Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ทิโมธี เนอบ่า ต๊าบ่า 3:15 - ลีเทส่อพ๊าอาเซ เร๊อ เห่ขุทวาลู๊

15 เด๊อ เน เป๊เจ่เค เนอ, อู อิซว๊า โทเฮ๊อ เน เน๊อ ลีเทส่อพ๊า เออเนอ เฮ๊อ. แซ่ฮู๊ เน เก่ หยื่อเอ่ แบ่เจ่ เหย่ซู่ครี๊ เร๊อ เน เก่ พย๊าหนิ จอแปแหร่ อา เมแลเปล๊กา เน อาเงเนอ, ลีเทส่อพ๊าเออ เด๊อะโทเฮ๊อ เน เตลีแมลีเพ๊ เฮ๊อ.

အခန်းကိုကြည့်ပါ။ ကော်ပီ

Eastern Kayah Shadaw Dialect

15 ꤘꤣ ꤔꤢꤧ꤬ ꤖꤢꤨꤡ꤫ꤢꤩ꤬ꤋꤢꤩ꤭ ꤔꤣꤧ꤬, ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤔꤢꤧ꤬ ꤔꤢꤧ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤣꤧ꤭ꤔꤣꤧ꤬ ꤟꤣꤧ꤯ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤚꤣꤧ꤬ ꤔꤢꤧ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤔꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤜꤤ꤬ꤓꤢꤩ꤭ꤞꤢꤪ꤬ꤖꤢꤣꤧ꤭ ꤘꤣꤧꤓꤥ꤭ꤟꤣꤧ ꤔꤢꤧ꤬ ꤒꤢꤩ꤬ꤞꤤꤖꤢꤩ ꤟꤣꤧ꤯

အခန်းကိုကြည့်ပါ။ ကော်ပီ




ทิโมธี เนอบ่า ต๊าบ่า 3:15
38 ပူးပေါင်းရင်းမြစ်များ  

โทเรอ แซ่ฮู๊ เหย่ซี เก่ ซิเงโปลเพ๊แร๊ ลีเทส่อพ๊า เต๊เห่ อาเงเนอ, อา โบ๊โมแถ่ เป่เฮ๊อ เหย่ซี ซิปล่อเตเน เต๊เห่ เฮ๊อ.


โทเรอ เหย่ซู่ เฮ๊โฉ่โด่แนโปล เป่ เหย่ซี เร๊อ ลีเทส่อพ๊า เฮ๊หนื่ออื่อ โทเฮ๊อ อา อาหรี่อาแก, เป๊อแถ่ เด๊อ คูโมเสส ราแก ลี เนอเต๊เห่ เร๊อ ล๋อ เพรโพร ราแกหนื่ออื่อ เนอเต๊เห่.


เร๊อ แบ่เจ่ เหย่ซู่ เฮ๊ฉื่อ กาคยา เหย่ซี เน๊อ, “ซี เตเนซื๊อ ลอเฮ๊อ, เมเตเฮ๊เรอ ซี ซิเง ตาเต เกอ อู ลีเทส่อพ๊า เร๊อ จอแปแหร่ อา เตโพรอาฉว่าอาชอ เมแจ่ เต เต๊เห่ โต่.


แว ซิเหน่แถ่เบ่ เน เตหยื่อเตแหน่ เด๊อ อา ตาเต โทเร๊อ เด๊อ อา หม่า เต๊อเจ๋อ โต ลู เน๊อ เนเพอ โหล่เอ่ เน๊อ เนโหมะ อู๊นี๋เก่ หยื่อเอ่ โทเฮ๊อ เนอเต๊เห่. แว หยื่อเอ่ ชาเผร่แหน่เจ เจ๊อ เน๊อ เหย่ซี เตหยื่อ เออเนอ อา โอ่เกอดื่อ เด๊อ เนกู แพ๊.


