ทิโมธี เนอบ่า ต๊าบ่า 2:16 - ลีเทส่อพ๊าอาเซ เร๊อ เห่ขุทวาลู๊16 จว๊าวอ เควอแก เตเฮ๊เบ่ เด๊อ อา แด่หยื่อแด่แหน่ จอแปแหร่ โต่ เนอเต๊เห่ นี๋, เมเตเฮ๊เรอ เตเฮ๊เบ่ ฮู๊เนอ เต๊เห่ หม่า แตแกล๊ เน๊อ อา ซู ตาพา ยาจว๊า ยาจว๊าแก อู เร๊อ เตแด่หยื่อแด่แหน่ จอแปแหร่ เนอแพ๊. အခန်းကိုကြည့်ပါ။Eastern Kayah Shadaw Dialect16 ꤡꤝꤢꤠꤢꤪ꤬ ꤋꤢꤩ꤭ꤠꤢꤪ꤬ꤊꤢꤧ꤭ ꤒꤢꤩ꤬ꤟꤢꤩꤙꤢꤩ꤬ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤟꤢꤩꤙꤢꤩ꤬ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ ꤗꤢ꤬ ꤒꤣꤧ꤬ꤊꤜꤢꤧ꤬ ꤔꤢꤧ ꤢ꤬ ꤞꤢꤨ꤭ ꤒꤣꤧ꤬ꤖꤢ꤭ ꤛꤢ꤬ꤡꤝꤢ ꤛꤢ꤬ꤡꤝꤢꤊꤢꤧ꤭ ꤢꤨ꤭ ꤔꤢꤧ ꤒꤢꤩ꤬ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ꤖꤢꤧ꤯ အခန်းကိုကြည့်ပါ။ |
ทิโมธี เนอบ่า ต๊าบ่า 2:16
19 ပူးပေါင်းရင်းမြစ်များ
เป ซิเง เร๊อ เตซว๊าเตแส่ เออเต๊เห่เนอ, อู เด๊อะโอ่แถ่ อา เด๊อ แกแยจ๊อแกแยเต เต๊เห่ อาเงเนอ หม่าโต่. โท๊โต่ อู เด๊อะโอ่แถ่ เป่ แกแย เด๊อ อา เมซื๊อ เตซว๊าเตแส่ เต๊เห่ เน๊อ แกแย เด๊อ อา หนิดา เกออู โต่ เต๊เห่. โทเรอ แกแย เด๊อ อา แด่หยื่อแด่แหน่ เกออู จอแปแหร่ โต่ เต๊เห่, เน๊อ แกแย เด๊อ อา เม เตซื๊อเตปล๊า เต๊เห่, เน๊อ อา จ๊อเบ เกออู จอแปแหร่ โต่ เต๊เห่, เน๊อ อา เตเน เกออู จอแปแหร่ โต่ เต๊เห่, เน๊อ อา เมเซอ อาเพ เก่หม่าโต่เรอ อาโหมะ เต๊เห่, เน๊อ อา เมเซอ แกแย เต๊เห่,
เด๊อะ ซิเหน่แถ่ คยาแซ๊ ล๋อ เพรหยื่อเอ่ เออ เนอเต๊เห่ เน๊อ เตเออเต๊เห่ นี๋. เร๊อ แซ่ฮู๊ เหย่ซี เก่เคร๊เก่แขระ เกอ เร๊อ คยาลู เร๊อ โหง่เฮ๊เบ่ เออเต๊เห่ แต่เหม่เนอ นอรอ นอเร ส่าเผร่ เหย่ซี เด๊อ แบ่เจ่ อา เป๊เส่เง เนอ นี๋. เตเนอเต๊เห่ หม่า อา เมแร๊ เต หม่าโต่. โท๊โต่ อา เมปย๊าเมหลู่ แพ๊ แกแย เด๊อ อา แฮ หนิโฮ เหย่ซี เคร๊แขระ เกอเร๊อ คยาลู เน๊อ โหง่ เนอเต๊เห่ แพ๊.
แกแย เตเพรเพร เก่ เม อาเม โพ๊แปละแถ่ คยาอาเหน่ เน๊อ เต เด๊อ อา วี๊ ลู เนอเต๊เห่ เฮ๊เนอ, อา ทวาแถ่ ดีปอดีโด เต๊อเจ่อ เด๊อ อู นอเอ่ อา เบ๊อะอู โหล่ดุ โค๊ดื่อ อา เบ๊อะเนอ เฮ๊อ. อา แด่บูโพ๊ อาเหน่ อาขว่าอาคยาเร๊อ, อา ทวาบุ๊ยทวาเตอเรอ เด๊อ อา แบ่เจ่ อาเง. โทเรอ อา โอ่ ตี๊หรี่แตแร อาเหน่ เน๊อ อา เตเร เมแร๊ เต ล๋อ ปลี อาเง เฮ๊อ.
แซ่ฮู๊ ซี ปว๋า เตเพร เก่ พย๊าหนิ เกอ แลแค จอแปแหร่ อาบุ๊ยอาเตออเรอ เออเนอเร๊อ, รอเร๊อ แลแค ซีเหน่ นี๋. นอทวาแถ่ แต่ แลแค ซีเหน่ ฮู๊ ส่อเหมาะ เด๊อ อู เอ่ อา เร๊อ อา มือเซอแจ่ อู เนอเต๊เห่ เตเพร่ว แต่เหม่ นี๋. แกแย เด๊อ อาแซ่เน๊อ ส่อเหมาะ เด๊อ อา เม มือเซอแจ่ อู เออเต๊เห่เนอ, อา เก่ แด๊แถ่ เด๊อ ซีเกล เร๊อ อา เก่ เมแป่เมเช โหร่เอ๊ อู เน๊อ อา เตมือเซอ เออเนอ ปา.
เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.
โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.
ကြော်ငြာတွေ