เธสะโลนิกา เนอบ่า ต๊าบ่า 3:8 - ลีเทส่อพ๊าอาเซ เร๊อ เห่ขุทวาลู๊

⁸ อู ลอแก เป่น๊อ เร๊อ เป เหล่เอ่เหล่โอ อาเง โต่. หม่าแน๊เรอ, แซ่ฮู๊ อา เก่ ทวาแถ่ แต่ ดู๊ดี๊ดู๊แด เด๊อ ซีเง เตเพร่ว แต่เหม่ เนอ, เป แอ๊จื๊อเอ่ แอ๊จื๊อแร โกโน๋ โต่.

Eastern Kayah Shadaw Dialect

⁸ ꤢꤨ꤭ ꤜꤢꤪ꤭ꤊꤢꤧ꤭ ꤕ꤫ꤢꤩ꤬ꤔꤢꤪ ꤔꤢꤧ ꤕꤢꤩ꤬ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤢ꤬ꤑꤢꤩ꤭ ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒ꤫ꤢꤧ꤬ ꤒꤢꤩ꤬ꤠꤤꤒꤢꤩ꤬ꤛꤢꤧ ꤘꤣ ꤞꤤ꤭ꤑꤢꤩ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤕꤢꤩ꤬ ꤢꤧꤡꤢꤦꤢꤩ꤬ ꤢꤧꤡꤢꤦꤚꤢꤧ꤬ ꤊꤣꤧ꤬ꤔꤥ꤮ ꤒꤥ꤬꤯

เธสะโลนิกา เนอบ่า ต๊าบ่า 3:8 ပူးပေါင်းရင်းမြစ်များ

มัทธิว 6:11

เด๊อะเป่ เป เหล่เอ่เหล่โอ เด๊อ เป โหล่ อา เออเตอเนอ อาเง เนอเต๊เห่ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9

โป่แหว่ ซี, เป เอ่ แรครือ แหน่เจ๊อ เต เนอหม่า ซี เกล๊ โตม๊าหนิปา แพ๊. เบ๊อะเป แด๊โฉ่โด่แน เป่ ซี เร๊อ จอแปแหร่ อา เตซิครือมีลา เบ๊อะเนอ, แซ่ฮู๊ เป เก่ โบ่เอ่ เกอเร๊อ เป ฮ๊อกูเฉ่, โท๊โต่ แซ่ฮู๊ เป เก่ เมโซพ๊าโซแร แต่ ซี แต่เหม่ เนอเร๊อ, เป แรเต เหมาะคี๊คี๊ เหมาะเชเกล เจ๊อ.

เพรโด่แนพู๊ เต๊เห่ 18:3

เร๊อ คูเปาโล โอ่เกอ เร๊อ เหย่ซี เบ๊อะเนอ. เร๊อ อา เมโหร่เกอ เตเร๊อ เหย่ซี, เมเตเฮ๊เร๊อ คูเปาโลเนอ อา โบ่เอ่หนิ แพ๊ ซิปล่อเซอเพร เร๊อ อา เม เหล่สื่อหล่อป่า แซ่เน๊อ เม เร๊อ เว ซิเนอเออ เมเออเนอ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:11

แอ๊จื๊อ โอ่เซอเพร โครเคร เพรดือ แลแค เร๊อ อู เด๊อ เตปว๋า เต๊อเจ่อ อากู นี๋. เน เตหรี่เตแก หม่าโต่ เต๊เห่เนอ, จว๊าโน เมซู๊ซ๊า เกอ แต่ อู แต่เหม่ นี๋. ฮู๊ เป แด๊โฉ่ โทเฮ๊อ ซี เนอ, แม๊ปูเอ่แม๊ปูแร เร๊อ โบ่เอ่แล เกอเร๊อดื่อ แลแค ซีเหน่ นี๋.

เอเฟซัส 4:28

แกแย เด๊อ อา เซอเพร เอ่โห่ เตเพรเนอ, เอ่โห่ เป่แฮ ปา แต่เหม่ นี๋. แซ่ฮู๊ อา เก่ เด๊อะเอ่เด๊อะโอ เบ๊เป่เกอ แกแย โซพ๊าโซแรพู๊ เต๊เห่เนอ, อา เบ่ เอ่ครือแรครือ หนิเกอดื่อ เตแร เด๊อ อา จ๊อจื้อ เต๊เห่.