เป๊เจ่เออ อา ดุแถ่ เร๊อ อา เหร่ฉว่าเหร่ชอ แฮ, เร๊อ อา เล๊อบา เจ๊อ เร๊อ เตลีแมลีเพ๊ เร๊อ จอแปแหร่ เด๊อะบุ๊ยเด๊อะเตอเรอ หนิ ลู.


หม่าแน๊เรอ กู๊แหน่เออ ฮู๊ เพรโพร เฮ๊หนื่ออื่อ โทเฮ๊อ เนอ, โทเรอ ฮู๊ จอแปแหร่ เด๊อ อา เซอเพร ตูจูเพร เออเตเพร หม่าแก หนื่ออื่อ โทเฮ๊อ อาโหง่ เต๊เห่ เน๊อ, แซ่ฮู๊ แกแยยิวพู๊ หม่าโต่ เต๊เห่ เก่ หยื่อเอ่ ครี๊ เร๊อ เหย่ซี เก่ หนิดา ลูโหง่ อาเงเนอ, อู เด๊อซิเง โลเป่ ลอเฮ๊อ เหย่ซี ปว๋า โต๊โผ่ เฮ๊อ.


เตซิครือมีลา เออเนอ, จอแปแหร่ อ๊อแล หนื่ออื่อ อางย๊าลาเฮ๊อ อาโหง่ มู๋ หนู่เค เร๊อ อาเพรโพร เต๊เห่ ฮู๊ อา ราหนื่ออื่อ โทเฮ๊อ เด๊อ ลีเทส่อพ๊า อากูเนอ.


เพรโพร ปว๋า เตเพร แด๊โฉ่โด่แน หนื่ออื่อ โทเฮ๊อ อา อาหรี่อาแก เร๊อ เหย่ซี เฮ๊ เน๊อ, ‘ล๋อ แกแย เด๊อ อา หยื่อเอ่แลแค ลู เต๊เห่เนอ จอแปแหร่ เก่ ปลวาแก แฮเง เหย่ซี เตซื๊อ เร๊อ เหย่ซู่ อาคยา ปา,’” คูเปโตร เฮ๊ เป่ เหย่ซี ฮู๊เนอ.


เหย่ซี เฮ๊ เกอเร๊อ เป่ลู เน๊อ, “เบ๊อะอา เฮ๊เบ่ เร๊อ เป เด๊อ แกล๊ลู เบ๊อะเนอ เบ่เบ่, เบ๊อะอา เฮ๊โฉ่โด่แนโปล เป่ เป เร๊อ ลีเทส่อพ๊า อา เตเฮ๊โฉ่หนื่ออื่อ ซีเต๊เห่ เบ๊อะเนอ เบ่เบ่, เด๊อ เป ซิปล่อกู เนอ, อา ตือพรือก๊อหย่อ ซิครือซิลอแถ่ เจ๊อ ฮู๊เนอ แวเฮ๊แต๋?”


ฮู๊ คูเปาโล เหล่โกล เม เกอ เร๊อ เนอ, อา จว๊าโน เด๊อ เตจ๊อเบโฮกู แกแยยิวพู๊ อา ม๊อเนอโด่ โซโพ๊ ลอเนอ อา จว๊า เฮ๊เบ่โด่แน เคร๊แขระ เร๊อ แกแย เบ๊หมู่ เบ๊อะเนอ เต๊เห่ เร๊อ อา แด๊โฉ่โล เป่ อู เร๊อ ลีเทส่อพ๊า อาหรี่อาแก.


