เธสะโลนิกา เนอบ่า ต๊าบ่า 3:12 - ลีเทส่อพ๊าอาเซ เร๊อ เห่ขุทวาลู๊

¹² เด๊อ แบ่เจ่ เหย่ซู่ครี๊ อากู, เป เฮ๊แก เปโหง่ เออเนอ เร๊อ แกแย เตเกลแลแบ๊ เออเต๊เห่ อาเง. แซ่ฮู๊ เหย่ซี เก่ โอ่เซอเพร ตาโตตาเบ่ เกออู, โท๊โต่ อา เก่เอ่เก่แร เกอ แลแค อู เร๊อ อา เก่ เด๊อะเอ่แลหนิ เร๊อเกอ แลแค ดื่อ อา ซิปล่อเซอเพร อาเงเนอ, เป เฮ๊ฉว่าเฮ๊ชอแก แหน่ เฮ๊อ เหย่ซี เฮ๊อ.

Eastern Kayah Shadaw Dialect

¹² ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭, ꤕꤢꤩ꤬ ꤗ꤫ꤢ꤬ꤊꤢꤧ꤭ ꤕꤢꤩ꤬ꤍ꤫ꤥ꤬ ꤣꤧ꤭ꤔꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤊꤜꤢꤩ꤭ꤜꤢꤩ꤭ꤙꤢꤧ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤢ꤭ꤒꤥ꤭ꤒꤢ꤭ꤙꤢꤩ꤬ ꤊꤣꤧ꤭ꤢꤨ꤭, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ꤢꤩ꤬ꤊ꤫ꤢꤦ꤬ꤚꤢꤧ꤬ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤙꤥ꤬ꤢꤩ꤬ꤜꤢꤧ꤬ ꤚꤣꤧꤘꤢꤦ꤬ꤊꤣꤧ꤭ ꤜꤢ꤭ꤋꤢꤧ꤭ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤟꤢꤩꤏꤝꤢ꤬ꤟꤢꤩꤏꤢꤪ꤭ꤊꤢꤧ꤭ ꤔꤢꤧ꤭ ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯

เธสะโลนิกา เนอบ่า ต๊าบ่า 3:12 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:11

แอ๊จื๊อ โอ่เซอเพร โครเคร เพรดือ แลแค เร๊อ อู เด๊อ เตปว๋า เต๊อเจ่อ อากู นี๋. เน เตหรี่เตแก หม่าโต่ เต๊เห่เนอ, จว๊าโน เมซู๊ซ๊า เกอ แต่ อู แต่เหม่ นี๋. ฮู๊ เป แด๊โฉ่ โทเฮ๊อ ซี เนอ, แม๊ปูเอ่แม๊ปูแร เร๊อ โบ่เอ่แล เกอเร๊อดื่อ แลแค ซีเหน่ นี๋.

เอเฟซัส 4:28

แกแย เด๊อ อา เซอเพร เอ่โห่ เตเพรเนอ, เอ่โห่ เป่แฮ ปา แต่เหม่ นี๋. แซ่ฮู๊ อา เก่ เด๊อะเอ่เด๊อะโอ เบ๊เป่เกอ แกแย โซพ๊าโซแรพู๊ เต๊เห่เนอ, อา เบ่ เอ่ครือแรครือ หนิเกอดื่อ เตแร เด๊อ อา จ๊อจื้อ เต๊เห่.

เธสะโลนิกา เนอบ่า ต๊าบ่า 3:8

อู ลอแก เป่น๊อ เร๊อ เป เหล่เอ่เหล่โอ อาเง โต่. หม่าแน๊เรอ, แซ่ฮู๊ อา เก่ ทวาแถ่ แต่ ดู๊ดี๊ดู๊แด เด๊อ ซีเง เตเพร่ว แต่เหม่ เนอ, เป แอ๊จื๊อเอ่ แอ๊จื๊อแร โกโน๋ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

โป่แหว่ ซี, เด๊อ คยาเล๊อเนอ, ซี โตเบ่ โอ่เซอเพร โต เร๊อ จอแปแหร่ อาซิปล่อ ฮู๊เตเนอ, เป อิซว๊า โทเฮ๊อ ซี เฮ๊อ. เร๊อ กู๊แหน่เออ ซี โอ่เซอเพร เนอหม่า อา หม่าเฮ๊อ. กู๊แหน่เออ เป กุยซิยอ ซี เร๊อ เป ครอครวาเกอ ซีคยา เด๊อ แบ่เจ่ เหย่ซู่ อาเหล่โอ่ เนอ, ซี เก่ เม แฮเง เอ๊แถ่เอ๊แถ่ โป่ ฮู๊เนอ.

ꤜꤢꤨꤊꤢ꤬ 11:3

เด๊อะเป่ เป เหล่เอ่เหล่โอ เด๊อ เป โหล่เบ่อา เตอเนอ เร๊อ เตอเนอ อาเง เออเนอ เต๊เห่ นี๋.

ทิโมธี อาเหร่อเล๊อ ต๊าบ่า 2:2

จ๊อเบ แลแค ฮู๊เนอ เด๊อ คุ๊ย เต๊เห่ อาเง. เร๊อ คุ๊ยจ๊อแผ่ ล๋อ ปลี เต๊เห่ อาเง. แซ่ฮู๊ เป เก่ โอ่เซอเพร โอ่โส่โอ่เคร ตู๊จู่เตอเจ๊อ เด๊อ เตแด่หยื่อแด่แหน่ จอแปแหร่ เร๊อ โอ่เซอเพร ตาโตตาเบ่ เกอ เน๊อ อู เด๊อ เตปว๋า เต๊อเจ่อ อากู เนอเรอ, กุยจ๊อเบ แลแค ฮู๊เนอ นี๋.