อิซว๊า อู.

ꤒꤤꤒꤢꤨ 1:8

หม่าแน๊เรอ, อา โตเบ่ ทวา แกแย เด๊อ อา เอ๊โมฉื่อ ซิเผระซิแหม่, อา โตเบ่ ทวา แกแย เด๊อ อา โม เต เด๊อ อาแร๊, อา โตเบ่ ค๊อเบ๊แจ่ อาซิปล่อ, อา โตเบ่ โอ่จ๊อโอ่เต เร๊อ บูโพ๊ เร๊อ อารอ เบ๊หนิ อาเหน่,

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8

ฮู๊เนอ อาขว่าอาคยา, แกแย เตเพรเพร เด๊อ อา เท๊ฉื่อ เตอิซว๊าอี๊แส่ เออเนอหมา, อา เท๊ฉื่อ แกแยเห่ขุพู๊ หม่าโต่. อา เท๊ฉื่อเฮ๊อ จอแปแหร่ เด๊อ อา เด๊อ ซี แหย่โยบูโพ๊ แบ่เจ่ เออเตเพร เนอเฮ๊อ.

โครินธ์ อาเหร่อเล๊อ ต๊าบ่า 7:9

หม่าแน๊เรอ ซี เก่ ค๊อเป่ เกอเร๊อ ซี ซิปล่อ โต่ เฮ๊เรอ, ตูรู๊ พย๊า แลแค พู๊เมพู๊เว เนอ. โอ่ เร๊อ หี่ เร๊อ เพร๊ หม่า อาแร๊เล๊อ ปา เจ๊อ เร๊อ ซิปล่อ เตเน ปาต๊าเปอเตอ มู๊แหม่ เนอเต๊เห่ เจ๊อ.

โครินธ์ อาเหร่อเล๊อ ต๊าบ่า 7:5

เม เร๊อ เว อา เตซิหยื่อซิลอ เตเพร เร๊อ เตเพร เนอ, เบ่ โย เกอเร๊อ ลู โต่. หม่าแน๊เรอ เบ๊อะซี ซิหยื่อ กุยจ๊อเบ โส่ครื๊อโส่เคร ตื๊อดื่อ เบ๊อะเนอ, ซี เก่ ซิปล่อโต ลู เด๊อ ซี เก่ โอ่เมอ ตาพา โค๊ งยาลา ลู โต่ เก่เฮ๊เนอหม่า อาหนิ แพ๊. หม่าแน๊เรอ ซี กุยจ๊อเบ โทเนอ, ซี เบ่ โอ่เมอเต่อ คยาลู, เมเตเฮ๊เรอ เก่ ซี ค๊อเป่ เร๊อ ซี ซิปล่อ โต่ เฮ๊เนอ, โลเน๊มู๊แหม่รีแจ่ กู่กล๊อ เก่ อิลออี๊โหล่ หนิ ซี ปา.

ꤛꤥ꤭ꤟꤢ꤬ 6:70

โทเรอ แบ่เจ่ เหย่ซู่ เฮ๊ฉื่อ เหย่ซี เน๊อ, “แว นว๊าแถ่ โทเฮ๊อ ซี เช๊อซิเนอ, หม่าโต่ แอ? หม่าแน๊เรอ, เด๊อ ซีเกล เนอ, โลเน๊มู๊แหม่ กู่กล๊อ โอ่โตโด, อา เฮ๊ เหย่ซี ฮู๊เนอ.”

ꤜꤢꤨꤊꤢ꤬ 16:14

ฟาริสี เด๊อ อา โมแหน่เร๊อ รือเท เนอเต๊เห่ หนิโฮ โหง่เออ เบ๊อะเนอ, อา งยาโคร แลแค เหย่ซู่.

ꤜꤢꤨꤊꤢ꤬ 10:16

เหย่ซู่ เฮ๊ อา โคเจ่ เช๊อซิเนอ เออเต๊เห่ เน๊อ, “แกแย เด๊อ อา หนิดา ซีโหง่ เต๊เห่ เนอหม่า หม่าเฮ๊อ อา หนิดา เฮ๊อ แวโหง่ เฮ๊อ. แกแย เด๊อ อา เท๊แตแอโชโม๊บิแก ซี เต๊เห่ เนอหม่า โชโม๊บิแกเฮ๊อ แว เฮ๊อ. เร๊อ แกแย เด๊อ อา โชโม๊บิแก แว เต๊เห่ เนอหม่า อา โชโม๊บิแก แกแย เด๊อ อา นอตาแล แว เออเนอ เตเพร เฮ๊อ.”

เห่ขุทวาลู่ 49:7

ซี เตซิปล่อดุ เน๊อ เตซิปล่อแถ่ เนอ, อาจาอาจือ แหน่เจ๊อ อาขว่าอาคยา, แว อิชอฮา เฮ๊อ ซีเฮ๊อ. เร๊อแว เก่ นอ ลูโพร๊ลูแพร จว๊าโค๊ แก ซี เด๊อ อิสราเอล เก่กู ปา. แว เก่ นอ จว๊าโอ่ปีชี แก ซี เด๊อ เมวเจ่อโร เต๊เห่ อาเกล ปา.

เปโตร เนอบ่า ต๊าบ่า 2:19

ซ๊าร๊า กลว่าแลโฮ อาเหน่ เออเต๊เห่เนอ, อา อ๊อแล เหย่ซี เร๊อ เหย่ซี เก่ พย๊าหนิ เตปาลา ปา, หม่าแน๊เรอ เหย่ซี เหน่แบ่เจ เร๊อดื่อ เนอ, อา ทวา เตมู๊แหม่รีแจ่ อา เหล่โกลเหล่แบ่ เต๊เห่ อาหลู่, เมเตเฮ๊เรอ เตอิเตเต๋ เบ่เบ่, อา ดา เป่เฮ๊อ เน เนอหม่า, อา ทวาเฮ๊อ เนแบ่เจ่ เฮ๊อ.

ꤚꤥꤗꤢꤩ꤬ 1:29

เหย่ซี เตโอ่เซอเพร เออเนอ อา เล๊อบา โชชื่อ เจ๊อ เร๊อ เตจ๊อเตเต โต่, เตมู๊แหม่รีแจ่, กู๊หว่ากู๊เว เอ่หนิเร๊อ ดื่อเง, โทเรอ อา เล๊อบา เจ๊อ เร๊อ เตซิเคว๊ อู, เมเซอ แกแย, วื๊ออู, แลโฮแลแห่เอ่ อู, ซิค๊าซิเถ่ อู, แด๊เเหมาะเถ่อโย อู.