แว แด๊งือแล เด๊อ อาเป๊เส่เง เร๊อ แว เตเร จ๊อเบแถ่ ลู หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว เร๊อ เน เร๊อ เน โป่แหว่ ครี๊พู๊ ซี เต๊เห่ เนอหม่า หลู่เล๊ แซ๊ลู แพ๊. เป หม่า แกแย เต๊เห่ เด๊อ อา เด๊อะโล เป่ อู เร๊อ เหย่ซู่ อาหรี่อาแก เต๊เห่ เร๊อ ปื่อหม่าหนิ เตหมะเตจ๊อ เด๊อ เหย่ซู่ครี๊ เด๊อะโลซิเงแก เป่ เป เออเนอ. ฮู๊เนอเรอ, จ๊อเบ แต่ อู เตเพร่ว แต่เหม่, จ๊อเบ เด๊อ จอแปแหร่ เนอ. เมเตเฮ๊เรอ เตหมะเตจ๊อ เด๊อ เหย่ซู่ครี๊ เด๊อะโล เป่ เออเนอหม่า อา แซ่เฮ๊อ เร๊อ จอแปแหร่ นอเฮ๊เบ่ เพรโพร เต๊เห่เนอ เฮ๊อ.”


เบ๊อะเหย่ซี เมโท ลอเฮ๊อ ฮู๊ ลีเทส่อพ๊า เฮ๊หนื่ออื่อ ลูหรี่ลูแก เบ๊อะเนอ, เหย่ซี จว๊าพย๊าตาแก ลู เด๊อ อี๊ถื่อดีเต่ลู เร๊อ เหย่ซี จว๊าฉู่โนแก ลู เด๊อ โลกู.


คูเปาโล อาลี ปวาต๊าบ่าเนอ อา รา ล๊อปลี ฮู๊เออ ปว๋า โตโพ๊ เจ๊อ. เด๊อ อาเตรา อากูเนอ, เตเด๊อ อู ซิเง โปลโต่ เนอ อา โอ่ เต๊เห่, เร๊อ แกแย เด๊อ อา แจ่ลีโต่ เต๊เห่ เร๊อ อาซิปล่อ ลูโทลูแล เต๊เห่เนอ, อา พย๊าซื๊อแก อู รา เป่ ลีเออ อา โหง่แลช๊า. โท๊โต่ อา พย๊าซื๊อ เต่อเกอดื่อ ลีเทส่อพ๊า เด๊อ อาโร เต๊เห่ อา โหง่แลช๊า ฮู๊เนอเนอ. เด๊อ เหย่ซี พย๊าซื๊อ แลแค ฮู๊เนอ อาขว่าอาคยา, อา เมปย๊าแก เกอเร๊อดื่อ แลแค อาเหน่ แพ๊.


อา หม่า อา เก่ ทวา ดุ เด๊อ จอแปแหร่ อา เป๊เส่เง ปา เตเพร. แท๊ทือเส่เทอแย เบ่เบ่, เทอเผร่ เบ่เบ่ อา โตเบ่ เอ่โอหนิ เตอเจ๋อ โต่. อา เก่ เล๊อบา เร๊อ แหย่โยบูโพ๊แบ่เจ่ เด๊อ อา โหมะฮ๊อกู เบ๊อะเนอ เจ๊อ ปา.


หม่าแน๊เรอ, หม่า เด๊อ ซี หยื่อเอ่ อา เตราแก เออเนอเต๊เห่ โต่ อาขว่าอาคยา, ซี จว๊า หยื่อเอ่ แจ่ แว เตเฮ๊เบ่ เออเต๊เห่ ฮู๊เต?”


คูเปาโล จว๊า เป่แฮ โป่ เด๊อ เง เร๊อ อา จว๊าโต่ เด๊อ วีเตอร์บี เร๊อ วีลิสตรา. เบ๊อะวีลิสตรา อากูเนอ, แกแย หยื่อเอ่ โอ่เตเพร เด๊อ อามุย เร๊อ คูทิโมธี. เร๊อ อาโหมะ หม่า แกแยยิวพู๊ เด๊อ อา หยื่อเอ่แหน่หยื่อรี เตเพร, หม่าแน๊เรอ อาเพ หม่า แกแยกรีกเมวเจอะพู๊ เตเพร.


เบ๊อะคูเปาโล เฮ๊เบ่แลเปล๊ อาเหน่ ฮู๊เออ เบ๊อะเนอ, คุ๊ยดุ เฟสทัส จ่าเพรอ เอ๊โท ลู เน๊อ, “คูเปาโล๋, เน ตีมุย แพ๊. เน เตลีแมลีเพ๊ เด๊อ อาดุอาแย เต๊เห่ เมตีมุย ลอ เน เฮ๊อ.”