โครินธ์ อาเหร่อเล๊อ ต๊าบ่า 4:12

แซ่ฮู๊ เป เก่ เอ่เบ่โอน๊อ อาเงเนอ, เป เบ่ จ่าเพรอจ่าหร่อ เอ่แร ดื่อเง เต. เบ๊อะอู อิชอ เป เบ๊อะเนอ, เป เด๊อะบุ๊ยเด๊อะเตอเรอ กาคยาฉื่อ อู. เบ๊อะอู เมจาเมจือ เป เบ๊อะเนอ, เป แด่ทูซิปล่อ ฉื่อ แพ๊ อู แพ๊.

เธสะโลนิกา เนอบ่า ต๊าบ่า 3:12

เด๊อ แบ่เจ่ เหย่ซู่ครี๊ อากู, เป เฮ๊แก เปโหง่ เออเนอ เร๊อ แกแย เตเกลแลแบ๊ เออเต๊เห่ อาเง. แซ่ฮู๊ เหย่ซี เก่ โอ่เซอเพร ตาโตตาเบ่ เกออู, โท๊โต่ อา เก่เอ่เก่แร เกอ แลแค อู เร๊อ อา เก่ เด๊อะเอ่แลหนิ เร๊อเกอ แลแค ดื่อ อา ซิปล่อเซอเพร อาเงเนอ, เป เฮ๊ฉว่าเฮ๊ชอแก แหน่ เฮ๊อ เหย่ซี เฮ๊อ.

โครินธ์ เนอบ่า ต๊าบ่า 11:9

เบ๊อะแว โอ่เกอ เร๊อ ซี เบ๊อะเนอ, แว เก่ โหล่รือ เฮ๊เนอ, แว กุยน๊อ เน๊อ ซี เตเพร่ว โต่, เมเตเฮ๊เร๊อ ล๋อ เต เด๊อ แว โหล่ เต๊เห่เนอ, เป โป่แหว่ เด๊อ มาซิโดเนียเก่ เต๊เห่ แฮ เมจว่า ลอปลี แว แพ๊. เด๊อ อาเหร่อเค เนอหม่า แว กุยน๊อ เร๊อ ซี เตเมจว่า โตโพ๋ โต่, กู๊แหน่เออ ตาแฮเง เนอหม๋า แว เมกู่เมแก, เมโถ่เมย๊า น๊อ ซี โต่โต่.

เพรโด่แนพู๊ เต๊เห่ 20:34

ล๋อ เต เด๊อ แว เน๊อ แว โคแบ๊ซว๊า โหล่เบ่ เต๊เห่เนอ, แว เมจว่า หนิเร๊อ ดื่อ เน๊อ แวเหน่ เนอหม่า ซี ซิเง ลอดื่อเฮ๊อ.

โครินธ์ อาเหร่อเล๊อ ต๊าบ่า 9:4

แว เม เตเมเออ เร๊อ แว โตเบ่ พย๊าหนิ แหน่ อู เตโบ่เอ่โบ่โอ แว โต่ แอ?

โครินธ์ เนอบ่า ต๊าบ่า 11:27

แว เบ่ เอ่แร ซิพร๊า เร๊อ แว เบ่ จ่าเพรอจ่าหร่อ แร แลแด๊แลดา เจ๊อ แวเหน่. แว โอ่เมอหนิ โต่ เนอหม่า โตโมโม เจ๊อ. แว โต่เจ๊อ เด๊อ เตแลแด๊เอ่ แลแด๊โอ หม่า อา โอ่โอ่. เอ่ก๊อโอบา โต่ โตโมโม เจ๊อ. แว เห่อจา เหล่กือเหล่แซ๊ โอ่ เล๊อบาโต่ เร๊อ แว เบ่ ข่าเบ่ เก่โหร่เก่ชุ๊ย เจ๊อ.