ฮู๊เนอเรอ แกแยยิวพู๊ หม่าโต่ เต๊เห่ เด๊อ อา ดื๊อตีลี๊ เกออู พ๊าโต่ เออเต๊เห่เนอ, เก่ อา หนิดา จอแปแหร่ อา เตซว๊าเตแส่ เฮ๊เรอ อา เก่ ยูตาแรตา ดื่อ เน เตซื๊อ ปา. เน โอ่ เร๊อ เตซว๊าเตแส่ เร๊อ เน ดื๊อตีลี๊ เจ๊อ พ๊า เบ่เบ่, เน ย๋อ หนิดา เกออู เตซว๊าเตแส่ โต่ อาขว่าอาคยา, อา เก่ยูตา เน เตซื๊อ ปา.


จอแปแหร่ อา เตลีแมลีเพ๊ หม่า อาดุอาแย หม่าแหน่ เจ๊อ. ฮู๊เนอเรอ แกแยเห่ขุพู๊ เออเต๊เห่ เก่ แม๊ปูซิเงเบ๊ จอแปแหร่ เน๊อ เหย่ซี เตซิคว๊าซิเง เต๊เห่เนอ, อา เบ๊แตแค๋ โต่. โท๊โต่ จอแปแหร่ ซิปล่อโอ่ เด๊อ อา เก่ เมแลเปล๊กา แกแย เด๊อ อา หยื่อเอ่ ครี๊ อา เตซิครือมีลา เด๊อ เป แด๊โฉ่โด่แน เป่ อู เออเนอ เต๊เห่ ปา. หม่าแน๊เรอ แกแย เด๊อ อา หยื่อเอ่ เตซิครือมีลา เออ โต่ เต๊เห่เนอ, อา เตเนซื๊อ แลแค เน๊อ เตเฮ๊โฉ่โด่แน เออเต๊เห่ เนอหม่า อา โอ่เล๊อโอ่กลอ แพ๊, อา เตเน แลแค ฮู๊เนอ.


เพซี๋, เมซิปล่อดุ แต่ ซีพู๊ แต่เหม่ นี๋. โบ่เอ่โบ่โอ อิซว๊าอี๊แส่ ดุแถ่เผระแถ่ เร๊อเกอดื่อ เหย่ซี เร๊อ แบ่เจ่ จอแปแหร่ อาลาอาโหง่ เนอ. โท๊โต่ ยูแกล๊ยูโกลเร๊อ เหย่ซี เน๊อ แบ่เจ่ จอแปแหร่ ซิหยื่อ นอเม เป เนอเต๊เห่ นี๋.


เด๊อ เน เตอาเค๊อาขิ เร๊อ แอ๊จื๊อ แด๊ เป่ อู ลีเทส่อพ๊า เด๊อ อู เป๊เส่เง นี๋, แด๊โฉ่โด่แน โล เป่ อู เรอ, อิซว๊าอี๊แส่ โต่ เป่ อู ช๋า แว แฮโต่เกอ เน ปาเนอ นี๋.


แว หม่า คูเปาโล. แว ราจว๊า หนิเป่ ซี ลีเออต๊าบ่า. จอแปแหร่ ซิปล่อโอ่ แว เด๊อ แว เก่ ทวาแถ่ เหย่ซู่ครี๊ อา เพรโด่แนพู๊ เตเพร, โทเรอ จอแปแหร่ อ๊อแล โทเฮ๊อ เน๊อ อา เก่ เด๊อะ เป ซิปล่อเซอเพร เด๊อ เหย่ซู่ครี๊ อากู ปา อาหรี่อาแก เออเนอ, แว แด๊โฉ่ ลอเป่เฮ๊อ อู ปว๋า เตเพร เฮ๊อ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